Цаг үе
Жонбук мужийн Боловсролын газрын даргыг хахууль авсан хэргээр шалгаж эхэлжээ
БНСУ-ын Жонбук мужийн Цагдаагийн газрын Авлига, эдийн засгийн гэмт хэрэгтэй тэмцэх хэлтсээс тус мужийн Боловсролын газрын дарга Со Гео Сок-ийг хахууль авсан хэргээр эрүүгийн хэрэг үүсгэн шалгаж эхэлжээ.
Тэрээр 2022 оны дөрөвдүгээр сард уг албан тушаалд нэр дэвших үедээ хүүхдээ боловсролын хяналтын мэргэжилтнээр томилуулах нэгэн багшийн хүсэлтийн хариуд хахууль авсан гэж буруутгагдаж байгаа юм. Түүнийг нийт 12 сая воны (30,2 сая төгрөг) хахууль бэлнээр болон дансаар шилжүүлэн авсан болохыг цагдаа нар тогтоогоод байна.
Цагдаагийн байгууллагаас “Бид нотлох баримт цуглуулах болон мөрдөн байцаалтын ажиллагааг эхлүүлэх шатандаа явж байгаа тул хэргийн талаар тодорхой тайлбар өгөх боломжгүй” гэж мэдэгдэв. Тайланд дурдсанаар Боловсролын газрын дарга Сок-д хахууль өгсөн багшийн эцэг, эх “Яагаад амлалтаа биелүүлэхгүй байгаа юм бэ” гэж хэд хэдэн удаа хандаж байсан бөгөөд энэ тухай ярианы бичлэг цагдаагийн байгууллагад очсон гэж таамаглаж байна.
Энэ талаар Боловсролын газрын дарга Сок “Би хэзээ ч авлига авч байгаагүй”, “Энэ бол хорлон гүтгэх кампанит ажил” гэж мэдэгджээ. Мөн тэрээр мэдээлэгчийг олж тогтоох болон “Хилс хэрэгт буруутгасан мэдээлэгчийг шүүхэд өгнө” гэсэн юм.
Гэхдээ мөрдөн байцаалтын явцаас шалтгаалаад ойрын хугацаанд Боловсролын газрын дарга Сок-ийг дуудаж байцаалт авах эсвэл албадан мөрдөн байцаалтад хамруулах магадлалтай байна. Өмнө нь тэрээр Жонбук их сургуулийн ерөнхий захирлаар ажиллаж байхдаа хамт ажилладаг профессороо хүчирхийлсэн хэрэгт сэжиглэгдэж, шүүхээс 5 сая воны торгууль ногдуулж байжээ.
Дээд шүүх хэргийг хэлэлцэх суудлын хуваарилалт хийсэн бөгөөд шүүх хурлыг сунжруулахгүй явуулах төлөвтэй байна. Боловсролын газрын дарга Сок-ийн бүрэн эрхийн хугацаа дуусах дөхөж байгаатай холбогдсон дарамт шахалт нэмэгдсээр байна.
Эх сурвалж: https://www.jmbc.co.kr
Цаг үе
Жолоодох эрхгүй этгээд бага насны хүүхдийг мөргөж, амь насыг нь хохироожээ
Энэ оны зургаадугаар сарын 07-ны өдрийн 12 цагийн орчимд “Хашааны гадна хүүхэд автомашинд мөргүүлсэн байна” гэх дуудлага, мэдээлэл цагдаагийн байгууллагад бүртгэгдсэн.
Тодруулбал, Жолоодох эрхгүй иргэн М нь Toyota Prius-30 маркийн авто машиныг жолоодож, урагш хөдлөхдөө бага насны /1 нас/ хүүхдийг мөргөж гэмтээсэн байна. Тухайн хүүхэд нь эмнэлэгт хэвтэн эмчлүүлж байхдаа амь хохирсон хэргийг Өвөрхангай аймгийн Хархорин сумын цагдаагийн газраас үргэлжлүүлэн шалгаж байгаа аж.
Иймд иргэд та бүхэн жолоодох эрхгүй бол тээврийн хэрэгсэл жолоодохгүй байх, авто машин жолоодохоосоо өмнө эргэн тойрноо сайтар харж, бага насны хүүхэд байгаа эсэхийг шалгах, мөн эцэг эх, асран хамгаалагч нар тээврийн хэрэгслийн ойр орчимд хүүхдээ тоглуулахгүй байхыг цагдаагийн байгууллагаас зөвлөж байна.
Цаг үе
Шарга морьтын уулзвараас Гүнтийн даваа хүртэлх замыг хааж шинэчилнэ
Цаг үе
Албадан гаргах ажиллагаанд нь санаатай саад учруулсан Шведийн Хаант Улсын иргэнийг хуяглан хүргэлээ
Албадан гаргах ажиллагаанд саад учруулж, Монгол Улсын хууль тогтоомжийг удаа дараа зөрчсөн Шведийн Хаант Улсын иргэн Cambaza Celeste-г хуяглан хүргэж, харьяалах улсынх хууль, хяналтын байгууллагад хүлээлгэн өглөө.
Тус иргэн нь өөрийн харьяалах улсдаа гэмт хэрэгт хэрэгт холбогдож байсан ба Монгол Улсаас гарч явахаас удаа дараа зайлсхийж, төрийн албан хаагчдын тавьсан хууль ёсны шаардлагыг эсэргүүцэх, хэл амаар доромжлох, биед нь халдах, тээврийн хэрэгслээс зугтаах зэргээр үйл ажиллагаанд нь санаатай саад учруулж, өөрийн болон бусдын амь нас, эрүүл мэндэд эрсдэлтэй үйлдлийг удаа дараа гаргасан байна.
Иймд виз, оршин суух зөвшөөрлийн хугацаа хэтрүүлсэн зөрчилд Зөрчлийн тухай хуулийн дагуу торгох шийтгэл ногдуулж, Гадаадын иргэний эрх зүйн байдлын тухай хуулийн дагуу Монгол Улсад хоёр жилийн хугацаанд дахин оруулахгүй байх хугацаа тогтоон албадан гаргав гэж ГИХГ-аас мэдээллээ.
-
Улстөр нийгэм2024/08/28
Сонгуулийн хороод, улс төрийн намуудад арга зүйн сургалт зохион байгуулж байна
-
Цаг үе2023/10/12
Хүүхэд хамгааллын тухай хуулийн шинэчилсэн найруулгын тухай хуулийн төслийг өргө...
-
Улстөр нийгэм2021/10/06
Гал түймэр унтраах 21 автомашиныг аймаг, нийслэл, дүүргийн онцгой байдлын газарт...
-
Шударга мэдээ2020/12/02
Emart дэлгүүр эмх замбараагүй байдлаас сэргийлж байна