Шударга мэдээ
Жижиг, дунд бизнес эрхлэгчдэд зориулсан “Тогтвортой өсөлт 2025” хөтөлбөр амжилттай хэрэгжиж байна
Төрийн банк ногоон хөгжлийг түүчээлэх зорилтынхоо хүрээнд Инкубатор төвөөрөө дамжуулан жижиг, дунд бизнес эрхлэгчдэд зориулсан “Тогтвортой өсөлт 2025” төслийг хэрэгжүүлж байна.
Улаанбаатар хотын жижиг, дунд бизнес эрхлэгчдэд зориулан нэг жилийн хугацаанд хэрэгжүүлэх эл хөтөлбөр нь тус бүр дөрвөн долоо хоног үргэлжлэх дөрвөн бүлгээс бүрдэх бөгөөд нийт 18 лекц, таван бие даалт бүхий бойжуулах хөтөлбөр юм.
Хөтөлбөрт хамрагдсан бизнес эрхлэгчид бизнесийн стратеги төлөвлөлт, тогтвортой хөгжил ба ногоон маркетинг, санхүүгийн удирдлага ба процессын үр ашгийг нэмэгдүүлэх нь, хүний нөөцийн менежмент гэсэн үндсэн сэдвүүдийн хүрээнд цогц сургалт авахаас эхний шатанд “Санхүүгийн удирдлага”, “Байгаль орчинд ээлтэй бүтээгдэхүүн хөгжүүлэлт” сэдэвт сургалтуудыг амжилттай зохион байгууллаа.
“Тогтвортой өсөлт 2025” төсөлд хамрагдсан бизнес эрхлэгчид бизнесээ оновчтой удирдах нөү-хау, мэдлэг, ур чадварт суралцаж хөтөлбөрт хамрагдсан сертификаттай болохоос гадна Төрийн банкны Инкубатор төвийн харилцагч болж, өрхийн бизнесийн зээл, гарааны бизнесийн зээл гэх мэт хөнгөлөлттэй нөхцөл бүхий зээлүүдэд хамрагдах боломж бүрдэж байгааг хөтөлбөрт хамрагдсан бизнес эрхлэгчид онцолж байв.
Цаашид Төрийн банк жижиг, дунд бизнес эрхлэгчдийг бойжуулж чадавхжуулах ажлын хүрээнд тэдний бизнесийн үйл ажиллагаанд тогтмол дэмжлэг үзүүлж, төсөл шийдлүүдийг нь хэрэгжүүлэхэд онцгойлон анхаарч ажиллана гэж Инкубатор төвөөс мэдэгдэж байна.
Тогтвортой хөгжлийг дэмжигч Төрийн банк
Шударга мэдээ
Монгол Улсын гадаад худалдааны баланс эерэг гарлаа
2025 оны эхний 10 сарын дүнгээр гадаад худалдааны нийт бараа эргэлт 21596.3 сая ам.доллар болж 2024 оны мөн үеэс 1190.6 сая ам.доллар буюу 5.2 хувиар буурчээ. Экспортын дүн импортын дүнгээс 2864.9 сая ам.доллараар давж, гадаад худалдааны баланс эерэг гарлаа.
Эх сурвалж: Гаалийн ерөнхий газар
Шударга мэдээ
Багануур-Чойр чиглэлийн 188 км 220 кВ хоёр хэлхээт цахилгаан дамжуулах агаарын шугам, дэд станцыг өргөтгөх зээлийн хэлэлцээрийг батлав
Энэ хүрээнд “Эрчим хүч-3 төсөл” буюу Багануур-Чойр чиглэлийн 188 км 220 кВ хоёр хэлхээт цахилгаан дамжуулах агаарын шугам, дэд станцыг өргөтгөхөөр болсон юм.
Зээлийн хэлэлцээр хэрэгжсэнээр Багануур-Чойр чиглэлийн 110 кВ-ын цахилгаан дамжуулах агаарын шугамын дамжуулах чадварыг нэмэгдүүлж, эрчим хүчний чанар, найдвартай ажиллагаа, тогтвортой байдал хангагдах боломж бүрдэв.
Түүнчлэн Өмнөговь аймгийн Ханбогд суманд байрлах 250 МВт-ын салхин цахилгаан станц, Говьсүмбэр аймгийн Чойрт байрлах 50 МВт-ын нарны цахилгаан станц, Дундговь аймгийн Мандалговьд байрлах 30 МВт-ын нарны цахилгаан станц, Дорноговь аймгийн Эрдэнэ суманд шинээр хэрэгжүүлэх 30 МВт-ын нарны цахилгаан станцын сэргээгдэх эх үүсвэрүүдийн үйлдвэрлэсэн цахилгаан эрчим хүчийг төвийн эрчим хүчний системд бүрэн нийлүүлнэ гэж Улсын Их Хурлын Хэвлэл мэдээллийн газраас мэдээллээ.
Шударга мэдээ
Нүүрс худалдах, худалдан авах 581 гэрээг ил болгож, компанийн сайтад байршуулж байна
Засгийн газрын ээлжит хуралдаанаар “Эрдэнэс Тавантолгой” ХК-ийн 2010 оноос хойш байгуулагдсан нүүрс худалдах, худалдан авах гэрээнүүдийг холбогдох хууль тогтоомж, гэрээнд нийцүүлэн олон нийтэд ил тод болгох ажлыг шуурхай зохион байгуулахыг холбогдох албан тушаалтнуудад үүрэг болгов.
“Эрдэнэс Тавантолгой” ХК нь стратегийн ач холбогдол бүхий ордод үйл ажиллагаа явуулдаг, Монгол Улсын нийт иргэд хувьцааг нь эзэмшдэг төрийн өмчийн оролцоотой хувьцаат компани болохын хувьд үйл ажиллагаа, олборлолт, борлуулалтын талаарх мэдээллийг хууль тогтоомжийн дагуу олон нийтэд ил тод, нээлттэй мэдээлэх шаардлагатай. Засгийн газраас “Эрдэнэс Тавантолгой” ХК-д 2010 оноос хойш байгуулагдсан нүүрс худалдах, худалдан авах бүх гэрээг ил тод болгох үүрэг даалгавар өгсөн. Тус компани 2010-2025 оны хугацаанд нүүрс худалдах, худалдан авах нийт 586 гэрээ байгуулснаас 581 гэрээг ил тод нээлттэйгээр компанийн цахим хуудаст байршуулж байна. Урт хугацаатай, уурхайн ам нөхцөлтэй таван гэрээг байршуулаагүй байна. Эдгээр нь олон улсын гэрээний дагуу нууцлах зохицуулалттай, мөн талуудын байгуулсан гэрээгээр нэг талдаа урьдчилан мэдэгдэх, зөвшөөрөл авах шаардлагатай байх тул худалдан авагч гэрээний талд мэдэгдэн таван гэрээг тус бүрийг ил тод болгох чиглэлээр ажиллаж байна.
-
Цаг үе2021/10/01
Мэндчилгээ
-
Улстөр нийгэм2022/03/09
Нийтийн эдэлбэрийн зам талбайд худалдаа хийх 340 байршлыг гаргажээ
-
Цаг үе2019/05/29
ЖДҮ эрхлэгчдэд зориулан хөнгөлөлттэй зээл олгох төсөл сонгон шалгаруулах ажил ор...
-
Цаг үе2025/10/01
“Тархцын хяналт-2025” нэгдсэн арга хэмжээний хүрээнд 21 гэмт хэргийг илрүүлл...