Цаг үе
Шинээр данс нээлгэсэн 12 харилцагчийг 1.0-3.0 сая төгрөгөөр урамшууллаа
Төрийн банк энэ оны дөрөвдүгээр сарын 01-ний өдрөөс харилцах болон хугацаагүй хадгаламжийн данс шинээр нээлгэсэн харилцагчдынхаа дунд урамшуулалт аян зарлаж, урамшууллын эздийг зургаадугаар сарын 19, 20-ны өдрүүдэд банкны фэйсбүүк хуудсаар шууд дамжуулан тодрууллаа.
Дөрөв, тавдугаар сард харилцах болон хугацаагүй хадгаламжийн данс нээлгэсэн харилцагчдаас нийт 6 иргэн, 6 аж ахуйн нэгж тодруулсан бөгөөд шинээр данс нээлгэсэн иргэнийг 1,000,000 төгрөгөөр, аж ахуйн нэгжийг 3,000,000 төгрөгөөр тус тус урамшуулав.
Дөрөвдүгээр сарын урамшууллын эздээр:
- “17-гийн буудал” тооцооны төвөөр үйлчлүүлсэн харилцагч Д.Түвшинмөнх
- “Городок” тооцооны төвөөр үйлчлүүлсэн харилцагч О.Гантулга
- “Цайз” тооцооны төвөөр үйлчлүүлсэн харилцагч Т.Батчимэг нар тодорсон бол харилцагч аж ахуйн нэгжүүдээс:
- Жинст чачирт ХХК
- Сангийн гозгор ХХК
- Төмрийн завод ХК зэрэг компаниуд “Сансар”, “Зуун айл”, “Тээврийн товчоо” тооцооны төвүүдээр үйлчлүүлж шинэ данс нээлгэснээр урамшууллын эздээр тодорлоо.
Харин тавдугаар сарын урамшууллын эздээр:
- “Сүхбаатар Асгат” тооцооны төвөөр үйлчлүүлсэн харилцагч А.Мөнхсайхан
- “Завхан цагаан чулуут” тооцооны төвөөр үйлчлүүлсэн харилцагч Б.Баатар
- “Баян-Өлгий Баяннуур” тооцооны төвөөр үйлчлүүлсэн харилцагч С.Ертуган нар тодорсон бол харилцагч аж ахуйн нэгжүүдээс:
- Буйр нуурын экосистемийг хамгаалах аялал жуулчлал хөгжүүлэх төв ОНӨААТҮГ
- Хатагтай ХХК
- Багануур-Ус ААТҮГ зэрэг байгууллагууд “Дорнод”, “Дархан-Уул”, “Багануур” тооцооны төвүүдээр үйлчлүүлж шинэ данс нээлгэснээр урамшууллын эздээр тодорлоо.
Харилцах болон хугацаагүй хадгаламжийн данс шинээр нээлгэсэн харилцагчдын дунд зарласан энэхүү урамшуулалт аяны зургаадугаар сарын урамшууллын эздийг энэ сарын сүүлээр Төрийн банкны фэйсбүүк хуудсаар шууд дамжуулан тодруулна.
Мөн банкны зүгээс Гялсбанкны хэрэглэгчдийн дунд “Улирал бүр урамшуулалтай” аяныг зарлаад байгаа бөгөөд он дуустал үргэлжлүүлэх уг аяны хоёрдугаар улирлын урамшууллын эздийг энэ сарын 24-ний өдөр тодруулж, улирал бүрийн онцлогт тохирсон байгальд ээлтэй бараа, бүтээгдэхүүн, эрүүл мэндийн төвөөр үйлчлүүлэх эрх зэргээр 21 харилцагчийг урамшуулна. Харилцагч та сар бүр Гялсбанкаараа таван гүйлгээ хийснээр “Улирал бүр урамшуулалтай” аянд оролцох боломжтой.
Итгэл төгс – Ногоон ирээдүй
Цаг үе
Хиймэл оюун ухаанд суурилсан камераар иргэнд зөрчлийн мэдээлэл алдаатай ирсэн тохиолдолд алдааг засдаг боллоо
Зам тээврийн осол, зөрчлөөс урьдчилан сэргийлэх, замын хөдөлгөөнд оролцогчдын аюулгүй байдал, хууль, тогтоомжийн хэрэгжилтийг хангах зорилгоор Улаанбаатар хотын 176 уулзвар, гарцад нийт 2600 гаруй хиймэл оюун ухаанд суурилсан камерын хяналтын системийг ашиглалтад оруулсан. Ийнхүү өнгөрсөн зургаадугаар сарын 2-ноос эхлэн иргэд, жолооч нарт замын хөдөлгөөний ямар дүрмийг, хаана, хэрхэн зөрчсөн талаарх мэдээллийг нь зургаар баталгаажуулж, холбоос /линк/-оор илгээдэг болсон. Энэ удаа эдгээр сануулах мессеж, зөрчлүүдийн талаар иргэнд саналт хүсэлт байвал, түүнийг нь засаж өөрчлөх боломжтой болжээ.
Энэ талаар ЗХУТ-ийн Сургалт, судалгаа, олон нийттэй харилцах мэргэжилтэн Л.Баярцэцэг “Хиймэл оюун ухаанд суурилсан камерын хяналтын системийн туршилтын хугацаанд иргэдэд зөрчлийн талаар алдаатай сануулах мессеж ирж байгаа талаарх гомдол, санал нэлээд ирж байна. Эдгээр санал хүсэлтийг хүлээн авч иргэний мэдээллийг шалган залруулга мэдээллийг өгдөг. Гэхдээ энэ тал дээр системийн шинэ сайжруулалтыг ирэх долоо хоногт хэрэгжүүлж эхэлнэ. Ингэхдээ иргэдэд очиж буй мессежний холбоос /линк/ хэсэгт санал хүсэлтийн цонхийг шинээр үүсгэсэн. Санал хүсэлтийн цонх зургаан сонголттой. Жишээлбэл, тухайн иргэний өөрийнх нь автомашин биш тохиолдолд цонх хэсэгт байрлах сонголтуудаас идэвхжүүлэн бидэнд хариу мэдээлэл илгээх боломжтой. Тухайн мэдээллийг бид хянан зөв мэдээллийг засварладаг болсон” гэлээ.
Хиймэл оюууха анд суурилсан камерын хяналтын системийн тусламжтайгаар замын хөдөлгөөний дүрмийн дараах зөрчлийг илрүүлэх боломжтой. Тодруулбал,
Хурд хэмжих
Гэрэл дохионы зөрчил илрүүлэх
Чиглэлийн тээврийн эгнээний дүрэм зөрчсөн тохиолдлыг илрүүлэх
Автобусны буудал дээр зогссон зөрчлийг илрүүлэх
Эгнээ байр буруу эзэлсэн зөрчлийг илрүүлэх
Агшин зуурын хурд хэтрүүлэх /Энэ нь жолоочийн яг одоо ямар хурдтай явж байгаа талаарх мэдээллийг өгдөг/
Дундаж хурд хэтрүүлэх /Энэ нь тухайн аялал ямар хурдтай байсан талаарх том зураглал бүхий мэдээллийг өгдөг/
Зогсох шугам давах, үргэлжилсэн цагаан зураас давах, урсгал сөрсөн зөрчлийг илрүүлэх
Түр болон удаан хугацаагаар тээврийн хэрэгслийг байршуулсан зөрчлийг илрүүлэх
Явган хүний зам болон ногоон байгууламж дээр тээврийн хэрэгслийг удаан хугацаагаар байршуулсан зэрэг зөрчлийг илрүүлж байна.
Иргэд тээврийн хэрэгслийн стандартын бус номер, дугаар зүүж байгаатай холбоотойгоор хиймэл оюун ухаанд суурилсан камерын хяналтын систем буруу таних тохиолдол гарч байгаа тул иргэдийг стандартын номер зүүхийг албаныхан санууллаа. Мөн бүртгэлийн газартай хамтран мэдээллийг нарийн шалгаж хариу илгээдэг боллоо.
Цаг үе
А.БАЯР: Дрифт хийх сонирхолтой иргэдийн хүслийг хааж боож болохгүй
Нийслэлийн ИТХ-ын хурлын даргын А/190 захирамжаар хэт чанга дуу чимээ болон дуут дохиог хэрэглэж буй тээврийн хэрэгсэлд хяналт шалгалт хийх, цаашид авч хэрэгжүүлэх арга хэмжээний саналыг боловсруулах зорилго бүхий Ажлын хэсэг байгуулагдан ажиллаж байна.
Ажлын хэсгийг НИТХ-ын төлөөлөгч Г.Батсайхан ахалж байна. Тус Ажлын хэсэг НИТХ-ын төлөөлөгч Б.Хуягбаатар, О.Зундуйдорж, Нийслэлийн Газар зохион байгуулалтын албаны даргын албан үүргийг түр орлон гүйцэтгэгч Г.Мөнхбаатар, Тээврийн цагдаагийн албаны дэд дарга бөгөөд Замын цагдаагийн газрын дарга, цагдаагийн дэд хурандаа С.Галбадрах, ЗХУТ ОНӨТҮГ-ын захирал Ч.Хувьзаяа зэрэг 11 хүний бүрэлдэхүүнтэй.
Ажлын хэсгийн хурлаар НИТХ-ын дарга А.Баяр “Хотод дрифт хийж чанга дуу чимээ гаргаад байгаа байдлыг таслан зогсоохын тулд хотоос гадна буюу Налайх, Эмээлт, Төв аймагт дрифт хийх боломжит газруудыг судлах чиглэл өглөө. Тодруулбал, дрифт хийх сонирхолтой иргэдийн эрхийг хүндэтгэнэ. Хүслийг нь хааж боож болохгүй” гэдгийг анхаарч ажиллахыг үүрэг болголоо.
Эх сурвалж: НИТХ-ХМОНХА
Цаг үе
Согтууруулах ундаа хэрэглэсэн жолооч машинтайгаа урсгал сөрж, осол гаргажээ
Цагдаагийн байгууллагад наймдугаар сарын 13-ны өдрийн 06 цагийн үед Чингэлтэй дүүрэг, Бага тойруугийн замд зам тээврийн осол гарсан байна” гэх дуудлага мэдээлэл ирүүлжээ. Энэ дуудлага мэдээллийг шалгахад “Иргэн Ө нь согтууруулах ундааны зүйл хэрэглэсэн үедээ Toyoto sai автомашиныг жолоодож яваад урсгал сөрж Hyundai Aerocity маркийн автобустай мөргөлдсөний улмаас автобусанд зорчиж явсан 1 хүний амь хохирч, 5 хүн гэмтсэн” хэргийг Тээврийн цагдаагийн албаны Мөрдөн шалгах хэлтэст шалгаж байна.
Иймд Жолооч та Замын хөдөлгөөний дүрмээ баримталж хориглосон нөхцөлд урсгал сөрөх үйлдлийг хийхгүй байх мөн согтууруулах ундаа хэрэглэсэн үедээ тээврийн хэрэгсэл жолоодохгүй байх өөрийн болон бусдын аюулгүй байдлыг хангаж анхаарал болгоомжтой хөдөлгөөнд оролцохыг цагдаагийн байгууллагаас анхааруулж байна.
