Цаг үе
Япон, БНСУ-ын Үнэт цаасны арилжаа эрхлэгчдийн холбоодын удирдлагуудыг хүлээн авч уулзлаа
Санхүүгийн зохицуулах хорооны орон тооны гишүүн, дэд дарга Т.Цэрэнбадрал Японы үнэт цаасны арилжаа эрхлэгчдийн холбооны дарга Такаши Хибино, БНСУ-ын Үнэт цаасны арилжаа эрхлэгчдийн холбооны дарга ноён Со Юү Сок болон холбогдох албаны төлөөллийг хүлээн авч уулзлаа.
Энэ үеэр Монгол Улсын хөрөнгийн зах зээлийг таниулах, Япон, БНСУ-ын хөрөнгө оруулагчдын оролцоог нэмэгдүүлэх, дотоодын компаниудад хөрөнгө татах боломжийг бүрдүүлэх, цаашдын хамтын ажиллагааг улам бэхжүүлэх хүрээнд санал солилцлоо.
Санхүүгийн зохицуулах хорооны орон тооны гишүүн, дэд дарга Т.Цэрэнбадрал “Монгол Улсын хөрөнгийн зах зээлийн хөгжлийг шат ахиулах, бүс нутагтаа таниулах өндөр ач холбогдолтой үйл ажиллагааны нэг болсон Азийн үнэт цаасны холбоодын 30 дахь удаагийн форум Улаанбаатар хотноо амжилттай болж, бидний хамтын ажиллагааг улам бататгаж, бас нэгэн ахиц дэвшил авчрах гүүр болсонд баяртай байна. Сүүлийн жилүүдэд Ази, Номхон далайн бүс нутаг дэлхийн санхүүгийн салбарт идэвхтэй, хүчтэй тоглогч болж гарч ирсэн. Ялангуяа Япон, БНСУ зэрэг орны салбарын мэргэжлийн холбоод энэ чиглэлд илүү манлайлагчийн байр суурьтай байгааг онцоллоо. Мөн тэрбээр Японы Олон улсын хамтын ажиллагааны байгууллага (ЖАЙКА) болон Санхүүгийн зохицуулах хороо (СЗХ) хамтран “Монгол Улсын хөрөнгийн зах зээлийн чадавхыг бэхжүүлэх” төслийг хоёр үе шаттай хэрэгжүүлсний үр дүнд манай улсын хөрөнгийн зах зээлийн идэвхжилд тодорхой хэмжээний эерэг нөлөө үзүүлснийг тэмдэглэхийн зэрэгцээ уг хамтын ажиллагаанд талархал илэрхийлье гэсэн” юм.
Түүнчлэн Санхүүгийн зохицуулах хороо Монголын хөрөнгийн зах зээлийг олон улсын санхүүгийн төвүүдтэй холбох, хөрөнгө оруулалтын шинэ боломжуудыг нээх, хамтын ажиллагааг өргөжүүлэх зорилгоор “Mongolia’s Capital Market Connectivity” арга хэмжээг Хонгконг, Шанхай, Нью Йорк, Сингапур зэрэг хотуудад, өнгөрсөн онд БНСУ-д амжилттай зохион байгуулсан бөгөөд уг арга хэмжээнд хамтран ажилласан БНСУ-ын Үнэт цаасны арилжаа эрхлэгчдийн холбоонд талархснаа илэрхийлэв. Уг арга хэмжээг ирэх аравдугаар сард БНХАУ-ын нийслэл Бээжин хотноо зохион байгуулахаар ажиллаж байгаа бөгөөд 2026 онд Япон Улсад хийхээр төлөвлөсөн талаар танилцуулахад Японы үнэт цаасны арилжаа эрхлэгчдийн холбооны дарга Такаши Хибино уг арга хэмжээнд дэмжлэг үзүүлж, хамтран ажиллах болно гэлээ.
Цаг үе
Бичил тээврийн хэрэгслийн осол хоёрхон сарын дотор 1235-д хүрчээ
2026 оны зургаа болон долдугаар сарын байдлаар Гэмтэл согог судлалын үндэсний төвийн Яаралтай тусламжийн тасагт мопед, скүүтер, суррон, цахилгаан дугуй зэрэг бичил моторт тээврийн хэрэгслээс үүдэлтэй осол, гэмтлийн 1235 тохиолдол шинээр бүртгэгджээ. Энэ нь он гарснаас хойших эхний таван сарын нийт тохиолдлоос хоёр дахин их үзүүлэлттэй байна.
Тодруулбал, 2026 оны эхний таван сарын хугацаанд дээрх төрлийн тээврийн хэрэгслээс үүдэлтэй осол, гэмтлийн 754 тохиолдол бүртгэгдсэн бол зургаа, долдугаар сард 1235 тохиолдол бүртгэгджээ.
Зургаа, долдугаар сард бүртгэгдсэн тохиолдлуудаас 774 нь мопед, 136 нь скүүтер, 171 нь суррон болон цахилгаан дугуйтай холбоотой осол, гэмтэл байна. Мөн явган явж байхдаа эдгээр тээврийн хэрэгсэлд мөргүүлж гэмтсэн 154 тохиолдол бүртгэгджээ.
Нийт 1235 тохиолдлын 763 буюу 61.8 хувь нь эрэгтэй, 472 нь эмэгтэй байна.
Насны бүлгээр авч үзвэл 20-иос дээш насныхан 703 буюу 56.9 хувь, 15–19 насныхан 431 буюу 34.9 хувь, 0–14 насныхан 101 буюу 8.2 хувь эзэлжээ.
Харин оны эхний таван сард бүртгэгдсэн 754 тохиолдлын 463 буюу 61.4 хувь нь эрэгтэй, 291 буюу 38.6 хувь нь эмэгтэй байжээ. Тухайн хугацаанд 20-иос дээш насныхан 414 буюу 54.9 хувь, 15–19 насныхан 246 буюу 32.6 хувийг эзэлсэн байна.
Суррон, скүүтер, мопед зэрэг бичил тээврийн хэрэгслээс үүдэлтэй осол, гэмтлийн тоо сүүлийн жилүүдэд нэмэгдсэн байна. Тухайлбал,
- 2022 онд – 50
- 2023 онд – 305
- 2024 онд – 532
- 2025 онд – 2792 хүн гэмтэж, бэртжээ.
Мөн явган зорчигч эдгээр тээврийн хэрэгсэлд мөргүүлсэн тохиолдолд эмэгтэйчүүд, бусад төрлийн осол, гэмтлийн үед эрэгтэйчүүд гэмтэх нь түгээмэл байгааг Гэмтэл согог судлалын үндэсний төвийн мэдээлэл харуулж байна.
Цаг үе
Сүүлийн 10 жилд усны ослоор 232 хүүхэд амь насаа алджээ
Сүүлийн 10 жилийн хугацаанд усны ослын улмаас 232 бага насны хүүхэд амь насаа алдсан байна. Усанд эндсэн шалтгааны дийлэнх нь эцэг, эх, асран хамгаалагчийн хараа хяналт сул байснаас гол, нуурын эрэг дээр тоглож байхдаа хөл алдан усанд унасан зэргээс үүдэлтэй байна.
Иймд:
- Гол, нуурын эрэг дагуу аялж, амарч зугаалахдаа бага насны хүүхдийг нэг хором ч хараа хяналтгүй орхихгүй байх,
- Гол мөрөнд ашиглах зориулалтгүй хийлдэг гудас, дугуй, хөвөгч тоглоом зэрэг хэрэгслээр хүүхдээ тоглуулахгүй байх,
- Гол, нуурын эрэг дагуу бууж амрах, майхан барихдаа тухайн газрын усны урсгал, гүн, эргийн тогтоц зэрэг нөхцөл байдлыг урьдчилан судалж, эрсдэлээ тооцоолон аюулгүй байдлаа хангахыг зөвлөж байна
Цаг үе
"Хархорум 360°" хөгжмийн фестиваль Хүннүгийн үеэс хойших түүхээр "аялуулна"
"KHARKHORUM 360° visual art & music festival" төслийн талаар хэвлэлийн хурал 2026 оны наймдугаар сарын 10-ны өдөр боллоо.
Өдгөө дөрөв дэх удаагаа зохион байгуулагдаж буй тус фестиваль цаг хугацаа буюу TIME нэртэйгээр зохион байгуулагдаж байна. Өнгөрсөн хугацаанд тус төслийн хүрээнд хиртэлт буюу цаг хугацааны солбилцол, сүнс буюу дотоод ертөнц зэрэг агуулгын хүрээнд гурван бүлэг хийж, гурван жил завсарласан. Харин энэ жил үндэсний бахархалыг сэргээх, олон улсын түвшинд гарах зорилготойгоор ажиллаж буйг тодотгов.
"KHARKHORUM 360° visual art & music festival" төслийн багийнхан өнөөдөр хэвлэлийн хурал хийлээ. Өдгөө дөрөв дэх удаагаа зохион байгуулагдаж буй тус фестиваль цаг хугацаа буюу TIME нэртэйгээр зохион байгуулагдаж байна.
Өнгөрсөн хугацаанд тус төслийн хүрээнд хиртэлт буюу цаг хугацааны солбилцол, сүнс буюу дотоод ертөнц зэрэг агуулгын хүрээнд гурван бүлэг хийж, гурван жил завсарласан. Харин энэ жил үндэсний бахархалыг сэргээх, олон улсын түвшинд гарах зорилготойгоор ажиллаж буйг тодотгов.
Энэ жилийн онцлог нь Төв цэнгэлдэх хүрээлэнгийн төв тайзыг бүтэн тойрсон 12 метр өндөр, 300 метр урттай 360 градусын дэлгэц байрлуулах юм. Уран бүтээлч бүрт зориулан бүтээсэн дижитал контент тус дэлгэцээр тасралтгүй дүрслэгдэж, үзэгчид тоглолтыг зөвхөн сонсох бус, орчинд нь бүрэн автан мэдрэх боломжтой байна. Мөн дуугаралтын хувьд Cinematic Orchestral системийг ашигласнаар хөгжмийн орон зайн мэдрэмж, бүтээл бүрийн сэтгэл хөдлөлийг илүү бодитоор хүргэхээр төлөвлөжээ. Ингэснээр амьд хөгжмийн тоглолт, дижитал дүрслэл, орон зайн дуугаралт нэгэн зэрэг хослуулах юм.
Тус фестиваль наймдугаар сарын 22, 23-ны өдрүүдэд Төв цэнгэлдэх хүрээлэнд болно. Энэхүү тоглолт нь дэлхийн хамгийн сүүлийн үеийн цоо шинэ урлаг болох visual art буюу таван мэдрэхүйн урлагийн хөгжлийг гайхуулах хөгжмийн үдэшлэг юм. Энэ жил TIME буюу Хүннүгийн үеэс хойших таван томоохон үйл явдлыг дижитал урлагийн гайхамшгаар харуулж, үзэгч сонсогчдыг 2000 гаруй жилийн цаг хугацаагаар аялуулахаар төлөвлөжээ.
Мөн COP17 хурал Монгол Улсад зохион байгуулагдаж буйтай холбогдуулан "Нэг тасалбар -Нэг мод -Нэг өв" санаачилгыг эхлүүлсэн байна. Санаачилгын хүрээнд Хархорум төгөл бүтээх аж.
Фестивалийн хүрээнд нийт 12 өдрийн арга хэмжээ зохион байгуулахөөр төлөвлөсөн байна. Үүний нэг болох бүтээлч соёл, түүх, худалдаа наймааг агуулсан Bazaar төсөл маргааш буюу наймдугаар сарын 11-нд эхэлнэ. Уг арга хэмжээ Үндэсний цэцэрлэгт хүрээлэнгийн төв хаалганы дэргэд 10 өдрийн турш үргэлжилнэ. Өдөр бүр өөр агуулгатай байх аж.
-
Шударга мэдээ2021/05/14
Сэлэнгэ аймагт КОВИД-19-ийн эсрэг дархлаажуулалт зорилтот бүлгийн 94 хувьд хүрчэ...
-
Цаг үе2020/06/12
Орлогод нийцсэн орон сууц хөтөлбөр үр дүнтэй хэрэгжиж байна
-
Цаг үе2020/03/23
Улаанбаатарт өдөртөө 15 хэм дулаан
-
Цаг үе2019/08/01
Сэлэнгэ мөрөн, Ерөө, Хүдэр, Зэлтэр гол үерийн түвшинг 16-87 см давжээ