Цаг үе
Албани улс авлигын эсрэг хиймэл оюунаар бүтээсэн сайдтай болов
Албаны Ерөнхий сайд Эди Рама дэлхийд анх удаа хиймэл оюунаар бүтээсэн засгийн газрын сайдыг томилсноо мэдэгдэв. Хиймэл оюун ухаанаар бүтээсэн сайд нь улсын худалдан авалтыг хариуцах бөгөөд үүний үр дүнд авлигаас ангид байх болно гэж тэрээр онцоллоо.
Тавдугаар сарын сонгуулийн томоохон ялалтын дараа Социалист намын хурлын үеэр Албани улсын Ерөнхий сайд Эди Рама шинэ Засгийн газрын бүрэлдэхүүнийг зарлах үеэрээ шинэ “гишүүн”-ийг танилцуулсан бөгөөд түүнд “Диелла” (албани хэлээр “Нар” гэсэн утгатай) хэмээх нэр өгчээ.
“Диелла бол биечлэн оршин байдаггүй, харин хиймэл оюунаар виртуал хэлбэрээр бүтээгдсэн анхны Засгийн газрын гишүүн юм. Диеллад төрийн худалдан авалтын бүх шийдвэрийг хариуцуулсан. Ингэснээр худалдан авах ажиллагааг 100 хувь авлигаас ангижруулж, худалдан авах ажиллагааны журамд хамаарах нийтийн хөрөнгө бүрэн ил тод байх болно” гэж хэллээ.
Диеллаг өнгөрсөн нэгдүгээр сард албан ёсны e-Albania платформыг ашиглан иргэдэд баримт бичиг болон үйлчилгээ авахад туслах хиймэл оюунд суурилсан виртуал хэлбэрээр нэвтрүүлжээ. Тэрээр Албаны уламжлалт хувцастай эмэгтэй дүр төрхтэйгөөр бүтээгдсэн байна. Албан ёсны мэдээгээр өнөөг хүртэл тус системээр 36600 цахим баримт бичиг олгож, ойролцоогоор 1000 орчим үйлчилгээг үзүүлжээ.
Сонгуулиар дөрөв дэх удаагаа Ерөнхий сайдаар сонгогдсон Эди Рама ирэх өдрүүдэд шинэ Засгийн газраа хууль тогтоогчдод танилцуулах юм. Ялангуяа төрийн захиргаанд түгээмэл тархсан авлигыг бууруулах нь Албани улсын Европын Холбоонд элсэх гол шалгууруудын нэг билээ. Ерөнхий сайд Рама 2.8 сая хүн амтай Балканы энэ улсыг 2030 он гэхэд Европын улс төрийн холбоонд оруулах зорилт тавьж ажиллаж байна.
Эх сурвалж: https://www.france24.com/
Цаг үе
Улаанбаатарт өдөртөө 11 хэм дулаан
Малчид, тариаланчид, хадланчдын анхааралд: 3-нд нутгийн хойд хэсгээр бороо, уулаараа нойтон цас орж, эрс сэрүүсэж, ихэнх нутгаар салхи шуургатай байхыг анхааруулж байна.
2025 оны аравдугаар сарын 03-ны 08 цагаас 20 цаг хүртэл: Ихэнх нутгаар солигдмол үүлтэй. Баруун болон зүүн аймгуудын нутгийн хойд, төвийн аймгуудын нутгийн баруун хойд хэсгээр бороо, уулаараа нойтон цас орно. Бусад нутгаар хур тунадас орохгүй.
Нутгийн зүүн хэсгээр баруун өмнөөс баруун хойш эргэж, бусад хэсгээр баруун хойноос секундэд 7-12 метр, говь, талын нутгаар секундэд 14-16 метр хүрч ширүүснэ.
Ихэнх нутгаар сэрүүсэж Монгол-Алтай, Хангайн уулархаг нутаг, Завхан, Заг-Байдраг голын эх, Идэр голын хөндийгөөр 1-6 хэм, Дархадын хотгор, Хөвсгөлийн уулархаг нутаг, Тэс, Туул, Тэрэлж, Хэрлэн голын хөндийгөөр 6-11 хэм, Хангайн нурууны өвөр бэл, говийн бүс нутгийн хойд хэсгээр 14-19 хэм, говийн бүс нутгийн өмнөд хэсэг, Дарьгангын тал нутгаар 21-26 хэм, бусад нутгаар 10-15 хэм дулаан байна.
УЛААНБААТАР ХОТ ОРЧМООР: Багавтар үүлтэй. Бороо орохгүй. Салхи баруун хойноос секундэд 5-10 метр, зарим үед секундэд 13-15 метр хүрч ширүүснэ. Эрс сэрүүсэж 9-11 хэм дулаан байна.
БАГАНУУР ОРЧМООР: Үүл багасна. Бороо орохгүй. Салхи баруун хойноос секундэд 5-10 метр, зарим үед секундэд 13-15 метр хүрч ширүүснэ. Эрс сэрүүсэж 9-11 хэм дулаан байна.
ТЭРЭЛЖ ОРЧМООР: Үүл багасна. Бороо орохгүй. Салхи баруун өмнөөс хойш эргэж секундэд 5-10 метр, зарим үед секундэд 12-14 метр хүрч ширүүснэ. Эрс сэрүүсэж 7-9 хэм дулаан байна.
2025 оны аравдугаар сарын 04-нөөс 08-ныг хүртэлх
цаг агаарын урьдчилсан төлөв
Аравдугаар сарын 4-нд Монгол-Алтай, Хөвсгөл, Хэнтийн уулархаг нутгаар ялимгүй хур тунадас, 5-нд баруун аймгуудын нутгийн зарим газар, төв, зүүн аймгуудын нутгийн хойд хэсгээр, 6-нд баруун аймгуудын нутгийн зүүн хэсэг, төвийн аймгуудын ихэнх нутаг, зүүн аймгуудын нутгийн баруун хэсгээр, 7-нд төвийн аймгуудын нутгийн зүүн хэсэг, зүүн аймгуудын нутгийн хойд хэсгээр бороо, нойтон цас, цас орно. Салхи ихэнх нутгаар секундэд 7-12 метр, 5-нд Алтайн салбар уулсаар, 6-нд нутгийн зарим газраар, 7-нд говь, талын нутгаар түр зуур секундэд 16-18 метр хүрч ширүүснэ. Ихэнх нутгаар эрс сэрүүсэж Алтай, Хөвсгөлийн уулархаг нутаг, Завхан, Заг-Байдраг голын эх, Идэр, Тэс голын хөндийгөөр шөнөдөө 15-20 хэм хүйтэн, өдөртөө 4 хэмийн хүйтнээс 1 хэмийн дулаан, Хангай, Хэнтийн уулархаг нутаг, Хараа, Ерөө, Туул, Тэрэлж голын хөндийгөөр шөнөдөө 9-14 хэм хүйтэн, өдөртөө 0-5 хэм, говийн бүс нутгийн өмнөд хэсэг, Дорнод-Дарьгангын тал нутгаар шөнөдөө 1-6 хэм, өдөртөө 11-16 хэм дулаан, бусад нутгаар шөнөдөө 4-9 хэм хүйтэн, өдөртөө 4-9 хэм дулаан байна.
Цаг үе
“Тархцын хяналт-2025” нэгдсэн арга хэмжээний хүрээнд 21 гэмт хэргийг илрүүллээ
Цаг үе
Монгол Улсын хамгийн өндөр настан 107 настай
Монгол Улсын нийт хүн амын 9.0 хувийг ахмадууд эзэлж байгаагаас 40.2 хувь нь эрэгтэйчүүд бол 59.8 хувь нь эмэгтэйчүүд байна. Улсын хэмжээнд хамгийн өндөр настан 107 настай байна гэж Үндэсний Статистикийн Хорооноос мэдээллээ.
-
Цаг үе2023/05/19
ШӨХТГ: Электрон тамхины худалдаатай холбоотой зөвлөмж, шаардлага хүргүүлж байна
-
Шударга мэдээ2020/11/02
Энэ сард 10 удаагийн нислэг үйлдэнэ
-
Цаг үе2020/06/12
Орлогод нийцсэн орон сууц хөтөлбөр үр дүнтэй хэрэгжиж байна
-
Үзэл бодол2021/10/28
Б.Бямбадорж: Тоног төхөөрөмж нь байвал дүүргийн эмч нар бүх төрлийн нарийн шинжи...