Хөвсгөл аймгийн Хатгал тосгоноос зүүн хойд зүгт 17 км-т буюу Дээд модот булан гэдэг газарт цагаан хил хөдлөж мөс овоорсон, задарсан байдалтай байгаа аж. Энэ газар нь "Хөх сувд-2025" олон улсын наадам болж буй Хайчийн ам гэдэг газраас ердөө 15 км зайд байрладаг аж. "Хөх сувд-2025" наадам эхэлсэнтэй холбоотойгоор ойрын өдрүүдэд Ханх сум, Ренчинлхүмбэ сум, Тойлогт амралтын газар луу иргэдийн хөдөлгөөн эрс өссөн тул мөсөн замаар хөдөлгөөн үйлдэхгүй, аюулгүй байдлаа хангаж зорчихыг Хөвсгөл аймгийн Онцгой байдлын газраас анхаарууллаа.
Цаг үе
"Тогтвортой хөгжлийн зорилго" нээлттэй өдөрлөг зохион байгуулна

"Алсын хараа 2050" болон Тогтвортой хөгжлийн зорилгод хүрэхэд хүн бүрийн оролцоо чухал. Тогтвортой хөгжлийн зорилгуудын талаарх олон нийтийн мэдлэг, ойлголтыг дээшлүүлэх, хэрэгжилтийг эрчимжүүлэхэд иргэд, байгууллагуудын оролцоо, түншлэлийг дэмжихэд чиглэсэн “Тогтвортой хөгжлийн зорилгын нээлттэй өдөрлөг”-ийг ирэх есдүгээр сарын 10-ны өдөр Сүхбаатарын талбайд зохион байгуулах юм.
Тогтвортой хөгжлийн зорилгуудыг хэрэгжүүлэх, дэмжихэд чиглэсэн үйл ажиллагаа, төсөл, санаачилга, сайн туршлагаа танилцуулах боломжийг олгож буй энэхүү нээлттэй өдөрлөгт дараах байгууллагуудыг өргөнөөр оролцохыг урьж байна. Үүнд:
Төрийн байгууллагууд;
Иргэний нийгмийн байгууллагууд; иргэдийн сайн дурын хөдөлгөөн
Хувийн хэвшлийн байгууллагууд;
Шинжлэх ухаан, эрдэм шинжилгээний байгууллагууд;
Их, дээд болон ерөнхий боловсролын сургуулиуд;
Олон улсын байгууллагууд;
Хүүхэд, залуучуудын төлөөллийн байгууллагууд;
Хэвлэл мэдээллийн байгууллагууд
Дэлгэрэнгүй мэдээллийг дараах линкээс авна уу.
Монгол хэлээр: https://bit.ly/3vVKUBr
Англи хэлээр: https://bit.ly/3zL7wFT
Цаг үе
Хөвсгөл далай дээгүүр зорчихгүй байхыг анхааруулав
Цаг үе
Хэвийн боов нэр төрлөөс хамаарч нэг ширхэг нь 5300-12500 төгрөг байна
Энэ жилийн хувьд хэвийн боов үнийн хувьд 5100-6800 төгрөгийн үнэтэй байна. Томоохон зах, худалдааны төв, цагаан сарын үзэсгэлэн худалдаанд үндэсний үйлдвэрлэгчид өөрсдийн нэрийн лангуугаа гаргасан учир жижиглэнгээс бусад бүх худалдаанд хэвийн боов үйлдвэрийн үнээр гарчээ. Тухайлбал, "Талх чихэр" ХК-ийн хэвийн боовны үнэ 250-600 граммтай нэр төрлөөс хамаарч нэг ширхэг нь 5300-12500 төгрөг, гавжийн дугуй 15 мянган төгрөг, "Өгөөж чихэр боов" ХК-ийн хэвийн боов хоёр төрлөөр гарсан бөгөөд Хотол нь 10 ширхэгийн савлагаатай, угалз хэвийн боов нь ширхэг нь 5600 төгрөгийн үнэтэй худалдаанд гарчээ.
Харин "Бамбууш" ХХК-ийн хэвийн боов багцаар гарсан бөгөөд зүсэлттэй есөн ширхэг боов, гурван ширхэг тахилын боов, нэг ширхэг суурь еэвэнтэй 95 мянган төгрөг, 21 ширхэг хэвийн боовтой тавгийн идээний том багц нь 220 мянган төгрөгөөр, зүсэлтгүй хэвийн боов нь төрлөөс хамаарч 5000-7000 төгрөгийн үнэтэй, "Суман гүн трейд" ХХК-ийн хэвийн боов 5000-5500 төгрөгөөр худалдаанд гарчээ.
Энэ жилийн тухайд үйлдвэрүүдийн хэвийн боов гурил, бусад хэрэглэгдэхүүний зардал өссөнтэй холбоотой ширхэг бүр дээр 300-700 төгрөг нэмжээ.
Цаг үе
Кето хоол захиалаад залилуулжээ
Цагдаагийн Ерөнхий Газрын Урьдчилан сэргийлэх албаны мэргэжилтэн, цагдаагийн дэслэгч С.Мягмарсүрэн дараах сэрэмжлүүлэг мэдээллийг хүргэж байна.
Цахим орчинд "Кето буюу эрүүл мэндийн хоолыг зах зээлийн үнээс дөрөв дахин хямд үнээр зарж байна" гэх зарын дагуу энэ оны нэгдүгээр сарын 25-ны өдөр Сүхбаатар дүүргийн нэгдүгээр хорооны нэр бүхий иргэд мөнгөө урьдчилж өгч, залилуулсан тохиолдол бүртгэгджээ.
Сүхбаатар дүүрэгт л гэхэд энэ оны нэгдүгээр сарын байдлаар 100 гаруй иргэн энэ төрлийн залилангийн хохирогч болжээ.
Залилагчид цахим орчинд хуурамч хаяг нээн, бусад хоолны газруудын зургийг хуулбарлан ашиглаж хямд үнийг санал болгож иргэдээс төлбөрийг нь урьдчилан авч залилдаг аж. Иймд иргэд та бүхэн цахим худалдаа хийхдээ мэдээллийг нь сайтар нягталж, урьдчилгаа төлбөр шилжүүлэхгүй байхыг цагдаагийн байгууллагаас сэрэмжлүүлж байна.