Шударга мэдээ
МҮОНРТ “Интернэшнл Медиабэй” компанитай Санамж бичиг байгууллаа

Монголын үндэсний олон нийтийн радио, телевизийн Ерөнхий захирал А.Бүрэнбаатар 2022 оны 9 дүгээр сарын 1-ний өдөр “Интернэшнл Медиабэй” компанийн ерөнхий зөвлөх Иззат Ариповтай Харилцан ойлголцлын санамж бичиг байгууллаа.
Дээрх санамж бичгийн хүрээнд МҮОНТ, МҮОНР-ийн нэвтрүүлгийг “Интернэшнл Медиабэй” компанийн “Медиабэй” аппликейшнээр олон улсад цацаж, Монголын соёлын өв болсон уран бүтээлийг дэлхий дахинд сурталчлах, олон улсад эргэлтэд оруулах чиглэлээр хамтран ажиллах юм.
Энэ үеэр МҮОНРТ-ийн Ерөнхий захирал А.Бүрэнбаатар: “Өнөөдөр байгуулсан Харилцан ойлголцлын санамж бичгийн хүрээнд Монголын үндэсний олон нийтийн радио, телевиз олон улсын үзэгчдийн цар хүрээгээ нэмж байна. Дэлхийн маш олон орны радио, телевизүүд нэгдсэн “Медиабэй” аппликейшнийг олон улсад таван сая гаруй хүн татан авч ашигладаг юм байна. Энэ аппликейшнээр дамжуулан МҮОНТ-ийн уран бүтээл, шоу, олон ангит киног англи, орос, хятад зэрэг 5-6 орны хэлээр хадмал орчуулгатайгаар “Медиабэй” аппликейшнд байршуулж, олон улсын зах зээл дээр гаргах боломж бий болж байгаа.
Мөн “Медиабэй” аппликейшнд олон улсын 70 гаруй радио нэгдсэн байна. МҮОНР “Медиабэй” аппликейшнаар дамжуулан дэлхийн өнцөг булан бүрт суугаа монголчууддаа болон дэлхийн үзэгчдэд радио долгионоо хүргэх боломжтой болж байна” гэсэн юм.
“Интернэшнл Медиабэй” компанийн ерөнхий зөвлөх Иззат Арипов: “Монголын үндэсний олон нийтийн радио, телевизтэй байгуулж буй Харилцан ойлголцлын санамж бичгийг МҮОНР-ийн 88, МҮОНТ-ийн 55 жилийн ойгоор байгуулж байгаадаа байртай байна. Энэ санамж бичгийн хүрээнд МҮОНРТ-ийн мэдээ, нэвтрүүлэг, уран бүтээлийг “Медиабэй” аппликейшнээр дэлхий дахинд дамжуулах боломжийг нээж байна. МҮОНРТ “Медиабэй”-д нэгдсэнээр уран бүтээлүүдээ нэн түрүүнд дэлхий дахинд тархан суурьшсан монголчууддаа болон монгол хэлээр ярьдаг гадаадын иргэдэд хүргэх юм” гэлээ.
Шударга мэдээ
Гранд плазагийн уулзвараас 11 дүгээр сургуулийн уулзвар хүртэлх авто замыг хааж шинэчилнэ

Шударга мэдээ
Гол нэрийн зарим барааны үнэ өмнөх сараас 0.8 хувиар өсжээ
Улаанбаатар хотод 2025 оны тавдугаар сарын 19-ний байдлаар гол нэрийн зарим барааны үнэ өмнөх сараас 0.8 хувь, өмнөх 7 хоногоос 0.04 хувиар тус тус өссөн байна.
2025 оны тавдугаар сарын 19-ний байдлаар аймгийн төвүүдэд зарагдаж байгаа гол нэрийн зарим хүнсний барааны дундаж үнийг Үндэсний статистикийн хорооноос танилцуулж байна.
Шударга мэдээ
Шадивлан зуслангийн авто замыг хэсэгчлэн хааж, шинэчилнэ

-
Урлаг спорт2022/02/25
Монгол-Японы 50 жилийн ойд зориулан гэрэл зургийн үзэсгэлэн дэлгэлээ
-
Улстөр нийгэм2020/07/08
Монгол Улсын Засгийн газрын гишүүд УИХ-д тангараг өргөв
-
Цаг үе2024/10/16
Иргэдэд хууль, эрх зүйн зөвлөгөөг үнэ төлбөргүй өгөх өдөрлөг болно
-
Улстөр нийгэм2023/08/29
Боловсролын байгууллагуудад урьдчилан сэргийлэх хяналт, шалгалтыг зохион байгуул...