Үзэл бодол
Б.Мөнхцэцэг: Хот тохижилтын 400 гаруй ажилчин ажиллаж, халтиргаа гулгаанаас сэргийлэх арга хэмжээ авч байна
Өнгөрсөн ням гарагт Улаанбаатар хотод их хэмжээний цас орж, халтиргаа гулгаа үүсэх нөхцөл байдал бий болсон. Үүнтэй холбоотойгоор Хот тохижилтын газар хүндрэл үүсэхээс сэргийлж, давс, бодис цацан, шуурхай арга хэмжээ авч ажиллаж байна. Иргэдийн аюулгүй байдлыг хангах, нийтийн эзэмшлийн зам, талбайг цэвэрлэх чиглэлд хийж буй ажлын талаар Хот тохижилтын газар ОНӨААТҮГ-ын дарга Б.Мөнхцэцэгээс тодрууллаа.
-Улаанбаатар хотын нийтийн эзэмшлийн зам, талбайг цэвэрлэхэд танай байгууллагаас ямар ажлууд хийж байна вэ?
-Өнгөрсөн амралтын өдрүүдээр хот тохижилтын 400 гаруй алба хаагч, ажилчин 40 гаруй техник хэрэгсэлтэй 48 цагийн турш ажиллаж, төв магистрал замын цасыг цэвэрлэж, хүлээсэн үүргээ биелүүлж ажиллалаа. Улаанбаатар хотын хэмжээнд манай байгууллага 195 тонн бодис, 42 тонн давс зарцуулж, замын халтиргаа гулгаанаас сэргийлэх арга хэмжээг аваад байна.
-Зам цэвэрлэх бодис, давс цацах машин, техникийн хүрэлцээ хэр байна вэ?
-Зун хотын ногоон байгууламжийг усалдаг, өвөл тэвшийг нь солиод зам цэвэрлэгээний бодис цацдаг хоёрлосон үйлчилгээтэй 13 машин манайд байдаг. Үүний есийг нь бид энэ удаад ашигласан. Давс, бодис цацдаг машины тоог цаашид ч нэмэгдүүлэх талаар тодорхой арга хэмжээг авч, хэрэгжүүлэхээр ажиллаж байна. Давсны 385 тонн, бодисын 2077 тонн нөөц байсныг өнгөрсөн хугацаанд шаардлагатай хэмжээгээр ашигласан. Өнгөрсөн амралтын өдрүүдийнх шиг их хэмжээний цас орсон тохиолдолд есөн удаагийн нөөц бий. Дүүргүүдэд мөн давс, бодисын нөөц хангалттай байгаа.
БАЙГУУЛЛАГУУДЫГ ОЙР ОРЧМЫНХОО 50 МЕТР ХҮРТЭЛХ ТАЛБАЙН ЦАСЫГ ЦЭВЭРЛЭХИЙГ УРИАЛЖ БАЙНА
Явган хүний зам, талбайг хэрхэн цэвэрлэж байгааг Нийслэлийн Засаг даргын хэвлэлийн төлөөлөгч Н.Сугараас тодруулахад:
-Нийслэл болон дүүргүүдийн хот тохижилтын ажилчид сүүлийн 48 цаг тасралтгүй ажиллаж, зам талбай цэвэрлэж байна. Холбогдох газраас шаардлагатай арга хэмжээг авч, хүн хүчээ дайчлан ажиллаж байгаа ч бүх замыг цэвэрлэх, тэр дундаа явган хүний замд анхаарах боломж хомс, цаг хугацааны хувьд давчуу байгаа юм.
Хот тохижилт, цэвэрлэгээний талаар албан байгууллага, аж ахуйн нэгж, иргэдээс дагаж мөрдөх журамд зааснаар иргэн, аж ахуйн нэгж, байгууллага 50 метр хүртэлх эдэлбэр газраас гадна дүүргээс хариуцуулсан нийтийн эзэмшлийн зам талбай, ногоон байгууламж, явган хүний замын хог, цас, мөсийг тогтмол цэвэрлэж, халтиргаа гулгаа үүсгэхгүй, орчныг бохирдолгүй цэвэр байлгах үүрэгтэй. Тиймээс бид аж ахуйн нэгж, байгууллагуудад хандан, ойр орчмынхоо 50 метр хүртэлх талбайн цасыг цэвэрлэж, хүлээсэн үүргээ хариуцлагатайгаар биелүүлэхийг уриалж байна.
Нөгөө талаас байгууллага, аж ахуйн нэгжүүд журмын дагуу хүлээсэн үүргээ биелүүлээгүй тохиолдолд иргэд халтирч унасан, улмаар бэртэж гэмтсэн тохиолдолд хохирлоо тухайн байгууллагаас нэхэмжлэх хууль, эрх зүйн үндэслэл бий. 2022 онд Улаанбаатарыг “Иргэн төвтэй хот” болгон зарласан холбоотойгоор явган хүний зам шинэчлэх ажлыг эрчимтэй хийж байна. Энэ оны хувьд 40 мянган гаруй ам метр талбайн замыг шинэчлэхдээ хүн явахад халтирахгүй, стандартад нийцсэн хавтанг сонгосон хэмээв.
Үзэл бодол
Өвөлжилтийн бэлтгэл ажлыг эрчимжүүлэхийг үүрэг болголоо
Үзэл бодол
“Сахал” Ж.Бат-Эрдэнийн хэлсэн үг сэтгүүл зүйд биш шантаачдад чиглэжээ
Хэн дуртай нь хэвлэл мэдээллийн хэрэгслээр хүний нүд рүү хор цацна, ална тална гэдэг. Цахим сүлжээнд өнөөхийг нь сэвж, мөнгөний шантааж, попролыг өдөөдөг муу жишгийг одоо халах цаг болсон. Монгол хүн амны билгээрээ, ах захтай ард түмэн шүү.
Үзэл бодол
А.Амартүвшин: Сургууль, цэцэрлэгийн эрхлэгч, захирлыг томилж өгөөгүйн улмаас үйл ажиллагаагаа эхлүүлэх боломжгүй байна
Хан-Уул дүүргийн 20 дугаар хороонд 100 ортой цэцэрлэг ашиглалтад оруулж, нийслэл дүүргээс хатуу, зөөлөн эдлэлийн асуудлыг шийдвэрлэсэн. Дүүргийн төсвийн хөрөнгө оруулалтаар баригдсан тус цэцэрлэг нь 1088 м.кв бөгөөд 4 бүлгийн өрөө, чийрэгжүүлэх өрөө, дуу хөгжмийн өрөө, гал тогоо, хуурай нойтон хүнсний агуулах, ажилчдын хувцас солих өрөө, эд хогшлын агуулах болон бусад өрөө тасалгаануудаас бүрдсэн зохион байгуулалттай.
Гэвч өнөөдрийг хүртэл энэ цэцэрлэг үйл ажиллагаагаа эхлүүлээгүй байгаа талаар НЗД-ын орлогч А.Амартүвшин мэдээлэл өглөө.
Нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогч А.Амартүвшин “Нийслэл 9 дүгээр сарын нэгнээс өмнө сургууль, цэцэрлэгийн 20 барилгыг ашиглалтад оруулсан. Ашиглалтад орсон эдгээр сургууль, цэцэрлэгийн дөрөвт нь захирал, эрхлэгч томилогдоогүй учраас үйл ажиллагаагаа эхлүүлж чадаагүй байгаа. Тухайлбал, ХУД-ийн 20 дугаар хорооны 100 ортой цэцэрлэгт өчигдөр дугаар олгосон. Харин одоог хүртэл эрхлэгчийг нь салбар яамнаас томилж өгөөгүй байна. 100-120 хүүхэд авахын тулд Боловсролын яамнаас үл хамааран тохижилтын ажлаа хийгээд дууссан. 9 дүгээр сарын нэгнээс хойш нийслэл дахиад 4 сургууль, цэцэрлэгийн барилгыг улсын комисст өгсөн. Гэвч яг дээрхтэй адил шалтгаанаар үйл ажиллагаа нь эхлээгүй байна. Нийслэлээс энэ онд багтаан 16 цэцэрлэг, сургуулийг ашиглалтад оруулна. Гэтэл 9 дүгээр сар дуусах гэж байхад Боловсролын яам ашиглалтад орсон сургууль, цэцэрлэгийнхээ асуудлыг ч шийдээгүй байна. Цэцэрлэг, сургуулийн захирал, эрхлэгчийг томилохдоо Боловсролын яамнаас сонгон шалгаруулалт зарладаг. Ингээд сонгон шалгаруулах зөвлөлөөс гарсан зөвлөмжийг нийслэлийн Боловсролын газарт өгч, захирамж нь гардаг” гэлээ.
Мөн нийслэлийн хэмжээнд 171 сургууль үйл ажиллагаа явуулж байгаагаас 146 сургуулийн сандал, ширээг солих зайлшгүй шаардлага үүссэн. Боловсролын яам өөрийн чиг үүргийн дагуу энэ асуудлыг улсын төсөвт оруулаад ажиллах ёстой. Гэтэл өргөн барьсан төсөв дээр нь энэ 146 сургууль байтугай нэг сургуулийн орчин нөхцөлийг сайжруулах асуудал тусагдаагүй байгааг тэрбээр хэллээ.
-
Улстөр нийгэм2025/06/25
УИХ: Өнөөдөр хуралдах ажлын хэсгүүд
-
Цаг үе2024/08/12
Сэлбэ голын үерийн хамгаалалтын далангийн ажил 50 хувьтай үргэлжилж байна
-
Цаг үе2023/05/01
Ерөнхий сайд Л.Оюун-Эрдэнэ ӨЭМТ-ийн эмч нарын төлөөлөлтэй уулзалт хийж байна
-
Цаг үе2021/02/01
Коронавируст халдварын 21 дэх шатны эрсдэлийн үнэлгээг цахимаар хийлээ