Бидэнтэй нэгдэх

Шударга мэдээ

БОАЖ-ын сайд Б.Бат-Эрдэнэ Монголын уул уурхайн үндэсний ассоциацитай “өглөөний уулзалт” хийж байна

Огноо:

8 сар 24 өдөр.өмнө

,

Монгол Улсын Засгийн газрын “Шинэ сэргэлтийн бодлого”-ын хүрээнд Байгаль орчин, аялал жуулчлалын салбарынхантай хийж буй ээлжит “Өглөөний уулзалт”-аар Монголын уул уурхайн ассоциацитай уулзалт хийж, хамтын ажиллагааны санамж бичиг байгууллаа.
 
Уулзалтад Уул уурхайн чиглэлээр идэвхтэй үйл ажиллагаа явуулж буй 15 аж ахуйн нэгжийн төлөөлөл, БОАЖЯ-ны ТНБД С.Цогтгэрэл, ХБОБЗГ-ын дарга Б.Буяннэмэх, БНБЗГ-ын дарга Ц.Уранчимэг, Үнэлгээ аудитын хэлтсийн дарга Г.Энхмөнх болон холбогдох бусад газар, хэлтсийн мэргэжилтнүүд оролцож байна.
 
Санамж бичгийн хүрээнд дараах чиглэлд хамтран ажиллана.
 
-Талууд нь Эрдэс баялгийн салбарт төр, хувийн хэвшлийн хамтын ажиллагааг сайжруулах замаар хариуцлагатай уул уурхайг хөгжүүлэх, “Тэрбум мод” үндэсний хөдөлгөөнийг дэмжих, Байгаль орчны багц хууль, тогтоомжийн хэрэгжилтийг сайжруулах, хууль бус уул уурхайтай тэмцэх чиглэлээр хамтран ажиллах;
 
-Талууд нь эрдэс баялгийн салбарт бизнесийн үйл ажиллагаа явуулахад тулгамдаж буй байгаль орчны асуудлаар хамтарсан уулзалт, хэлэлцүүлгийг зохион байгуулах;
 
-Байгаль орчны салбарын хууль эрхзүйн орчныг сайжруулах, шинэчлэх, хуулийн төсөл боловсруулах, түүнд хувийн хэвшлийн санал тусгах;
 
-МУУҮА нь өөрийн гишүүн байгууллагуудаас гарсан санал санаачилга, аливаа асуумжийг нэгтгэн БОАЖЯ-д уламжлах, шийдвэрлэхэд хамтран ажиллах;
 
-Эрдэс баялгийн салбарын Хөрөнгө оруулагчдын хууль ёсны эрх ашгийг хамгаалах чиглэлээр уулзалт, арга хэмжээг зохион байгуулах
 
-Орон нутгийн иргэд, Иргэний нийгмийн байгууллага гэх мэт нийгмийн тал бүрийн оролцогчдод уул уурхайн салбар ба байгаль орчны нөлөөлөл, байгаль орчны салбарын хууль тогтоомж болон бодит үр нөлөөг таниулахад чиглэсэн олон талт арга хэмжээнүүдийг зохион байгуулах,
 
-Талууд өөрсдийн үйл ажиллагаатай холбоотой мэдээллийг харилцан солилцох замаар нөгөө талынхаа үйл ажиллагаанд тус дэм болох;
 
-Салбар дундын төсөл, хөтөлбөрт талууд бие биеэ дэмжин оролцож, хамтран ажиллах юм гэж Байгаль орчин, аялал жуулчлалын яамнаас мэдээллээ.
Уншсан:736
Дэлгэрэнгүй унших

Сэтгэгдэл

Шударга мэдээ

Хүүхдээ асрах чөлөөтэй байх хугацааг тасралтгүй ажилласан жилд хамруулан тооцохоор боллоо

Огноо:

2 өдрийн өмнө

,

Засгийн газрын 2024 оны тавдугаар сарын 01-ний өдрийн хуралдаанаар “Төрийн болон орон нутгийн өмчийн цэцэрлэг, ерөнхий боловсролын сургууль, мэргэжлийн боловсролын сургууль, политехник коллежийн багш, ажилтанд мөнгөн тэтгэмж олгох” журамд өөрчлөлт орууллаа. 

Өмнөх журмын хүүхдээ асрах чөлөөтэй байх хугацааг багш, ажилтны тасралтгүй ажилласан жилд хамруулан тооцохгүй гэсэн заалт нь бусад ижил төрлийн нийгмийн салбарт олгогдож буй тэтгэмжийн шалгууртай нийцэхгүй, эрх зүйн ялгавартай байдал үүсгэсэн, хүүхдээ асрах чөлөө авсан албан хаагчийн эрх ашиг зөрчигдөж байна гэх гомдол удаа дараа гарч байсан.  

Тиймээс 104 дүгээр тогтоолын хавсралтаар батлагдсан журмын 2.3.7 дахь заалтыг “жирэмсний болон амаржсаны амралттай байсан хугацаа, хүүхдээ асрах чөлөөтэй байсан эхний нэг жил /12 сар/ хүртэлх хугацаа” гэж өөрчлөн найруулахаар тогтов. 

Салбарын хэмжээнд нийт 92,000 орчим албан хаагч ажиллаж байгаагаас нэг жилд дунджаар 1,300 орчим албан хаагч хүүхдээ асрах чөлөө авч байна. Журам өөрчлөгдсөнөөр Боловсрол, шинжлэх ухааны сайдын багцын 2024 оны төсөвт нөлөө үзүүлэхгүй бөгөөд бусад нийгмийн салбарт ажиллагсадтай ижил, тэгш боломжийг бүрдүүллээ гэж БШУЯ-наас мэдээллээ. 

Дэлгэрэнгүй унших

Шударга мэдээ

Мягмар, Пүрэв, Бямба, Ням гарагт нөөцийн махны өргөтгөсөн худалдааг зохион байгуулна

Огноо:

4 өдрийн өмнө

,

Энэ долоо хоногийн Мягмар, Пүрэв, Бямба, Ням гарагт 9 дүүргийн 35 байршилд нөөцийн махны өргөтгөсөн худалдааг зохион байгуулна.

2024 оны гуравугаар сарын 11-ний өдрөөс 9 дүүргийн 375 хүнсний дэлгүүрээр нөөцийн махныг худалдаалж байсан бол нэмэлтээр 7 хоног бүр хуваарийн дагуу өргөтгөсөн худалдааг зохион байгуулж байна гэж Улаанбаатар хотын Захирагчийн ажлын албанаас мэдээллээ. 

Дэлгэрэнгүй унших

Шударга мэдээ

Ботаникийн эцсээс Улиастайн гүүр хүртэлх авто замыг хааж, хэсэгчлэн засварлана

Огноо:

5 өдрийн өмнө

,

Баянзүрх дүүргийн 10 дугаар хороо, Амгалангийн авто замын хэсэгчилсэн засвар, шинэчлэлтийн ажлын нэгдүгээр хэсэг /Ботаникийн эцсээс Төмөр Замын гарам/ хүртэлх авто замыг дөрөвдүгээр сарын 29-ний өдрийн 22:00 цагаас тавдугаар сарын 2-ны өдрийн 06:00 цагийн хооронд хааж, авто замын хэсэгчилсэн засвар, шинэчлэлтийн ажлыг хийж гүйцэтгэнэ.

Тус нэгдүгээр хэсгийн авто замын асфальтбетон хучилт, тэмдэг тэмдэглэгээний ажлыг бүрэн хийж дууссаны дараа хоёрдугаар хэсгийн ажлыг үргэлжлүүлэн хийж эхлэх юм.

Хоёрдугаар хэсэгт /Төмөр замын гармаас Улиастайн гүүр/ хүртэлх авто замыг тавдугаар сарын 2-ны өдрийн 06:00 цагаас тавдугаар сарын 5-ны өдрийн 06:00 цагийн хооронд хааж, хэсэгчилсэн засвар, шинэчлэлтийн ажлыг хийхээр төлөвлөөд байна.

Тус ажлын хүрээнд тэгш байдал алдагдсан, суулт үүссэн авто замын хашлагыг асфальтбетон хучилтын түвшинд тааруулан засварлах, инженерийн шугам сүлжээний худгийн тагийг асфальтбетон хучилтын түвшинд тааруулах, авто замын зорчих хэсгийг хүчитгэх асфальтбетон хучилтын ажил хийнэ.

Иймд иргэд, жолооч та бүхэн бусад замыг сонгон хөдөлгөөнд оролцоно уу.

Дэлгэрэнгүй унших

Санал болгох