Цаг үе
Төрийн банк: 2023 оны шилдэг санхүүгийн боловсрол олгогч банкаар шалгарлаа
Банкны салбарын хэмжээнд жил бүр уламжлал болгон хэрэгжүүлдэг “Дэлхийн хуримтлалын өдөр” 2023 онд 11 дахь жилдээ амжилттай зохион байгуулагдаж өндөрлөсөн. Ийнхүү зохион байгуулагчдын зүгээс аянд идэвхтэй оролцсон банк, санхүүгийн байгууллагууд болон бусад холбогдох байгууллагуудыг хүлээн авч шагнаж урамшуулан, талархлаа илэрхийллээ.
2023 оны хувь банк санхүүгийн салбараас Санхүүгийн боловсрол олгогч Тэргүүн банкаар Төрийн банк шалгарч шагналаа гардан авлаа.
Монгол Улсын хэмжээнд 2012 оноос хойш тэмдэглэж буй “Дэлхийн хуримтлалын өдөр” аянд Төрийн банк Монгол орны өнцөг буланд байрлах орон нутаг дахь салбар, нэгжүүдээрээ дамжуулан хуримтлалын ач холбогдлыг таниулах, хуримтлалтай иргэдийн тоог нэмэгдүүлэх, хадгаламжийн бүтээгдэхүүн үйлчилгээг танилцуулах, үндэсний хуримтлалын бэлгэ тэмдэг болох “тэмээ”-г сурталчилж, олон нийтийн санхүүгийн боловсролыг дээшлүүлэхэд чиглэсэн үйл ажиллагаануудыг зохион байгуулан ажилласан байна.
Монголын банкны холбооноос “Санхүүгийн боловсрол олгогч Тэргүүн байрын банкаар”-аар тодруулан өргөмжилсөнд бид бүхэн маш их баяртай байна. Санхүүгийн бүтээгдэхүүн үйлчилгээг хэрэглэх мэдлэг, ур чадвар нэмэгдсэнээр хувь хүний санхүүгийн сахилга бат сайжирч, аливаа эрсдэлээс сэргийлэх, эрсдэл тохиолдлоо гэхэд даван туулах чадварыг бид санхүүгийн боловсрол олгох сургалтаараа олгож хуримтлалыг зуршил болгон дадаж хэвшүүлэхийг эрмэлзэн ажилладаг. 2023 оны 12 сарын байдлаар Монгол улсын 20 аймаг, 9 дүүрэгт Төрийн банкны 301 сургагч багш болон 44 зөвлөх багшаараа дамжуулан ЕБСургууль, МСҮТ болон Их дээд сургуулийн нийт 132,000 гаруй сурагчид, 18,500 орчим бизнес эрхлэгчдэд биетээр болон онлайнаар нийт 2 сая 600 орчим иргэдэд санхүүгийн боловсролыг олгосон байна. Иргэд хуримтлалтай болж, санхүүгийн сахилга бат сайжирснаар улс орны эдийн засагт ч сайнаар нөлөөлдөг, өндөр ач холбогдолтой юм. Ирээдүйн шинэ үеийн иргэнийг бэлтгэхэд чамлахааргүй хөрөнгө оруулалт болно гэдэгт итгэлтэй байгаа талаараа Төрийн банкны Бизнесийн бодлого, төлөвлөлтийн газрын захирал Б.Одбаясал онцлон дурдсан байна.
Дундаж давхаргыг дэмжигч Төрийн банк
Цаг үе
Хайрхан суманд хөвүүр гүүр байрлуулахаар ажиллаж байна
Архангай аймгийн Хайрхан сумын төвд байрлах Хүнүй голын модон гүүр шар усны үерийн улмаас нурж, орон нутгийн иргэд, мал сүрэг, техник хэрэгсэл нэвтрэх боломжгүй болжээ.
Зэвсэгт хүчний 234 дүгээр ангийн захирагч хурандаа Г.Эрдэнэбаяраар ахлуулсан усчин дайчид ЗХЖШ-ын даргын тушаалаар Архангай аймгийн Хайрхан суманд ажиллаж байна.
Томилгоот бүлэг өнөө өглөөнөөс Хүнүй голын хүн ихээр зорчиж, нэвтэрдэг хэсэгт хөвүүр гүүрийг байрлуулахаар ажиллаж эхэллээ.
Хөвүүр гүүрийг төхөөрөмжилж байрлуулснаар хүн, техник саадгүй нэвтрэх боломж бүрдэнэ гэж Зэвсэгт хүчний Жанжин штабаас мэдээллээ.
Цаг үе
Шар өвс шатаасан 2 иргэнд хариуцлага тооцов
Цаг үе
Импортын цементийн Гаалийн албан татварын хувь, хэмжээг 5 хувь болгон буурууллаа
Засгийн газрын 2024 оны тавдугаар сарын 01-ний өдрийн ээлжит хуралдаанаар Импортын зарим барааны Гаалийн албан татварын хувь, хэмжээг тогтоох тухай Засгийн газрын 2015 оны 332 дугаар тогтоолд өөрчлөлт оруулав.
Цементийн үйлдвэрүүд түүхий эдийн болон түлшний нөөцөө хангалтгүй бүрдүүлсэн тул энэ оны бүтээн байгуулалтын ажилд шаардагдах цементийн хомсдол үүсэх нөхцөл бий болоод байна.
Иймд Засгийн газрын тогтоолд өөрчлөлт оруулж импортын цементийн гаалийн албан татварын хувь, хэмжээг 20 хувиас таван хувь болгон буурууллаа.
-
Үзэл бодол2022/02/24
МҮОНРТ-ийн хураамжид 2005 оноос хойш өөрчлөлт ороогүй
-
Улстөр нийгэм2020/08/26
Нийгмийн халамжийн үйлчилгээг өнөөдрөөс цахимаар үзүүлж эхэлнэ
-
Цаг үе2020/08/27
“Насны хишиг”-ийн тэтгэмжийг дансандаа авах боломжтой
-
Улстөр нийгэм2020/10/06
Ерөнхий сайд У.Хүрэлсүх Барилгын политехник коллеж болон ХНХЯ-нд ажиллалаа
Сэтгэгдэл