Шударга мэдээ
Нийслэлийн аварга фермерүүд шалгарлаа
Хөдөө аж ахуйн салбарт олон жил үр бүтээлтэй ажилласан мал аж ахуйн үйлдвэрлэл эрхлэгчдийн нийгэм, эдийн засагт оруулж буй хувь нэмрийг үнэлж, жил бүр уламжлан болгон шагнаж урамшуулдаг.
Энэ хүрээнд нийслэлд сүү, махны чиглэлээр ферм эрхэлж буй
Багануур дүүргийн 4 дүгээр хорооны иргэн Цэвэлмаагийн Доржцэдэнгийн гэр бүл
Налайх дүүргийн 3 дугаар хорооны иргэн Сарваасын Муратбекийн гэр бүл
Сонгинохайрхан дүүргийн 21 дүгээр хорооны иргэн Рагчаагийн Мөнхжаргалын гэр бүл
Сонгинохайрхан дүүргийн 21 дүгээр хорооны иргэн Бадамын Ням-Очирын гэр бүл
Сонгинохайрхан дүүргийн 21 дүгээр хорооны иргэн Баатарын Батсүхийн гэр бүл
Сонгинохайрхан дүүргийн 21 дүгээр хорооны иргэн Сүхбаатарын Баттогоогийн гэр бүл
Сонгинохайрхан дүүргийн 21 дүгээр хорооны иргэн Тавхайн Баяраагийн гэр бүл
Сонгинохайрхан дүүргийн 32 дугаар хорооны иргэн Чойдоржийн Мандахнарангийн гэр бүл
Хан-Уул дүүргийн 12 дугаар хорооны иргэн Сонгуулийн Эрхэмжаргалын гэр бүл
Хан-Уул дүүргийн 12 дугаар хорооны иргэн Загдхорлоогийн Зоригтын гэр бүлд өнөөдөр “Нийслэлийн аварга фермер” шагнал гардууллаа.
Нийслэлийн мал аж ахуй эрхлэхийг зөвшөөрсөн бүсэд нийт 360 гаруй иргэн, аж ахуйн нэгж 420 орчим тоо толгой малтайгаар фермерийн үйл ажиллагаа эрхэлж байна.
Шударга мэдээ
Хүүхдээ асрах чөлөөтэй байх хугацааг тасралтгүй ажилласан жилд хамруулан тооцохоор боллоо
Засгийн газрын 2024 оны тавдугаар сарын 01-ний өдрийн хуралдаанаар “Төрийн болон орон нутгийн өмчийн цэцэрлэг, ерөнхий боловсролын сургууль, мэргэжлийн боловсролын сургууль, политехник коллежийн багш, ажилтанд мөнгөн тэтгэмж олгох” журамд өөрчлөлт орууллаа.
Өмнөх журмын хүүхдээ асрах чөлөөтэй байх хугацааг багш, ажилтны тасралтгүй ажилласан жилд хамруулан тооцохгүй гэсэн заалт нь бусад ижил төрлийн нийгмийн салбарт олгогдож буй тэтгэмжийн шалгууртай нийцэхгүй, эрх зүйн ялгавартай байдал үүсгэсэн, хүүхдээ асрах чөлөө авсан албан хаагчийн эрх ашиг зөрчигдөж байна гэх гомдол удаа дараа гарч байсан.
Тиймээс 104 дүгээр тогтоолын хавсралтаар батлагдсан журмын 2.3.7 дахь заалтыг “жирэмсний болон амаржсаны амралттай байсан хугацаа, хүүхдээ асрах чөлөөтэй байсан эхний нэг жил /12 сар/ хүртэлх хугацаа” гэж өөрчлөн найруулахаар тогтов.
Салбарын хэмжээнд нийт 92,000 орчим албан хаагч ажиллаж байгаагаас нэг жилд дунджаар 1,300 орчим албан хаагч хүүхдээ асрах чөлөө авч байна. Журам өөрчлөгдсөнөөр Боловсрол, шинжлэх ухааны сайдын багцын 2024 оны төсөвт нөлөө үзүүлэхгүй бөгөөд бусад нийгмийн салбарт ажиллагсадтай ижил, тэгш боломжийг бүрдүүллээ гэж БШУЯ-наас мэдээллээ.
Шударга мэдээ
Мягмар, Пүрэв, Бямба, Ням гарагт нөөцийн махны өргөтгөсөн худалдааг зохион байгуулна
Энэ долоо хоногийн Мягмар, Пүрэв, Бямба, Ням гарагт 9 дүүргийн 35 байршилд нөөцийн махны өргөтгөсөн худалдааг зохион байгуулна.
2024 оны гуравугаар сарын 11-ний өдрөөс 9 дүүргийн 375 хүнсний дэлгүүрээр нөөцийн махныг худалдаалж байсан бол нэмэлтээр 7 хоног бүр хуваарийн дагуу өргөтгөсөн худалдааг зохион байгуулж байна гэж Улаанбаатар хотын Захирагчийн ажлын албанаас мэдээллээ.
Шударга мэдээ
Ботаникийн эцсээс Улиастайн гүүр хүртэлх авто замыг хааж, хэсэгчлэн засварлана
Баянзүрх дүүргийн 10 дугаар хороо, Амгалангийн авто замын хэсэгчилсэн засвар, шинэчлэлтийн ажлын нэгдүгээр хэсэг /Ботаникийн эцсээс Төмөр Замын гарам/ хүртэлх авто замыг дөрөвдүгээр сарын 29-ний өдрийн 22:00 цагаас тавдугаар сарын 2-ны өдрийн 06:00 цагийн хооронд хааж, авто замын хэсэгчилсэн засвар, шинэчлэлтийн ажлыг хийж гүйцэтгэнэ.
Тус нэгдүгээр хэсгийн авто замын асфальтбетон хучилт, тэмдэг тэмдэглэгээний ажлыг бүрэн хийж дууссаны дараа хоёрдугаар хэсгийн ажлыг үргэлжлүүлэн хийж эхлэх юм.
Хоёрдугаар хэсэгт /Төмөр замын гармаас Улиастайн гүүр/ хүртэлх авто замыг тавдугаар сарын 2-ны өдрийн 06:00 цагаас тавдугаар сарын 5-ны өдрийн 06:00 цагийн хооронд хааж, хэсэгчилсэн засвар, шинэчлэлтийн ажлыг хийхээр төлөвлөөд байна.
Тус ажлын хүрээнд тэгш байдал алдагдсан, суулт үүссэн авто замын хашлагыг асфальтбетон хучилтын түвшинд тааруулан засварлах, инженерийн шугам сүлжээний худгийн тагийг асфальтбетон хучилтын түвшинд тааруулах, авто замын зорчих хэсгийг хүчитгэх асфальтбетон хучилтын ажил хийнэ.
Иймд иргэд, жолооч та бүхэн бусад замыг сонгон хөдөлгөөнд оролцоно уу.
-
Цаг үе2019/12/02
Бага Шар хоолойн Бэрх төгөл, Дээндийн нурууг орон нутгийн тусгай хамгаалалтад ав...
-
Цаг үе2019/12/31
Түлш борлуулах цэгүүдэд хяналт тавин ажиллаж байна
-
Цаг үе2023/03/31
Үс шинээр үргээлгэх буюу засуулбал эрч, хүч ихсэнэ
-
Шударга мэдээ2022/07/22
1.2 их наяд төгрөгийн хохирлыг нөхөн төлүүлжээ
Сэтгэгдэл