Шударга мэдээ
“Эрдэнэс Тавантолгой” ХК-ийн ажилчид ЭХЭМҮТ-д нярайн эмчилгээний тоног төхөөрөмж хандивлана
“Эрдэнэс Тавантолгой” ХК-ийн ажилчид өөрсдийн санаачилгаар “Хүүхдэд ээлтэй ЭТТ” төслийг хэрэгжүүлдэг. Төслийн хүрээнд ажилчид хандив цуглуулан төсөв бүрдүүлж, хүүхдийн эрүүл мэнд, боловсролд чиглэсэн арга хэмжээг зохион байгуулж санхүүжүүлдэг.
Энэ удаад “Хүүхдэд ээлтэй ЭТТ” төслийн хүрээнд “Эв санааны нэгдэл” ҮЭ болон “Ажиллагсдын үйлдвэрчний эвлэл”-ийн хамтарсан зөвлөл ЭХЭМҮТ-тэй хамтран ажиллах Санамж бичиг байгууллаа. Санамж бичгийн дагуу ЭХЭМҮТ-д Ковидын халдвар авсан хүүхдүүдийн үзлэг, оношилгоо хийх тасгийн хүлээлгийн өрөөг байгуулан тохижуулах ажлыг хийж гүйцэтгэн хүлээлгэн өглөө.
Үүнээс гадна Санамж бичгийн дагуу ЭХЭМҮТ-д ковидын халдвартай нярайн эмчилгээнд нэн шаардлагатай дутуу нярай хүүхдийн уушгийг удаашруулан тэлэх амьсгалын аппарат, нярайн инкубатор зэрэг 100 сая төгрөгийн үнэ бүхий тоног төхөөрөмжүүдийг хандивлана. Уг төсвийг компанийн ажилчдын хандиваас бүрдсэн сангаас гаргаж байгаа юм.
“Эрдэнэс Тавантолгой” ХК 2019 онд нийгмийн хариуцлагын хүрээнд Эх, хүүхдийн эрүүл мэндийн үндэсний төвийн Мэдээгүйжүүлэлт, хагалгааны нэгдсэн тасгийг тохижуулан хүлээлгэж өгч байсан юм.
Шударга мэдээ
АТГ: Үндэслэлгүйгээр төлбөр хураамж авч байсныг таслан зогсоов
Авлигатай тэмцэх газар нь Авлигын эсрэг хуульд заасан “авлига гарч болох нөхцөл боломж бүрдүүлсэн гэж үзвэл төрийн байгууллага, албан тушаалтны гаргасан тушаал, шийдвэр, журам, дүрмийг хянаж хүчингүй болгуулах санал боловсруулж эрх бүхий байгууллагад оруулах” чиг үүргийн хүрээнд төрийн байгууллага, албан тушаалтны иргэдээс үндэслэлгүйгээр төлбөр, хураамж авахаар тогтоосон шийдвэрийг хүчингүй болгуулах арга хэмжээ авч ажилладаг.
Тус газарт “Төв аймгийн Батсүмбэр сумын “Сөгнөгөр” гэх газарт нэвтрэхэд автомашин бүрээс 6000 төгрөг хураахын зэрэгцээ тухайн автомашинд зорчиж буй том хүн бүрээс 2000 төгрөг, хүүхэд бүрээс 1000 төгрөгийн хураамж авч байна” гэх мэдээллийг хүлээн авч, хянан үзэхэд Байгаль орчин, аялал жуулчлалын сайдын 2023 оны 03 дугаар сарын 20-ны өдрийн А/71 дүгээр тушаалаар “Тусгай хамгаалалттай газар нутагт нэвтрэх хураамжийн хэмжээ”-г шинэчлэн тогтоосон ба үүнийг Байгаль орчин, аялал жуулчлалын сайдын 2022 оны 10 дугаар сарын 20-ны өдрийн А/439 дүгээр тушаалаар баталсан Улсын тусгай хамгаалалалттай газар нутгийн 34 захиргаанд хэрэгжүүлж ажиллахаар зохицуулсан байна.
Гэтэл Төв аймгийн Батсүмбэр сумын ИТХ-аас Тусгай хамгаалалттай газар нутгийн тухай хуулийн 28 дугаар зүйлийн 28.3 дахь хэсэгт “нутаг дэвсгэрийнхээ тодорхой хэсгийг орон нутгийн хамгаалалтад авах тухай шийдвэр гаргах, түүний хилийн зааг, хамгаалалтын горимыг тогтоох” бүрэн эрхийн хүрээнд Сөгнөгөр, Баянголын нийт 17480 га газрыг орон нутгийн хамгаалалтад авахаар тогтоож, тус газарт нэвтрэхэд Байгаль орчин, аялал жуулчлалын сайдын дээрх шийдвэрийг үндэслэн “Байгалийн нөөц газар” гэсэн ангиллаар иргэдээс үндэслэлгүйгээр төлбөр, хураамж авч байсныг таслан зогсоолгох арга хэмжээг авч ажиллав.
Шударга мэдээ
ШӨХТГ-аас торгосон 20 сая төгрөгийг “Хасбанк” төлжээ
Шударга мэдээ
“Улаанбаатар бонд” өрийн хэрэгсэл шинээр бүртгэгдлээ
Санхүүгийн зохицуулах хорооны 2023 оны 09 дүгээр сарын 01-ний өдрийн 427 дугаар тогтоол, "Монголын хөрөнгийн бирж" ХК-ийн Гүйцэтгэх захирлын 2023 оны 09 дүгээр сарын 01-ний өдрийн А/160 тоот тушаалаар Нийслэлийн засаг даргын гаргаж буй дараах нөхцөлтэй “Улаанбаатар бонд” өрийн хэрэгслийг Монголын хөрөнгийн биржийн үнэт цаасны бүртгэлд бүртгэлээ.
Бондын нэр: Улаанбаатар бонд
Бондын тоо ширхэг: 2,778,635 ширхэг
Бондын нэрлэсэн үнэ: 100,000 төгрөг
Бондын нийт үнийн дүн: 277,863,500,000 төгрөг
Бондын хүү/өгөөжийн хувь хэмжээ: Жилийн 17.2%
Бондын хугацаа: 24 сар
Бондынхүү төлөгдөх хугацаа /давтамж/: Хагас жил тутамд
Бондын үндсэн төлбөр төлөх хугацаа: Хугацааны эцэст
Захиалга авах хугацаа: 2023.10.02 - 2023.10.04
Үнэт цаасны танилцуулгыг эндээс үзнэ үү.
МОНГОЛЫН ХӨРӨНГИЙН БИРЖ
-
Шударга мэдээ2022/11/16
Тавантолгой-Гашуунсухайт чиглэлийн нүүрс тээврийн мэдээлэл шилэн болов
-
Улстөр нийгэм2022/08/10
Ерөнхийлөгч У.Хүрэлсүх, НҮБ-ын Ерөнхий нарийн бичгийн дарга Антонио Гутерреш нар...
-
Цаг үе2021/01/25
Улаанбаатарт өдөртөө 16 хэм хүйтэн
-
Улстөр нийгэм2022/10/11
“Girls Council” чуулга уулзалт боллоо
Сэтгэгдэл