Бидэнтэй нэгдэх

Улстөр нийгэм

УИХ-ын сонгуулийн тухай хуульд нэмэлт өөрчлөлт оруулах хуулийн төслүүдийг хэлэлцэхийг дэмжив

Огноо:

,

УИХ-ын 2023 оны дөрөвдүгээр сарын 13-ны өдрийн нэгдсэн хуралдаанаар  Монгол Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Улсын Их Хурлын тогтоолын төслийн хэлэлцэх эсэх асуудлыг хэлэлцлээ. Хуулийн төслийг УИХ-ын гишүүн Н.Энхболд нарын  дөрвөн гишүүн 2023 оны 04 дүгээр сарын 05-ны өдөр өргөн мэдүүлсэн юм.

Хууль санаачлагчийн илтгэлийг УИХ-ын гишүүн Н.Энхболд танилцуулав. Тэрбээр, Монгол Улсын урт хугацааны хөгжлийн бодлогод Улсын Их Хурлын сонгуулийг холимог системээр явуулах эрх зүйн орчныг бүрдүүлэх зорилт дэвшүүлсэн. Түүнээс гадна  улс төр, нийгэм, эдийн засгийн сөрөг үр дагаврыг арилгах, төрийн бодлого, үйл ажиллагааны тогтвортой байдалд эерэг нөлөөтэй сонгуулийн тогтолцоо бүрдүүлэх зэрэг шаардлагаас үүдэн УИХ-ын сонгуулийн тогтолцоог мажоритар болон пропорциональ хосолсон тогтолцоогоор явуулах эрх зүйн үндсийг бүрдүүлж байна гэх зэрэг үндэслэлийг илтгэлдээ онцлов.  Мөн хуулийн төсөлд оруулсан өөрчлөлтүүдийг  танилцууллаа. Тухайлбал,  Монгол Улсын Их Хурлын 38 гишүүнийг хуульд заасны дагуу байгуулагдсан сонгуулийн тойргоос, 38 гишүүнийг энэ хуульд заасны дагуу сонгуульд оролцохоор бүртгүүлсэн нам, эвслийн нэр дэвшигчдийн жагсаалтаас тус тус сонгох сонгуулийн хосолсон тогтолцоотой байхаар тусгаж, үүнтэй холбоотойгоор нэр дэвшүүлэх, нэр дэвшигчийг бүртгэх, саналын хуудсыг хэвлүүлэх, сонгогч санал өгөх, түүнийг тоолох, дүн гаргах, суудал хуваарилах зэрэг хэд хэдэн харилцааг нарийвчилсан зохицуулалтуудыг тусгасан байна. 

Түүний дараа тус хуулийн төсөл болон хамт өргөн мэдүүлсэн УИХ-ын тогтоолын төслийн хэлэлцэх эсэх талаарх Төрийн байгуулалтын байнгын хорооны санал, дүгнэлтийг УИХ-ын гишүүн Д.Сарангэрэл танилцуулсан. 

Байнгын хорооны санал, дүгнэлттэй холбогдуулан УИХ-ын гишүүд асуулт асууж, хариулт авлаа. УИХ-ын гишүүн С.Чинзориг, Д.Батлут нар Үндсэн хуулиар иргэн төлөөлөгчдийн байгууллагаараа уламжлан төрийг удирдах хэрэгт оролцох эрхээ эдлэхдээ шууд сонгох тухай заасан.  Тэгэхээр сонгуулийн холимог тогтолцоо иргэний энэхүү эрхтэй зөрчилдөх эсэх талаар асуув. Хууль санаачлагчдыг төлөөлж, УИХ-ын Төрийн байгуулалтын байнгын хорооны дарга Н.Энхболд, УИХ-ын сонгуулийг пропорцианаль, мажоритар тогтолцооны алинаар нь  явуулахад Үндсэн хууль зөрчихгүй гэсэн Цэцийн дүгнэлт гарсан. Сонгогчид хүнээ нэрээр нь сонгох ёстой гэсэн шаардлага тавьдаг. Намын жагсаалтад орсон ч гэсэн  нэр дэвшигч саналын хуудаст давхар бичигдэх учраас сонголт хийж  болно, бас намыг ч  сонгож болно. Мөн намын мөрийн хөтөлбөр болон бусад байдлыг  харж сонголтоо хийнэ гэвэл намд дангаар нь саналаа өгч болохоор хуулийн төсөлд туссан гэж хариуллаа. УИХ-ын гишүүн Ц.Мөнх-Оргил, М.Оюунчимэг нарын гишүүд  сонгуулийн зардал бууруулахад ямар тодорхой заалтууд туссан бэ, хэвлэл мэдээллийн зардлыг бууруулахад хуульчлан зохицуулан боломж бий юу, УИХ-ын гишүүн С.Чинзориг холимог тогтолцоогоор явуулахад дунджаар 1000 гаруй нэр дэвшигч саналын хуудаст бичигдэхээр байна.Тэгэхээр саналын хуудсыг унших техникийн хүчин чадал бий эсэх, санал хураалт хэдэн өдөр болохоор хуулийн төсөлд туссан талаар асууж байв. СЕХ-ны хуулийн хэлтсийн дарга Д.Бат-Эрдэнэ, сонгуулийн сурталчилгааны зардлыг бууруулах чиглэлийг барьж ажилласан. Тэр дундаа сонгуулийн сурталчилгааны хэвлэмэл материал, ухуулах хуудас, зурагт самбар зэргийн төрөл, хэмжээг 30-70 хувиар багасгаж тусгасан. Ингэхээр сонгуулийн сурталчилгаанд зарцуулах зардал нийт дүнгээр 50 хувь буурахаар хуулийн төсөлд туссан гэж СЕХ-ын дарга П.Дэлгэрнаран хариуллаа.

Мөн тэрбээр,  өнөөдрийн байдлаар бүртгэгдсэн намууд эвсэхгүйгээр бие дааж, мажоритар болон пропорцианаль хосолсон тогтолцоогоор нэр дэвшүүлэн оролцоход  саналын хуудас ямар хэмжээтэй болох талаар туршиж үзсэн. Санал тоолох төхөөрөмж хамгийн дээд тал нь  22 инч буюу 56 см урттай саналын хуудсыг хоёр талаар нь унших боломжтой. Өөрөөр хэлбэл, техникийн хувьд боломжтой  гэж ойлгож болно.  Үндсэн санал хураах нэг өдөр, 5 хоногийн өмнөөс урьдчилан санал авч болно. Харин гадаадад буй сонгогчдын саналыг 4 хүртэлх өдөр авахаар төсөлд туссан гэв. Мөн цахим орчны сурталчилгааны  зардлыг хэрхэн хянах, ухуулагчийн тоо хэд байх, тэдний цалин хөлсийг хэрхэн тооцохоор хуулийн төсөлд туссан талаар гишүүд асууж байв. Хуулийн төсөлд, сайн дурын үндсэн дээр ухуулагч ажиллана.Гэхдээ ухуулагчийн зардал хөдөлмөрийн хөлсний доод хэмжээнээс хэтрэхгүй байхаар заасан. Одоогийн мөрдөгдөж буй хуулиар 200 сонгогч тутам нэг ухуулагч байсан бол нийслэл болон аймгийн төвд 400 сонгогч тутам нэг, бусад газарт 200 сонгогч тутамд нэг ухуулагч байхаар туссан зэргээр СЕХ-ны Ажлын хэсгээс хариулж байв. Цахим хөгжил, харилцаа, холбооны дэд сайд Ж. Эрхэмбаатар, цахим орчинд сонгуулийн сурталчилгаа явуулах нийт сурталчилгааны зардлын 10 хувиас хэтрэхгүй байх хязгаарлалт хийж байна. Энэ заалтын хэрэгжилттэй холбоотой нам, эвсэл нэр дэвшигч цахим хуудсаа бүртгүүлж, сурталчилгаагаа байршуулах эрхтэй. Гагцхүү олон нийтэд хүргэх зорилгоор бүүст хийхдээ дотоодын карт ашигладаг. Энэ зардлыг хянах боломжтой гэсэн. УИХ-ын гишүүн Э.Бат-Амгалан, ухуулагчдын тоог заавал заах хэрэг байгаа эсэх болон гадаадад буй иргэд саналаа хэрхэн өгөх вэ гэж асуусан бол УИХ-ын гишүүн О.Цогтгэрэл, УИХ-ын 38 гишүүнийг сонгуулийн тойргоос, 38 гишүүнийг нам, эвслийн нэр дэвшигчдийн жагсаалтаас сонгох гэдэг заалт тодорхой бус байна. Энэхүү заалтыг тодруулж өгөхийг хүслээ.

УИХ-ын Төрийн байгуулалтын байнгын хорооны дарга Н.Энхболд, нэгдүгээрт, тойрогт нэр дэвшиж буй хүнээ сонгоно. Хоёрдугаарт, намын мөрийн хөтөлбөр зэргээ хараад намыг сонгож болно. Өөрөөр хэлбэл, сонгогч хоёр сонголтыг хийхээр төсөлд туссан гэв. УИХ-ын гишүүн Д.Тогтохсүрэн, хүн амын тоонд тохируулан  ухуулагчийн тоог зааж өгөх ёстой гэж үзсэн.  Хэрэв ухуулагчийн тоог хуульчлахгүй бол замбараагүй байдал үүсэх магадлалтай гэв. Гадаадад ажиллаж, амьдарч буй сонгогч зөвхөн пропорцианаль тогтолцоогоор нэр дэвшиж буй намыг сонгоно.  Мөн эх орондоо санал өгч буй сонгогч өөрийн харьялагдаж буй тойргоосоо өөр газар явж байгаа тохиолдолд пропорцианаль тогтолцоо буюу  намыг сонгох эрхтэй. Энэ нь Үндсэн хуулиар олгогдсон  иргэний сонгох, сонгогдох эрхийг хангахыг зорьсон гэж хариуллаа. 

УИХ-ын гишүүд асуулт асууж, хариулт авсны дараа уг хуулийн төслийг дэмжиж буй, дэмжихгүй байгаа гишүүдийн төлөөлөл үг хэлсэн. УИХ-ын гишүүн Ц.Мөнхцэцэг, С.Амарсайхан, Ц.Сэргэлэн нарын гишүүд хуулийн төслийг дэмжиж үг хэлсэн бол  УИХ-ын гишүүн Н. Ганибал, Д.Пүрэвдорж нар дэмжихгүй байр сууринаас үг хэллээ. Дараа нь хууль, тогтоолын төслийг үзэл баримтлалын хүрээнд хэлэлцэхийг дэмжье гэсэн саналын томьёоллоор санал хураалт явуулахад хуралдаанд оролцсон гишүүдийн олонх хэлэлцэхийг дэмжиж, анхны хэлэлцүүлэгт бэлтгүүлэхээр Төрийн байгуулалтын байнгын хороонд шилжүүллээ. 

Мөн өдрийн нэгдсэн хуралдаанаар УИХ-ын гишүүн О.Цогтгэрэл, Д.Ганбат нар 2023 оны 04 дүгээр сарын 05-ны өдөр өргөн мэдүүлсэн Монгол Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэх асуудлыг хэлэлцэв. 

Хуулийн төслийн талаар УИХ-ын гишүүн О.Цогтгэрэл танилцуулав. Тэрбээр уг хуулийн төслийнхээ ерөнхий агуулга, ач холбогдлыг тоймлон илэрхийллээ. Тухайлбал, хуулийн төсөлд Монгол Улсын нэгдсэн бодлого гаргах, хөгжлийн бодлого төлөвлөлт нэгдсэн байх үндэс суурийг бүрдүүлж, сонгуулийн санал хамгийн багаар гээгдэх пропорциональ элементийг оруулснаас гадна жендерийн тэгш байдлыг чухалчлан, хүйсийн квотыг үлэмж нэмэгдүүлсэн гэх зэргээр танилцуулав. 

Мөн ард иргэдийн дунд очих нүүргүй, ирэх эрхгүй улс төрчид намын жагсаалтад нуугдаж, үүдээр гаргасныг тооноор оруулж ирэх гэж байна гэсэн хардлага, эргэлзээ бий тул жагсаалтаар сонгогдох гишүүдийн тоог 28 байхаар зааж, тэдгээрийг нам хаалттай хүрээнд жагсаах бус иргэдийн саналаар нээлттэй эрэмбэлж өгөхөөр зааж өгсөн. Түүнээс олон намууд парламентын босго алхах боломжийг хэрхэн бүрдүүлсэн, сонгогчдын нэрсийн жагсаалт, бүртгэлийн хяналтын тогтолцоог сайжруулах талаар хэрхэн хуулийн төсөлд тусгасан талаар танилцууллаа. 

УИХ-ын сонгуулийн тухай хуульд нэмэлт өөрчлөлт оруулах тухай хуулийн төсөл болон хамт өргөн мэдүүлсэн УИХ-ын тогтоолын төслийн хэлэлцэх эсэх талаарх Төрийн байгуулалтын байнгын хорооны санал, дүгнэлтийг УИХ-ын гишүүн А.Адъаяасүрэн  танилцуулсан.

Тэрбээр, Байнгын хорооны хуралдаанаар хуулийн төслийг хэлэлцэх үед УИХ-ын гишүүн  Х.Нямбаатар хуулийн төсөлд тусгасан тойргоос 48, жагсаалтаар 28 хүн сонгох зохицуулалт хэр оновчтой талаар, УИХ-ын гишүүн Д.Сарангэрэл тойргоос сонгогдох гишүүдийн тоо намын жагсаалтаар сонгогдох гишүүдийн тооноос өндөр байгаа үндэслэлийн талаар, УИХ-ын гишүүн  Д.Тогтохсүрэн нийт сонгогчийн 28 хувиас доош хувийн санал авсан тохиолдолд дахин санал хураалт явуулах босго, тойрогт ногдох нийт мандатын 50 буюу түүнээс дээш хувьд нэр дэвшүүлж, суудал авсан байх хуулийн шаардлагын талаар, төсөлтэй хамт өргөн мэдүүлсэн Төсвийн тухай хуульд нэмэлт, өөрчлөлт оруулах тухай хуулийн төсөлд тусгагдсан “Бүх шатны сонгуулийн өмнөх жилийн төсвийг батлахдаа оюутан, сурагчдад тэтгэлэг, тусламж өгөх, цалин, тэтгэвэр, тэтгэмж нэмэх, нийгмийн халамж хамгааллийн төсөл, хөтөлбөр хэрэгжүүлэхийг хориглох” зохицуулалт нь УИХ-ын улсын төсвийг хэлэлцэн батлах онцгой бүрэн эрхэд халдаж буй эсэх талаар асуулт асууж, хариулт авсан талаар илтгэж, уг хуулийнтөслүүдийг үзэл баримтлалын хүрээнд хэлэлцэх эсэх асуудлыг Байнгын хорооны хуралдаанд оролцсон гишүүдийн олонх буюу 57.1 хувь нь дэмжсэн учраас Төрийн байгуулалтын байнгын хорооны санал, дүгнэлтийг хэлэлцэн шийдвэрлэж өгөхийг хүсье гэв. 

Байнгын хорооны санал, дүгнэлттэй холбогдуулан УИХ-ын гишүүн Ц.Идэрбат, Ж.Батжаргал нарын гишүүд хууль санаачлагчдаас асуулт асууж хариулт авлаа. Түүний дараа хууль, тогтоолын төслийг үзэл баримтлалын хүрээнд хэлэлцэхийг дэмжье гэсэн саналын томьёоллоор санал хураалт явуулахад хуралдаанд оролцсон гишүүдийн 65,1 хувийн саналаар дэмжиж, анхны хэлэлцүүлэгт бэлтгүүлэхээр Төрийн байгуулалтын байнгын хороонд шилжүүллээ гэж УИХ-ын Хэвлэл, мэдээлэл, олон нийттэй харилцах газраас мэдээллээ. 

Дэлгэрэнгүй унших

Сэтгэгдэл

Улстөр нийгэм

Авлигатай нам харгалзахгүй тэмцэж, эхлүүлсэн ажлаа дуусгахад Ерөнхий сайдын багийг багаар нь дэмжихийг Хөвсгөлчүүдэд уриаллаа

Огноо:

,

Хөвсгөл аймагт 2016-2024 онд улсын төсөв болон гадаадын зээл, тусламжийн эх үүсвэрээр нийт 586 тэрбум төгрөгийн хөрөнгө оруулалтын төсөл, арга хэмжээ хэрэгжүүлсэн талаар Монгол Ардын Намын дарга, Ерөнхий сайд Л.Оюун-Эрдэнэ хоймор нутгийн зон олонтой өнөөдөр /2024-06-13/ уулзах үеэрээ онцлов. 

УИХ-ын хаврын чуулганаар Бүсчилсэн хөгжлийн үзэл баримтлалыг шинэчилж баталсан. Хойд бүсийн хөгжлийн тэргүүлэх чиглэл нь шинжлэх ухаан технологи, аж үйлдвэр, хүнд үйлдвэрлэл, аялал жуулчлал, эрчимжсэн хөдөө аж ахуй, газар тариалан байх болно. Энэ бүгдийг цогцоор нь хэрэгжүүлэхэд УИХ-ын сонгуулийн 4-р тойрогт Монгол Ардын Намаас нэр дэвшиж буй дараах хүмүүсийг багаар нь дэмжихийг уриалж, салбар бүрийн дуу хоолой парламентад төдийгүй улс орны хөгжилд чухал ач холбогдолтой гэдгийг Ерөнхий сайд мөн онцлон тэмдэглэв. 

 

Тэрбээр,

Хийсэн ажил, хэрэгжүүлсэн туршлагаараа манлайлж, хойд бүсийг төлөөлөх туршлагатай парламентч гэж үзэн Лхагвын МӨНХБААТАР-ыг нэр дэвшүүллээ.

Хойд бүсийг шинжлэх ухаан, инновацын бүс болгон хөгжүүлэхэд, Үндэсний баялгийн санг амилуулах төрийн өмчит үйлдвэрийн газруудын менежментийг олон улсын түвшинд гаргахад Доржсүрэнгийн ҮҮРИЙНТУЯА-гийн туршлага, санаачилга парламентад хэрэгтэй гэж үзсэн.

Цэрэнпилийн ДАВААСҮРЭН Эрчим хүчний сайдаар ажиллахдаа Эрчим хүчний суурилагдсан хүчин чадлыг 200 гаруй мвт-аар нэмэгдүүлж, Дорнодын ДЦС-ын 50  мвт-ын өргөтгөл,  Эрдэнэбүрэнгийн 90 мвт-ын УЦС, Эрчим хүчний сүлжээнд ашиглах том чадлын хуримтлуурын төслүүдийг  эхлүүлсэн нь өнөөдөр эхнээсээ ашиглалтад орсон.  Иймээс парламентын туршлагатай гишүүдийн нэг гэж үзэн нэр дэвшүүлж байна.

Боловсролын багц хууль батлагдаж, энэ салбарын цогц шинэчлэлийг эхлүүлсэн. Англи хэлийг хоёрдогч гадаад хэл болгох эрх зүйн суурийг тавьсан. ЮНЕСКО-гийн Боловсролын салбарт цахим шилжилтийн амжилттай хийсэн 6 орны нэгээр Монгол Улс шалгарсан. Боловсролын салбарын цогц реформыг амжилттай үргэлжүүлэх гэж туршлагатай, мэдлэгтэй, асуудлаа олж хардаг улстөрч Лувсанцэрэнгийн ЭНХ-АМГАЛАН-г нэр дэвшүүлсэн.

Хөдөө аж ахуйн хөгжлийг шинэ шатанд гаргах, “Шинэ хоршоо” хөдөлгөөнийг амжилттай хэрэгжүүлэх, мал аж ахуй, газар тариалангийн үнэ цэн, өгөөжийг нэмэгдүүлэх, аж үйлдвэрлэл, экспортын хувь хэмжээг нэмэгдүүлэхэд  малчид, тариаланчдын дуу хоолой болсон Жадамбын БАТ-ЭРДЭНЭ-ийн манлайлал парламентэд хэрэгтэй. 

Манай улс GO MONGOLIA брэндээр эх орноо сурталчлах ажил хийж байгаа. 2023 онд Монгол Улс түүхэндээ анх удаа 0.6 сая жуулчин хүлээн авч, аялал жуулчлалын салбараас 1.3 тэрбум ам.долларын орлого эдийн засагт төвлөрүүлсэн. Хөвсгөл аймаг, Хойд бүс нутаг бол аялал жуулчлалын бүс нутаг.   GO MONGOLIA брэндийг бүтээхэд Бат-Өлзийн БАТ-ЭРДЭНЭ-ийн санаачилга, манлайлал үргэлжлэх учиртай.

Ирэх 4 жил Хот хөдөөгийн сэргэлт, бүсчилсэн хөгжлийн реформд илүүтэй чиглэж, хөдөө, орон нутгийн эдийн засгийн чадавхыг нэмэгдүүлэх, иргэдийн амьдралын чанарыг дээшлүүлэх цогц төлөвлөгөө хэрэгжүүлэхэд “Нээлттэй аймаг” хөтөлбөрийг боловсруулан хэрэгжүүлж, орон нутагт шилжин ирж буй иргэд, аж ахуйн нэгж байгууллагыг дэмжин ажилласан туршлагатай Батсүхийн БАЯРМАГНАЙ-г нэр дэвшүүллээ.

Хойд бүсийн хөгжлийг шинэ шатанд гаргахад парламентад эрүүл мэнд, шинжлэх ухаан, инновац, бичил бизнесийг дэмжих талаар санаачилга гарган ажиллаж байгаа, нутаг орноо сайн мэддэг Дамбын БАТЛУТ манлайлал үзүүлнэ гэдэг итгэлтэй байна гэлээ.

Ард түмний дуу хоолой парламентад байх ёстой гэж Монгол Ардын нам үзэж, улстөрчид тойрогт, мэргэжлийн экспертүүдийг намын жагсаалтад оруулсан. Намын дарга тойрогт нэр дэвшсэн нь шинэ хүмүүст боломж олгосон явдал байв.

Хөдөлмөрийн үнэлэмж шударга байгаасай гэж, үйлдвэрчний эвлэл илүү хүчтэй дуу хоолой байгаасай гэж Монголын үйлдвэрчний эвлэлийн төлөөлөл, Хөвсгөл нутгийн хүү Сүхбаатарын ЭРДЭНЭБАТ-ыг намынхаа жагсаалтад урьснаа Ерөнхий сайд хоймор нутгийн зон олонд хэлж байв.  

Цар тахлыг олон улсын дунджаас тав дахин хохирол багатай даван туулж, 1.4 сая иргэн эрүүл мэндийн эрт илрүүлэгт хамрагдаж чадсан.

Монгол Ардын намын мөрийн хөтөлбөрт туссан эрүүл мэнд болон нийгмийн салбарын шинэчлэл, хүн амыг өвчлөхөөс нь өмнө урьдчилан сэргийлэх, нийгмийн эрүүл мэндийн тогтолцоог бэхжүүлэх зорилтыг хэрэгжүүлэхэд хэрэгтэй гэж үзэн Хөвсгөл аймгийн Нэгдсэн эмнэлгийн их эмч Магванцэрэнгийн МӨНХЧУЛУУН-ыг жагсаалтаар нэр дэвшүүлсэн байна.  

 

Хөвсгөл аймагт өнгөрсөн хугацаанд дараах ажлуудыг хийж хэрэгжүүлжээ.

-Хөвсгөл нууранд живсэн "Сүхбаатар" хөлөг онгоц, найман тээврийн хэрэгсэл -татан гаргаж, 34.7 тн бохирдлыг аюулгүй болгосон.

-Мөрөн сумын Дулааны станцын өргөтгөл, шинэчлэлийн ажил эхэлсэн.

-Хөвсгөл аймгийн 100 ортой хүүхдийн эмнэлэг, олон жил гацсан Улаан-Уул сумын сургууль болон Эрдмийн далай цогцолбор, “Гурван-Эрдэнэ” сургуулийн өргөтгөл, Хатгал тосгоны цэцэрлэг, Галт сумын дотуур байрын барилга угсралтын ажил эхэлсэн.

-Аймгийн ахмад настны асрамж, үйлчилгээний төвийн барилга, Хөгжимт драмын театр, Политехник коллежийн цогцолбор,

-Алаг-Эрдэнэ сумын сургууль, 8-р цэцэрлэг, Хатгал тосгоны хүн эмнэлгийн өргөтгөлийн барилгын тендер сонгон шалгаруулалт зарлагдсан.

-Аялал жуулчлалын босоо тэнхлэгийн Хөвсгөл аймгийн Мөрөн сум-Архангай аймгийн Тариат сумын Тэрхийн цагаан нуур чиглэлийн хатуу хучилттай авто зам,  Хатгал-Мөрөн чиглэлийн хатуу хучилттай авто замаас Ханх сум хүртэлх хатуу хучилттай авто замын зураг төсөв, ТЭЗҮ боловсруулж байна.

Эхлүүлсэн ажлаа дуусгаж, авлигатай нам харгалзахгүй тэмцэхэд Ерөнхий сайдын багийг багаар нь дэмжихийг Хөвсгөлчүүдээс хүслээ. Мөн энэ сонгууль бол “Авлигачид ялах уу? Ардын нам ялах уу? гэдэг СОНГОЛТ байх болно гэдгийг Ерөнхий сайд Л.Оюун-Эрдэнэ онцлов.  

 

 

 

Дэлгэрэнгүй унших

Улстөр нийгэм

Асгат, Эрдэнэцагаан, Дарьганга сумын иргэд МАН-ыг багаар нь дэмжихээ илэрхийллээ

Огноо:

,

УИХ-ын сонгуулийн VI тойрог буюу Дорнод, Сүхбаатар, Хэнтий аймагт МАН-аас нэр дэвшигчдийн уулзалт Сүхбаатар аймагт үргэлжилж байна. Нэр дэвшигчид зургадугаар сарын 12-нд тус аймгийн Асгат, Эрдэнэцагаан, Дарьганга сумын иргэд, сонгогчидтой уулзаж өнгөрсөн хугацаанд Засгийн газар, МАН-аас орон нутаг, улс орны хэмжээнд хэрэгжүүлсэн ажлууд болон 2024-2028 оны мөрийн хөтөлбөрөө танилцууллаа.

Зүүн бүсэд нэр дэвшиж буй МАН-ын дарга, Ерөнхий сайд Л.Оюун-Эрдэнээр ахлуулсан багт Пүрэв-Очирын Анужин, Мөнгөнцогийн Ганхүлэг, Ухнаагийн Отгонбаяр, Мягмарсүрэнгийн Бадамсүрэн, Лхагвасүрэнгийн Соронзонболд, Цагаанхүүгийн Идэрбат нар нэр дэвшиж байгаа.

Нэр дэвшигчид энэ удаагийн сонгуулийн онцлог, МАН-аас зүүн бүс нутагт хийх ажлууд, үүнийг гардан хэрэгжүүлэх багаа Ерөнхий сайд өөрөө бүрдүүлэн ирж буй шалтгаан, улс орны гадаад, дотоод нөхцөл байдал зэргийг сумдын иргэдэд дэлгэрэнгүй танилцуулав.

Монгол Улсын Засгийн газраас хэрэгжүүлж байгаа “Шинэ сэргэлтийн бодлого”, бүсчилсэн хөгжлийн бодлогын хүрээнд зүүн бүс нутгийг эрчимжсэн мал аж ахуй, эдийн засгийн коридорыг түшиглэсэн боомт, тээвэр, логистик, түүх, соёл, байгаль, хил орчмын болон хил дамнасан аялал жуулчлал зэрэг эдийн засгийн тэргүүлэх чиглэлд тулгуурлан аймаг, сум бүрийн онцлог, бусдаас ялгарах байдлыг уялдуулж хөгжүүлэхээр төлөвлөжээ.

Эрдэнэцагаан суманд гэхэд олон улсын зэрэглэлтэй Бичигт боомт оршдог.  Хүрэн нүүрсний дөрвөн уурхайтай. Дархан цаазат Лхачин вандад уул, Зотол хан уул, Талын халиун буган сүрэгтэй, Егүзэр хутагтын мэндэлсэн Мэндсайханы дов зэрэг байгалийн үзэсгэлэнт болон түүхэн дурсгалт газрууд оршдог. 

Дарьганга сум төрийн тахилгат Алтан овоо, Шилийн богд, Ганга нуур зэрэг байгалийн үзэсгэлэнт газартай. Дарьгангын мөнгөн урлал, хурдан хүлгээрээ алдартай нутаг юм. Эдгээрийг түшиглээд зүүн бүсийн аялал жуулчлалын дэд бүтэц, томоохон хөрөнгө оруулалтыг татах, байгаль, соёлын өвийн цогцолборууд байгуулж Сүхбаатар аймаг руу жуулчдын урсгалыг татах боломж, гарц шийдлүүдийг МАН мөрийн хөтөлбөртөө бодитой тусгасныг нэр дэвшигчид онцлов.

Зүүн бүсийн Эрээнцав, Бичигт, Сүмбэр боомтыг өргөжүүлж нэвтрүүлэх хүчин чадлыг нь нэмэгдүүлэх, Чойбалсан, Хөөт, Бичигт чиглэлийн төмөр зам, босоо тэнхлэгийн автозам  зэрэг томоохон бүтээн байгуулалтыг хийхээр МАН төлөвлөсөн. Ингэснээр зүүн аймгууд хоорондоо, аймаг сум хоорондоо автозамаар холбогдоно. Ажлын байр бий болно, дундаж давхарга тэлэх юм.   

Орон нутгийн иргэд, малчдын хувьд өвөлжилт, хаваржилтын хүндрэл, зудын улмаас ихээхэн хохирол амссан, Асгат сум л гэхэд нийт малынхаа тал хувийг алдсан, одоо 100 гаруй мянган толгой малтай зусаж байгаа аж. Харин Засгийн газраас зудын хүндрэлтэй үед малчдад зориулж “Шинэ хоршоо” хөдөлгөөнийг улс орны хэмжээнд зөв бодлогоор өрнүүлсэн нь цаг үеэ олсон оновчтой ажил болсон хэмээн үзэж байна.  

Мөн Монгол Ардын нам засагласан найман жилд авлигын эсрэг тэмцэл эрчимжиж, олон жил хуримтлагдсан өрийг дарж, олон жил гацаанд байсан боомтуудыг сэргээсэн зэрэг олон ажлыг хэрэгжүүлсэн. Эдгээр ажлуудыг үргэлжлүүлэхэд төрийн бодлого тогтвортой байх нь чухал учраас иргэд, сонгогчид Ерөнхий сайд Л.Оюун-Эрдэнийг багаар нь дэмжихээ илэрхийлж байлаа. 

 

 

Дэлгэрэнгүй унших

Улстөр нийгэм

Авлига, хулгайтай нам харгалзахгүй тэмцэж байгаа Ерөнхий сайдын багийг багаар нь дэмжинэ гэв

Огноо:

,

Нийслэл Улаанбаатар хотыг бүсчлэн хөгжүүлэх, эмнэлэг, сургууль цэцэрлэг, эрүүл аюулгүй ногоон байгууламж, соёл, спортын үйлчилгээг 20 минут дотор авах шинэ стандарт тогтоохоо Монгол Ардын Намын дарга, Ерөнхий сайд Л.Оюун-Эрдэнэ Баянзүрх хайрханаараа овоглодог, нийслэлийн хамгийн том дүүрэг Баянзүрхийн иргэд, сонгогдчидтой уулзахдаа хэллээ. Тэрбээр Баянзүрх дүүргийн Нийгмийн хөгжлийн хэлтсийг удирдаж байсны хувьд та бүхэнтэйгээ дахин уулзаж байгаадаа баяртай байна гээд ирэх дөрвөн жилийн төлөвлөгөө Хот хөдөөгийн сэргэлт, бүсчилсэн хөгжлийн реформд илүүтэй чиглэнэ гэлээ.

Л.Оюун-Эрдэнийн Засгийн газрын өрнүүлсэн шударга ёсны тэмцлийн үр дүнд эдийн засаг -4.6 хувиас 7 хувь болж, валютын нөөц 5 тэрбум долларт хүрч, Хөгжлийн банкны өрүүдийг бүрэн төлж, цалинг 3, тэтгэврийг 2 дахин, хөдөөгийн нэмэгдлийг 40 хувиар нэмэгдүүлсэн. Төсөв анх удаа 4 их наяд төгрөгөөр давж биелж, 1072 хувьцааг амилуулж ногдол ашгаа тараасан гээд иргэдэд, улс орны хөгжилд хэрэгтэй олон чухал шийдвэр гаргасан.

Уулзалтын үеэр авлига, хулгайтай нам харгалзахгүй тэмцэж байгаа Ерөнхий сайдын багийг эхлүүлсэн ажлыг нь дуусгуулахын тулд багаар нь дэмжихээ баянзүрхчүүд хэлж байв.

Монгол Ардын Намын жагсаалтыг Хот төлөвлөгч, мэргэшсэн архитектур, хот байгуулалтын доктор, Ази, Латин Америкийн 10 гаруй улсын хот төлөвлөлтийн төсөлд зөвлөхөөр ажилласан шилдэг залуу мэргэжилтэн Ганзоригийн ЛУВСАНЖАМЦ тэргүүлж байна. 

Засгийн газар өнгөрсөн хугацаанд боомтын боомийг тайлж, дотоодын нийт бүтээгдэхүүнийг 36 их наядаас 70 их наядад хүргэж, нэг хүнд ногдох дотоодын нийт бүтээгдэхүүнийг 3,000 ам доллараас 5,875 ам долларт хүргэж чадсан шиг, ИРЭХ 4 ЖИЛ эрчим хүчний салбарын боомийг тайлах цогц реформыг хийхээр төлөвлөсөн.  

Эрчим хүчний реформд мэргэжлийн, нийгмийн мөн улс төрийн манлайллыг үзүүлж чадна гэдэгт итгэж, жагсаалтынхаа хоёрдугаарт Австралийн Middleton группийн эрчим хүчний ахлах инженер, тархмал эх үүсвэр, ногоон эрчим хүчний чиглэлээр докторын зэрэг хамгаалсан шилдэг эрдэмтэн, судлаачдын нэг Мөнхчулууны ЭНХЦЭЦЭГ-ийг нэр дэвшүүлээд байгаа юм.

Хилийн чинадад сурч боловсорч, амьдарч буй иргэдийн эзэмшсэн боловсрол, хуримтлуулсан туршлага Монгол Улсад ус агаар мэт хэрэгтэй. Тэдний төлөөлөл Харвардын нийгмийн эрүүл мэндийн ухааны их сургуулийн багш, дэд профессор Даваасамбуугийн ГАНМАА-г Монголын парламентад хүчтэй дуу хоолой болж чадна гэдэгт итгэж нэр дэвшүүлжээ. 

Багшийн талаар барьж буй бодлогыг шинэ түвшинд гаргахгүйгээр бид улсын ирээдүйг гэрэлтэй цогцлоох боломжгүй. Тийм ч учраас хууль тогтоох төрийн дээд байгууллагад байх нь зүйтэй хэмээн үзэж Жанчивын ГАЛБАДРАХ-ыг нэр дэвшүүлсэн байна.

Иргэн бүр нийгмийн хөгжилд тэгш оролцох, хөгжлийн бэрхшээлтэй иргэдийн нийгмийн хандлагын харах цонхыг илүү тунгалаг болгох, ээлтэй эрхзүйн орчин, стандартыг бүрдүүлэхийн төлөө нийгмийн зүтгэлтэн, эрүүл мэнд судлаач Отгоны САРАНЧУЛУУН Монголын парламентын түүхэнд хөгжлийн бэрхшээлтэй иргэдийн анхны төлөөлөл болох болно гэдгийг Ерөнхий сайд Л.Оюун-Эрдэнэ онцолж байв.

Нийслэл Улаанбаатар хотод 2020-2024 онд улсын төсвийн хөрөнгө оруулалтаар нийт 2.9 их наяд төгрөгийн хөрөнгө оруулалтын төсөл, арга хэмжээг хэрэгжүүлжээ. Үүнээс нийгмийн хөгжлийн бүтээн байгуулалтад 1.5 их наяд, эдийн засгийн хөгжилд 1 их наяд төгрөгийн хөрөнгө оруулалт хийсэн байна.

Жил ирэх тусам хаяа тэлэн хөгжиж байгаа нийслэл хотын хамгийн том дүүрэг Баянзүрхт Монгол Ардын намаас УИХ-ын 8-р тойрогт нэр дэвшиж буй таван нэр дэвшигчийг багаар нь дэмжихийг Ерөнхий сайд Л.Оюун-Эрдэнэ уриаллаа.

 Тэрбээр,

Өнгөрсөн дөрвөн жилд парламентаас ковид цар тахлын эсрэг үйл ажиллагааг дэмжиж зөвлөж, хөнгөлөлтэй эмийн хүндрэлийг засаж, Эрүүл мэндийн салбарын эмч, ажилтнуудын хөдөлмөр шударга үнэлэгдэх нөхцөлийг бүрдүүлж,  эмийн сонсголыг зохион байгуулж ажилласан Жигжидсүрэнгийн ЧИНБҮРЭН-г нэр дэвшүүлж байна.

“20 минутын хот”, дагуул хотын төслүүд, Метро байгуулах зэрэг олон ажил хийгдэж, тулгамдсан асуудлуудыг шийдвэрлэх РЕФОРМЫГ хэрэгжүүлэхэд манлайлж ажиллана гэж үзсэн тул нийслэлийн асуудлыг сайн мэддэг, ажил хэрэгч улстөрч Энхтайваны БАТ-АМГАЛАН-г нэр дэвшүүлсэн.

Энэ удаагийн сонгууль байгалийн баялгийг иргэн бүрд өсөлтийг өрх бүхэнд шууд хүргэх сонголт байх болно. Бид Үндэсний баялгийн сангийн Хуримтлалын сангаар үндэсний орон сууцжуулалтын хөтөлбөрийг “Сингапур улсын загвараар хэрэгжүүлнэ. Эхлүүлсэн ажлаа дуусгах, энэ ажлыг манайлан хийх хүн бол Хүрэлбаатарын БУЛГАНТУЯА юм.

Өнгөрсөн гурван жилд манай Засгийн газрын авлигатай хийсэн тэмцэл, цар тахалтай тэмцэхээс ч хүнд байсан. Гэхдээ иргэдийн мэдэх эрх хангагдаж, авлигыг үл тэвчих нийгмийн сэтгэл зүй тогтож, түмэн олны ойлголт хэрсүүжиж, ард түмний ёс зүйн өндөрлөгт шударга ёсны туг мандсан. Авлигын эсрэг тэмцэлд хуулийн илд, шударга ёсны тугч Баттөмөрийн ЭНХБАЯР байсан.

Нийслэлийн хамгийн том Баянзүрх дүүрэг нэг хэсэг засаглалын хямралд орж, хөгжил нь зогссон байсан. Үүнийг Нацагийн БАЯРМӨНХ засаж, 2016-2024 онд Засаг даргаар ажиллахдаа дүүрэгт туслгамдсан асуудлыг хот, дүүрэг, хороо, гудамж талбайгаар нь шийдсэн. Н.Баярмөнх шиг анхан шатаа ойлгодог, ажлаа мэддэг залуус баг болж ажилласнаар улсын хөгжил урагшилж “ШИНЭ СЭРГЭЛТ”-ийн бодлого, “20 минутын хот” концепц хөрсөн дээрээ бүрэн хэрэгжинэ гэв.

Баянзүрх дүүрэгт өнгөрсөн хугацаанд хийсэн зарим ажлыг дурдвал:

-Дүүргийн хэмжээнд 75 байршилд нийт 66 км авто зам,

9 байршилд 36.9 км дугуйн зам ашиглалтад оруулсан.

-Дүүргийн нийтийн эзэмшлийн гудамж, талбайн гэрэлтүүлгийг нэмэгдүүлж, сургууль, цэцэрлэг орчимд камержуулалт, гэрэлтүүлэг хийж, дүүргийн хэмжээнд гэрэлтүүлэг 95 хувьд хүрсэн.

-Нийтийн эзэмшлийн 19.2 га талбай чөлөөлж 55 байршилд авто зогсоол тохижилтын ажлыг хийсэн.

 

Дэлгэрэнгүй унших
сурталчилгаа
Улстөр нийгэм1 минутын өмнө

Авлигатай нам харгалзахгүй тэмцэж, эхлүүлсэн ажлаа дуусгахад Ерөнхий...

Улстөр нийгэм3 минутын өмнө

Асгат, Эрдэнэцагаан, Дарьганга сумын иргэд МАН-ыг багаар нь дэмжихээ...

Улстөр нийгэм7 минутын өмнө

Авлига, хулгайтай нам харгалзахгүй тэмцэж байгаа Ерөнхий сайдын баги...

Улстөр нийгэм19 минутын өмнө

Д.Амарбаясгалан: МАН урт хугацааны бодлого хөтөлбөр дэвшүүлэн хэрэгж...

Улстөр нийгэм6 цаг 24 минут

“Тавантолгой төмөр зам” ХХК 1.5 сая.тонн ачаа тээвэрлэлэ...

Цаг үе6 цаг 25 минут

Иргэд үл хөдлөх хөрөнгөө нүүлгэн шилжүүлж, газраа чөлөөлж эхэллээ

Урлаг спорт6 цаг 29 минут

Азийн хотуудын ардын урлаг, гар урлалын наадам өнөөдөр эхэлнэ

Улстөр нийгэм6 цаг 32 минут

Энэ онд 22 байршилд үерийн хамгаалалтын барилга байгууламжийг шинээр...

Үзэл бодол6 цаг 36 минут

Г.Нарантуяа: Сонгуулийн үйл ажиллагаанд хяналт тавих, хэрэгжүүлэх чи...

Улстөр нийгэм6 цаг 40 минут

“Бичил, жижиг, дунд үйлдвэр, үйлчилгээ эрхлэгчдийн өдөр-2024&r...

Санал болгох