Бидэнтэй нэгдэх

Цаг үе

Хамгийн аюултай 15 амьтан

Огноо:

6 жил.өмнө

,

Байгаль гэдэг өөрөө адал явдал, эрсдлээр дүүрэн байдаг. Амьтдыг гадна харагдах байдлаар аюултай эсэхийг дүгнэнэ гэдэг гэнэн бөгөөд өрөөсгөл ойлголт юм. Ингээд та бүхэнд манай гарагийн хамгийн аюултай 15 амьтны тухай мэдээллийг хүргэж байна.

15. Балт зөгий
 
 
Энэ зөгийг хазахад төдий л өвдөлт мэдрэгдэхгүй боловч учруулах аюул тун аймшигтай гэнэ. 1957 онд Бразилийн зөгий үржүүлэгч Европ, Африкийн зөгийг эрлийзжүүлэхээр шийдсэн нь ихээхэн алдаа болжээ. Үүний үр дүнд генетикий аргаар цус холилдсон аюулт зөгий бий болсон байна. Эдгээр зөгийнүүд хазахаар шийдсэн хүнээ хэдэн милийн зайнаас дагадаг бөгөөд уг зөгийнд хазуулсан бага насны хүүхэд газар дээрээ амиа алдах эрсдэлтэй аж. Харин зөгийн харшлаас үүдэнд жилд дунджаар 53 хүн амиа алддаг гэсэн тоо баримт гарчээ.
 
14. Африкийн арслан
 
Хэдийгээр Африкийн арслан хүн идэх зорилго өвөрлөдөггүй ч ширэнгэн ойд жилд 70-аад хүн арсланд идүүлдэг байна.
 
 13. Далайн мөгөөрс
 
Серфингээр хичээллэгчдийн хар дарсан зүүд болсон энэ амьтан 1884 оноос хойш нийт 5564 хүний амийг авч одсон гэнэ. Далайн мөгөөрс нь 15 тохой урт бөгөөд 60 орчим тэмтрүүлтэй байдаг ажээ. Уг амьтны тэмтрүүлэнд ороогдсон хүн ердөө гуравхан секундын дотор зүрх нь зогсдог ба уурласан үедээ онцгой гэрэл цацруулж нэг дор 50 орчим хүнийг хороох чадалтай болох нь тогтоогджээ. Далайн мөгөөрс Австрали болон Филиппиний халуун бүс нутагт голлон амьдардаг билээ.
 
12.Бар
 
Нүд ирмэхийн зуур хүнийг хэдэн хэсэг тасдан хаях аймшигт амьтны нэг бол бол бар юм. Жилд дунджаар 100 орчим хүн барын зууш болдог гэнэ.
 
11.Цаа буга
 
Жилд 120 хүн цаа буганд мөргүүлж нас бардаг гэсэн тоо баримт гарчээ.
 
10.Нохой
 

Бидний үнэнч нөхрийн тоонд тооцогддог нохойн мөн л аюултай амьтдын тоонд багтдаг гэнэ. Жилд дунджаар 25 мянган хүмүүс галзуу нохойнд хазуулж нас бардаг аж.

9.Зэрлэг үхэр
 
Зэрлэг үхрийг гаршуулж тэжээх оролдлого бүхэн бүтэлгүйдэг учраас ийнхүү “зэрлэг” хэмээх тодотголыг авчээ. Хөхтөн амьтны ангилалд багтах 1.5 тонн жинтэй энэ сүрлэг амьтан цагт 50 миллийн хурдтай давхих чадалтай аж. Зэрлэг үхэр маш түрэмгий ууртай амьтан бөгөөд нэг л дайрсан бол уг амьтнаа үхэхээс нааш зогсдоггүй гэнэ. Африкт жилдээ олон зуун хүн зэрлэг үхрийн золиос болдог билээ. Ховордсон амьтны тоонд багтдаг тул агнахыг хоригложээ.
 
  8. Заан
Бидний мэддэгчлэн заан тайван, өхөөрдөм, найрсаг харагддаг билээ. Гэхдээ бодит байдал дээр заан тун амархан уурлаж догширдог гэнэ. Далбагар том чих, 11 фунт жинтэй тархи, 4 метр өндөр бие, аварга том соёо нь зааныг хамгийн аюултай амьтдын эгнээнд зүй ёсоор багтаахад хүргэдэг байна. Заан хамгийн ухаалаг бөгөөд санах ой нь хамгийн удаан байдаг аж. Чих нь ойр орчимын дуу чимээг маш сайн сонсдог билээ. Харамсалтайн заанд гишгүүлж амь насаа алдсан хүний тоо жилд 500 хүрчээ.

7. Давслаг матар

Манай гарагийн хэвлийгээр явагч хамгийн том амьтдын  нэг нь матар юм. Давслаг усны матар 2 тонн жинтэй, 15-21 метрийн урттай бөгөөд гол төлөв Зүүн Өмнөд Ази, Хойд Австралийн хэсгээр амьдардаг. Энэ аймшигт хүн амьнаас эхлээд усан доторх бүхий л амьтныг бүхлээр нь залгих чадалтай ажээ. Усан дотор дельфинтэй адил хэмжээний хурдтай сэлдэг гэнэ. Жилд 1000-1500 хүн давслаг усны матрын аманд ордог байна.

 
6. Усны үхэр
 
 
Мадагаскар дээр гардаг хөгжилтэй усны үхэр бодит амьдрал дээр тун аюултай гэнэ. Түүнийг уурлуулаагүй байхад ч хүн руу дайрах нь элбэг бөгөөд жил бүр 500 орчим хүн усны үхрийн дайралтанд өртөж нас бардаг ажээ.

5.Хилэнцэт хорхой

 
Манай гарагийн хамгийн хортой таван амьтны нэг бол хилэнцэт хорхой юм. Энэ амьтан ганцхан хазалтаар олон мянган хүнийг алах чадвартай билээ. Учир хилэнцэт хорхой өөрөөсөө маш ховор төрлийн хүчтэй бодис ялгаруулдаг байна. Ихэвчлэн Хойд Африк, Ойрхи Дорнодод оршдог. Хилэнцэт хорхойнд хазуулсан хүн тэвчихийн аргагүй өвдөлтийг мэдэрдэг бөгөөд бага насны хүүхэд маш өндөр халуурч улмаар комд орж улмаар нас барах аюултай ажээ. Жилд 5000 хүн хилэнцэт хорхойнд хазуулж хорвоог орхидог гэнэ.
 
4. Тайпан могой
 
 
Тайпан могойнд хазуулсан хүн хамгийн их тарчилдаг бөгөөд хэдэн долоо хоногийн турш цус алдаж үхдэг аж. Агуй болон шилэн хоргонд байхдаа хамгийн тайван идэвхгүй байдалд байдаг ба уурлуулж, өдөөн хатгахгүй л бол тэр бүр хүн рүү дайраад байдаггүй гэнэ. Харин нэг л дайрах юм бол ямар ч амьд гарах найдлага үлддэггүй гэнэ шүү. Тайпан могойноос ялгарах хор маш хүчтэй бөгөөд ердөө 111.000 микро грамм хор хүнийг минутын дотор үхэлд хүргэх чадалтай гэнэ. Иймд манай дэлхийн хамгийн хортой бодисыг тээгч амьтан Тайпан могой гэдэгтэй эргэлзэх хүн гарахгүй биз.

3. Хүн төрөлхтөн
Хүний аминд хүрэгч шилдэг зэвсгийн нэг нь хүн төрөлхтөн бид өөрсдөө юм. Хүний буруутай үйл ажилллагаа, гэмт хэргээс үүдэн жилд хэдэн сая хүн амиа алддаг билээ.

 2. Ялаа

 
Хамгийн аюултай алуурчин ялаа гэвэл итгэх хүн цөөхөн байх. Гэвч ялаа нь олон төрлийн халдварт өвчин тархах гол үндэс болдог байна. Жил бүр хагас сая орчим хүн ялаагаар дамжиж олон тооны өвчин нэрвэгддэг бөгөөд тэдгээр хүмүүсийн 80 хувь нь нас бардаг аж.

1.Шумуул

 
Энэ жижиг амьтан олон сая хүний үхлийн шалтгаан болдог гэхэд үнэхээр итгэмээргүй. Судалгаанаас үзэхэд жилд ойролцоогоор хоёр сая хүн хумхаа өвчний тээгч болсон шумууланд хазуулж нас бардаг гэнэ. Аюултай жагсаалтыг тэргүүлэх болсон бас нэг шалтгаан нь шумуул маш богино хугацаанд үржих чадвартайд оршино. Түүчнлэн өвчнийг хүнээс амьтан, амьтнаас хүнд халдаах чадвартай байдаг нь хамгийн их хөнөөл дагуулж байна.
Уншсан:4149
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

“Хог шатааж эрчим хүч гаргах үйлдвэр” жилд 8000 цаг ажиллаж, 35 МВт эрчим хүч үйлдвэрлэнэ

Огноо:

1 өдрийн өмнө

,

Төр, хувийн хэвшлийн түншлэлийн тухай хуулиар Монгол Улсын хэмжээнд анх удаа хэрэгжих томоохон бүтээн байгуулалтын нэг “Хог шатааж эрчим хүч гаргах үйлдвэр” барих түншлэлийн гэрээг өнгөрөгч сард байгуулсан. Төслийн гүйцэтгэгчээр Рэншоу Сычуань эрчим хүчний хөрөнгө оруулалт, байгаль орчныг хамгаалах ХХК шалгарсан юм.

Өдөрт 1500 тонн хог шатаах хүчин чадалтай үйлдвэрийг Хан-Уул дүүргийн 12 дугаар хороо, Морингийн даваанд 10 га газарт барих хөрөнгө оруулалтын хэмжээ 206.5 сая ам.доллар байх бөгөөд бүтээн байгуулалтыг 30 сарын хугацаанд гүйцэтгэж, 28 жилийн дараа төрд шилжүүлнэ. Тус үйлдвэр нь жилд 8000 цаг ажиллаж, 35 МВт хүчин чадал бүхий цахилгаан эрчим хүч түгээнэ.

Нийслэлийн хэмжээнд гурван төвлөрсөн хогийн цэгт нийлүүлж буй нийт хог хаягдлын 11.4 хувийг дахин боловсруулж, 88.6 хувийг булж устгаж байна. Хогийг булж устгах арга нь метан хийг ихээр ялгаруулдаг, байгаль орчинд сөрөг нөлөө ихтэй. Тиймээс хогийг булж устгахгүйгээр шатаах аргаар эрчим хүч гаргаж авах дэвшилтэт технологи бүхий “Хог шатааж эрчим хүч гаргах үйлдвэр”-ийг барих юм.

Сүүлийн жилүүдэд “Urban mining” гэдэг ойлголт дэлхийн хотуудад дэлгэрч байна. Энэ нь өмнөх жилүүдэд булсан хогийг буцаан ухаж, шатаан эрчим хүч үйлдвэрлээд байгаль экологио 100 хувь сэргээх ойлголт юм. Тус төсөл нь Монгол Улсад экологийн чухал ач холбогдолтой. Шатаах үйлдвэрт зөвхөн Улаанбаатар хотын хог хаягдлыг шатаагаад зогсохгүй, Төв аймгийн Зуунмод хот, Алтанбулаг, Сэргэлэн сумдын хогийг үнэ төлбөргүй шатаана. Мөн Улаанчулуут, Цагаандавааны хогийн цэгүүдэд ойрын 10 жилд дарагдсан хогийг ухаж авч, шатаан байгаль экологио бүрэн цэвэрлэнэ.

Дэлгэрэнгүй унших

Цаг үе

Хром, хар тугалгын бохирдол зөвшөөрөгдөх хэмжээнээс 3-9 дахин их илэрч байна

Огноо:

1 өдрийн өмнө

,

Цаг уур, орчны шинжилгээний газрын харьяа Байгаль орчин, хэмжил зүйн төв лаборатори Нийслэлийн 9 дүүргийн 100 гаруй цэгт хөрсний сорьц авч агро химийн болон хүнд металлын 16 төрлийн бохирдуулах бодисын хэмжээг MNS стандарт аргачлалын дагуу тодорхойлж байна.

2020-2024 онуудын хүнд металлын хяналт шинжилгээний дүнгээр Цинк, Стронци тогтвортой бууралттай, Хар тугалаг, Хром, Цайр өсөх хандлагатай, Зэс, Кобальтын агууламж бага зэрэг хэлбэлзэлтэй, Мөнгөн ус, Bорын агууламж 2024 онд бараг тэг болж буурсан байна.

Хром, хар туглагын бохирдол Монгол Улсын хөрсний эрүүл ахуй MNS5850:2019 стандартаас 3-9 дахин их илэрч байгаа ба Харгиа арьс ширний үйлвэрийн орчим, Цагаан чулуутын хогийн цэгийн орчим, ДЦС-3 орчимд стандарт хэмжээнээс их, бусад цэгүүдэд стандарт хэмжээнээс даваагүй ч, байгалийн Фон хэмжээнээс өндөр агууламжтай байна гэж Цаг уур, орчны шинжилгээний газраас мэдээллээ.

Дэлгэрэнгүй унших

Цаг үе

АТГ: Хэрэг бүртгэлтийн 2 хэрэгт 4 объектод нэгжлэгийн ажиллагаа явуулжээ

Огноо:

1 өдрийн өмнө

,

Авлигатай тэмцэх газрын Мөрдөн шалгах хэлтэс 2025 оны 11 дүгээр сарын 10-16-ны өдрүүдэд гэмт хэргийн шинжтэй 84 гомдол, мэдээллийг шалгасан байна. Үүнээс 9 гомдол, мэдээлэлд хэрэг бүртгэлтийн хэрэг нээх, 8 гомдол, мэдээлэлд хэрэг бүртгэлтийн хэрэг нээхээс татгалзах, 1 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 66 гомдол, мэдээллийг хянан шалгаж байна.

Түүнчлэн эрүүгийн 934 хэрэгт мөрдөн байцаалтын ажиллагаа явуулснаас 8 хэргийг шүүхэд шилжүүлэх, 20 хэргийг хаах, 5 хэргийг харьяаллын дагуу шилжүүлэх саналтай прокурорт хүргүүлж, 3 хэргийг нэгтгэн шалгаж байна. Мөрдөн шалгах ажиллагаанд одоогоор 898 хэрэг шалгагдаж байна.

Хэрэг бүртгэлтийн 2 хэрэгт нийт 4 объектод нэгжлэгийн ажиллагаа явуулж, гэмт хэрэг гарахад нөлөөлсөн шалтгаан, нөхцөлийг арилгуулахаар 4 мөрдөгчийн мэдэгдэл бичиж, холбогдох байгууллагад хүргүүлэв.

Дэлгэрэнгүй унших

Санал болгох