Урлаг спорт
Монгол Улсын Ерөнхийлөгчийн нэрэмжит цомыг Улсын начин Э.Батмагнай хүртлээ

Монгол Улсын Ерөнхийлөгчийн нэрэмжит цомын төлөөх барилдаанд Увс аймгийн Ховд сумын харъяат, Улсын Дархан аварга Н.Батсуурь, Увс аймгийн Давст сумын харъяат, Улсын аварга П.Бүрэнтөгс, Ховд аймгийн Буянт сумын харъяат, Улсын аварга О.Хангай, Сэлэнгэ аймгийн Цагааннуур сумын харъяат, Улсын арслан Б.Орхонбаяр, Өвөрхангай аймгийн Төгрөг сумын харъяат, Улсын арслан Ц.Бямба-Отгон, Архангай аймгийн Булган сумын харьяат, Улсын арслан Р.Пүрэвдагва тэргүүтэй хүчит 128 бөх барилдсанаас Баянхонгор аймгийн Жинст сумын харъяат, Улсын начин Э.Батмагнай түрүүлж, Баян-Өлгий аймгийн Ногооннуур сумын харъяат, Улсын заан Б.Серик үзүүрлэлээ.
Монгол Улсын Ерөнхийлөгч Ухнаагийн Хүрэлсүх Ерөнхийлөгчийн нэрэмжит шилжин явах цомыг Улсын начин Э.Батмагнайд гардуулж, баяр хүргэв.
Мөн үзүүрлэсэн болон их шөвгийн бөхчүүдэд дурсгалын зүйл гардууллаа.
Урлаг спорт
“Монгол” нүүдэлчин фестивалийг зорих иргэдэд автобусаар үнэгүй үйлчилнэ
Монгол Улсад 2025 онд зохион байгуулагдах соёл, аялал жуулчлал, спортын арга хэмжээний нэгдсэн цаглаврын хүрээнд Соёлын биет бус өвийн төрөл зүйлийг сурталчлах, түгээн дэлгэрүүлэх “Монгол” нүүдэлчин өвлийн фестивалийг 2025 оны 02 дугаар сарын 16-наас 22-ны өдрүүдэд Монгол Улсын нийслэл Улаанбаатар хот, “Үндэсний цэцэрлэгт хүрээлэн”-д анх удаагаа зохион байгуулах гэж байна.
Тэгвэл уг наадмыг зорих иргэдэд зориулж үнэ төлбөргүй автобусаар үйлчлэхээр болжээ.
Тодруулбал, Д.Сүхбаатарын талбайн төв зогсоол буюу усан оргилуурын арын буудлаас 5 автобус ээлжлэн 09:30-22:00 цагийн хооронд иргэдэд үйлчилнэ.
Урлаг спорт
”Монгол нүүдэлчин” өвлийн фестивалийг энэ сарын 16-22-нд Үндэсний цэцэрлэгт хүрээлэнд зохион байгуулна
Энэ хүрээнд “Монгол нүүдэлчин” өвлийн фестивалийг соёлын биет бус өвийн 7 ай савын өвлийн улиралд хамаарах зан үйлийг сурталчлан таниулах, мазаалай баавгайг хамгаалах зорилготой өвлийн цас мөсний наадамтай хамтатган зохион байгуулж байгаа юм.
Иргэдийн ая тухыг хангах үүднээс өртөөчилсөн хэлбэрээр зохион байгуулна. Мөсөн сурын харваа, мөсөн шагайн харваа, морь болон нохой чарга зэрэг өвлийн спортын арга хэмжээнд биечлэн оролцох боломжтой. Мөн соёлын бүтээлч үйлдвэрлэлийн бараа бүтээгдэхүүний үзэсгэлэн худалдаа, монголчуудын уламжлалт идээ ундааны амталгаат худалдаа болно.
Урлаг спорт
"The MongolZ" баг "IEM Katowice" тэмцээнээс хүрэл медаль хүртлээ
Цахим спортын "CS2" төрлийн энэ оны хамгийн эхний том тэмцээн "IEM Katowice" Польшийн Катовице хотод 12 өдрийн турш үргэлжилж, дэлхийн шилдэг 24 багаас Францын "Vitality" баг аваргаар тодорлоо.
Хоёрдугаар байрт Оросын "Spirit" баг, гуравдугаар байрт манай улсын "The MongolZ" баг шалгарсан байна. "The MongolZ" багийн хувьд хагас шигшээд "Vitality"-д хожигдсоноор ийнхүү хүрэл медаль хүртжээ.
Тэдний дараагийн тэмцээн нь хоёрдугаар сарын 14-ны өдөр Румынд эхлэх 1.25 сая ам.долларын шагналын сантай "PGL Cluj-Napoca 2025" тэмцээн юм.
-
Улстөр нийгэм2023/03/22
Боловсролын ерөнхий хуулийн төслийг хэлэлцүүлэгт бэлтгэх Ажлын хэсгийн мэдээллий...
-
Улстөр нийгэм2021/02/15
“Нэг хаалга-Нэг шинжилгээ” явцын талаар мэдээлэл хийж байна
-
Цаг үе2022/02/10
Улаанбаатар хотод ажиллах шинжилгээний цэгүүд
-
Цаг үе2019/06/13
Хашаа байшингаа даатгуулах тохиолдолд иргэд юуг анхаарах вэ?