Цаг үе
Байду групп өөрийн гүйцэтгэх захирал асанг авлигын хэрэгт буруутгав
Хятадын тэргүүлэгч онлайн хайлтын системийн групп Байду (Baidu)-аас гүйцэтгэх захирлын албан тушаал хашиж байсан нэгэн этгээдийг авлигад буруутган цагдаад мэдэгдсэн байна. Байдугийн мэргэжлийн ёс зүйн хорооноос тус группийн дэд ерөнхийлөгч асан Вэй Фангийг шалгаж байсан бөгөөд түүнийг буруутгаж байгаа авлигын асуудлын талаар одоогоор тодорхой мэдээллийг ил болгоогүй байна.
Тус группээс мэдэгдэж байгаагаар Вэй Фанг нь 2018 онд тус группийн дэд ерөнхийлөгчийн албан тушаалыг хашиж байсан бөгөөд Байду группийн олон тооны охин компанид хяналт тавих чиг үүргийг хэрэгжүүлдэг байсан аж.
Ши Жиньпин 2012 оноос Хятад улсыг удирдаж эхэлснээс хойш хувийн болон төрийн салбар дахь авлигын эсрэг кампанит ажил эхлүүлсэн юм. Байду группээс өөрийн ёс зүйн хороог 2011 онд байгуулсан бөгөөд 100 гаруй ажилтнаа шалгаад байгаа юм. Өнгөрсөн жил тус групп компани доторх авлига, хээл хахууль болон бизнесийн нууцтай холбоотой 12 хэрэгт холбогдох 14 ажилтнаа ажлаас нь халсан.
Эх сурвалж: finance.yahoo.com
Цаг үе
"Орчлон" хорооллын зүүн талын хашааг буулгаж, явган хүний зам барилаа
СХД-ийн 27 дугаар хороо, "Орчлон" хорооллын зүүн талын хашааг буулгаж, явган хүний зам барьж ашиглалтад орууллаа.
Дээрх байршилд өмнө нь орон сууцны барилга барих зориулалтаар гурван иргэн, аж ахуйн нэгж байгууллага газар эзэмшиж байсан. Газрыг хоёр жил ба түүнээс дээш хугацаагаар зориулалтын дагуу ашиглаагүй, явган хүний орц гарц хааж хашаалсан байсан юм.
Иймээс зөрчлийг арилгаж, дүүргийн Захиалагчийн алба ОНӨААТҮГ-аас өнгөрсөн амралтын өдрүүдэд явган хүний зам барьж ашиглалтад орууллаа.
Цаг үе
Бусдын эрүүл мэндэд хохирол учруулсан 192 хэргийг шүүхээр шийдвэрлүүлжээ
Тээврийн прокурорын газраас 2024 онд зам тээврийн ослын 224 эрүүгийн хэрэгт Эрүүл мэндийн даатгалын тухай хуулийн 12 дугаар зүйлийн 12.1 дэх хэсгийн 12.1.1-т заасны дагуу эрүүл мэндийн даатгалын сангаас гаргасан 412 сая төгрөгийн төлбөрийг гэм буруутай этгээдээр нөхөн төлүүлэхээр шүүхээр шийдвэрлүүлсэн байна.
2025 оны 5 дугаар сарын 01-ний өдрийн байдлаар Эрүүгийн хуулийн 27.10 дугаар зүйлд заасан “Тээврийн хэрэгслийн хөдөлгөөний аюулгүй байдал, ашиглалтын журам зөрчиж” бусдын эрүүл мэндэд хохирол учруулсан 192 хэргийг шүүхээр шийдвэрлүүлсэн. Үүнээс 135 хэрэгт Эрүүл мэндийн даатгалын санд учирсан 230.3 сая төгрөгийн хохирлыг гэм буруутай этгээдээр нөхөн төлүүлэхээр шийдвэрлүүлсэн.
Шүүхээр шийдвэрлэсэн хэргээс “Тээврийн хэрэгслийн хөдөлгөөний аюулгүй байдал, ашиглалтын журам зөрчих” гэмт хэргийн улмаас хүний эрүүл мэндэд хүндэвтэр хохирол учруулсан 97, хүнд хохирол учруулсан 35, хүний амь нас хохироосон 3 хэрэг байна.
Тээврийн прокурорын газраас 2025 оны эхний 5 сарын байдлаар гэмт хэргийн улмаас Эрүүл мэндийн даатгалын санд учирсан хохирлыг гэм буруутай этгээдээс гаргуулж, эрүүгийн хэрэгт хамтатган шийдвэрлүүлсэн хэргийн тоог өмнөх оны мөн үетэй харьцуулахад 31.8 хувиар, шийдвэрлүүлсэн хохирлын хэмжээ 26.7 хувиар тус тус өссөн дүнтэй байна.
Цаг үе
АТГ: Гэмт хэргийн шинжтэй 106 гомдол, мэдээллийг шалгав
Авлигатай тэмцэх газрын Мөрдөн шалгах хэлтэс 2025 оны 5 дугаар сарын 12-18-ны өдрүүдэд гэмт хэргийн шинжтэй 106 гомдол, мэдээллийг шалгав. Үүнээс 17 гомдол, мэдээлэлд хэрэг бүртгэлтийн хэрэг нээх, 14 гомдол, мэдээлэлд хэрэг бүртгэлтийн хэрэг нээхээс татгалзах, 2 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 73 гомдол, мэдээллийг хянан шалгаж байна.
Түүнчлэн эрүүгийн 903 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 17 хэргийг хаах, 3 хэргийг харьяаллын дагуу шилжүүлэх саналтай прокурорт хүргүүлж, 4 хэргийг нэгтгэн шалгаж байна. Мөрдөн шалгах ажиллагаанд одоогоор 868 хэрэг шалгагдаж байна.
Гэмт хэргийн шалтгаан, нөхцөлийг арилгуулахаар мөрдөгчийн 6 мэдэгдэл хүргүүлэв гэж АТГ-аас мэдээллээ.
-
Цаг үе2023/04/21
Улаанбаатарт өдөртөө 5 хэм дулаан
-
Улстөр нийгэм2024/10/28
Л.Оюун-Эрдэнэ: Монгол Улсын хөгжлийн стратегийг тодорхойлохдоо энэ гурван шилжил...
-
Улстөр нийгэм2021/02/15
“Нэг хаалга-Нэг шинжилгээ”-нд 170 гаруй мянган өрхийг хамруулаад бай...
-
Цаг үе2023/09/08
Үс шинээр үргээлгэх буюу засуулбал өвчин эмгэг ирнэ