Урлаг спорт
"Миний мэдэх бурхан багш" гар зургийн уралдаан зарлалаа
Бурхан багшийн Их дүйчэн өдрийг угтан Монголын бурханы шашинтны төв Гандантэгчэнлин хийд, Бурхан багшийн их дүйчэн өдрийн баярыг зохион байгуулах ажлын хэсгээс цэцэрлэгийн 4-6 настай, сургуулийн бага бүлгийн 7-13 настай хүүхдүүдийн дунд гар зургийн уралдааныг зарлаж байна.
Уг уралдаанд оролцогч хүүхдүүд "Миний мэдэх бурхан багш" сэдвээр бурхан багшийн намтар, түүний сургаалын талаар өөрийн ойлголт мэдлэгийн хүрээнд зурсан бүтээлээрээ оролцоно.
БҮТЭЭЛ ХҮЛЭЭН АВАХ ХУГАЦАА: Уралдааны материалыг 2020.05.25-ны 12:00 цагаас өмнө МБШТ Гандантэгчэнлин хийдээс урагш 200 м.т байрлах "Номуун соёл" номын дэлгүүрт нэр, холбогдох утасны дугаараа маш тодорхой бичээд дугтуйнд хийж үлдээнэ үү.
ХЭМЖЭЭ: А3; А4 цаасан дээр зурна.
ШАЛГАРУУЛАЛТ: Мэргэжлийн зураачид шалгаруулах болно.
Ирсэн бүтээлүүдийг Бурхан багшийн их дүйчэн пэйж хуудсанд нийтэлнэ.
ШАГНАЛ: Уралдааны 2 насны ангилал тус бүрт 6-н байр шалгаруулна.
2020 оны 6 дугаар сарын 5-н буюу Бурхан багшийн их дүйчэн өдрөөр шагнал гардуулна.
ШАГНАЛ 4-6 НАС :
Тэргүүн байр-1 хүн, Өргөмжлөл, 300,000 ₮, дурсгалын зүйл
Дэд байр-2 хүн, Өргөмжлөл, 150,000 ₮, дурсгалын зүйл
Тусгай байр-3 хүн, Өргөмжлөл, 50,000 ₮, дурсгалын зүйл
ШАГНАЛ 7-13 НАС :
Тэргүүн байр-1 хүн, Өргөмжлөл, 300,000 ₮, дурсгалын зүйл
Дэд байр-2 хүн, Өргөмжлөл, 150,000 ₮, дурсгалын зүйл
Тусгай байр-3 хүн, Өргөмжлөл, 50,000 ₮, дурсгалын зүйл
Хүүхдүүд та бүгдийг уралдаандаа идэвхтэй оролцохыг уриалж байна.
Дэлгэрэнгүй мэдээллийг: 80158051 утсаар лавлана уу.
ЗОХИОН БАЙГУУЛАГЧ:
БУРХАН БАГШИЙН ДҮЙЧЭН ӨДРИЙН АЖЛЫН ХЭСЭГ
Ташрамд дуулгахад, "Бурхан багш" Энэтхэгийн олон ангит уран сайхны кино энэ сарын 8-наас эхлэн МҮОНРТ-ийн I сувгаар өдөр бүр 21:20 цагаас үзэгчдэд хүрнэ.
Урлаг спорт
МҮОНРТ-ийн Ерөнхий захирал Г.Гэрэл мисс З.Номинзулыг хүлээн авч уулзлаа
Мексик улсад болсон “Miss Universe 2024” 73 дахь удаагийн тэмцээнийг МҮОНТ үзэгч түмэндээ шууд дамжуулан хүргэсэн.
Монголын Үндэсний Олон Нийтийн Радио Телевизийн Ерөнхий захирал Г.Гэрэл өнөөдөр тус тэмцээнд эх орноо төлөөлөн оролцсон МҮОНТ-ийн "Tune in" хөгжмийн нэвтрүүлгийн хөтлөгч мисс З.Номинзулыг хүлээн авч уулзлаа.
МҮОНРТ-ийн Ерөнхий захирал Г.Гэрэл “Miss Mongolia 2023” наадмын үндэсний ялагч З.Номинзулд баяр хүргэн, дурсгалын зүйлс гардуулж, амжилт хүссэн юм.
Мисс З.Номинзул нийгмийн хариуцлагын хүрээнд “Боловсролын тэгш хүрээмж”-ийг хөндөн ажиллахыг зорьж байна.
Түүний энэ санаачилгыг МҮОНРТ-ийн Ерөнхий захирал дэмжин ажиллахаа илэрхийллээ.
Урлаг спорт
Үндсэн хуулийн ойн хүрээнд зохион байгуулдаг Шатар сонирхогчдын Улсын аварга шалгаруулах 13 дахь удаагийн тэмцээн болно
Гурван үе шаттай тус тэмцээнд Монголын шатрын холбооны рейтингийн жагсаалтаар чансаа нь 2000-аас хэтрээгүй (эмэгтэй шатарчдын чансаа 1800 хүртэл), шатрын спортын улсын цолгүй, зөвхөн хөдөлмөрийн насны буюу 25 нас хүрсэн шатар сонирхогч оролцдог.
Нийтээр тэмдэглэх баярын болон тэмдэглэлт өдрүүдийн тухай хуульд Монгол Улсын Үндсэн хуулийн өдрийг нэгдүгээр сарын 13-ны өдрийг улсын хэмжээнд нийтээр тэмдэглэхээр заасан байдаг. Монгол Улсын ардчилсан, шинэ Үндсэн хууль баталсны 33 жилийн ой 2025 оны нэгдүгээр сарын 13-ны өдөр тохиох бөгөөд Улсын Их Хурлын даргын ивээл дор зохион байгуулагддаг Шатар сонирхогчдын Улсын аварга шалгаруулах тэмцээн 13 дахь удаагаа зохион байгуулагдана.
Жил бүр давхардсан тоогоор 6000 гаруй шатар сонирхогч оролцдог энэхүү тэмцээний анхан шатны тэмцээн 2024 оны 11 дүгээр сарын 23, 24-ний өдрүүдэд улс орон даяар нэгэн зэрэг болж, сум, дүүргийн аваргуудыг шалгаруулна. Анхан шатны тэмцээнээс сумаас эрэгтэй 2, эмэгтэй 1, дүүргээс эрэгтэй 6, эмэгтэй 3 шатарчин тус тус шалгаран хагас шигшээ шатанд оролцоно. Аймаг, нийслэлийн аварга шалгаруулах хагас шигшээ тэмцээн 2024 оны 12 дугаар сарын 14, 15-ны өдрүүдэд болж, аймгийн тэмцээнээс эрэгтэй 2, эмэгтэй 1, нийслэлээс эрэгтэй 12, эмэгтэй 6 шатарчин тус тус шалгаран шатар сонирхогчдын улсын аварга шалгаруулах шигшээ тэмцээнд оролцоно.
Шигшээ тэмцээн 2025 оны 1 дүгээр сарын 11, 12-ны өдрүүдэд Төрийн ордонд болж, Шатар сонирхогчдын Улсын аварга шалгаруулах тэмцээний 13 дахь удаагийн аваргыг тодруулах юм. Энэ шатанд хагас шигшээ тэмцээнээс шалгарсан шатарчид болон Улсын Их Хурал, Үндсэн хууль тогтоогчдын холбоо, Улсын Их Хуралд ажлаа тайлагнадаг буюу Улсын Их Хурлаас удирдлага нь томилогддог байгууллага, Төрийн ордонд байрлах бусад төрийн байгууллагаас 30 хүртэл шатарчин урилгаар оролцох юм. Тэмцээнээс медаль хүртсэн шатарчин нь шатрын спортын Дэд мастер цол хүртэх бөгөөд улсын аварга шатарчин нь тухайн жилийн шатар сонирхогчдын Ази тивийн аварга шалгаруулах тэмцээнд Монголын шатрын холбоог төлөөлөн урилгаар оролцох эрх авдаг юм.
Монгол Улсын ардчилсан, шинэ Үндсэн хууль батлагдсан ойг тохиолдуулан Улсын Их Хурлын даргын ивээл дор жил бүр зохион байгуулагддаг Шатар сонирхогчдын Улсын аварга шалгаруулах тэмцээнийг Олон улсын шатрын холбоо (ФИДЕ) болон Монголын шатрын холбооны дүрмийн дагуу зохион байгуулах бөгөөд бүх шатны тэмцээнд үндэсний рейтинг бодогддог байна хэмээн Улсын Их Хурлын Хэвлэл мэдээллийн газраас мэдээллээ.
Урлаг спорт
“Miss Universe 2024” тэмцээнийг МҮОНТ-ээр хүлээн авч үзээрэй
Мексик улсад болж байгаа “Miss Universe 2024” 73 дахь удаагийн тэмцээнд Монгол Улсаас МҮОНТ-ийн "Tune in" хөгжмийн нэвтрүүлгийн хөтлөгч З.Номинзул оролцож байна.
Тус тэмцээнийг МҮОНТ албан ёсны эрхтэйгээр шууд дамжуулна. Тодруулбал, урьдчилсан шалгаруулалтыг Улаанбаатарын цагаар өнөөдөр буюу 2024 оны арваннэгдүгээр сарын 15-ны өдөр 09:00-13:00 цагт, сүүлчийн (финалийн) шалгаруулалтыг арваннэгдүгээр сарын 17-ны ням гарагт 08:00-12:00 цагт үзэгч та бүхэнд хүргэнэ.
Шууд дамжуулалтын хамтрагчаар Зөв Монгол брэнд болон Гоулдс Жим ажиллаж байна.
Сануулахад, дэлхий даяар 1.5 тэрбум хүн шимтэн үздэг хамгийн нэр нөлөө бүхий Миссийн тэмцээн гэгддэг “Miss Universe" нь оролцогчдыг зөвхөн гадаад гоо үзэсгэлэнгээр бус, дотоод итгэл үнэмшил, хүчирхэг зан чанараараа бусдыг урамшуулж, манлайлал үзүүлэхийг зорьсон бүсгүйчүүдийг тодруулдаг.
Тиймдээ ч “Miss Universe” тэмцээнийг дэлхийн 190 гаруй оронд шууд дамжуулдаг томоохон арга хэмжээнд тооцогддог юм. Энэхүү тэмцээн нь гоо үзэсгэлэн, авьяас чадварыг харуулахаас гадна соёлын олон талт байдал, нийгмийн асуудлыг онцолдог.
Ташрамд дурдахад, “Miss Universe 2023" тэмцээнийг телевиз, дижитал, сошиал медиа платформ зэргээр нийт 122 сая хүн үзсэн мэдээ байна.
-
Улстөр нийгэм2020/09/17
Хэрэглээний төлбөрөө цахимаар төлөөд урамшуулал аваарай
-
Үзэл бодол2023/05/10
Ерөнхий сайд Л.Оюун-Эрдэнэ БНХАУ болон ОХУ-ын Элчин сайд нарыг хүлээн авч уулзла...
-
Улстөр нийгэм2020/12/04
М.Оюунчимэг: Хөл хорионы үед хөгжлийн бэрхшээлтэй иргэдийн асуудлыг онцгой анхаа...
-
Шударга мэдээ2021/08/16
Хүнсний ногооны үзэсгэлэн худалдааг 15 байршилд зохион байгуулж байна