Шударга мэдээ
Монгол нэхмэлийн шинэ үе төслийг танилцуулав
ХХААХҮ-ийн сайд Ч.Улаан Монголын Текстилийн Инженерүүд Эрдэмтдийн Нийгэмлэгийн удирдлагуудыг өнөөдөр хүлээн авч уулзлаа. Уулзалтад ХХААХҮ-ийн сайдын Зөвлөх Р.Жадамбаа, НБТГ-ын мэргэжилтэн В.Болормаа, ХҮХБЗГ-ын мэргэжилтэн Б.Эрхэмбаяр, Монголын Текстилийн Инженерүүд Эрдэмтдийн Нийгэмлэгийн тэргүүн Ч.Түмэнбаяр, УЗ-ийн гишүүн Ц.Цогбаяр, ерөнхий нарийн бичгийн дарга Б.Амарзаяа нар оролцов.
Нийгэмлэгийн зүгээс Монголын Текстилийн салбарын өнөөгийн байдлын талаар мэдээлж, цаашид тус салбарыг хөгжүүлэхэд будах- нарийн ээрэхийн үйлдвэр болон даавуу үйлдвэрлэх шаардлагатай байгааг тэмдэглэж , үйлдвэрийн төслийн талаар танилцууллаа.
Энэхүү төслийн хүрээнд ноос, ноолуур болон хөвөн, торгон ширхэгт боловсруулж жилдээ 311,7 тонн нарийн ээрмэл, нарийн даавуу нэхэх үйлдвэр нь 672000 метр даавуу үйлдвэрлэнэ. Будах ээрэх үйлдвэрийг тойрсон сүлжмэл, нэхмэлийн үйлдвэрийн кластер хөгжих юм. Мөн нэхмэл даавууг тойрсон оёмол хувцасны үйлдвэрийн кластер бий болно. Ээрмэл утас, бүх төрлийн ноос, ноолууран хувцас, ороолт, малгай, оёмол хувцас гэх мэт эцсийн бүтээгдэхүүн үйлдвэрлэж дэлхийд хүлээн зөвшөөрөгдсөн Монгол брэндийг бий болгохоор зорьжээ. Төслийн санхүүжилтэд 18 сая долларын хөрөнгө оруулалт шаардагдах бөгөөд үйлдвэрийн цогц төслийг ашиглалтад оруулсанаар жилд 5,7 сая долларын ашигтай ажиллаж, улсын төсөвт 9,3 сая долларын орлогын албан татвар төлөх боломжтой гэж тооцжээ. Мөн төсөл хэрэгсэнээр 1000 орчим ажлын байр бий болж, оёмол бүтээгдэхүүний үйлдвэрлэлийг хөгжүүлэх түлхэж болно гэж үзэж байна.
ХХААХҮ-ийн сайд Ч.Улаан төслийг цаг үеэ олсон төсөл байна гэж тэмдэглээд, яамны хүрээнд судалж, нийгэмлэгтэй хамтран ажиллахаа илэрхийлэв. Тэрбээр бид төслийг судлаж, Нэгдсэн бодлогын төлөвлөлтийн газар, хөнгөн үйлдвэрлэлийн хөгжлийн бодлого зохицуулалтын газар голлон ажиллана. Яамандаа бодлого гаргаад, Засгийн газрын үндэсний хөтөлбөрүүдийн зорилттой уялдуулаад, боломжоо судлах нь зүйтэй юм. Бидний зайлшгүй зорьж байгаа асуудал. Гүн боловсруулалтаа ахиулаад кластер хэлбэрээр боловсруулах үйлдвэрээ түүхий эдээр, утсаар хангах асуудал тулсан зорилт болсон. Та бүхний санал, бидний бодлого зорилго нэг чигт байна. Яамнаас мэргэжлийн холбоодтойгоо хамтран ажиллах, хүчээ нэгтгэх бодлого барьж ажиллаж байна. Тиймээс хамтран ажиллахад таатай байх болно” гэдгийг илэрхийлэв.
Шударга мэдээ
Улаанбаатар зам засвар, арчлалтын газар энэ онд 42 байршилд төсөл хэрэгжүүлж байна
“Улаанбаатар зам засвар, арчлалтын газар” ОНӨААТҮГ-т нийслэлийн Засаг дарга Б.Пүрэвдагва, Баянзүрх дүүргийн Засаг дарга И.Баттөгс, нийслэлийн Замын хөгжлийн төсөл, хөтөлбөрийн зохицуулагч Л.Хосбаяр ажиллалаа.
Улаанбаатар зам засвар, арчлалтын газар нийслэлийн авто зам, байгууламжийн засвар, арчлалт, тэмдэг тэмдэглэгээ, ашиглалтыг хариуцан ажилладаг. Энэ онд нийслэлийн Засаг даргын захирамжаар хэрэгжүүлж буй 18 төсөл, арга хэмжээний хүрээнд нийт 42 байршилд засвар, шинэчлэлийн ажлыг гүйцэтгэж байгаа юм.
Нийслэлийн Засаг дарга бөгөөд Улаанбаатар хотын Захирагч Б.Пүрэвдагва “Улаанбаатар зам засвар, арчлалтын газар хотын чухал эд эс. Авто замын засвар, шинэчлэлийн ажлууд түгжрэл, амьдралын чанартай шууд холбоотой. Иймд явган хүний зам, авто замын эвдрэлийг чанартай засаж, насжилт хэтэрсэн замуудыг шинээр барьж, ажлыг эрэмбэлэх нь чухал. Машин, техник, тоног төхөөрөмжийн шинэчлэл, асфальтбетон үйлдвэрлэлийн зардал, уг үйлдвэрлэлд зориулж дайрга олборлох асуудлыг судлах, нийт асуудлыг нэгтгэн танилцуулахыг нийслэлийн Замын хөгжлийн төсөл, хөтөлбөрийн зохицуулагч Л.Хосбаярт хариуцуулъя” гэв.
Ажиллах хүчний нөхцөл, авто баазын парк шинэчлэл болон асфальтбетоны үйлдвэрлэлийн зардлыг багасгаж, бүтээмжийг сайжруулснаар ажлын бүтээмж 3-4 дахин нэмэгдэх боломжтойг Улаанбаатар зам засвар, арчлалтын газраас танилцууллаа.
Шударга мэдээ
Зөвшөөрөл, мэдэгдлийн хуулийн хэрэгжилтийг хангаж ажиллаагүй эрх бүхий албан тушаалтанд хариуцлага тооцно
“Эдийн засгийн эрх чөлөөний тухай, Хөрөнгө оруулалтын тухай хууль, Зөвшөөрөл, мэдэгдлийн тухай хуулийн хэрэгжилтийг хангах үйл ажиллагааны төлөвлөгөө”-ний хэрэгжилтийн талаар Монгол Улсын Тэргүүн шадар сайд бөгөөд Эдийн засаг, хөгжлийн сайд Ж.Энхбаяр Засгийн газрын хуралдаанд танилцууллаа. Танилцуулгатай холбогдуулан дараах Ерөнхий сайд Н.Учрал дараах үүрэг даалгаврыг өглөө.
-Зөвшөөрөл сунгуулах хүсэлт гаргасан этгээд зөвшөөрлийн нөхцөл, шаардлагыг зөрчөөгүй болох нь тогтоогдсон бол ажлын хоёр өдөрт сунгах тохиргоог Зөвшөөрөл, мэдэгдлийн цахим систем /license.mn/-д хийх,
-Энгийн зөвшөөрөл хүссэн өргөдлийн хариуг хуульд заасан хугацаанд өгөөгүй бол зөвшөөрөл олгосонд тооцох,
-Тусгай зөвшөөрөл авах хүсэлтийг цахимаар гаргах нөхцөл бүрдүүлээгүй зөрчлийг арилгах,
-Зөвшөөрөл сунгуулах хүсэлтийг шийдвэрлэх хугацааг хэтрүүлсэн эрх бүхий албан тушаалтанд хариуцлага тооцохыг Ерөнхий сайд үүрэг болголоо.
-Зөвшөөрөл олгосон, сунгасан, хүчингүй болгосон, түдгэлзүүлсэн шийдвэрийг Зөвшөөрөл, мэдэгдлийн бүртгэл, мэдээллийн нэгдсэн санд хуульд заасан хугацаанд бүртгүүлэх үүргээ гүйцэтгээгүйалбан тушаалтны гаргасан зөрчлийг арилгаж, холбогдох арга хэмжээг авч ажиллахыг даалгав.
Шударга мэдээ
Малын органик тэжээлийн “Мимо” үйлдвэр хүчин чадлаа 10 дахин нэмэгдүүлжээ
Ерөнхий сайд Н.Учрал Сэлэнгэ аймгийн Баруунбүрэн суманд ажиллах үеэрээ Монголын анхны органик тэжээлийн үйлдвэртэй танилцлаа. Тус үйлдвэр өдөрт таван тонн малын тэжээл үйлдвэрлэдэг байснаа өргөтгөж, 50 тонн тэжээл үйлдвэрлэх бүрэн автомат үйлдвэртэй болжээ.
МИМО гэдэг нь “Миний монгол” гэсэн үгийн товчлол. Малчдын МИМО тэжээлд зарцуулсан нэг төгрөг 3-5 төгрөг болж өснө, хамгийн зөв хөрөнгө оруулалт. МИМО-гоор тэжээсэн малыг өндөр үнээр худалдан авч, малчдын орлогыг нэмэгдүүлэх, зах зээлд чанартай мах нийлүүлэх зорилготой ажиллаж байна.
“ЭЙЛ БИ ЭЙЧ АГРО” ХХК 2016 оноос газар тариалан эрхэлж, 3500 га талбайг сэлгэж тариалж байна. Энэ жил буюу 2026 онд нийт 1200 орчим га-д улаанбуудай, тэжээлийн ургамал, чихрийн манжин тариалсан. Үйл ажиллагаагаа өргөжүүлж 2022 оноос малын эрдэс тэжээлийн үйлдвэр байгуулж, 100 хувь байгалийн гаралтай МИМО нэрийн бүтээгдэхүүн зах зээлд нэвтрүүлсэн бол 2025 онд малын хүчит тэжээлийн бүрэн автомат үйлдвэр ашиглалтад оруулжээ.
Үйл ажиллагаандаа ISO9001:2015 болон ISO22000:2018 олон улсын стандарт мөрдөж мал, амьтанд зориулсан эрдэс тэжээл (премикс), малын багсармал болон хорголжин тэжээл, долооц зэрэг найман нэр төрлийн бүтээгдэхүүн үйлдвэрлэж байна.
Эдгээр тэжээлийг хэрэглэснээр, малын зүй бус хорогдлыг 90 хүртэл хувиар бууруулах, ноолуурын гарцыг 60, сүүний гарцыг 40, махны гарцыг 200-300 хувиар тус тус нэмэгдүүлэх, халдварт бус өвчлөлөөс сэргийлэх боломжтой гэж тус компанийн удирдлага Ерөнхий сайдад танилцууллаа.
