Цаг үе
“Эверестэд амиа алдагсдын тоо нэмэгдсэн нь уулчдын үүсгэсэн түгжрэлтэй холбоогүй”
Балба улсын аялал жуулчлалын газрын эрх баригчид Эверестийн ууланд амиа алдагсдын тоо нэмэгдсэн нь уулчдын үүсгэсэн түгжрэлтэй холбоотой гэх мэдээллийг няцаажээ. Тус газрын дарга Данду Радж Гимирийн мэдээлснээр цаг агаарын таагүй нөхцөл байдал зэрэг олон хүчин зүйл нөлөөлжээ.
Энэ улиралд 10 уулчин амиа алдсан эсвэл сураггүй болсон гэх мэдээлэл олон нийтийн хэвлэл мэдээллийн хэрэгслээр тараад байгаа билээ. Түүнчлэн Эверестийн оргил руу авирахаар дараалан зогсож буй уулчдын зураг тавдугаар сард цахим ертөнцөд нийтлэгдэв.
Энэ хавар 381 уулчин Эверестийн оргилд авирсан ч таатай цаг агаарын нөхцөл удаан үргэлжлээгүй байна. Уулчдын тоо ч төсөөлснөөс хамаагүй их байжээ. Одоогоор тус ууланд найман хүн амиа алдсан тухай Гимир албан ёсны мэдэгдэлдээ дурдав.
Хамгийн сүүлд тавдугаар сарын 25-ны өдөр Их Британийн 44 настай уулчин Хейнс Фишер Эверестийн оргилд гараад хэдхэн минутын дараа нас барсан байна. Мөн Ирландын иргэн 56 настай Кевин Хайнс өнгөрсөн баасан гарагт майхандаа нас барсан бол дахин нэг Ирландын иргэн Симус Лоулесс оргилын ойролцоогоос унаж амиа алджээ.
Үүнээс гадна нэг Балба, дөрвөн Энэтхэг, нэг Австри, нэг Америк иргэн амиа алдсан эсвэл сураггүй болоод байна. Орон нутгийн аялал зохион байгуулагч “Энэтхэг уулчдын нэг Нихал Ашпак Бхагван нь ууланд авирагчдын үүсгэсэн дараалалд 12 цаг явсны дараа нас барсан” талаар "AFP" агентлагт мэдээлсэн юм.
Аялал жуулчлалын газрын дарга Гимир амиа алдсан хүмүүсийн ар гэрийнхэнд гүн эмгэнэл илэрхийлжээ.
Эх сурвалж: BBC
Цаг үе
С.Зориг, Д.Нацагдорж, Б.Явуухулангийн хөшөөний дэргэд зөвшөөрөлгүй байрлуулсан хөшөөг шилжүүлнэ
НИТХ-ын Тэргүүлэгчдийн 2010 оны 3 дугаар сарын 31-ний өдрийн 55 дугаар тогтоолоор “Улсын нийслэлд хөшөө, дурсгал хүндэтгэлийн самбар байрлуулах журам”-ыг баталсан байдаг. Үүнд, “Тухайн улс орон, бүс нутгийн соёл урлаг, түүхэн үйл явдлыг харуулсан, оюун сэтгэлгээний хөгжлийн илэрхийлэл болсон, архитектур, дүрслэх урлагийн шийдэл бүхий байгууламжийг хөшөө” гэж нэрлэхээр тусгажээ. Тэгвэл Сүхбаатар дүүргийн 1 дүгээр хороонд төр, нийгмийн нэрт зүтгэлтэн С.Зориг агсны хөшөөний дэргэд холбогдох байгууллагуудын зөвшөөрөлгүйгээр хүүхдийн хөшөө байрлуулсан байна. Түүнчлэн нэрт яруу найрагч Д.Нацагдорж, Б.Явуухулангийн хөшөөний дэргэд мөн зөвшөөрөлгүйгээр хүүхдийн хөшөө байрлуулжээ.
Энэ нь “Улсын нийслэлд хөшөө, дурсгал хүндэтгэлийн самбар байрлуулах журам”-ын 2.1, 2.2 заалтыг тус тус зөрчсөн тул дээрх зөвшөөрөлгүй хөшөөнүүдийг албадан шилжүүлэхийг холбогдох газруудад мэдэгдээд байна.
“Улсын нийслэлд хөшөө, дурсгал хүндэтгэлийн самбар байрлуулах журам”-ын дараах заалтыг тус тус зөрчжээ.
2.1 Нийслэлийн нутаг дэвсгэрт хөшөө, дурсгал хүндэтгэлийн самбар байрлуулах саналыг яам, тусгай газар, нийслэл, дүүргийн Засаг даргын Тамгын газар, аж ахуйн нэгж, нам, олон нийтийн байгууллага, иргэдээс албан бичгээр комисст гаргана.
2.2 Нийслэлийн Иргэдийн Төлөөлөгчдийн Хурлын Тэргүүлэгчдийн дэргэд комисс (цаашид "Комисс” гэх) ажиллаж, нийслэлийн нутаг дэвсгэрт хөшөө дурсгал, түүх соёлын үл хөдлөх дурсгалт зүйлийн загвар батлах асуудлыг хэлэлцэн санал боловсруулж, Нийслэлийн Иргэдийн Төлөөлөгчдийн Хурлын Тэргүүлэгчдийн хуралдаанаар шийдвэрлүүлнэ.
Цаг үе
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
Цаг үе
Өнөөдөр сондгой дугаараар төгссөн тээврийн хэрэгсэл хөдөлгөөнд оролцоно
Наймдугаар сарын 15-аас есдүгээр сарын 12-ны өдрийг дуустал хугацаанд нийслэлийн хэмжээнд автомашиныг улсын дугаарын тэгш, сондгойгоор ангилан замыг хөдөлгөөнд оролцуулах зохицуулалт бүсчлэл харгалзахгүй хэрэгжиж байна.
Тодруулбал:
Сондгой тоогоор төгссөн бол: 9 дүгээр сарын 3, 5, 7, 9, 11-нд хөдөлгөөнд оролцоно.
Тэгш тоогоор төгссөн бол: 9 дүгээр сарын 4, 6, 8, 10, 12-нд хөдөлгөөнд оролцоно.
Иймд өнөөдөр таны тээврийн хэрэгслийн улсын бүртгэлийн дугаар сондгой тоогоор төгссөн бол авто замын хөдөлгөөнд оролцоно.
Улсын дугаарын тэгш, сондгойгоор ангилан хөдөлгөөнд оролцуулах энэхүү зохицуулалт 07:00-21:00 цагийн хооронд хэрэгжих бөгөөд бүсчлэл харгалзахгүй, нийслэлийн төвийн зургаан дүүргийн хэмжээнд шийдвэр үйлчилнэ.
.jpg?w=1000)
-
Улстөр нийгэм2025/12/30
Доктор Түндэвийн Зэвгээд Ардын багш цол хүртээлээ
-
Урлаг спорт2021/04/13
П.Буяндэлгэр Азийн бөхийн холбооны Ерөнхий нарийн бичгийн даргаар сонгогдов
-
Цаг үе2025/10/09
Ерөнхийлөгч У.Хүрэлсүх энхийг сахиулагчдад төрийн одон, медаль гардууллаа
-
Үзэл бодол2022/06/09
У.Хүрэлсүх: Хүнсний аюулгүй байдлыг хангахад үндэсний лавлагаа лаборатори чухал ...