Бидэнтэй нэгдэх

Цаг үе

Мандалговь-Даланзадгад чиглэлийн 305,1 км автозамд засвар хийнэ

Огноо:

3 жил 4 сар.өмнө

,

Засгийн газрын ээлжит хуралдаан 2022 оны тавдугаар сарын 25-нд болж, Мандалговь-Даланзадгад чиглэлийн 305,1 км автозамд гарсан эвдрэлийг засварлах, хөдөлгөөний аюулгүй байдлыг хангахад шаардагдах 3,4 тэрбум төгрөгийг шийдвэрлэх арга хэмжээ авахыг  “Эрдэнэс таван толгой” ХК-ийн Төлөөлөн удирдах зөвлөлийн дарга Д.Батбаатар, гүйцэтгэх захирал Б.Ганхуяг нарт даалгалаа.

Энэ чиглэлийн замд стандартын дагуу арчлалт, урсгал засварын ажил, автозамын ашиглалтын байнгын бэлэн байдлыг хангах үүрэг бүхий гурван зам хариуцагч байгуулага ажиллаж байна.

Гэвч сүүлийн жилүүдэд авто замын нөхцөл байдал агаарын бохирдлыг бууруулах арга хэмжээний хүрээнд хэрэгжиж байгаа мидлингийн тээвэр, экспортын нүүрсний тээвэр мөн орон нутаг болон уурхайд шаардлагатай шатахуун түлшний тээвэрлэлт эрс нэмэгдэж, тэдгээр нь даац хэтрүүлэн тээвэрлэлт хийж байгаагаас шалтгаалан ихээхэн эвдрэлд орж, автозамын ашиглалтын бэлэн байдал болон хөдөлгөөний аюулгүй байдал алдагдаж, автозам хэрэглэгч, ард иргэдийн эрүүл, аюулгүй зорчих эрх зөрчигдөөд байсан юм. 

Уншсан:1732
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Бага тойруу хэсгийн хот байгуулалтын үйл ажиллагааг зохион байгуулах тухай тогтоолын төслийг баталлаа

Огноо:

19 цаг 25 минут

,

Нийслэлийн ИТХ-ын ээлжит бус VII хуралдааны нэгдүгээр хэлэлцүүлэг 2025 оны есдүгээр сарын 19-ний өдөр боллоо. Хуралдаанаар нийслэлийн Ерөнхий архитектур Ч.Төгсдэлгэр Бага тойруу хэсгийн хот байгуулалтын үйл ажиллагааг зохион байгуулах талаар танилцуулав.

Нийслэлийн Ерөнхий архитектур Ч.Төгсдэлгэр “2040 хөгжлийн ерөнхий төлөвлөгөөгөөр Улаанбаатар хотын эдэлбэр газрыг 44937 га талбайтайгаар төлөвлөсөн бөгөөд үүнээс 24 хувийг хэвээр хадгалж шинэчлэх асуудлыг тусгасан байна. Ерөнхий төлөвлөгөөнд хотын түүхэн дурсгалт байгууламжийг хамгаалж, сэргээх арга хэмжээ тусгагдсан. Их тойруу, Бага тойрууг гэр хэлбэрийн модон дуганын уламжлалт төлөвлөлттэйгөөр хадгалах, түүхэн дурсгалуудад хамгаалалтын зэрэг тогтоох, нийт 177 архитектурын чуулгуудыг хамгаалалтад авахаар тусгаад байна. Тодруулбал,

  • Бага тойруугийн архитектурын чуулга 33.7 га,
  • Сүхбаатарын талбайн архитектурын чуулга 20.4 га,
  • Гандан орчмын архитектурын чуулга 68.5 га,
  • Барилгачдын талбайн архитектурын чуулга 20.4 га,
  • Тусгаар тогтнолын архитектурын чуулга 4.6 га байна.

2025 оны байдлаар улс, нийслэлийн хамгаалалтад 48 барилга байна. Улаанбаатар хотын 2040 он хүртэлх хөгжлийн ерөнхий төлөвлөгөөнд 130 дурсгалт барилгыг хамгаалалтад авах шаардлагатай гэж тусгагдсан. Тус ерөнхий төлөвлөгөөг УИХ энэ намрын чуулганаар хэлэлцүүлэхээр бэлтгэл хангаад байна. Бага тойруу хэсэгт ашиглалтын шаардлага хангахгүй, нийтийн зориулалттай, 2969 өрхийн 72 орон сууц байна. Эдгээрээс хүчитгэх боломжтойг нь судалж, шаардлага хангахгүйг нь дахин төлөвлөхдөө давхрын өндрийг нь нэмэлгүй, анхны архитектурын хэв шинжийг нь алдагдуулалгүй, фасадыг нь өмнөхтэй адилаар төлөвлөнө. Хотын хуучин өнгө төрхийг хадгалснаар хойч үедээ хотынхоо соёл, түүхэн өвийг дамжуулж, өвөрмөц төрх, онцлогийг илэрхийлж, иргэдийн түүхээр бахархах мэдрэмжийг нэмэгдүүлнэ. Үүнийг дагаад аялал жуулчлал хөгжих зэргээр газар эргэлтэд орж оршин суугчдын амьжиргаа дээшлэх ач холбогдолтой байдаг. Мөн орон нутгийн бизнесүүд бий болж, ажлын байр нэмэгдэнэ гэж харж байна. Түүнчлэн дэд бүтцийн хүртээмжтэй хот болон хөгжиж, хүн амын нягтшил тогтворжино. Ногоон байгууламж цэцэрлэг, сургуулийг нэмэгдүүлснээр оршин суугчдын амьдралын чанар дээшилнэ” гэлээ.

Ийн Бага тойруу хэсгийн хот байгуулалтын үйл ажиллагааг зохион байгуулах тухай тогтоолын төслийг НИТХ-аар хэлэлцэн баталлаа.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй унших

Цаг үе

Улаанбаатарт өдөртөө 15 хэм дулаан

Огноо:

20 цаг 9 минут

,

Малчид, тариаланчид, хадланчдын анхааралд: 22-нд Архангай, Булган аймгийн нутаг, Хөвсгөлийн өмнөд, Өвөрхангайн хойд хэсгээр, 23-нд Төв болон Хэнтий аймгийн нутгаар ахиухан хэмжээний бороо, уулаараа нойтон цас орж, зам даваанд халтиргаа гулгаа үүсэхийг онцгойлон анхааруулж байна.

2025 оны есдүгээр сарын 22-ны 08 цагаас 20 цаг хүртэл: Ихэнх нутгаар солигдмол үүлтэй. Баруун аймгуудын нутгийн зүүн хэсэг, төв болон говийн аймгуудын ихэнх нутаг, зүүн аймгуудын нутгийн баруун хэсгээр бороо, уулаараа нойтон цас орно. Салхи нутгийн зүүн хэсгээр баруун өмнөөс, бусад нутгаар баруун өмнөөс хойш эргэж секундэд 6-11 метр, борооны өмнө түр зуур ширүүснэ. Алтай, Хангай, Хөвсгөлийн уулархаг нутаг, Идэр, Тэс, Завхан голын хөндий, Заг-Байдраг голын эх, Эг, Үүр голын хөндийгөөр 7-12 хэм, говийн бүс нутгийн зүүн хэсэг, Дорнодын тал нутаг, Халх голын хөндийгөөр 18-23 хэм, бусад нутгаар 12-17 хэм дулаан байна.
 
УЛААНБААТАР ХОТ ОРЧМООР: Үүлшинэ. Бороо орно. Салхи баруун өмнөөс секундэд 6-11 метр, борооны өмнө түр зуур ширүүснэ. 13-15 хэм дулаан байна.

БАГАНУУР ОРЧМООР: Үүлшинэ. Бороо орно. Салхи баруун өмнөөс секундэд 6-11 метр, борооны өмнө түр зуур ширүүснэ. 12-14 хэм дулаан байна.

ТЭРЭЛЖ ОРЧМООР: Үүлшинэ. Бороо орно. Салхи баруун өмнөөс секундэд 5-10 метр, борооны өмнө түр зуур ширүүснэ. 12-14 хэм дулаан байна.

2025 оны есдүгээр сарын 23-наас 27-ныг хүртэлх
цаг агаарын урьдчилсан төлөв
 
23-нд нутгийн зүүн хагаст, 24-нд баруун аймгуудын нутгийн баруун, зүүн аймгуудын нутгийн зүүн хэсэг, 25-нд баруун аймгуудын нутгийн өмнөд хэсгээр, 26-нд баруун аймгуудын нутгийн өмнөд хэсэг, говийн аймгуудын ихэнх нутгаар хур тунадас орно. Салхи 23-нд говь, талын нутгаар секундэд 13-15 метр хүрч ширүүснэ. 23-нд нутгийн зүүн хагаст сэрүүсэх боловч бусад хугацаанд өдөртөө бага зэрэг дулаарч Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Заг-Байдраг голын эх, Идэр, Тэс, Тэрэлж голын хөндийгөөр шөнөдөө 2-7 хэм хүйтэн, өдөртөө 7-12 хэм, говийн бүс нутгийн өмнөд хэсгээр шөнөдөө 9-14 хэм, өдөртөө 20-25 хэм, бусад нутгаар шөнөдөө 1…6 хэм, өдөртөө 13-18 хэм дулаан байна. 
Дэлгэрэнгүй унших

Цаг үе

"Сайн" картыг хэрэглээнээс хална

Огноо:

21 цаг 47 минут

,

Нийслэлийн долоон дүүргийн хэмжээнд шахмал түлшний борлуулалт эхэлсэнтэй холбогдуулан "Тавантолгой түлш" компанийн ажилтан албан хаагчид “ХОТУЛА” аппликейшнийг хэрхэн ашиглах талаарх заавар зөвлөгөөг борлуулалтын цэгүүдэд биечлэн ажиллаж мэдээлэл өгч байна.
 
Иргэдийн хувьд “Сайн” картаар болон “ХОТУЛА” аппликейшныг ашиглан шахмал түлшээ худалдан авч байгаа бөгөөд долоо хоногт 7 шуудайг авах боломжтой юм.
 
"Сайн" картгүй болон аппликейшн ашиглах боломжгүй иргэдэд иргэний үнэмлэхний ард байрлах QR кодыг ашиглан худалдан авалт хийх боломжийг ирэх сарын 1-нээс нээхээр хөгжүүлэгч компанийнхан ажиллаж байна.
 
Цаашид арванхоёрдугаар сарын 15-наас "Сайн" картыг хэрэглээнээс бүрэн халах юм.
 
Тиймээс шахмал түлш хэрэглэгч, иргэд гар утсандаа “ХОТУЛА” аппликейшнийг татаж авахыг "Тавантолгой түлш" ХХК-иас зөвлөж байна.
 
Дэлгэрэнгүй унших
сурталчилгаа

Санал болгох