Улстөр нийгэм
Гадаад харилцааны сайд Н.Энхтайванд ОХУ-ын Гадаад хэргийн сайдын мэндчилгээг уламжлав
Гадаад харилцааны сайд Н.Энхтайван ОХУ-аас Монгол Улсад суугаа Элчин сайд И.К.Азизовыг 2020 оны 7 дугаар сарын 10-ны өдөр хүлээн авч уулзав. Уулзалтын эхэнд Элчин сайд И.К.Азизов ОХУ-ын Гадаад хэргийн сайд С.В.Лавровоос Үндэсний их баяр Наадмыг тохиолдуулан, мөн Монгол Улсын Гадаад харилцааны сайдаар томилогдсонтой нь холбогдуулан Гадаад харилцааны сайд Н.Энхтайванд илгээсэн баярын илгээлтийг гардуулав.
ОХУ-ын Гадаад хэргийн сайд С.В.Лавров илгээлтдээ Монгол, Оросын иж бүрэн стратегийн түншлэлийн харилцааг улам өргөжүүлэх нь хоёр улсын язгуур эрх ашигт нийцэж, Ази тивийн тогтвортой, аюулгүй байдлыг бэхжүүлэхэд хувь нэмэр оруулна гэж үздэгээ илэрхийлжээ.
Гадаад харилцааны сайд Н.Энхтайван, Элчин сайд И.К.Азизов нар Монгол, Оросын иж бүрэн стратегийн түншлэлийн харилцааг шинэ агуулгаар баяжуулах, ирэх жил тохиох хоёр орны хооронд дипломат харилцаа тогтоосны 100 жилийн ойг хамтран тэмдэглэх зэрэг асуудлаар санал солилцов.
Сайд нар хоёр улсын худалдаа, эдийн засгийн хамтын ажиллагааг идэвхжүүлэх, “Сибирийн хүч-2” төсөл, төмөр замын шинэчлэл зэрэг томоохон төслүүдийг урагшлуулахын төлөө цаашид ч ойр дотно хамтран ажиллахын чухлыг онцлон тэмдэглэв.
Элчин сайд И.К.Азизов түүнчлэн Улаанбаатар дахь Дипломат корпусын нэрийн өмнөөс Гадаад харилцааны сайд Н.Энхтайван шинэ албан тушаалд томилогдсонд нь баяр хүргэж, ажлын амжилт хүсэв.
Улстөр нийгэм
Х.Баттулга ҮХЦ-ийн гишүүдэд нөлөөлж байна
Үндсэн хуулийн цэцийн дээр хөх тэнгэр л байгаа. Өөр юу ч байх учиргүй хэмээн цэцийн гишүүд мэдэгддэг. Гэвч сүүлийн үед хөх тэнгэрийн нь оронд Х.Баттулга гарч иржээ. Түүнийг ҮХ-ийн дагуу дахин нэр дэвших эрхгүй гэсэн гомдол ҮХЦ дээр очсноос хойш Х.Баттулга хоёр ч удаа ҮХЦ дээр өөрийн биеэр очоод байна.
Өнгөрсөн 4 жил Ерөнхийлөгчөөр ажиллахдаа ганц удаа ҮХЦ-ийн байраар шагайж үзээгүй Ерөнхийлөгч өөрийнх нь асуудлыг хэлэлцэх гэж байгааг сонсноос хойш нэг сарын дотор 2 ч удаа очиж уулзна гэдэг дарамт шахалт үзүүлэх гэсэн оролдлого гэж харахаас өөр арга алга. Түүний энэ үйлдийг УИХ-ын гишүүн Т.Доржханд ч эсэргүүцэж байгаагаа олон нийтийн сүлжээгээр дамжуулан илэрхийлээд байна. Учир нь Т.Доржханд Үндсэн хуулийн цэцэд Х.Баттулгын асуудлаар гомдол гаргаж, асуудлыг хэлэлцэх өдрийг хүлээж байгаа юм.
Улстөр нийгэм
МОНГОЛБАНК: Урт хугацаат репо арилжаа зохион байгууллаа
Монголбанкнаас Ковид-19 цар тахлын эдийн засагт үзүүлэх сөрөг нөлөөг бууруулах зорилгоор урт хугацаат репо санхүүжилтийн хэрэгслийг ашиглан жижиг, дунд үйлдвэрлэл эрхлэгчид болон уул уурхайн бус экспортлогчдод 10.5 хувийн хүүтэй, 2 жилийн хугацаатай зээл олгох арга хэмжээг 2020 оны 4 дүгээр улиралд эхлүүлсэн. Энэ арга хэмжээний хүрээнд 2020 оны 12 дугаар сард олгосон 230 тэрбум төгрөгийн репо санхүүжилтийн эх үүсвэрийг банкууд нийт 20 мянга орчим ажилтантай 1536 аж ахуйн нэгжид шинээр зээл олгох болон зээлийг дахин санхүүжүүлэх хэлбэрээр ашиглаад байна.
Мөнгөний бодлогын хорооноос 2021 оны 1 дүгээр улиралд 250 тэрбум төгрөгийн урт хугацаат репо санхүүжилт олгохоор шийдвэрлэсний дагуу 2021 оны 2 дугаар сарын 22-ны өдөр Монголбанкнаас урт хугацаат репо арилжаагаар ирүүлсэн саналын дагуу ХААН, Худалдаа хөгжлийн, Голомт, Хас, Тээвэр хөгжлийн, Богд, Капитрон, Кредит банкуудад нийт 200 тэрбум төгрөгийн санхүүжилтийг олголоо.
Урт хугацаат репо санхүүжилтийн эдийн засагт үзүүлэх нөлөөг сайжруулах зорилгоор Монголбанкнаас жижиг, дунд үйлдвэрлэл эрхлэгч иргэдийг хамрагдах боломжоор хангаж, жижиг дунд үйлдвэрлэл эрхлэгчид олгох зээлийн дээд хэмжээг 3 тэрбум төгрөг болгон нэмэгдүүлэв.
Цаашид банкууд Монголбанкнаас авсан санхүүжилтээр жижиг, дунд үйлдвэрлэл эрхлэгч аж ахуйн нэгж, иргэд болон уул уурхайн бус салбарт үйл ажиллагаа явуулдаг экспортлогч аж ахуйн нэгжүүдэд Монголбанкны Ерөнхийлөгчийн 2021 оны 2 дугаар сарын 19-ны өдрийн А-58 дугаар тушаалаар батлагдсан шалгуурын дагуу 3 тэрбум төгрөг хүртэл хэмжээтэй, 2 жилийн хугацаатай, жилийн 10.5 хувийн хүүтэй зээлийг шинээр олгох болон өмнө олгосон зээлийг дахин санхүүжүүлэх юм.
Иймд Монголбанкнаас тавьсан шалгуурыг хангаж буй харилцагчид дээрх нэр бүхий банкуудад хандан шинээр зээл авах, зээлд дахин санхүүжилт хийлгэх боломжтой гэж Монголбанкнаас мэдээллээ.
Монголбанкнаас баталсан зээлийн шалгуур нөхцөлтэй энд дарж танилцана уу.
Урт хугацаат репо арилжааны явцын мэдээллийг эндээс үзнэ үү.
Улстөр нийгэм
"Нэг хаалга-Нэг шинжилгээ"-ний тайланг хэлэлцэв
Улсын онцгой комиссын Шуурхай ажлын хэсэг хуралдаж Гамшгаас хамгаалах бүх нийтийн бэлэн байдлын зэрэгт шилжсэн үед авч хэрэгжүүлсэн “Нэг хаалга-Нэг шинжилгээ”-ний нэгдсэн тайланг хэлэлцэв. Нийт халдварын 122 тохиолдол, 33 далд голомт илрүүлсэн. Гэхдээ энэ нь голомтыг хумьж, тархалтыг бүрэн зогсоосон гэсэн үг биш. Иймээс иргэд, аж ахуйн нэгж, байгууллагуудад халдвар хамгааллын дэглэмийг дээд зэргээр сахиулах нь зүйтэй гэж үзлээ.
Цаашид нийслэл , аймаг орон нутагт хэрэгжүүлэх арга хэмжээний зохион байгуулалт, эрсдлийн үнэлгээ, автозамын хяналтын нэгдсэн цахим системд шилжих зэрэгт анхаарах хэрэгтэйг Монгол Улсын Шадар сайд, Улсын онцгой комиссын дарга С.Амарсайхан сануулав. Мөн иргэдэд аливаа мэдээ, мэдээллийг үнэн зөв, хоёрдмол утгагүй хүргэж байхыг үүрэг болгов. "Нэг хаалга-Нэг шинжилгээ"-тэй холбоотой нэгдсэн тайланг маргааш нийтэд мэдээлнэ гэж Шадар сайдын Ажлын албанаас мэдээллээ.
-
Үзэл бодол2019/09/06
Х.Баделхан: Барилгын тусгай зөвшөөрөл олгох үйл явц сайжирч байна
-
Чөлөөт цаг2020/03/25
Үс шинээр үргээлгэх буюу засуулахад тохиромжгүй
-
Улстөр нийгэм2020/09/11
Азийн хөгжлийн банкны төслийн удирдагчтай цахим уулзалт хийлээ
-
Шударга мэдээ2019/07/23
2019 оны эхний хагас жилд Иран руу 826 тонн хонины мах экспортложээ