Бидэнтэй нэгдэх

Урлаг спорт

Монгол бүжигчид Олон улсын бүжгийн уралдаанаас медаль хүртлээ

Огноо:

5 сар 12 өдөр.өмнө

,

Монголын балетын хөгжил сангийн санаачлагаар UNESCO-гийн ивээл дор зохион байгуулагдсан 16 орны 1000 гаруй уран бүтээлчдийн оролцсон IUCDC буюу Олон улсын нэгдсэн цахим бүжгийн уралдаан хоёр сар гаран үргэлжилж  2 сарын 12-нд дүнгээ гаргажээ.
Сонгодог, ардын, орчин үе, чөлөөт, стандарт, цэнгээнт бүжгүүд ба бүжгийн сэдэвт уран зураг, кино бүтээл гэсэн төрлүүдээр явагдсан уг тэмцээнд Монгол Улсаа төлөөлөн Улаанбаатар, Дархан-Уул, Дорноговь, Завхан аймгаас оролцсон хүүхэд залуус ардын, сонгодог мөн орчин үеийн төрлүүдээр 4 алт, 4 мөнгө, 2 хүрэл медаль болон тусгай байрын шагналууд хүртлээ.
Тодруулбал, Ардын бүжгийн төрөлд Жуниор/При-Жуниор ангилалд:
-Дорноговь аймгийн Саран хөхөө театрын дэргэдэх “Саруул дэнж” хамтлаг – Алтан медаль  болон Шилдэг үзүүлбэрийн шагнал
-О.Мишээл  – Алтан медаль
-Г.Энгүн  – Алтан медаль
-Я.Түмэн-Эрдэнэ – Мөнгөн медаль
-А.Биндэръяа – Мөнгөн медаль
-М.Энхжин – Мөнгөн медаль
-Х.Хонгорзул – Хүрэл медаль
-Э.Эмүжин – Хүрэл медаль
-Нийслэлийн 84-р дунд сургуулийн сурагч Ц.Эрхсаран – тусгай байр
Ардын бүжгийн төрөлд сениор ангилалд:
Цагдаагийн “Сүлд” чуулгын бүжиг дэглээч, Монголын балетын үндэсний сургуулийн багш, соёлын тэргүүний ажилтан Ё.Дамчаабадгар – Алтан медаль болон шилдэг үзүүлбэрийн шагнал
-Завхан аймгийн уран бүтээлч, бүжиг дэглээч Э.Амаржаргал – Мөнгөн медаль
Сонгодог бүжгийн төрөлд:
-Дархан-Уул аймгийн “Гладнес” клубын баг – Тусгай байр
-Ц.Молор – Хичээл зүтгэлийн шагнал
Орчин үеийн бүжгийн төрөлд:
Ц. Молор – Тусгай байр
О.Уянга  – Тусгай байрын шагнал хүртлээ.
Уг тэмцээний шүүгчдийн бүрэлдэхүүнд “Монголын балетын хөгжил сан”-гийн тэргүүн, МУГЖ, Соёлын Элч Д.Алтанхуяг ажилласан байна.
Уншсан:1164
Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUDARGA.MN сайтын редакц

Урлаг спорт

Монгол Улсыг төлөөлөн олимп, тив дэлхийн тэмцээнд оролцох шигшээ баг, тамирчдыг дэмжих лобби бүлэг байгуулав

Огноо:

2 өдрийн өмнө

,

Улсын Их Хурлын гишүүн Х.Ганхуяг, Г.Амартүвшин, Д.Батлут, Д.Бат-Эрдэнэ, Ч.Ундрам, Т.Энхтүвшин нар “Олимпийн наадмын спортын төрлүүдийн хөгжлийг дэмжих болон Монгол Улсыг төлөөлөн олимп, тив дэлхийн тэмцээнд оролцох шигшээ баг, тамирчдыг дэмжих лобби бүлэг” байгуулж буйгаа 2021 оны долоодугаар сарын 9-ний өдөр Улсын Их Хурлын дарга Г.Занданшатарт танилцуулсан байна.    

Монгол Улс биеийн тамир, спортыг хөгжүүлэхэд анхаарч “Алсын хараа 2050”, “Монгол Улсын Засгийн газрын 2020-2024 оны үйл ажиллагааны хөтөлбөр” зэрэг дунд болон урт хугацааны хөгжлийн бодлогын баримт бичгүүдэд биеийн тамир, спортын салбарын бодлогын үр нөлөөг дээшлүүлэх, үндэсний шигшээ багийн бүх түвшинд тамирчдын ур чадварыг ахиулах, тив, дэлхий, олимпод өрсөлдөхүйц чадварыг бий болгох, спортын сургалт-дасгалжуулалт, тэмцээн, наадмын шаталсан тогтолцоог боловсронгуй болгох үндсэн зорилтыг дэвшүүлсэн байдаг.  

Монгол Улсыг төлөөлөн олимп, тив дэлхийн тэмцээнд оролцох шигшээ баг, тамирчдыг дэмжих, олимпийн наадмын спортын төрлүүдийг хүүхэд залуучуудад сурталчлан таниулах, спортын сургалт-дасгалжуулалтыг спортын төрөл бүрээр төлөөлөх, олимп, тив дэлхийд өрсөлдөх чадварлаг тамирчдыг бэлтгэх тогтолцоог боловсронгуй болгож хууль эрх зүйн орчныг сайжруулах шаардлагатай хэмээн Улсын Их Хурлын гишүүд үзэж, санал нэгдсэн байна. Энэхүү зорилтын хүрээнд лобби бүлэг байгуулахаар шийдвэрлэжээ.

Түүнчлэн 2022 онд Бүгд Найрамдах Хятад Ард Улсын Бээжин хотод зохион байгуулагдах Өвлийн олимпийн 24 дэх наадам, 2024 онд Франц Улсын Парис хотод зохион байгуулагдах Зуны олимпийн 33 дахь наадам, Монгол Улсад зохион байгуулагдах Олон Улсын залуучуудын спортын ногоон наадам, 2023 оны Зүүн Азийн залуучуудын спортын наадамд оролцох шигшээ баг тамирчдыг бэлтгэх, амжилтын чанарыг ахиулах, дэмжих чиглэлд холбогдох шийдвэрийг санаачлан батлуулахын төлөө дээрх лобби бүлгийн гишүүд идэвх санаачилгатай ажиллах юм байна хэмээн Улсын Их Хурлын Хэвлэл мэдээлэл, олон нийттэй харилцах хэлтсээс мэдээллээ.

Дэлгэрэнгүй унших

Урлаг спорт

Франц дахь монголчууд Төрийн далбаагаа мөнх цаст Монбланы оройд мандуулав

Огноо:

7 өдрийн өмнө

,

Франц Улсын Шамоникс хотод зохион байгуулагддаг “Монбланы марафон” өндөр уулын трасс гүйлтийн тэмцээнд манай баг тамирчид амжилттай оролцож, эх орныхоо далбааг Альпийн нурууны мөнх цаст Монбланы оройд мандуулжээ.

Тус тэмцээнд Монгол Улсаа төлөөлөн Франц Улсад ажиллаж амьдарч буй Цамбын Азбилэг, Баатарын Байгалмаа, Цагаанхүүгийн Батчимэг, Энхбаярын Дөлгөөн, Батсайхaны Дэлгэрмаа, Бадамдоогийн Өнөрбат нарын 6 хүний бүрэлдэхүүнтэй тамирчид амжилттай оролцсон байна.

Монбланы марафон нь 42 жилийн турш зохион байгуулагдаж буй бөгөөд жил бүр 80 гаруй орноос нийт 10,500 гаруй гүйгчид ирж оролцдог олон улсын хэмжээний томоохон тэмцээн юм. Уг тэмцээнд маш олон хүн бүртгүүлдэг тул лоттери буюу сугалаагаар оролцогчдыг сонгодог. Парис Парис хотноо ажиллаж амьдардаг монгол иргэдийн “Монгол гүйгчид” клубын 6 гишүүн сугалаа таарч оролцох боломж бүрдсэн байна.

Энэ жилийн тэмцээний хувьд КОВИД-19 цар тахлын улмаас оролцогчдын тоог эрс хязгаарлаж, 4,000 хүн оролцож гүйсэн. Тэмцээн нийт 7 ангиллаар (90км, 42км, 23км, 20км, 15км, 10км, 3.8км) зохион байгуулагдсан бөгөөд 23 км зайн төрөлд Ц.Азбилэг (05:45:31), Б.Байгалмаа (05:00:44), 10км зайд Ц.Батчимэг (01:16:15), Э.Дөлгөөн (01:37:53), Б.Дэлгэрмаа (01:37:52), Б.Өнөрбат (01:19:58) нар амжилттай оролцлоо.

Манай тамирчдын хувьд анх удаа уулын болон хэт өндөрлөг газрын тэмцээнд оролцсон байгаа бөгөөд Ц.Батчимэг өөрийн насны ангиллаар 17 дугаар байранд, Б.Өнөрбат 23 дугаар байранд орсон. Бусад гишүүдийн хувьд ч мөн адил хувийн болон клубын хувьд өндөр амжилт үзүүлж барианд орсон байна.

Тус клуб нь зөвхөн гишүүдийн хүрээнд гүйх биш Францад амьдарч байгаа монголчуудаа нэгтгэх, хамтдаа ууланд алхах, спорт хийх зэргээр цагийг зөв боловсон, үр өгөөжтэй өнгөрүүлэх, хүүхэд багачууд, залуустаа эерэг нөлөөлөл үзүүлэх зорилготой олон үйл ажиллагаа хийхээр төлөвлөөд байгаа.

Чөлөөт цагаа зөв боловсон өнгөрүүлэх, бие биенээ дэмжих, суралцах, ажиллаж амьдарч буй улс орныхоо нийгэм, олон нийтэд монгол орноо эерэгээр таниулан сурталчлах, зөв үлгэрлэл үзүүлж байгаад гүйлтийн клубын гишүүдэд Монгол Улсаас Бүгд Найрамдах Франц Улсад суугаа Элчин сайдын яамнаас Франц Улсад ажиллаж амьдарч буй монгол иргэдийнхээ өмнөөс халуун баяр хүргэж, цаашдын ажил үйлсэд өндөр амжилт, сайн сайхныг хүсэн ерөөв.

Дэлгэрэнгүй унших

Урлаг спорт

"ДээлтэйМонголChallenge" уралдааныг зарлаж байна

Огноо:

19 өдрийн өмнө

,

Монголчуудын уламжлалт өв соёл, үндэсний хувцасны язгуур хэв шинж, үндэстэн ястны дээл хувцас, эд хэрэглэл, ардын урлагийн биет болон биет бус өвийг сурталчлах, дэлхий дахинд Монгол үндэстэн гэдгээ түгээн таниулах, Үндэсний хувцсаараа дамжуулан үр хойчдоо агуу түүх, соёл, уламжлалаа өвлүүлэн үлдээх зорилгоор 2006 онд анх Улаанбаатар хотноо “Дээлтэй Монгол наадам”-ыг “Монголын Аялал жуулчлалын холбоо”, “Монгол костюмс” ХХК-тай хамтран зохион байгуулсан.

Энэхүү наадам нь Монгол үндэсний хувцастай иргэдийн баярын жагсаал, үндэсний хувцасны загварын үзүүлбэр, ардын урлагийн тоглолтыг зохион байгуулж, Монгол үндэсний дээлтэй гадаадын шилдэг зочин оролцогч, хамгийн сайхан дээлтэй хос зэргийг шалгаруулан, үндэсний хувцас, гар урлалын бүтээгдэхүүн, бэлэг дурсгалын бүтээгдэхүүн үйлдвэрлэгчид, уран бичлэг, уран хайчилбар урчуудын бүтээгдэхүүнийг сурталчлан таниулж биет болон биет бус өвийг сурталчлан таниулах, түгээн дэлгэрүүлэх хэлбэрээр зохион байгуулагддаг бөгөөд цаашид Монгол туургатны хэмжээнд зохион байгуулах, Монгол үндэсний хувцасны язгуур хэв шинжийг хадгалах, Үндэсний уламжлалт зан үйл, ёс заншил, дээл хувцас, эдлэл хэрэглэл, тоглоом наадгай, гар урлалыг цогц хэлбэрээр олон нийтэд таниулах зорилготой юм.

Монгол Улсын Засгийн газрын 2019 онд жил бүрийн 7 дугаар сарын 09-ний өдрийг “Үндэсний хувцасны өдөр” болгон баталсан байдаг. Нийслэлийн Аялал жуулчлалын газар нь Dance chance-тэй хамтран хамтран Үндэсний хувцасны өдрийг тохиолдуулан "Дээлтэй Монгол наадам"-ыг  цахимаар зохион байгуулж, Монголчуудын уламжлалт соёл түүний дотор үндэстэн ястны дээл хувцас, ардын урлагийн биет болон биет бус өвийг сурталчлан таниулах, түгээн дэлгэрүүлэх, иргэдийн оролцоог нэмэгдүүлэх зорилгоор цахимаар үндэсний дээл хувцастай бүжгийн #ДээлтэйМонголChallenge, #Dancechance уралдааныг эхлүүлж байна.

Уралдаанд оролцохыг хүссэн хүн бүрд нээлттэй бөгөөд 2021 оны 7 дугаар сарын 9-нөөс 8 дугаар сарын 9-нийг хүртэл сарын хугацаанд зохион байгуулагдах бөгөөд удирдамжид заасан шалгуур үзүүлэлтээр дүгнэж, 1, 2, 3 байр эзлүүлж шагнаж урамшуулах юм. Та бүхнийг идэхтэй оролцохыг урьж байна гэж Нийслэлийн Аялал жуулчлалын газраас мэдээллээ.

Дэлгэрэнгүй унших

Санал болгох