Бидэнтэй нэгдэх

Цаг үе

Тусгай хамгаалалттай газруудад “Smart 7” мэдээллийн системийг бүрэн нэвтрүүлнэ

Огноо:

2 жил 6 сар.өмнө

,

Тусгай хамгаалалттай газар нутгуудын байгаль хамгаалагчдын хяналт мониторингийн ажилд сүүлийн үеийн SMART хяналт бүртгэлийн системийг нэвтрүүлснээр үнэн, бодитоор орон зай, цаг хугацааны тодорхой давтамжтайгаар хүрээлэн буй орчны эсрэг гэмт хэрэг, зөрчлийг бүртгэх, хянах, мэдээллийг цуглуулж боловсруулах, дата бааз бий болох юм.
 
Тусгай хамгаалалттай газар нутгийн бодлого зохицуулалтын газар нь Дэлхийн байгаль хамгаалах сан (WWF), Байгаль, зэрлэг амьтдыг хамгаалах нийгэмлэг (WCS) зэрэг олон улсын байгууллагуудын дэмжлэгтэй 2018 оноос эхлэн Мөнххайрханы БЦГ, Увс нуурын ай савын УТХГН, Хар ямаатын БНГ, Онон-Балж, Гутайн даваа-Хөмүүл голын эх БЦГ, Говийн Бага А болон Б дархан цаазат газар зэрэг УТХГ-уудын байгаль хамгаалагчдыг тусгай тоног төхөөрөмжөөр хангаж, SMART хяналт бүртгэлийн системийн сургалтыг тогтмол зохион байгуулж, дадлагажуулан, ажлын үр дүнг сар, улирлаар дүгнэн амжилттай туршсан.
 
Иймд энэ туршлагыг өргөжүүлэн бүх УТХГ-уудад SMART хяналт бүртгэлийн системийг нэвтрүүлэхээр дээрх олон улсын байгууллагуудтай хамтран ажиллаж байна. Уг ажлын хүрээнд 34 тусгай хамгаалалттай газрын захиргаадын 54 мэргэжилтэнд сургалтыг зохион байгууллаа.
 
SMART хяналт бүртгэлийн систем нь УТХГ-ын хяналт шалгалтын мэдээллийг бүрэн хянах, БОАЖЯ дээр шуурхай төвлөрүүлэх, зөрчлийг богино хугцаанд шийдвэрлэх, эрсдэлтэй газруудыг тодорхойлж тусгайлсан хяналт, арга хэмжээ авах, мэргэжилтэн, байгаль хамгаалагчдын ажлын үр дүнг дүгнэх боломжийг олгох буйгаараа давуу талтай.
 
Уг хяналт бүртгэлийн системийг дэлхийн 80 гаруй Улс оронд амжилттай хэрэглэж байна гэж Байгаль орчин, аялал жуулчлалын яамнаас мэдээллээ.
Уншсан:1470
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

СЭРЭМЖЛҮҮЛЭГ: Банканд хуурамч ам.доллар солиулахыг завджээ

Огноо:

23 цаг 57 минут

,

"Нэр бүхий банканд хуурамч валют илэрсэн" гэх дуудлага, мэдээлэл энэ оны 11-р сарын 18-ны өдөр цагдаагийн байгууллагад бүртгэгдсэн. Тодруулбал, нэр бүхий иргэн нь “Хуурамч 100 ам.доллар солиулахыг завдсан хэрэг”-ийг цагдаагийн байгууллагаас шалгаж байна.

Сүүлийн үед тусгай тэмдэглэгээ, дардастай хуурамч валют буюу кино зураг авалт, үзүүлэнгийн зориулалттай долларыг банк, валют арилжааны төвүүдэд солиулахыг завдаж буй үйлдэл бүртгэгдэн, цагдаагийн байгууллагад шалгагдаж байна.

Иймд гадаад валют худалдан авах гэж буй иргэд заавал баталгаат байгууллагаар үйлчлүүлэхийг зөвлөж байна.

Дэлгэрэнгүй унших

Цаг үе

Хугацаат цэргийн алба хаагчид энэ сарын 29-нд тангараг өргөнө

Огноо:

1 өдөр.өмнө

,

Зэвсэгт хүчний нэгтгэл, ангиудад 2025 оны хоёрдугаар ээлжээр хугацаат цэргийн албанд татагдсан шинэ дайчдын Цэргийн тангараг өргөх ёслол арваннэгдүгээр сарын 29-нд болно. Хугацаат цэргийн алба хаагчид цэргийн анхан шатны сургалт бэлтгэлд хамрагдаж байгаа бөгөөд эр цэргийн тангараг өргөсний дараа цэргийн эрдэмд суралцаж, эх орноо батлан хамгаалахад нэн чухал цэргийн мэргэжил эзэмшинэ.

Мөн аймаг, нийслэл, дүүргийн Мэргэжлийн сургалт үйлдвэрлэлийн төвийн дэмжлэгтэйгээр хугацаат цэргийн алба хаагч хүсвэл тухайн орон нутагтаа хэрэгцээтэй гагнуурчин, цахилгаанчин, үсчин зэрэг 10 гаруй мэргэжлийг давхар эзэмшиж байгаа аж.

Дэлгэрэнгүй унших

Цаг үе

Эмэнд тэсвэртэй сүрьеэгийн улмаас манай улсад жил бүр 15-20 хүн нас бардаг

Огноо:

1 өдөр.өмнө

,

Эмийн эмчилгээнд хариу үйлчилгээ үзүүлэхгүй, тухайн нягийн халдвар нь эмээр эдгэрэх боломжгүй болохыг эмэнд тэсвэртэй нян гэнэ.
 
Эмэнд тэсвэртэй болсон нянгийн халдвар, өвчний үед эмчилгээ үр дүнгүй болж, улмаар нас баралтад хүргэх эрсдэл бий болдог.
 
Тухайлбал, Сүрьеэ өвчний үеийн эмийн эмчилгээг тасалдуулснаас үүдэн эмэнд тэсвэртэй сүрьеэ болж хүндэрдэг.
 
Манай улсад жилд дунджаар 3000 гаруй сүрьеэгийн шинэ тохиолдол бүртгэгдэж байгаагаас 5 хувийг нь олон эмэнд тэсвэртэй сүрьеэ (ОЭТС) эзэлж байна. Энэ хувь сүүлийн жилүүдэд нэмэгдэх хандлагатай байна.
 
2024 онд эмэнд тэсвэртэй сүрьеэгийн нийт 265 тохиолдол бүртгэгдсэн. Үүний 156 нь олон эмэнд тэсвэртэй сүрьеэ бөгөөд жил бүр олон эмэнд тэсвэртэй сүрьеэгийн улмаас 15-20 хүн нас барж байна.
 
Эмийг эмчийн бичиж өгсөн жорын дагуу уух нь эмийн тэсвэржилт үүсэхээс сэргийлнэ.
 
Таны биеийн байдал сайжирсан ч эмчийн заавраар эмээ дуустал уугаарай.
 
Дэлгэрэнгүй унших

Санал болгох