Цаг үе
АНУ-ын зүүн хойд бүс нутгаар их хэмжээний цас орж, дөрвөн хүн амь насаа алджээ
АНУ-ын зүүн хойд бүс нутгаар буюу хойд Каролина, Жоржиа, Албама мужид их хэмжээний цас орж, хэд, хэдэн хотод цахилгаан тасарч, хот хоорондын авто замууд цасанд боогдон, сургууль болон төрийн байгууллагуудын үйл ажиллагаа хаагдсан байна.
Цасан шуурганы улмаас 300 гаруй удаагийн дуудлага бүртгэгдсэн бөгөөд дөрвөн иргэн амь насаа алдаж, 14 хүн бэртэж, гэмтсэн бол 60 тээврийн хэрэгсэл мөргөлджээ.
Мөн тус улсын Флорида мужийн ихэнх нутгаар өнгөрөгч мягмар гарагт хүчтэй аадар бороо орж, үерийн аюулаас гадна хүчтэй хар салхи шуурсны улмаас 49 суурин газарт онц байдал зарлаад байна.
Цаг агаарын эрс тэс үзэгдлээс болж олон хүн бэртэж, гэмтсэн бөгөөд хүний амь нас эрсдээгүй. Харин 1300 орчим нислэг цуцлагдаж, 630 мянган айл өрх цахилгаангүй болжээ.
Эх сурвалж: ОБЕГ
Цаг үе
СЭРЭМЖЛҮҮЛЭГ: Банканд хуурамч ам.доллар солиулахыг завджээ
"Нэр бүхий банканд хуурамч валют илэрсэн" гэх дуудлага, мэдээлэл энэ оны 11-р сарын 18-ны өдөр цагдаагийн байгууллагад бүртгэгдсэн. Тодруулбал, нэр бүхий иргэн нь “Хуурамч 100 ам.доллар солиулахыг завдсан хэрэг”-ийг цагдаагийн байгууллагаас шалгаж байна.
Сүүлийн үед тусгай тэмдэглэгээ, дардастай хуурамч валют буюу кино зураг авалт, үзүүлэнгийн зориулалттай долларыг банк, валют арилжааны төвүүдэд солиулахыг завдаж буй үйлдэл бүртгэгдэн, цагдаагийн байгууллагад шалгагдаж байна.
Иймд гадаад валют худалдан авах гэж буй иргэд заавал баталгаат байгууллагаар үйлчлүүлэхийг зөвлөж байна.
Цаг үе
Хугацаат цэргийн алба хаагчид энэ сарын 29-нд тангараг өргөнө
Зэвсэгт хүчний нэгтгэл, ангиудад 2025 оны хоёрдугаар ээлжээр хугацаат цэргийн албанд татагдсан шинэ дайчдын Цэргийн тангараг өргөх ёслол арваннэгдүгээр сарын 29-нд болно. Хугацаат цэргийн алба хаагчид цэргийн анхан шатны сургалт бэлтгэлд хамрагдаж байгаа бөгөөд эр цэргийн тангараг өргөсний дараа цэргийн эрдэмд суралцаж, эх орноо батлан хамгаалахад нэн чухал цэргийн мэргэжил эзэмшинэ.
Мөн аймаг, нийслэл, дүүргийн Мэргэжлийн сургалт үйлдвэрлэлийн төвийн дэмжлэгтэйгээр хугацаат цэргийн алба хаагч хүсвэл тухайн орон нутагтаа хэрэгцээтэй гагнуурчин, цахилгаанчин, үсчин зэрэг 10 гаруй мэргэжлийг давхар эзэмшиж байгаа аж.
Цаг үе
Эмэнд тэсвэртэй сүрьеэгийн улмаас манай улсад жил бүр 15-20 хүн нас бардаг
