Улстөр нийгэм
“Ардчилсан Үндсэн хууль ба түүнд оруулсан нэмэлт, өөрчлөлтийн агуулга, ач холбогдол” нийтлэл, нэвтрүүлгийн уралдаан зарлалаа
Монгол Улсын Их Хурлын Тамгын газраас Монгол Улсын Үндсэн хуулийн өдрийг тохиолдуулан сэтгүүлч, нийтлэлч, иргэдийн дунд шилдэг нийтлэл, нэвтрүүлгийн уралдааныг зарлаж байна.
ЗОРИЛГО: 1992 онд баталсан Ардчилсан, шинэ Үндсэн хууль болон 2019 онд Үндсэн хуульд оруулсан нэмэлт, өөрчлөлтийн агуулга, ач холбогдлыг уран сайхны нийтлэл, нэвтрүүлгээр дамжуулан олон нийтэд таниулах, сурталчлах, Үндсэн хуулиа сахин биелүүлэх, дагаж мөрдөх, дээдлэн хүндэтгэх үзэл санааг нийт нийгэм, иргэдэд түгээн дэлгэрүүлэхэд энэхүү уралдааны зорилго оршино.
ҮНДСЭН ШАЛГУУР:
- Монгол Улсын Үндсэн хууль, түүнд оруулсан нэмэлт, өөрчлөлтийн агуулга, үзэл санаа, ач холбогдлыг зүйл, заалтад тулгуурлан зөв тайлбарлаж, Монгол Улсын ирээдүйн хөгжил дэвшил, Монголын ард түмний сайн сайхан амьдралын баталгааг хангахад хэрхэн нөлөөлөхийг бодит жишээгээр батлан илэрхийлсэн байх;
- Үндсэн хуулиа дагаж мөрдөх, хэрэгжүүлэх, дээдлэх чиглэлээр иргэд, байгууллагаас зохион байгуулж болох үйл ажиллагааны талаар асуудал хөндөж, шинэлэг сэдэл, шийдэл дэвшүүлсэн байх;
- Нийтлэл, нэвтрүүлэг нь хариуцлагатай сэтгүүл зүйн зарчим, нийтлэг үүрэг, ёс зүйд нийцэж, хууль тогтоомж, олон улсын гэрээ, конвенцэд нийцсэн, нэр томьёог зөв хэрэглэсэн байх
ТАВИХ ШААРДЛАГА:
- Уралдаанд ирүүлсэн бүтээлүүд нь агуулга, хэл найруулгын болон зөв бичих, өгүүлэхүйн алдаагүй байх;
- Телевизийн бүтээл 15-20 минутад багтсан, өнгө дүрс, график дизайны шинэлэг технологийг ашигласан байх;
- Сонин, сайтын бүтээл нь Arial-12 үсгийн фонтоор бичсэн, А4 форматын 5 нүүрээс ихгүй байх;
- Бүтээл нь телевиз, сонин, сайтад нийтлэгдсэн байх бөгөөд телевизийн бүтээлийг DVD, VCD-д хувилж, сонин сайтын бүтээлийн эх хувийг, нийтлэгдсэн хувилбартай хамт авчирч өгөх
- Уралдаанд оролцогчид овог нэр, хаяг, утасны дугаар, цахим шуудангийн хаяг бүхий мэдээлэл хавсарсгасан байх;
ХУГАЦАА:
- Уралдаан 2019.12.20-ноос 2020.01.10 хүртэл үргэлжилнэ.
- Бүтээлийг хүлээн авах сүүлийн хугацаа 2020.01.10-ны 17.30 цаг
ШАЛГАРУУЛАЛТ:
- Тусгай комисс бүтээлийг шалгаруулж, дүнг 2020.01.12-нд гаргаж, Монгол Улсын Үндсэн хуулийн өдрөөр буюу 2020.01.13-нд шагналыг гардуулна.
ШАГНАЛЫН САН:
Телевизийн бүтээл Сонин, сайтын бүтээл
I байр 1 (3.000.000 төг) I байр 1 (2.000.000 төг)
II байр 1 (2.000.000 төг) II байр 1 (1.000.000 төг)
III байр 1 (1.000.000 төг) III байр 1 (500.000 төг)
Тусгай байр 1 (500.000 төг) Тусгай байр 1 (250.000 төг)
МОНГОЛ УЛСЫН ИХ ХУРЛЫН ТАМГЫН ГАЗАР
Утас: 264834, 265841, 264427, 99051306, 91990295
Улстөр нийгэм
Битүүний өдрийн зохицуулалтын санал асуулгыг нэгдүгээр сарын 25-нд хаана
Цагаан сарын битүүний өдөртэй холбогдуулан 2026 оны хоёрдугаар сарын 17-ны ажлын өдрийг хоёрдугаар сарын 28-ны өдөр шилжүүлэн ажиллах талаар иргэдийн саналыг E-Mongolia системээр авч байна.
Санал асуулгыг 2026 оны нэгдүгээр сарын 25-ны 23:59 цагт хаахаар болжээ.
Улстөр нийгэм
Л.Хосбаяр: Зорилтот бүлгийн иргэдийг хөдөлмөр эрхлүүлж нийгэмшүүлэх цогц хөтөлбөрийг зохион байгуулна
Баянзүрх дүүргийн 20 дугаар хороо, Улиастайн Майхантын аманд Нийгмийн хамгааллын тусгай төвийн барилгын ажил бүрэн дуусаж, улсын комисс хүлээн авсан. Тус төвд 200-250 орон гэргүй зорилтот бүлгийн иргэнд нийгэмд бие даан амьдрахад нь дэмжлэг үзүүлэх юм. Төвийн үйл ажиллагаатай холбоотойгоор нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяр мэдээлэл өглөө.
Тэрбээр "Нийгмийн хамгааллын тусгай төвийн байрыг улсын комисс хүлээж авсан, удахгүй ашиглалтад орно. Уг төвд зорилтот бүлгийн иргэдэд нийгэмд бие даан амьдрахад нь дэмжлэг үзүүлж, хөдөлмөр эрхлүүлж, орлоготой болгоход чиглэсэн цогц хөтөлбөрийг төлөвлөн ажиллаж байна. Тус төвд тоног төхөөрөмжүүдийг шийдсэн. Хүмүүс ажиллах ногооны талбайтай. Хүний нөөцийг нэмэгдүүлэхэд анхаарч ажиллаж байна. Сургалт, хүмүүжлийн зорилгоор сургалтын хөтөлбөр боловсруулах, үйлчлүүлж амьдрах иргэдийг чадавхжуулж, нийгэмшүүлэхэд судалгаануудыг үе шаттай хийх хэрэгтэй. Тухайн иргэдийг тайван амгалан, стрессгүй орчинд ажил хөдөлмөр эрхлүүлж, нийгэмшүүлж, зөв хүн болгон төлөвшүүлэхийн тулд бололцоотой бүхнийг хийнэ. 2050 он гэхэд орон гэргүй зорилтот бүлгийн иргэдийг тодорхой түвшинд бууруулж, амьдралын чанарыг нь дээшлүүлэхэд зорилт тавин ажиллаж байна” гэдгийг онцоллоо.
Нийгмийн хамгааллын тусгай төвийн дарга Ш.Мөнхцэцэг “Бид тус төвд хоёрдугаар сарын 1-нд урьдчилсан байдлаар эхний хүмүүсээ аваад үйлчилгээ үзүүлж эхэлнэ. Орон гэргүй хүмүүстэй ажилладаг түр хамгаалах төвүүдийн бусад улсын туршлагыг судлаад эхэлсэн. Нийслэлд жилд хөдөлмөрийн насны 200 орчим иргэн орон гэргүй болж бүртгэгдэж байна. Нэг нийгмийн ажилтан, нэг сэтгэл зүйч 75-100 хүнд хүрч ажилладаг. Нийслэлээс орон гэргүй иргэдийг нийгэмшүүлэх асуудлыг цогц байдлаар дэмжиж байгаа учраас шинэ барилга, тоног төхөөрөмжүүдтэй боллоо. Хүний нөөцийн асуудлыг ч дэмжиж байгаад баяртай байна” гэлээ.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Улстөр нийгэм
Амралтын өдрүүдэд осгосон нийт 3 дуудлага мэдээлэл бүртгэгджээ
Хүйтний эрч нэмэгдсэн өнгөрсөн амралтын өдрүүдэд осгосон байдалтай нас барсан байж болзошгүй, осгосон нийт 3 дуудлага мэдээлэл бүртгэгдсэн.
Тодруулбал цагдаагийн байгууллагад энэ оны 01 дүгээр сарын 17-оос 01 дүгээр сарын 19-ний өдрүүдэд Орхон аймаг, Баянзүрх дүүргийн нутаг дэвсгэрт “Хүн осгосон байдалтай нас барсан байна” гэх 2 дуудлага мэдээлэл бүртгэгдээд байна.
Урьдчилсан байдлаар 52-56 насны иргэд архи согтууруулах ундаа хэтрүүлэн хэрэглэсэн үедээ биеэ авч явах чадваргүй болсны улмаас гадаа гудамжинд осгож амь насаа алдсан байж болзошгүй нөхцөл байдал тогтоогдоод байна.
Харин осгосон байдалтай олдсон иргэний хувьд иргэн Д нь архи согтууруулах ундааны зүйл хэтрүүлэн хэрэглэсэн үедээ биеэ авч явах чадваргүй болж осгосны улмаас хөлийн тавхай хэсэг хөлдсөн ГССҮТ-д эмчилгээ хийлгэж байна.
Осголт хөлдөлтийн улмаас хүн эрүүл мэндээрээ хохирохоос гадна насан туршийн хөдөлмөрийн чадвараа алдах цаашлаад амь насаа алдах эрсдэлтэй тул иргэд та бүхэн архи согтууруулах ундаа хэтрүүлэн хэрэглэхгүй байхыг зөвлөж байна.
-
Шударга мэдээ2020/07/13
Афганистанаас 62 энхийг сахиулагч эх орондоо ирлээ
-
Цаг үе2020/04/13
Мөс цөмрөх аюулаас сэрэмжлүүлж байна
-
Улстөр нийгэм2020/07/31
Азийн дэд бүтцийн хөрөнгө оруулалтын банкны цахим уулзалтад Сангийн сайд Ч.Хүрэл...
-
Үзэл бодол2019/08/02
УИХ-ын дарга Г.Занданшатар хууль, шүүхийн байгууллагын удирдлагуудад албан бичиг...