Шударга мэдээ
Төрийн банкны “Ялалтыг ойроос дэмжье” аяны азтанууд Парисыг зорилоо
Төрийн банкнаас нийт харилцагчдынхаа дунд Парис-2024 зуны олимпын наадмыг үзэх “Ялалтыг ойроос дэмжье” олон улсын ВИЗА картын урамшуулалт аяныг зарлаж, өнгөрсөн 6 дугаар сард хоёр азтаныг тодруулсан билээ.
Тэгвэл өнөөдөр буюу 2024 оны 8 дугаар сарын 1-ний өдөр азтан болсон харилцагчид хүн төрөлхтний эв нэгдлийн бэлгэ тэмдэг болсон олимпын наадмыг үзэж, үзэсгэлэнт Парис хотоор аялахаар Франц улсыг зорилоо.
Төрийн банкны сугалааны эрх бүхий нийт Виза картын харилцагчид дундаас “Говь-Алтай” салбарын харилцагч С.Даваадулам, “Архангай Хотонт” тооцооны төвийн харилцагч Д.Чанцалдулам нар азтан болж, зуны олимпын XXXIII их наадмын хөнгөн атлетик, сагсан бөмбөгийн 3х3, жүдо бөхийн тэмцээнийг тус тус үзэж баг тамирчдынхаа ялалтыг ойроос дэмжихээр болсон байна. Мөн урамшуулалт аяны азтанууд Төрийн банкны бүтээгдэхүүн үйлчилгээг тогтмол ашигладаг бөгөөд олон харилцагчдын дундаас азтан болж Парис хотноо болж буй Олимпын наадмыг үзэх болсондоо баяртай байгаагаа илэрхийллээ.
Дундаж давхаргыг дэмжигч Төрийн банк нь санхүүгээ ухаалгаар удирдах, хуримтлуулах дадлыг дэмжих зорилгоор нийт харилцагчдынхаа дунд олон төрлийн урамшуулалт аяныг зарлаж, азтануудыг тодруулсаар байгаа төдийгүй та бүхэнд “Мөрөөдлөө хадгалъя 2024” болон “Гялсбанкны урамшуулалт аян” зэрэг аянуудын дараагийн азтан болох боломж нээлттэй хэвээр байна.
“Ялалтыг ойроос дэмжье” урамшуулалт аянд оролцсон нийт харилцагч та бүхэндээ талархал илэрхийлье.
Дундаж давхаргыг дэмжигч Төрийн банк
Шударга мэдээ
Мансууруулах, сэтгэцэд нөлөөт бодис хэрэглэсэн, хадгалсан этгээдүүдийг илрүүллээ
Шударга мэдээ
Зүрх судасны үндэсний төв байгуулах төслөөр 119 ортой эмнэлэг барина
Засгийн газрын ээлжит хуралдаан 2025 оны наймдугаар сарын 13-нд болж, Монгол Улс, Европын сэргээн босголт, хөгжлийн банк хооронд байгуулах “Зүрх судасны үндэсний төв байгуулах төсөл”-ийн Зээлийн хэлэлцээрийн төслийг хэлэлцэн дэмжээд Улсын Их Хурлын холбогдох Байнгын хороодтой зөвшилцөхөөр тогтов. Улсын Их Хурлын холбогдох Байнгын хороод дэмжсэн тохиолдолд уг Зээлийн хэлэлцээрт гарын үсэг зурах эрх олгох тухай Ерөнхий сайдын захирамж гарна.
Зүрх судасны шалтгаант нас баралт сүүлийн 20 жилд Монгол Улсын иргэдийн нас баралтын тэргүүлэх (2024 онд 5789 нас баралт) шалтгаан болж байна. Тус шалтгаант нас баралтын 35 хувь нь 45-65 насны иргэд байна. Иргэдийн дунд зүрх судасны өвчлөлийн эрсдэл, хүчин зүйлийн тархалт өндөр, 75 хувь нь зүрх судасны өвчлөлийн эрсдэлтэй байна.
Монгол Улсын хэмжээнд зүрхний мэс заслын 95, судсан дотуурх оношилгоо, эмчилгээний 67, хэм алдагдлын эмчилгээний 93 хувийг Улсын гуравдугаар төв эмнэлэг үзүүлж байна. Тус эмнэлэгт 2024 онд зүрхний нээлттэй мэс засалд 425 хүн орсны 120 нь хүүхэд байжээ. Тандан судалгаагаар 2030 он гэхэд манай улсын зүрх судасны тусламж, үйлчилгээний шаардлага 2.6 дахин нэмэгдэхээр тооцоолжээ.
“Зүрх судасны үндэсний төв” төслийн хүрээнд нийт 119 ортой эмнэлэг барихаар төлөвлөж байна. Тус төслийг Европын сэргээн босголт, хөгжлийн банкнаас олгох 34.9 сая ам.долларын зээлийн хөрөнгө болон Люксембургийн Их Гүнт Улсаас олгох 22.5 сая евро /25.13 сая ам.доллар/-ийн буцалтгүй тусламжаар хэрэгжүүлнэ.
Шударга мэдээ
Гурвалжингийн гүүрийн авто замын зүүн эгнээг хэсэгчлэн хааж, засвар шинэчлэлтийн ажлыг гүйцэтгэж байна
Улаанбаатар хотын авто замын засвар шинэчлэлтийн ажлын хүрээнд Биг худалдааны төвийн уулзвараас Саппорогийн уулзвар хүртэл /Гурвалжингийн гүүр/ авто замын зүүн эгнээг хэсэгчлэн хааж засвар шинэчлэлтийн ажлыг гүйцэтгэж байна.Тус авто замд 2010 оноос хойш засвар, шинэчлэлт хийгдээгүй юм.Авто замын зүүн эгнээг наймдугаар сарын 11-ний 23:00 цагт хаасан.
Тус засвар, шинэчлэлтийн ажлыг хугацаанаас нь өмнө дуусгаж, зорчих хэсгийн хөдөлгөөнийг нээхээр ажиллаж байна.
Мөн үргэлжлүүлэн наймдугаар сарын 12-ны өдрийн 23:00 цагт баруун эгнээг хэсэгчилж хааж засвар, шинэчлэлтийн ажлыг гүйцэтгэхээр төлөвлөн ажиллаж байгаа бөгөөд авто замын засвар, шинэчлэлтийн ажлаас шалтгаалан замын хөдөлгөөний ачаалал нэмэгдэж байгаа тул иргэд, жолооч та бүхэн бусад замыг сонгон хөдөлгөөнд оролцоно уу.
-
Урлаг спорт2019/05/30
"Welcome to Mongolia" видео ялагчаар тодорлоо
-
Урлаг спорт2019/08/02
Наадмаар бохирдуулсан нуурыг тамирчид цэвэрлэж, хогийг нь “Ард” даат...
-
Цаг үе2022/01/05
Энэ 7 хоногт ажиллах шинжилгээний цэгүүд
-
Улстөр нийгэм2021/03/30
Т.Хүрэлбат: "Э.Бат-Үүл бусадтай бүлэглэн С.Зоригийг алах гэмт хэргийг зохио...