Цаг үе
МХЕГ-аас ирсэн ажлын хэсэг Цагааннуур боомтод ажиллалаа
Мэргэжлийн хяналтын Ерөнхий газрын дарга, улсын Ерөнхий байцаагчийн удирдамжаар тус аймагт томилолтоор ажиллаж байгаа Улсын ахлах байцаагчид болон Мэргэжлийн хяналтын газрын дарга 2020 оны 03 дугаар сарын 23-ны өдөр Цагааннуур авто замын шалган нэвтрүүлэх боомтод ажиллаж, хилийн хяналтын байгууллагуудын үйл ажиллагаатай танилцаж заавар, зөвлөгөө өгч ажилласан.
Мөн 23-ны өдөр ОХУ-аас орж ирсэн 33 зорчигчийг хүлээн авч, биеийн халууныг хэмжих, тандалт судалгаа хийх, асуумжийн хуудас бөглүүлэх, тээврийн хэрэгсэл болон ачааг ариутгах ажлуудыг заавар, журмын дагуу гүйцэтгүүлж, 33 зорчигчийг Өлгий сумын төвд бэлдсэн тусгаарлах, ажиглах байранд холбогдох байгууллагуудтай хамтран оруулах ажлыг зохион байгууллаа.
23-ны өдөр ОХУ-аас нэвтэрсэн зорчигчдоос сэжигтэй тохиолдол илрээгүй болно.
Эх сурвалж: Баян-Өлгий аймгийн Мэргэжлийн хяналтын газар
Цаг үе
Телеграмм аппликэйшнээр залилуулсан иргэн амиа хорлохыг завджээ
Цагдаагийн байгууллагаас өнгөрсөн долоо хоногт шалгаж, шийдвэрлэсэн гэмт хэрэг зөрчлийн тоон мэдээлэл болон онцлог хэргийн шийдвэрлэлтийг танилцууллаа. Цагдаагийн байгууллагаас 47.427 хэрэгт мөрдөн шалгах ажиллагааг явуулж, 310 хэргийг шүүхэд шилжүүлэх саналтай прокурорын байгууллагад шилжүүлжээ.
Он гарснаас хойш телеграм апп-аар дамжуулан эд хөрөнгөө бусдад залилуулсны улмаас иргэдэд нийт 7.3 тэрбум төгрөгийн хохирол учирсан талаар тоон мэдээлэл байна.
Телеграм аппликэйшнээр дамжуулан бусад руу мөнгө шилжүүлж залилуулсан иргэн сэтгэл санааны хямралд орж улмаар амиа хорлох үйлдэл хийсэн талаарх дуудлага мэдээлэл бүртгэгдсэн байна.
Мөн энэ оны тавдугаар сарын 12-ны өдөр Баянзүрх дүүргийн нутаг дэвсгэрт иргэн Б нь телеграм апп-ийг ашиглах явцдаа даалгавар биелүүлэн мөнгөө өсгөж аваарай гэх зар мэдээллийн дагуу холбогдож бусдад эд хөрөнгөө шилжүүлж залилуулсны улмаас олон тооны эм уусан байна гэх дуудлага мэдээлэл бүртгэгдсэн.
Цагдаагийн байгууллагаас энэ төрлийн гэмт хэрэгтэй тэмцэх чиглэлээр Монголын банкнуудын холбоотой хамтран иргэдэд учирсан нийт 5.7 тэрбум төгрөгийн хохирлын шилжилт хөдөлгөөнд хязгаарлалт тогтоогоод байна.
Иргэн та цахим орчинд гэмт хэрэгт өртөж хохирсон тохиолдолд нэг даруй кибер гэмт хэрэгтэй тэмцэх газрын 51-265666 дугаарт хандаж яаралтай хариу арга хэмжээ авахыг зөвлөж байна.
Цаг үе
Барилгын ажил хийж байгаад унаж, амь насаа алджээ
Бүртгэгдсэн дуудлага, мэдээллийн дагуу цагдаагийн байгууллагаас шалгалтын ажиллагаа явуулахад 40 настай, эрэгтэй “М” нь өндрөөс унаж нас барсан хэргийг Сүхбаатар дүүргийн цагдаагийн газрын хоёрдугаар хэлтэст үргэлжлүүлэн шалгаж байна.
Дулааны улирал ирж барилга, тохижилт, үйлчилгээний ажил эхэлсэн энэ цаг үед барилгын үйл ажиллагаа эрхлэгч хувь хүн, албан байгууллагууд ажилтнуудынхаа хөдөлмөрийн аюулгүй байдлыг хангах, барилгын ажил эрхэлж буй иргэд, ажилтнууд аюулгүй ажиллагааны дүрэм журамтай сайтар танилцаж болзошгүй эрсдэлээс урьдчилан сэргийлэхийг зөвлөлөө.
Цаг үе
УБЦТС: Өнөөдөр хийгдэх засварын хуваарь
ЖИЧ: Цаг агаарын нөхцөл байдлаас шалтгаалан хуваарьт өөрчлөлт орвол, гэрээт бүртгэлтэй утасны дугаарт мэдээлэл хүргэх болно. Засварын ажлыг тухайн тоноглолоос хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэгчлэгч та бүхнээс хүсье.
-
Цаг үе2022/02/28
Улаанбаатарт өдөртөө 7 хэм хүйтэн
-
Улстөр нийгэм2021/03/09
УИХ: Эмэгтэйчүүдийн өдрөөр эмэгтэй гишүүд хуулийн төсөл өргөн барилаа
-
Цаг үе2023/02/16
Үс шинээр үргээлгэх буюу засуулбал жаргал үргэлжид ирэх сайн
-
Урлаг спорт2019/10/10
Хөгжмийн том хэлбэрийн бүтээлийг улсын санд худалдан авна