Шударга мэдээ
Улаанбаатар-Баруун-Урт чиглэлд бага оврын онгоц нисгэнэ
Зам, тээврийн хөгжлийн дэд сайд Ж.Бат-Эрдэнэ өнөөдөр /2020.07.30/ Иргэний нисэхийн ерөнхий газрын удирдлагуудыг хүлээн авч уулзаж, “Төрөөс иргэний нисэхийн салбарт 2020 он хүртэл баримтлах бодлого”-ын хэрэгжилтийн талаар санал солилцлоо. Иргэний нисэхийн ерөнхий газрын дарга Л.Бямбасүрэн Монгол Улсын Засгийн газрын 2016-2020 оны үйл ажиллагааны хөтөлбөрт тусган, боловсруулсан “Агаарын тээврийн зайлшгүй үйлчилгээний хөтөлбөр” амжилттай хэрэгжиж байгаа талаар танилцуулав.
Тухайлбал “Ерөнхий зориулалтын нисэхийг хөгжүүлэх хөтөлбөр”-ийн хүрээнд зарим аймгууд руу бага оврын онгоц нисгэхээр тусгагдсаны дагуу өнгөрөгч 2019 онд Сэлэнгэ аймаг, 2020 оны эхний хагас жилд Говь-Алтай аймгийн Алтай, Бугат сумд руу техникийн нислэгийг амжилттай гүйцэтгэсэн бол Засгийн газрын 2019 оны 283 дугаар тогтоолд заасны дагуу зарим чиглэлийн хуваарьт нислэгийг сэргээж, эхний ээлжинд Сүхбаатар аймгийн Баруун-Урт руу техникийн нислэг үйлдэхээр бэлтгэл ажлыг хангаад байна. Зарим аймаг руу хийх хуваарьт нислэгийн үйлчилгээг сэргээн тогтворжуулснаар иргэдийн эрэлт, хэрэгцээнд нийцсэн агаарын тээврийн үйлчилгээг үзүүлж, төрөөс үйлчилгээний хүртээмжийг нэмэгдүүлэх, агаарын тээвэрлэгч эдийн засгийн үр ашигтай ажиллах нөхцөлийг бүрдүүлэх зорилготой юм.
Дээрх хөтөлбөрийн хүрээнд цаашид Хэнтий аймгийн Дадал, Галшар, Биндэр, Хөвсгөлийн Ренчинлхүмбэ, Дорнод аймгийн Баяндун, Халхгол зэрэг сумдад бага оврын онгоц хөөрч, буух зурвас байгуулахаар ажиллаж байна. Эдгээр чиглэлд бага оврын онгоц нисгэснээр онцгой байдал, эрүүл мэндийн түргэн тусламж, ойн хортон шавжтай тэмцэх зэрэг олон талын ач холбогдолтой гэж Зам, Тээврийн хөгжлийн яамнаас мэдээллээ.
Шударга мэдээ
“Аялал жуулчлалын сургалтын төв” нээлтээ хийлээ
Монгол Улс, Бүгд Найрамдах Солонгос Улсын хоорондын аялал жуулчлалын салбарын харилцаа, хамтын ажиллагаа сүүлийн жилүүдэд эрчимтэй хөгжиж өнөөдөр 5.5 тэрбум вонийн төсөвт өртөг бүхий “Аялал жуулчлалын сургалтын төв” албан ёсоор нээлтээ хийлээ. Соёл, спорт, аялал жуулчлал, залуучуудын сайд Ч.Номин арга хэмжээг нээж, хуран цугласан зочид, төлөөлөгчид, салбарын албан хаагчдадаа мэндчилгээ дэвшүүллээ.
“Аялал жуулчлалын сургалтын төв”-ийн нээлтийн арга хэмжээнд БНСУ-ын Соёл, Спорт, Аялал Жуулчлалын Яам, Олон улсын хамтын ажиллагааны хэлтэс дарга И Хэ Рим (Lee Herim), БНСУ-ын Аялал Жуулчлалын Төрийн Өмчит Корпорац(KTO), MICE-ийн Газрын дарга Жон Чан Үг (JEONG CHANG UK), БНСУ-ын Аялал Жуулчлалын Төрийн Өмчит Корпорац, KTO Улаанбаатар Төлөөлөгчийн Газрын Суурин Төлөөлөгч Ким Ил Жүн (KIM ILJUNG), БНСУ-аас МУ-д суугаа Элчин Сайдын Яам ODA хариуцсан нэгдүгээр Нарийн бичгийн дарга Гваг Хан Соль (KWAK HANSOL), Монгол Улсын Соёл, спорт, аялал жуулчлал, залуучуудын яамны удирдлага, БНСУ-ын Соёл, спорт, аялал жуулчлалын яамны төлөөлөгчид, 21 аймгийн аялал жуулчлалын байгууллагын төлөөлөгч, албан хаагчид оролцлоо.
Монгол Улсын Засгийн газар, Бүгд Найрамдах Солонгос Улсын Засгийн газар хоорондын хэлэлцээрийн хүрээнд хоёр орны яам хоорондын байгуулсан “Аялал жуулчлалын салбарын хүний нөөцийн чадавхыг бэхжүүлэх төсөл” амжилттай хэрэгжиж, БНСУ-ын Засгийн газрын буцалтгүй тусламжаар Солонгосын аялал жуулчлалын төрийн өмчит корпораци бүтээн байгуулалтын ажлыг хийж гүйцэтгэсэн юм.
Шударга мэдээ
“Монгол хүүхдүүд 2025” баярын арга хэмжээ ирэх сарын 1-нд төв талбайд болно
Олон улсын хүүхдийн эрхийг хамгаалах өдрийн баярын арга хэмжээг энэ жил “Монгол хүүхдүүд” нэрийн дор “Шидэт хотын мөрөөдөл” агуулгатайгаар зохион байгуулна. Энэ жил төв талбайд зөвхөн үзвэр үйлчилгээ, тэмцээн уралдааныг зохион байгуулах бөгөөд талбайн баруун, зүүн тал буюу А.Амарын гудамж болон Жуулчдын гудамжинд худалдаа, хоол хүнсний үйлчилгээг үзүүлнэ.
Мөн арга хэмжээний онцлох үйл ажиллагаа болох “Magic Dream” диснейн үлгэрийн парадыг анх удаа зохион байгуулна. Үлгэрийн баатрууд бүхий 150 хүний бүрэлдэхүүнтэй парад Төв цэнгэлдэх хүрээлэн-Энхтайваны гүүр-төв талбай-Төв шуудан-Цэцэг төв-Зоос гоёлын уулзвар-Засгийн газрын ордон-Өргөө-2 кино театрын уулзвар- МУБИС-ийн баруун талын уулзвар-Централ тауэр- төв талбай гэсэн маршрутаар алхана.
Баярын өдрөөр тодорхой чиглэлд авто замын хөдөлгөөнийг хааж, хүүхэд багачуудын аюулгүй байдлыг хангах зохицуулалт хийнэ.
Шударга мэдээ
“Иргэн төвтэй соён гэгээрүүлэх өдөрлөг”-ийг зохион байгууллаа
НЗДТГ, Авлигатай тэмцэх газартай хамтран “Иргэн төвтэй соён гэгээрүүлэх өдөрлөг”-ийг жанжин Д.Сүхбаатарын талбайд тавдугаар сарын 24-нд зохион байгууллаа.
Тус өдөрлөг нь олон нийтэд авлигын нийгмийн хор аюулыг ухуулан таниулах, тэдэнд авлигыг үл тэвчих ёс суртахуун төлөвшүүлэх, уг ажиллагаанд тэднийг татан оролцуулах, Авлигатай тэмцэх газрын үйл ажиллагааг сурталчлан таниулах, зөвлөгөө мэдээлэл өгөх зорилготой.
Өдөрлөгийн үеэр иргэд, хүүхэд залуучуудад дараах гарын авлага ном, нугалбарыг тараан, авлигын нийгмийн хор аюулыг ухуулан таниулж, зөвлөгөө мэдээллийг өгсөн. Тодруулбал,
- “Шударга ёс: Сэтгэхүй хөгжүүлэх бодлого” гарын авлага ном 500 ширхэг
- “Сургамжит өгүүллэг” гарын авлага ном 1000 ширхэг
- “Иргэн та авлигын эсрэг юу хийж чадах вэ?” нугалбар 1000 ширхэг
- “Авлигатай тэмцэх газарт хэрхэн өргөдөл, гомдол, мэдээлэл гаргах вэ?” нугалбар 1000 ширхгийг тус тус олон нийтэд хүргэв.
Мөн хүүхэд залуучуудын дунд “Шударга байх хамгийн гоё” гэр бүлийн хөгжөөнт тоглоом тоглуулж, 300 гаруй хүүхдэд шударга ёсны үзэл санааг харуулсан зургийг сонгуулж, нүүрэн дээр зураг зурсан. Түүнчлэн иргэдийн дунд “АХА” тэмцээн зохион байгуулж, гурван хүнд шагнал гардуулсан бол гар зургийн уралдаанд түрүүлсэн долоон хүүхдэд дурсгалын зүйл гардуулсан юм.
-
Урлаг спорт2022/08/18
“Чингис хаан” хаад язгууртны музейг есдүгээр сард нээнэ
-
Цаг үе2024/01/18
Цасан шуурганы улмаас 4 хүн амь насаа алдаж, 110 мянга орчим айл өрх цахилгаангү...
-
Шударга мэдээ2024/02/16
Дүүжин тээврээр Яармаг-Хархорин чиглэлд 4.2 км замыг 11 минутад туулах боломжтой...
-
Цаг үе2023/08/21
Үс шинээр үргээлгэх буюу засуулбал эд, мал арвидна