Шударга мэдээ
Багахангай дүүрэгт түрээслээд өмчлөх 125 айлын орон сууц ашиглалтад орлоо
Түрээслээд өмчлөх орон сууцанд хамрагдсан иргэдэд түлхүүрийг нь Нийслэлийн Хот байгуулалтын асуудал хариуцсан төслүүдийн удирдагч Б.Сүхбаатар, "Нийслэлийн Орон сууцны корпораци ХК-ийн захирал М.Говьсайхан, Багахангай дүүргийн Засаг дарга С.Эрдэнэбаяр болон албаныхан гардуулан өглөө.
Багахангай дүүрэг нь Улаанбаатар хоттой 107 км төмөр зам, 90 км хатуу хучилттай авто замаар холбогддог. Мөн Улаанбаатар-Замын-Үүд, Улаанбаатар-Багануур чиглэлийн төмөр замын зангилаа болон Улаанбаатар-Замын-Үүдийн босоо тэнхлэгийн хатуу хучилттай авто зам дайран өнгөрдөг хэсэгт оршдог, нийслэлийн алслагдсан дүүргүүдийн нэг юм. Тус дүүргийн хэсэгчилсэн ерөнхий төлөвлөгөөг 2015 онд баталсан бөгөөд 2030 он гэхэд 2800 өрхийн 10 мянган хүн амтай байхаар тооцож, энэ хугацаанд 2400 сурагчтай сургууль, 900 хүүхдийн цэцэрлэг, 50 ортой хүүхдийн эмнэлэг, 90 ортой эмнэлэг, 200 оюутантай МСҮТ, 70 км авто зам, 5400 ажлын байр бий болгохоор төлөвлөсөн.
Цаашид Улаанбаатар хотын дагуул хот болон хөгжүүлэх бөгөөд Түрээсийн орон сууцны санг нэмэгдүүлэх, орлогод нийцсэн ногоон орон сууцны төслүүдийг хэрэгжүүлэхээр зорин ажиллаж байгаагаа Нийслэлийн Хот байгуулалтын асуудал хариуцсан төслүүдийн удирдагч Б.Сүхбаатар онцоллоо.
Түрээслээд өмчлөх орон сууцанд хамрагдсан иргэд ийн сэтгэгдлээ хуваалцлаа.
Багахангай дүүргийн иргэн Ц.Сүрэндорж: -Түрээслээд өмчлөх орон сууцны бүртгэл явагдаж байна гэж сонсоод, ямар ч байсан бүртгүүлээд үзье гэж бодоод өргөдлөө өгсөн. “Та шалгуурт тэнцсэн байна. Байрныхаа түлхүүрийг аваарай” гэсэн мэдээг сонсоод чихэндээ итгээгүй. Би энэ дүүрэгт насаараа ажиллаж, амьдарсан. Маш их баяртай байна.
Багахангай дүүргийн иргэн П.Саруул: -Залуу гэр бүлийн төлөөлөл болж түрээслээд өмчлөх байранд хамрагдсандаа маш их баяртай байна. Залуу гэр бүлүүдийн хамгийн том асуудал бол өөрсдийн гэсэн орон сууцтай болж гал голомтоо бадраах юм. Урьдчилгаа төлбөр төлөхгүй, хүүгүйгээр таван жилдээ төлбөрөө хуваагаад төлнө гэдэг бол маш том боломж. Манайх хоёр хүүхэдтэй. Шинэ оны босгон дээр өөрсдийн гэсэн байрандаа орж байгаадаа баяртай байна.
Багахангай дүүргийн иргэн Б.Мөнгөнбаяр: -Миний хувьд энэ дүүрэгтээ төрж өсөн, гал голомтоо бадраасан. Одоо төмөр замд ажилладаг. Долоон хүүхэдтэй, өнөр өтгөн гэр бүл. Удахгүй гэргий маань амаржина. Найм дахь хүүхдээ өлгийдөж авахаар догдлон хүлээж байна. Хүүхдүүдээ их сургуульд орохоос өмнө өөрсдийн орон сууцтай болно гэсэн зорилгодоо хүрлээ. Үнэхээр сайхан байна. Хүүхдүүд маань хичээл сургуулиа тараад ирэхэд гэр дулаахан, гал хөс түлэхгүй, ая тухтай байх боломжтой болж байна.
Шударга мэдээ
Сургууль, цэцэрлэгийн засвар, орон сууцны шугам сүлжээний засварыг эрчимжүүлэхийг үүрэг болголоо
Улаанбаатар хотын ерөнхий менежер бөгөөд Захирагчийн ажлын албаны дарга Г.Батзориг есөн дүүрэг, инженерийн хангамж, авто зам, боловсрол, эрүүл мэндийн байгууллага зэрэг байгууллагуудын удирдах ажилтнуудтай уулзаж, тухайн байгууллагын 2025-2026 оны өвөлжилтийн бэлтгэл ажлын явц, тулгамдаж буй асуудалтай нэг бүрчлэн танилцлаа.
Уулзалтаар энэ өвөл хүндэрч болзошгүй сургууль, цэцэрлэгийн засвар, орон сууцны гадна шугам сүлжээ, бохир усны насос станцын шинэчлэх зардлыг нийслэлийн төсвөөс шийдвэрлэх, газар чөлөөлөлт, тендерийн сонгон шалгаруулалттай холбоотойгоор удааширч буй ажлыг эрчимжүүлэх хуваарьт уулзалтуудыг товлож, ажлын уялдааг хангаж ажиллахаар болов.
Шударга мэдээ
Дэнжийн мянгын дулааны станц барих нэгж талбарын газар чөлөөлөлт 90 орчим хувьтай байна
Улаанбаатар хотыг хөгжүүлэх 24 мега төслийн хүрээнд Дулааны тархмал эх үүсвэр төслийг хэрэгжүүлж байна. Уг төслөөр хийн түлшээр ажиллах эх үүсвэрийн дулааны станцыг Их Засаг, Дүнжингарав, Цэцэрлэгт хүрээлэн, Дэнжийн мянгад барина. Хатуу түлшээр ажиллах дулааны станцыг Шархад, Яармаг, Залуус, Морингийн даваа, Хүннү хот, Сэлбэ хотод барихаар төлөвлөсөн. Тус бүр 21 МВт-144 МВт хүртэлх хүчин чадалтай 10 дулааны станцыг тархмал хэлбэрээр барих бөгөөд оргил цагийн үед системээс ирэх ачааллыг бууруулан, 581 Гкал/цаг дулааны эрчим хүч нийлүүлж хэрэглэгчдийг тасралтгүй, найдвартай эх үүсвэрээр хангахыг зорьж буй.
Тэгвэл Дулааны тархмал эх үүсвэр төслийн нэг Дэнжийн мянгын дулааны станцын ТЭЗҮ-ийг бүрэн боловсруулсан. Станц барих нэгж талбарын газар чөлөөлөлт 90 орчим хувьтай байна. Тодруулбал, дулааны станцыг нийт 58 нэгж талбарт байгуулахаас 51 нэгж талбарыг бүрэн чөлөөлжээ. Мөн дулааны шинэ эх үүсвэрийн технологийн хувилбарыг тэлэх зорилгоор Сэлбэ болон Хүннү хот орчмын нутаг дэвсгэрт газрын гүний дулааны хайгуул, судалгааг эхлүүлээд байгаа аж.
Ийнхүү бага чадлын дэд станцуудыг байгуулж, оргил цагийн ачааллыг хуваарилах, системийн доголдлоос сэргийлэх Дулааны тархмал эх үүсвэр төсөл үе шаттай хэрэгжиж байна.
Шударга мэдээ
Увс аймгийн 100 жилийн ойн баяр наадмын хурдан морины уралдааны явцад 7 хүүхэд мориноос унажээ
Хүүхэд, гэр бүлийн хөгжил, хамгааллын ерөнхий газар, Увс аймгийн Хүүхэд, гэр бүлийн хөгжил, хамгааллын газрын 27 албан хаагч Увс аймгийн 100 жилийн ойн баяр наадмын морины комисст ажиллаж хүүхэд хамгааллын үйлчилгээг үзүүллээ.
Баяр наадмын 9 насны морины уралдаанд 700 гаруй морь уралдаж, 276 уралдаанч хүүхдийн аюулгүй байдлыг ханган ажиллалаа. Хурдан морины уралдаанч хүүхдийн аюулгүй байдалд хяналт тавьж ажиллах явцад зориулалт нь тодорхой бус станц, шингэн зэрэг эд зүйлс хүүхдийн биед нууж гаргах зөрчлүүд илэрсэн зөрчлийг арилгаж ажилласан.
Уралдааны явцад 7 хүүхэд мориноос унаж, 5 хүүхдийг бэртэл гэмтэлгүй эцэг, эхэд нь хүлээлгэн өгч, 2 хүүхдэд эрүүл мэндийн анхан шатны тусламж үйлчилгээ үзүүлэн Увс аймгийн Нэгдсэн эмнэлэгтэй холбож, даатгалын компанид бичиг баримтыг нь бүрдүүлж өглөө.
-
Урлаг спорт2024/07/31
“Даншиг наадам - Хүрээ цам” шашин соёлын наадмын хөтөлбөрийг танилцу...
-
Цаг үе2021/04/14
Үс шинээр үргээлгэх буюу засуулахад тохиромжгүй
-
Шударга мэдээ2024/09/02
Сургуулийн сурагчдад 215 автобус үйлчилнэ
-
Цаг үе2023/12/20
Арц-суурийн боомтоор шатахуун, гурил, тэжээл оруулж, Завханы хойд сумдын хэрэгцэ...