Цаг үе
СЗХ: АНУ-ын бараа, бүтээгдэхүүний фьючерсийн арилжааны хорооны төлөөлөлтэй уулзлаа
УИХ-аас баталсан Уул уурхайн бүтээгдэхүүний биржийн тухай хуулийг ирэх сарын 30-наас мөрдөж эхэлнэ. Үүнтэй холбогдуулж хуулийн хэрэгжилтийг хангуулах, шаардлагатай бэлтгэл ажлуудыг шуурхай авч хэрэгжүүлэх үүднээс Санхүүгийн зохицуулах хороо холбогдох байгууллагуудын төлөөллийг оролцуулсан ажлын хэсгийг байгуулан ажиллаж байгаа бөгөөд хуульд заасан журмын төслүүдийг боловсруулах, уул уурхайн бүтээгдэхүүний арилжаа, төлбөр тооцооны бэлэн байдлыг хангахтай холбоотой арга хэмжээг авч ажиллаж байна. Санхүүгийн зохицуулах хорооны дарга Д.Баярсайхан энэ хүрээнд АНУ-ын Бараа, бүтээгдэхүүний фьючерсийн арилжааны хорооны Гадаад харилцааны офисын Техник туслалцаа хариуцсан дарга Кевин Пикколи болон АНУ-ын Элчин сайдын яамны холбогдох төлөөллийг хүлээн авч уулзлаа.
Уулзалтын эхэнд Хорооны дарга Д.Баярсайхан дээрх ажлуудыг гүйцэтгэхэд энэ чиглэлээр мэргэшсэн гадаад, дотоодын экспертүүдийн туршлага, зөвлөгөө нэн хэрэгцээтэй байгаа бөгөөд энэ чухал цаг үед бидний ажилд дэмжлэг үзүүлэхээр Монгол Улсад айлчлан ирж, туршлага, мэдлэгээсээ хуваалцаж байгаад талархлаа илэрхийлсэн юм.
Санхүүгийн зохицуулах хороо болон АНУ-ын Бараа, бүтээгдэхүүний фьючерсийн арилжааны хороо нь Үнэт цаасны хороодын олон улсын байгууллагын гишүүнээр нэгдэн орсон зохицуулагч байгууллагууд бөгөөд Уул уурхайн бүтээгдэхүүний биржийн тухай хуульд заасан дүрэм, журмуудыг боловсруулахад арга зүйн туслалцаа авах, цаашид энэ хүрээнд хэрхэн хамтран ажиллах талаар санал солилцлоо гэж Санхүүгийн зохицуулах хорооноос мэдээллээ.
Цаг үе
Доналд Трамп, Володимир Зеленський нар уулзав
Цаг үе
Монгол Улсад 132 улсын 41405 гадаадын иргэн оршин суух зөвшөөрөлтэй байна
Гадаадын иргэн, харьяатын газар өнгөрөгч тавдугаар сард виз, зөвшөөрлийн хүсэлт гаргасан аж ахуйн нэгж, байгууллага, иргэний хүсэлтийг үндэслэн гадаадын 5104 иргэнд визийн зөвшөөрөл, 15574 иргэнд зохих ангиллын виз олголоо.
Мөн 1645 уригч иргэн, байгууллага, аж ахуйн нэгжийн 8198 иргэний оршин суух зөвшөөрлийн олголт, 1459 уригч иргэн, байгууллага, аж ахуйн нэгжийн 4008 иргэний оршин суух зөвшөөрлийн хугацаа сунгах хүсэлтийг хүлээн авч хянан шийдвэрлэв.
Дээрх тоон үзүүлэлтийг өнгөрсөн оны мөн үетэй харьцуулахад виз олголт 35.8 хувиар, оршин суух зөвшөөрөл олголт 61.3 хувиар, оршин суух зөвшөөрлийн хугацаа сунгалт 8.9 хувиар өссөн бол визийн зөвшөөрөл олголт 13.6 хувиар буурсан үзүүлэлттэй байна.
2026 оны 05 дугаар сарын 31-ний өдрийн байдлаар Монгол Улсад 132 улсын 41405 гадаадын иргэн албан болон хувийн хэргээр оршин суух зөвшөөрөлтэй байна. Үүнээс хөдөлмөр эрхлэх зорилгоор 24997, хөрөнгө оруулах зорилгоор 5539, суралцах зорилгоор 4570, гэр бүлийн шугамаар 3031, бусад зорилгоор 3268 гадаадын иргэн оршин сууж байна.
Цаг үе
Улаанбаатарт өдөртөө 25 хэм дулаан
Малчид, иргэд, тээвэрчдийн анхааралд: Өнөөдөр төвийн аймгуудын нутгийн хойд хэсгээр дуу цахилгаантай аадар бороо орох тул болзошгүй үер ус, нөөлөг салхи, мөндөр, аянга цахилгааны аюулаас сэрэмжтэй байхыг анхааруулж байна.
2026 оны зургаадугаар сарын 18-ны 08 цагаас 20 цаг хүртэл: Ихэнх нутгаар солигдмол үүлтэй. Баруун аймгуудын нутгийн өмнөд, говийн аймгуудын нутгийн баруун хэсэг, төвийн аймгуудын ихэнх нутгаар бороо, дуу цахилгаантай аадар бороо орно. Нутгийн баруун хэсгээр баруун хойноос, нутгийн төв хэсгээр баруун өмнөөс хойш эргэж, бусад нутгаар баруун өмнөөс секундэд 5-10 метр, төв болон говийн аймгуудын нутгаар секундэд 14-16 метр хүрч ширүүснэ. Нутгийн хойд хэсгээр сэрүүсэж Хөвсгөлийн уулархаг нутгаар 7-12 хэм, Хангайн уулархаг нутаг, Орхон, Сэлэнгэ, Хараа, Ерөө голын хөндийгөөр 12-17 хэм, Алтайн уулархаг нутаг, Их нууруудын хотгор, говийн бүс нутгийн хойд хэсэг, Туул, Тэрэлж, Хэрлэн, Онон, Улз, Халх голын хөндий, Дорнод, Дарьгангын тал нутгаар 22-27 хэм, говийн бүс нутгийн өмнөд хэсгээр 28-33 хэм, бусад нутгаар 17-22 хэм дулаан байна.
УЛААНБААТАР ХОТ ОРЧМООР: Үүлшинэ. Бороо орохгүй. Салхи баруун өмнөөс секундэд 5-10 метр, зарим үед секундэд 13-15 метр хүрч ширүүснэ. 23-25 хэм дулаан байна.
БАГАНУУР ОРЧМООР: Үүлшинэ. Бороо орохгүй. Салхи баруун өмнөөс секундэд 6-11 метр. 23-25 хэм дулаан байна.
ТЭРЭЛЖ ОРЧМООР: Үүлшинэ. Бороо орохгүй. Салхи баруун өмнөөс секундэд 7-12 метр. 22-24 хэм дулаан байна.
2026 оны зургаадугаар сарын 19-нөөс
2026 оны зургаадугаар сарын 23-ныг хүртэлх
цаг агаарын урьдчилсан төлөв
19-нд төвийн аймгуудын нутгийн зүүн хэсэг, говь болон зүүн аймгуудын ихэнх нутгаар, 20-нд төв болон зүүн аймгуудын нутгийн хойд хэсгээр, 21,22-нд төв болон зүүн аймгуудын нутгийн зарим газраар бороо, дуу цахилгаантай аадар бороо орно. Салхи ихэнх хугацаанд секундэд 6-11 метр, борооны өмнө түр зуур ширүүснэ. 19-нд нутгийн зүүн хагаст,цаашдаа нутгийн хойд хэсгээр сэрүүсэж Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж, Хэрлэн, Онон голын хөндийгөөр шөнөдөө 2 хэм хүйтнээс 3 хэм дулаан хөрсөн дээр цочир хүйтрэнэ, өдөртөө 8-13 хэм, Эхийн голын Баянбүрд орчмоор шөнөдөө 15-20 хэм, өдөртөө 25-30 хэм, Их нууруудын хотгор, говийн бүс нутгийн өмнөд хэсгээр шөнөдөө 10-15 хэм, өдөртөө 20-25 хэм, бусад нутгаар шөнөдөө 4-9 хэм, өдөртөө 13-18 хэм дулаан байна.
-
Улстөр нийгэм2021/10/27
Иргэдийн дундах хөл хөдөлгөөнийг бууруулах нь цар тахлыг хумих гол арга гэдгийг ...
-
Цаг үе2025/05/26
ЦАГ АГААР: Улаанбаатарт өдөртөө 26 хэм дулаан
-
Үзэл бодол2019/12/06
Дизайнер Г.Өнөржаргал: Мода Монголоос эхлэх хандлагатай болсон
-
Улстөр нийгэм2020/12/23
Нийтийн тээврийн үйлчилгээнд автотээврийн хяналтын улсын байцаагчид хяналт тавин...