Бидэнтэй нэгдэх

Цаг үе

Газар тариалангийн бүтээгдэхүүний боловсруулалт, борлуулалтыг нэмэгдүүлэх талаар санал солилцлоо

Огноо:

1 жил 10 сар.өмнө

,

Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн Т.Жамбалцэрэн, Газар тариалангийн бодлогын хэрэгжилтийг зохицуулах газрын дарга Д.Есөн-Эрдэнэ нар Япон-Монголын Хөдөө аж ахуйн нийгэмлэгийн дарга, Япон-Монголын парламентын найрамдлын бүлгийн дарга асан Кога Иссэй, Японы Сангийн Яамны Төлөвлөлтийн хэлтсийн мэргэжилтэн асан, Кюүшюүгийн их сургуулийн профессор Танигүчи Хирофүми, Токиогийн ХААИС-ийн магистр, зөгий судлаач Тани Чигүса нарыг хүлээн авч уулзлаа. Уулзалтаар хүнсний ногооны тариалалт, боловсруулалт, борлуулалтыг нэмэгдүүлэх талаар санал солилцов.

Манай улс энэ жил хүнсний ногооны хэрэгцээний 81 хувийг дотоодоосоо хангах урьдчилсан баланс гарсан. Цаашид хүнсний ногоо тариалахаас эхлээд хураалт, хадгалалт, тээвэрлэлт гээд хэрэглэгчийн ширээнд хүртэлх бүх үе шатыг нэгдсэн зохион байгуулалтад оруулах шаардлага тулгарч байгааг Төрийн нарийн бичгийн дарга танилцуулав.

Эрүүл, органик, чанартай хүнсний ногоо, бүтээгдэхүүн үйлдвэрлэж борлуулалтыг нэмэгдүүлэхийн тулд хоршооллын хэлбэрээр үйл ажиллагаа явуулах нь зүйтэй. Энэ нь хүнсний ногоочдыг орон нутагтаа сайхан амьдрах, тэдний эдийн засгийн хөгжлийг дэмжихэд чухал нөлөө үзүүлнэ гэж Япон-Монголын Хөдөө аж ахуйн нийгэмлэгийн дарга Кога Иссэй байр сууриа илэрхийлсэн юм.

Азийн хөгжлийн банкны санхүүжилтээр Хүнс, хөдөө аж ахуй, хөнгөн үйлдвэрийн яамнаас хэрэгжүүлж буй “Хүнсний ногооны үйлдвэрлэл ба усалгаатай хөдөө аж ахуй” төсөлтэй уялдуулж энэхүү үйл ажиллагааг хэрэгжүүлэх боломжтой болохыг Төрийн нарийн бичгийн дарга онцлоод Монголд тарьж ургуулсан хүнсний ногоогоор үйлдвэрлэсэн бүтээгдэхүүний борлуулалтыг нэмэгдүүлэхэд салбар яамнаас шаардлагатай дэмжлэг үзүүлж хамтран ажиллахаа илэрхийллээ гэж ХХААХҮЯ-наас мэдээллээ. 

Уншсан:788
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Унадаг дугуйтай бага насны хүүхэд замын хөдөлгөөнд оролцож байх үедээ ачааны машинд дайруулж, амь насаа алджээ

Огноо:

2 өдрийн өмнө

,

Унадаг дугуйтай бага насны хүүхэд замын хөдөлгөөнд оролцож байх үедээ ачааны машинд дайруулж, амь насаа алдсан гэх харамсалтай дуудлага мэдээлэл бүртгэгджээ.  Тодруулбал, энэ оны зургаадугаар сарын 27-ны өдөр Увс аймгийн цагдаагийн газарт “Гурван замын уулзварт ачааны автомашин унадаг дугуйтай хүүхэд дайрсан байна” гэсэн мэдээллийг ирүүлсэн байна.

Тус аймгийн цагдаагийн газрын жижүүрийн шуурхай бүрэлдэхүүний алба хаагчид шалгалтын ажиллагааг явуулахад урьдчилсан байдлаар иргэн “Б” нь HOWO ZZ3257 маркийн улсын дугаартай автомашиныг жолоодож яваад унадаг дугуй унаж явсан бага насны хүүхдийг дайрч, амь насыг нь хохироосон харамсалтай нөхцөл байдал тогтоогдоод байна.

Сурагчдын зуны амралт эхэлсэн эдгээр өдрүүдэд эцэг эхчүүд та бүхэн хүүхдэд тавих хараа хяналтаа сайжруулах, хүүхдийг унадаг дугуй, суррон, скүүтэртэй Замын хөдөлгөөнд оролцуулахгүй байх, Жолооч та хөдөлгөөний аюулгүй байдлыг сайтар хангаж, анхаарал болгоомжтой зорчихыг сэрэмжлүүлж байна.

Дэлгэрэнгүй унших

Цаг үе

Баяр наадмаар 171 байцаагч хяналт шалгалт хийнэ

Огноо:

2 өдрийн өмнө

,

Эрүүл мэндийн яам, Хүнс, хөдөө аж ахуй, хөнгөн үйлдвэрийн яамнаас хамтран баяр наадмын өдрүүдэд хүнсний бүтээгдэхүүний чанар, аюулгүй байдлыг хангуулах, урьдчилан сэргийлэх хяналт шалгалтын ажлыг зохион байгуулахаар болжээ.

Тодруулбал, Хүнс хөдөө аж ахуйн газар, Эрүүл мэндийн газар, Мал эмнэлгийн газрын хяналтын 171 улсын байцаагч өнгөрөгч зургадугаар сарын 30-ны өдрөөс энэ сарын 15-ны өдрийг хүртэл хяналт шалгалтын ажлыг зохион байгуулж хамтран гүйцэтгэж байна.

Хяналт шалгалтад улсын болон аймгийн баяр наадмын үеэр хоол үйлдвэрлэл, худалдаа, үйлчилгээ эрхлэх иргэд, аж ахуй нэгжийн үйл ажиллагааг хамруулж, гарч болзошгүй аливаа эрсдэлээс урьдчилан сэргийлэх, илэрсэн зөрчил дутагдлыг арилгуулах арга хэмжээг авч ажиллахаар болсон.

Дэлгэрэнгүй унших

Цаг үе

Тэтгэврийн зээлд тавьсан хязгаарлалтыг цуцлах асуудлаар санал нэгдлээ

Огноо:

2 өдрийн өмнө

,

Тэтгэвэр барьцаалсан зээлд тавьсан 5050 өр орлогын харьцааг ахмадууд эсэргүүцэж буйтай холбогдуулан Ерөнхий сайд Г.Занданшатар Монголбанкны Ерөнхийлөгч Б.Лхагвасүрэнтэй уулзаж ярилцлаа.

Улмаар тэтгэврийн зээлд ямар нэг хязгаарлалт тавихгүй байх талаар талууд санал нэгдлээ. Хэрэглээний зээлийн нийтлэг зохицуулалтаас тэтгэврийн зээлийг гаргах замаар ахмадуудын тавьж буй шаардлагын хүрээнд шийдэл гаргах боломжтой гэж талууд үзсэн байна. Иймээс ирэх даваа гарагт Монголбанкны Мөнгөний бодлогын зөвлөл дахин хуралдаж, тэтгэвэр барьцаалсан зээлийн асуудлыг хэлэлцэхээр болжээ.

Мөн Ерөнхий сайд Г.Занданшатар тэтгэврийн зээлийн хүүг бууруулах чиглэлээр Монголбанк Гэр бүл, хөдөлмөр, нийгмийн хамгааллын яамтай хамтарч ажиллахыг хүслээ.

Дэлгэрэнгүй унших

Санал болгох