Цаг үе
Улсын аварга тариаланч хамт олон, Улсын аварга тариаланчдыг тодрууллаа
Монгол Улсын Засгийн газраас газар тариалангийн үйлдвэрлэлд олон жил тогтвортой амжилт гаргаж байгаа хамт олныг “Улсын аварга тариаланч хамт олон”-оор, иргэдийг “Улсын аварга тариаланч”-аар шалгарууллаа.
“Улсын аварга тариаланч хамт олон”-оор шалгарсан аж ахуйн нэгжүүдийн 11 нь үр тарианы үйлдвэрлэл, 4 нь төмс, хүнсний ногооны тариалан эрхэлдэг бол “Улсын аварга тариаланч”-аар шалгарсан 40 иргэний 3 нь жимсний аж ахуй, 22 нь төмс, хүнсний ногооны тариалан эрхэлдэг бол, 15 нь үр тарианы аж ахуйн нэгжид механикжуулагчаар ажиллаж байна.
2023 оны ургац хураалтын дүнгээр 326.3 мянган га талбайгаас 456.4 мянган тонн үр тариа хураан авлаа.
Өнгөрсөн онтой харьцуулахад улаанбуудайн үйлдвэрлэл 8 хувиар буюу 32 мянган тонн, хүнсний ногооны ургац 23 хувь буюу 35 мянган тонноор тус тус нэмэгдэж, хүн амын хүнсний ногооны хэрэгцээний 85 хувийг дотоодын үйлдвэрлэлээс хангах боломж бүрдсэн.
"Улсын аварга тариаланч хамт олон"-оор:
- Булган аймгийн Рашаант сумын “Ти Эн Эс Эн Ти” ХХК;
- Булган аймгийн Тэшиг сумын “Илэнхэн” ХХК;
- Дархан-Уул аймгийн Орхон сумын “Шинэ орчин трейд” ХХК;
- Дорнод аймгийн Баян-Уул сумын “Буудайн алтан үүд” ХХК;
- Орхон аймгийн Жаргалант сумын “Орхонтариа” ХХК;
- Өвөрхангай аймгийн Хархорин сумын “Далай одод трейд” ХХК;
- Сэлэнгэ аймгийн Ерөө сумын "Ачит-Оргил" ХХК;
- Сэлэнгэ аймгийн Хушаат сумын "Голын өндөр" ХХК;
- Сэлэнгэ аймгийн Зүүнбүрэн сумын "Энххос мөрөн" ХХК;
- Сэлэнгэ аймгийн Баянгол сумын "Баяншинэ зам" ХХК;
- Төв аймгийн Эрдэнэсант сумын “Буянт төв” ХХК;
- Төв аймгийн Батсүмбэр сумын “Агро-Альфа” ХХК;
- Төв аймгийн Угтаалцайдам сумын “Фамили фүүдс трейд” ХХК;
- Увс аймгийн Сагил сумын "Арвижих Увс" ХХК;
- Хөвсгөл аймгийн Тариалан сумын “Мөнхнөөлөг” ХХК;
"Улсын аварга тариаланч"-аар:
- Баян-Өлгий аймгийн Сагсай сумын иргэн Бүркитханы Хасымын;
- Баян-Өлгий аймгийн Баяннуур сумын иргэн Шакиланы Салауат;
- Булган аймгийн Хутаг-Өндөр сумын “Эг тариа” ХХК-ийн механикжуулагч Санжаагийн Болдбаатар;
- Булган аймгийн Хутаг-Өндөр сумын иргэн Батдорлигийн Мөнх-Од;
- Булган аймгийн Хангал сумын “Молор Эрдэнэ түрүү” ХХК-ийн механикжуулагч Юнгэрэнийн Батцэнгэл;
- Булган аймгийн Сэлэнгэ сумын “Интосэ” ХХК-ийн механикжуулагч Должинсүрэнгийн Эрдэнэцогт;
- Говь-Алтай аймгийн Тайшир сумын иргэн Дагвын Эрдэнэбаатар;
- Дархан-Уул аймгийн Орхон сумын иргэн Баасанжавын Амгаланжаргал;
- Дархан-Уул аймгийн Хонгор сумын “Бөхөнт” ХХК-ийн механикжуулагч Жавзмаагийн Сандагсүрэн;
- Дорнод аймгийн Хэрлэн сумын иргэн Сүхбаатарын Энхтулга;
- Дорнод аймгийн Хэрлэн сумын иргэн Жигбаатарын Рэнцэнзаяа;
- Дорнод аймгийн Дашбалбар сумын иргэн Дамдины Цэнгэлмаа
- Завхан аймгийн Улиастай сумын иргэн Дагвадоржийн Нямсүрэн;
- Завхан аймгийн Улиастай сумын иргэн Балжиннямын Жаргалсайхан
- Сэлэнгэ аймгийн Хушаат сумын “Хайрхан оргил уул”ХХК-ийн механикжуулагч Баянгийн Ганбат;
- Сэлэнгэ аймгийн Цагааннуур сумын “Ургацын хишиг”ХХК-ийн механикжуулагч Пүрэвнямын Баянмөнх;
- Сэлэнгэ аймгийн Алтанбулаг сумын “Чагтай”ХХК-ийн механикжуулагч Хүрлээгийн Алтанхуяг;
- Сэлэнгэ аймгийн Ерөө сумын “Их шинэстэй”ХХК-ийн механикжуулагч Раднаагийн Баярсайхан;
- Сэлэнгэ аймгийн Түшиг сумын “Бооцын тариа”ХХК-ийн механикжуулагч Болдбаатарын Өнөрцэнгэл;
- Сэлэнгэ аймгийн Ерөө сумын “Бугант Ерөө буудай”ХХК-ийн механикжуулагч Жигжидийн Батбаяр;
- Сэлэнгэ аймгийн Түшиг сумын “Анхтамир”ХХК-ийн механикжуулагч Батболдын Насанбуян;
- Сэлэнгэ аймгийн Орхон сумын иргэн Уужинбаагийн Эрдэнэсан;
- Сэлэнгэ аймгийн Мандал сумын иргэн Санжаадоржийн Лхагвацэрэн;
- Орхон аймгийн Жаргалант сумын иргэн Норпилын Цэрэнсодном;
- Орхон аймгийн Жаргалант сумын “Алтан тошлой”ХХК-ийн механикжуулагч Дуламжавын Батхүү;
- Өвөрхангай аймгийн Баруунбаян-Улаан сумын иргэн Зундуйн Дамшигбазар;
- Баянхонгор аймгийн Эрдэнэцогт сумын иргэн Цэвэлмаагийн Ганбат;
- Ховд аймгийн Буянт сумын иргэн Мухамедийн Милихат;
- Ховд аймгийн Мянгад сумын иргэн Адраашийн Баатархан;
- Ховд аймгийн Ховд сумын иргэн Хасымын Сабиржан;
- Ховд аймгийн Жаргалант сумын иргэн Очирбатын Сүх-Очир;
- Хөвсгөл аймгийн Мөрөн сумын иргэн Жанцангийн Бямбасүрэн;
- Хөвсгөл аймгийн Тариалан сумын “Алтан хажир”ХХК-ийн механикжуулагч Цэдэн-Ишийн Тэрбиш;
- Увс аймгийн Баруунтуруун сумын иргэн Батнасангийн Оюунцэцэг;
- Увс аймгийн Улаангом сумын иргэн Лосолын Алтай;
- Увс аймгийн Наранбулаг сумын иргэн Мөнхийн Цүлтэм;
- Төв аймгийн Борнуур сумын иргэн Зундуйн Энхтүвшин;
- Төв аймгийн Баянцогт сумын “Түмэн атар”ХХК-ийн механикжуулагч Борын Баясгалан;
- Хэнтий аймгийн Хэрлэн сумын иргэн Чойдоржийн Эрдэнэцэцэг;
- Хэнтий аймгийн Мөрөн сумын иргэн Жамцын Чинзориг.
Эх сурвалж: ХХААХҮЯ
Цаг үе
“Амар байна уу 2026” үзэсгэлэн худалдаа энэ сарын 17-нд эхэлнэ
Монголчууд сар шинийн хэрэгцээндээ зориулан 1.3 их наяд төгрөг зарцуулдаг гэсэн судалгаа бий.
Үүний 70 гаруй хувиар импортын бүтээгдэхүүн худалдан авч гадагш нь урсгадаг.
Энэ мөнгийг эх орондоо үлдээх, эдийн засгийн эргэлтийг нэмэгдүүлэх, мөн үндэсний үйлдвэрлэгчдээ дэмжих, тэдэнд хамтран ажиллах нөхцөл бүрдүүлэх зорилгоор “Амар байна уу 2026” үзэсгэлэн худалдааг 4 дэх жилдээ зохион байгуулах гэж байна.
Нийслэлийн Засаг даргын санаачилгаар зохион байгуулдаг уг үзэсгэлэн худалдааг энэ сарын 17-оос хоёрдугаар сарын 17-ны өдөр хүртэл зохион байгуулна.
Үзэсгэлэн худалдаанд 21 аймаг, дүүргийн 1000 орчим ЖДҮ эрхлэгч оролцож, 50 гаруй нэр төрлийн бүтээгдэхүүнээ борлуулна. ЖДҮ эрхлэгчдээс түрээсийн төлбөр авахгүй бөгөөд үйлдвэрийн үнийг санал болгоно.
Энэ жилийн үзэсгэлэн худалдаа “Их наяд” болон “Соёолж малл” худалдааны төвд болно.
Ташрамд, өнгөрсөн жилийн үзэсгэлэн худалдаагаар бизнес эрхлэгчид нийт 54.8 тэрбум төгрөгийн орлоготой ажиллажээ.
Цаг үе
Цэргийн дүйцүүлэх албыг мөнгөн хэлбэрээр орлуулан хаах төлбөрийн хэмжээг хэвээр үлдээлээ
Засгийн газрын 2026 оны нэгдүгээр сарын 14-ний өдрийн ээлжит хуралдаанаар Цэргийн дүйцүүлэх албыг 2026 онд мөнгөн төлбөрийн хэлбэрээр орлуулан хаах иргэний төлөх төлбөрийн хэмжээг Засгийн газрын 2025 оны тогтоолд зааснаар хэвээр үлдээлээ.
Улсын эдийн засгийн хүндрэлтэй нөхцөл байдал, иргэдийн амьжиргааны түвшин, орлогын байдлыг харгалзан ийн шийдвэрлэлээ.
"Цэргийн албаны тухай" хуульд Монгол Улсын Засгийн газар "Цэргийн дүйцүүлэх албыг мөнгөн төлбөрийн хэлбэрээр орлуулан хаах мөнгөн төлбөрийн хэмжээг хугацаат цэргийн алба хаагчийн тухайн жилийн хувьсах зардлаар тооцож Засгийн газар жил бүр батална" гэж заажээ.
Цэргийн дүйцүүлэх албыг мөнгөн төлбөрийн хэлбэрээр орлуулан хаах иргэний төлөх мөнгөн төлбөрийн хэмжээг тогтоохдоо тухайн жилд нэг хугацаат цэргийн алба хаагчийн хангалт, үйлчилгээнд зарцуулах хувьсах зардлаар дүйцүүлэн тооцдог байна.
2020-2022 онд "Ковид-19"-ийн үед Монгол Улсын Засгийн газраас цэргийн дүйцүүлэх алба хаах мөнгөнтөлбөрийг гурван жилийн турш нэмэгдүүлэхгүй тогтоож байжээ.
Цаг үе
Солонгосын 3 иргэн Монголын 9 иргэнтэй бүлэглэн хууль бус мөрийтэй тоглоом зохион байгуулж байсныг илрүүлжээ
Цагдаагийн ерөнхий газрын Кибер гэмт хэрэгтэй тэмцэх газраас “БНСУ-ын нэр бүхий иргэд Монгол Улсын иргэдтэй бүлэглэн цахим орчин ашиглаж хууль бус мөрийтэй тоглоом зохион байгуулж их хэмжээний ашиг олсон байж болзошгүй хууль бус үйлдлийг илрүүлэн энэ оны 01 дүгээр сарын 08-ны өдөр БНСУ-ын 3, Монгол Улсын 6 нийт 9 иргэнийг дайчлан баривчилсан.
Мөрдөн шалгах ажиллагаагааг прокурорын байгууллагын зөвшөөрлөөр явуулж хэргийн холбогдогч нарын байрлаж байсан орон байрнаас олон тооны гар утас, өндөр хүчин чадал бүхий компьютерүүд, банкны карт, хадгаламжийн дэвтэр, олон улсын гүйлгээ хийх васко төхөөрөмж, гадаад улсын болон үндэсний мөнгөн тэмдэгтүүдийг хураан авч хэрэгт эд мөрийн баримтаар тооцсон.
Цаашид мөрдөн шалгах ажиллагаагаар тогтоогдсон нотлох баримтууд, хэргийн оролцогч нарын мэдүүлэгт үндэслэн холбогдогч нарт Монгол Улсын Эрүүгийн хуулийн тусгай ангийн 20.17 /мөрийтэй тоглоом зохион байгуулах/, 18.3 /татвар төлөхөөс зайлсхийх/, 18.6 /мөнгө угаах/ эрүүгийн хэрэг үүсгэж, яллагдагчаар татах саналтай мөрдөн шалгах ажиллагааг явуулж байна.
Иймд мөрийтэй тоглоом зохион байгуулах, түүнд дэмжлэг үзүүлэх зорилгоор төлбөр тооцооны данс, цахим мөнгө, виртуал хөрөнгө, харилцаа холбооны сүлжээний дугаар, цахим тодорхойлогч хэрэгслээ ашиглуулсан бол Эрүүгийн хуулийн тусгай ангийн 20.17, 20.18, 20.19 дүгээр зүйл хэсгүүдэд заасан гэмт хэрэг ба 1-3 жил хүртэлх хугацаагаар хорих ял шийтгэлтэй болохыг цагдаагийн байгууллагаас анхааруулж байна.
-
Улстөр нийгэм2025/11/25
УИХ: Өнөөдөр хуралдах байнгын хороод
-
Үзэл бодол2024/09/23
Ж.Даваадамдин: Бидний тоглолт их усны давлагаалах чимээтэй хамт эхэлнэ
-
Цаг үе2023/10/13
Ашигт малтмал олборлосны улмаас байгаль орчинд учирсан хохирлыг арилгуулахаар мэ...
-
Цаг үе2025/11/27
Увс нуурын хотгор, Хөвсгөлийн уулсаар ялимгүй цас орно