Бидэнтэй нэгдэх

Улстөр нийгэм

Засгийн газрын ээлжит хуралдаан өнөөдөр болно

Огноо:

,

Засгийн газрын ээлжит хуралдаан өнөөдөр болно. Тус хуралдаанаар сайжруулсан шахмал түлшний үйлдвэр шинээр барьж ашиглалтад оруулах, “Монгол малчин” үндэсний хөтөлбөр батлах, Үндэсний инновацийн тогтолцоог хөгжүүлэх Үндэсний хөтөлбөр батлах тухай асуудлуудыг хэлэлцэнэ.

Мөн “Оюу толгой” ХХК-ийн Төлөөлөн удирдах зөвлөлд төрийн өмчийн төлөөллийг хэрэгжүүлэх этгээдэд тавигдах нөхцөл шаардлагын талаар болон шинэ нисэх онгоцны буудлын шатахуун хангамжийн талаар авах зарим арга хэмжээ зэрэг асуудлуудыг танилцуулах юм.

 

Хэлэлцэх асуудал

Засгийн газрын гишүүн

1.

Улсын Их Хурлын гишүүн Л.Энх-Амгалангийн санаачлан боловсруулсан Төрийн аудитын тухай хуулийн шинэчилсэн найруулгын төсөлд Засгийн газраас өгөх санал дүгнэлт

Ц.Нямдорж

2.

Монгол Улс дахь Хүний эрхийн төлөв байдлын 3 дахь илтгэлийн тухай

Ц.Нямдорж

3.

Үндэсний хөтөлбөр батлах тухай (Үндэсний инновацийн тогтолцоог хөгжүүлэх)

Ё.Баатарбилэг

4.

Монгол, Вьетнамын Засгийн газар хоорондын комиссын хуралдааны дүнгийн тухай

Ч.Улаан

5.

“Монгол малчин” үндэсний хөтөлбөр батлах тухай

Ч.Улаан

6.

Сайжруулсан шахмал түлшний үйлдвэр шинээр барьж ашиглалтад оруулах тухай (Амгалан)

Ц.Даваасүрэн

7.

Бусад асуудал*

У.Хүрэлсүх

 

Танилцуулах асуудал

 

8.

“Оюу толгой” ХХК-ийн Төлөөлөн удирдах зөвлөлд төрийн өмчийн төлөөллийг хэрэгжүүлэх этгээдэд тавигдах нөхцөл шаардлагын талаар

Л.Оюун-Эрдэнэ

9.

“Эрдэнэс бонд” гаргах арга хэмжээний талаар

Л.Оюун-Эрдэнэ

10.

Гадаад харилцааны сайд олон улсын арга хэмжээнд оролцох талаар

Д.Цогтбаатар

11.

Шинэ нисэх онгоцны буудлын шатахуун хангамжийн талаар авах зарим арга хэмжээний талаар

Д.Сумъяабазар

12.

“Эрдэнэс-силвер ресурс” ХХК-ийн үйл ажиллагааны талаар

Д.Сумъяабазар

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

Авто замын зарим төлбөр хураах цэгт хяналтын хүмүүсийг давхар ажиллуулж, төлбөр хураамж авах явцыг хянуулна

Огноо:

,

Зам, тээврийн сайдын шуурхай хуралдаан өнөөдөр (2025.03.18) боллоо. Хурлаар зам тээврийн салбарт бүтээн байгуулалтын ажил эхэлж байгаатай холбогдуулан салбарын хүрээнд баримталж ажиллах бодлого чиглэл, байр суурь, дэд бүтцийн салбарт шинээр хийгдэх ажлууд, түүнд тавих хяналт шалгалтыг эрчимжүүлэх, анхаарах шаардлагатай зарим асуудлыг өргөн хүрээтэй хэлэлцлээ.

Шуурхай хуралд харьяа газрын дарга нар 98 хувийн ирцтэй хамрагдаж, салбар тус бүрийн төлөвлөгөөт ажлууд хуваарийн дагуу явагдаж байгааг хэлээд, тулгамдаж буй зарим асуудлаа танилцууллаа.    

Зам, тээврийн сайд Б.Дэлгэрсайхан шуурхай хуралдаанд танилцуулагдсан ажлууд, салбарын тулгамдсан асуудлуудыг хэлэлцэж, яаралтай хэрэгжүүлэх, анхаарах шаардлагатай чухал ажлуудыг тодотгон үүрэг чиглэл өглөө.

Тухайлбал, 2025 оны дөрөвдүгээр сарын 01-нээс аймаг, орон нутагт хийх зам засварын ажлууд эхэлж байгаатай холбогдуулан иргэдийн түр зорчих замын маршрутад анхаарах, нэн ялангуяа хаврын хуурайшилт ихтэй байгаа энэ үед зам засварын ажлаас үүдэн иргэд олон салаа зам гарган дураараа зорчих нь  ой хээрийн түймэр гарах эрсдэл үүсэх,  малын бэлчээр талхлах, гол усны голдрилд сөргөөр нөлөөлж болзошгүйг анхаарч ажиллахыг санууллаа.  

Мөн урин дулааны улиралд орон нутгийн замд осол аваар их гарч байгаатай холбогдуулан     Замын хөдөлгөөний аюулгүй байдлын Үндэсний зөвлөлийн Ажлын хэсгийнхэн Замын хөдөлгөөний аюулгүй байдлын тухай хууль, дүрэм журмын хэрэгжилтийг аймаг орон нутагт хэрхэн явж байгаатай танилцах, тэр дундаа  жолоочийн буруутай үйлдэл буюу гэрэл шилжүүлээгүй замын хөдөлгөөнд оролцож буй жолооч нарт холбогдох байгууллагуудтай хамтран хяналт тавьж хариуцлага тооцож ажиллахыг онцгойлон анхаарууллаа.  

Түүнчлэн авто замын төлбөр хураах цэгийг цахимжуулж байгаатай холбогдуулан зарим цэгт хяналтын хүмүүсийг давхар ажиллуулж, төлбөр хураамж авах явцыг хянуулахыг үүрэг болголоо.   

Төмөр замын салбарт, Монгол Улсын Засгийн газраас төрийн өмчит компаниудын тоог бууруулах, нэгтгэх, татан буулгах ажлын хүрээнд  “Монголын төмөр зам”, “Тавантолгой төмөр зам”-ын өдөр тутмын бусад үйл ажиллагаа, салбарын аюулгүй ажиллагаанд хяналт тавьж ажиллахыг анхааруулаад, ЗТЯ-ны холбогдох албанаас бүтэц орон тоог жигдлэх ажлыг шуурхай зохион байгуулж ажиллахыг үүрэг болгов.  

Аялал жуулчлалын үе идэвхжиж байгаатай холбогдуулан агаарын тээврийн салбарт “Монголд зочлох жил”-ийн ажлын хүрээнд үйлчилгээний чанар, хүртээмжийг улам сайжруулж ажиллахыг үүрэг болгоод, МИАТ ТӨХК-д үйлчлүүлэгчийн ая тухтай байдлыг хангаж ажиллахыг дахин санууллаа.  

Дэлгэрэнгүй унших

Улстөр нийгэм

УИХ-ын үйл ажиллагаа болон Төрийн ордонтой иргэд, зочид, төлөөлөгчдийг танилцуулах журам шинэчлэгдлээ

Огноо:

,

Иргэд, дотоод, гадаадын зочид төлөөлөгчдийг Улсын Их Хурлын үйл ажиллагаа болон Төрийн ордонтой танилцуулах арга хэмжээг 1992 оноос эхлэн Улсын Их Хурлын дарга, Улсын Их Хурлын Ерөнхий нарийн бичгийн даргын баталсан журмаар тус тус зохицуулж ирсэн ба Төрийн ордон дахь засвар, өргөтгөл, Үндсэн хуульд оруулсан өөрчлөлт зэргээс улбаалан ийнхүү зургаа дахь удаагаа шинэчлэгдэн батлагдаж байна.

Монгол Улсын Үндсэн хуульд 2023 оны 05 дугаар сарын 31-ний өдөр өөрчлөлт орж, Үндсэн хуулийн Хорин нэгдүгээр зүйлийн 21.1 дэх хэсэгт “Улсын Их Хурал нэг танхимтай, нэг зуун хорин зургаан гишүүнтэй байна. ..” гэж заасан. Үүнтэй уялдуулан Монгол Улсын Их Хурлын тухай хууль шинэчлэгдэж, “Улсын Их Хурлын чуулганы үйл ажиллагаа болон Төрийн ордонтой иргэд, зочид, төлөөлөгчдийг танилцуулах” журамд нэмэлт, өөрчлөлт оруулах шаардлага бий болсон.

Журамд нэмэлт, өөрчлөлт оруулснаар Монгол Улсын Их Хурлын үйл ажиллагаа болон Төрийн ордонтой танилцуулах арга хэмжээг иргэдэд болон Ерөнхий боловсролын сургуулийн сурагчдад зориулсан Парламентын боловсрол олгох хөтөлбөр гэж хоёр ангилсан. Парламентын боловсрол олгох хөтөлбөрийн хүрээнд Ерөнхий боловсролын 7-12 дугаар ангийн сурагчид Төрийн ордны түүх, Төрийн ордон дахь уран зураг, урлагийн бүтээлүүд, төрийн бэлгэ тэмдэг болон хууль хэрхэн бүтдэг талаарх анхан шатны мэдлэгээ нэмэгдүүлэх ач холбогдолтой.

Шинэчлэгдэн батлагдсан журамтай ЭНД дарж танилцана уу.

Дэлгэрэнгүй унших

Улстөр нийгэм

УИХ-ын дарга “Менежментийн форум 2025”-д мэндчилгээ илгээснийг уламжиллаа

Огноо:

,

Монгол Улсын Их Хурлын дарга Д.Амарбаясгалан 2025 оны гуравдугаар сарын 18-ны өдөр болсон “Менежментийн форум 2025” чуулга уулзалтад мэндчилгээ илгээснийг Улсын Их Хурлын Ерөнхий нарийн бичгийн дарга Б.Баасандорж уламжлан хүргэлээ.

Монгол Улсын топ 150 компанийн шилдэг 200 гаруй менежер оролцож буй “Менежментийн форум”-ыг жил тутам уламжлал болгон зохион байгуулж буй бөгөөд энэ удаагийнх нь тав дахь форум юм. Өнгөрсөн жилийн форумд Улсын Их Хурлын дарга Д.Амарбаясгалан Засгийн газрын хэрэг эрхлэх газрын дарга, сайдаар ажиллаж байхдаа оролцсон бөгөөд энэ удаагийн форумд оролцох урилгатай байсан боловч Их Британи, Умард Ирландын Нэгдсэн Хаант Улсад хийх албан ёсны айлчлал давхацсан тул ийнхүү мэндчилгээ илгээсэн юм.

Улсын Их Хурлын Ерөнхий нарийн бичгийн дарга Б.Баасандорж түүний мэндчилгээг уламжилж, форумын үйл ажиллагаанд амжилт хүсээд, Монголын парламентын шинэчлэл буюу парламентат ёсны хоёр дахь үе шат болон Улсын Их Хурлын 2024-2028 оны стратеги, төлөвлөгөөний талаар танилцуулав. Бүтэц, бүрэлдэхүүн нь өргөжиж, 126 гишүүнтэй болсон Монгол Улсын Их Хурлын үйл ажиллагаанд чанарын өөрчлөлт гарч буйг тэрбээр олон намын болон олон салбарын төлөөлөл, улсын төсвийн хэлэлцүүлэг, анх удаа төсвийн төслийг Засгийн газарт буцаасан зэргээр жишээлэн ярьж, хүн төвтэй, цаг үеийн шаардлагад нийцсэн, иж бүрэн зохицуулалттай хууль тогтоомжийг батлан мөрдүүлж байх “Гурван төгөлдөршил”-ийн зарчим, эдгээрт тулгуурлан боловсруулж баталсан ирэх дөрвөн жилд баримтлах Улсын Их Хурлын стратегийг дэлгэрэнгүй тайлбарлан ярьсан юм. Хүн төвт, хүний эрх, эрх чөлөөг дээдэлсэн үзэл санааг төлөвшүүлэх стратегийн зорилгыг танилцуулахдаа тэрбээр төрийн байгууллагын үйл ажиллагаанд хийх процессын дахин инженерчлэл, энэ талаар хувийн хэвшлийн аж ахуйн нэгжүүдийн туршлагаас суралцах, төрийн үйлчилгээний шат дамжлагуудыг цөөлөх, бууруулах талаар явуулж буй бодлогын арга хэмжээг жишээллээ. Үндэсний язгуур ашиг сонирхлыг дээдэлж, тогтвортой хөгжил, өрсөлдөх чадварыг дэмжсэн, цаг үеийн шаардлага, нийгмийн амин чухал эрэлт, хэрэгцээг тооцсон, цогц шийдвэр гаргадаг байх Улсын Их Хурлын хоёр дахь стратегийн зорилгыг тайлбарлахдаа татварын багц хуулийн шинэчлэл, хавтгайрсан хяналт шалгалтыг багасгах бодлогын талаар дэлгэрэнгүй өгүүлэв. Шинжлэх ухаан, инновац, технологийн дэвшлийг дэмжих, олон ургалч үзэл бүхий дэвшилтэт шинэ үеийн парламентыг бэхжүүлэх, Улсын Их Хурал үйл ажиллагааныхаа үр нөлөөг дээшлүүлэх зорилгуудын хүрээнд виртуал хөрөнгийн харилцааны эрх зүйн орчныг шинэчлэх, хууль тогтоох, хэрэгжилтийг хянан шалгах үйл ажиллагаанд хиймэл оюун ухааныг ашиглах, хуулиас давсан журам, дүрмүүдийг цэгцэлж, хууль тогтоомжийн эрх зүйн орчныг боловсронгуй болгох, хүний нөөцийг чадваржуулах болон бүтээмжийг нэмэгдүүлэх, төрийн байгууллагуудын үйл ажиллагаанд дэвшилтэт технологийг түлхүү нэвтрүүлэх зэрэг бодлогыг танилцууллаа.

“Менежментийн форум 2025” чуулга уулзалт “Building The Trust” уриан дор болж буй бөгөөд бизнес, эдийн засгийн орчны шинжилгээг дүгнэн хэлэлцэхийн зэрэгцээ хүний нөөцийн тулгамдсан асуудал, хиймэл оюун ухааны хэрэглээ зэрэг сэдвүүдийг хөндөн ярьж байна. Энэ үеэр бизнес эрхлэгчид бие биенээ өрсөлдөгч гэж бус хамтрагч гэж харж, нийтлэг зорилго, тулгарч буй бэрхшээл, сорилтыг дүгнэж буй нь нэгэн том алхам болохыг Улсын Их Хурлын Ерөнхий нарийн бичгийн дарга Б.Баасандорж тэмдэглэж, хууль тогтоогчдод уламжлах санал, шүүмжээ илэн далангүй гаргахыг уриалаад, бизнес эрхлэгчид болон парламентын гишүүд, мөн Менежментийн форум өөр хоорондоо “алтан гурвалжин”-гийн дүрмээр нягт хамтран ажилласнаар бодитой үр дүнд хүрч чадна гэдгийг онцоллоо гэж Улсын Их Хурлын Хэвлэл мэдээллийн газраас мэдээлэв.

Дэлгэрэнгүй унших
сурталчилгаа
Цаг үе2 минутын өмнө

Хубилай хаан Японд довтолсны дараах 750 жилд зориулсан хоёр боть ном...

Улстөр нийгэм5 минутын өмнө

Авто замын зарим төлбөр хураах цэгт хяналтын хүмүүсийг давхар ажиллу...

Цаг үе12 минутын өмнө

Өнгөрсөн сард 81 аж ахуйн нэгж, байгууллага, 1786 гадаадын иргэнийг ...

Цаг үе16 минутын өмнө

Хонгконгийн хүүхдийн гэмтлийн мэс засалч эмч Лиу Кинг Лок ГССҮТ-тэй ...

Улстөр нийгэм26 минутын өмнө

УИХ-ын үйл ажиллагаа болон Төрийн ордонтой иргэд, зочид, төлөөлөгчди...

Улстөр нийгэм32 минутын өмнө

УИХ-ын дарга “Менежментийн форум 2025”-д мэндчилгээ илгээснийг у...

Улстөр нийгэм49 минутын өмнө

УИХ: Өнөөдөр хуралдах ажлын хэсгүүд

Улстөр нийгэм54 минутын өмнө

УИХ-ын дэд дарга Х.Булгантуяа Элчин сайд Фарход Арзиевийг хүлээн авч...

Улстөр нийгэм1 цаг 2 минут

Хамтарсан хуралдаанаас УИХ дахь АН-ын бүлэг завсарлага авлаа

Цаг үе1 цаг 15 минут

Улаанбаатарт өдөртөө 10 хэм дулаан

Санал болгох