Цаг үе
Хоёр улсын хооронд төмөр зам, авто зам, агаарын тээврээр тээвэрлэлт хийх таатай нөхцөлийг бүрдүүлнэ
2025 оны нэгдүгээр сарын 25-29-ний өдрүүдэд Лаос Улсын нийслэл Вьентьян хотноо зохион байгуулагдсан Худалдаа, эдийн засаг, шинжлэх ухаан, техникийн хамтын ажиллагааны Монгол, Лаосын Засгийн газар хоорондын комиссын 12 дугаар хуралдааны хүрээнд тус комиссын Монголын хэсгийн дарга, Зам, тээврийн сайд Б.Дэлгэрсайхан Бүгд Найрамдах Ардчилсан Лаос Ард Улсын Ерөнхий сайд Сонсай Сипандонгтай уулзав.
Уулзалтын эхэнд сайд Б.Дэлгэрсайхан энэ удаагийн Засгийн газар хоорондын комиссын хурал хоёр орны улс төр, эдийн засаг, соёл боловсрол, хүнс хөдөө аж ахуй, аялал жуулчлал, дэд бүтэц зэрэг олон салбарын харилцаа хамтын ажиллагааг дээшлүүлэх, өргөжүүлэх талд чухал хувь нэмрийг оруулсан хурал болсон гэж үзэж байгаагаа Ерөнхий сайдад танилцуулав. Хоёр улсын харилцааг цаашид эдийн засгийн агуулгаар баяжуулах, худалдаа бизнесийг харилцан нэмэгдүүлэх сонирхол болон нөөц боломж аль аль талд их байгаа тул энэ боломжийг ашиглахад анхаарч ажиллах нь зүйтэй байгааг онцлов.
Ялангуяа Лаосын талаас Монгол Улстай хүнсний салбарт хамтран ажиллах, түүний дотор мах, махан бүтээгдэхүүн худалдан авах сонирхолтой байгаа ба эргүүлээд жимс, ногоо, цагаан будаа, мод, модон бүтээгдэхүүн зэргийг нийлүүлэх боломжтой байгаагаа илэрхийлсэн. Энэ үйл ажиллагааг хэрэгжүүлэхэд тээврийн харилцаа холбоос чухал тул хоёр улсын хооронд төмөр зам, авто зам, агаарын тээврээр тээвэрлэлт хийх таатай нөхцлийг бүрдүүлэхэд хоёр улсын салбарын яамд болон бусад холбогдох байгууллагууд чармайлт гарган ажиллахаар болсон талаар дурдаж хийгдэж буй ажлуудын талаар товч мэдээлэл өгөв.
Ерөнхий сайд Сонсай Сипандонг Монголын Засгийн газрын төлөөлөгчид Вьентиан хотноо айлчлан ирж хоёр орныг улам ойртуулж, нөхөрлөл, түншлэлийг улам бататгасан арга хэмжээг зохион байгуулсан баяртай байгааг хэлж манай хоёр улс нь түүхийн хугацаанд харилцан бие биедээ тусалж дэмжиж ирсэн дотны найз нөхөд гэдгийг онцлон хэлэв. Монгол Улс 126 гишүүнтэй УИХ-тай болсонтой холбоотойгоор шинээр нэмэгдсэн гишүүдийн суух ширээ сандлыг Лаосоос бэлэглэсэн, Монголын талаас амьд хонь, хивс бэлэглэж байсан зэрэг жишээг дурдав. Мөн Зам, тээврийн сайдын зүгээс танилцуулсан тээврийн хамтын ажиллагааны саналуудыг Ерөнхий сайдын зүгээс дэмжин сайшааж байгаагаа хэлж цаашид аяал жуулчлалыг хөгжүүлэхэд нислэгийг асуудал чухал тул сайдын зүгээс анхаарч ажиллахыг хүсэв гэж Зам, тээврийн яамнаас мэдээллээ.
Цаг үе
“Телеграммаар даалгавар биелүүлж мөнгөө өсгөөрэй” гэх зар залилан
Цаг үе
Бүх шатны эрүүл мэндийн байгууллагын удирдлагуудад үүрэг чиглэл өгөв
Хуралдааны үеэр, Эрүүл мэндийн яамны Төрийн нарийн бичгийн дарга Д.Очирбат аймаг, нийслэлийн эрүүл мэндийн газар, ЭМЯ-ны харьяа байгууллагын удирдлагуудад дараах чиглэлийг үүрэг болголоо. Үүнд:
- Өвөлжилт хүндрэх эрсдэлтэй нутаг дэвсгэрт отроор өвөлжиж буй иргэдэд эмнэлгийн тусламж, үйлчилгээг харьяалал харгалзахгүй үзүүлэх;
- Отроор өвөлжиж буй малчин иргэдэд эмийн хангалт болон явуулын эмнэлгийн багийг хуваарилж, тусламж үйлчилгээг шуурхай үзүүлэх;
- 0-5 насны хүүхэд, жирэмсэн эмэгтэй, хөгжлийн бэрхшээлтэй иргэн, ахмад настан, архаг суурь өвчтэй иргэдийн судалгааг тогтмол авч, эрүүл мэндийн үзлэгийг тогтсон хугацаанд хийж, төрөх дөхсөн жирэмсэн эмэгтэйг төв суурин газар татаж хяналтад эрт оруулах;
- Эм, эмнэлгийн хэрэгслийн нөөцийн бэлэн байдлыг хангах;
- Томуу, томуу төст өвчний тархалтын үе шат бүрд тохирсон хариу арга хэмжээ болон эрсдэлийн харилцааны арга хэмжээг авч хэрэгжүүлэх;
- Төсвийн сахилга батыг чангатгаж, үр ашиггүй зардлыг бууруулах зэрэг үүрэг чиглэлийг өгөв.
Цаг үе
Урт цагааны цэцэрлэгт хүрээлэнгийн ил тохижилтын ажлыг наймдугаар сард дуусгажээ
Чингэлтэй дүүргийн 3 дугаар хороонд “Урт цагаан” худалдаа, үйлчилгээний төвийн барилгыг 2024 оны арваннэгдүгээр сард нурааж, тухайн орчмын иргэдийн саналын дагуу далд зогсоол бүхий цэцэрлэгт хүрээлэн, үйлчилгээний төвийн цогцолбор барилга барьж буй.
Өнгөрсөн наймдугаар сард 1.3 га талбайг хамарсан цэцэрлэгт хүрээлэнгийн ил тохижилтын ажил дууссан.
Өнөөдрийн байдлаар 109 автомашины далд зогсоол, нийт тохижилт, гурван давхар үйлчилгээний төвийн барилга угсралтын ажлын явц 89 хувьтай үргэлжилж байна.
Далд зогсоол барих ажлын явц 90 хувьтай байгаа юм.
Гүйцэтгэгч “Бодь пропертийз” ХХК-ийн зүгээс цогц ажлыг 2025 оны арванхоёрдугаар сард багтаан дуусгахаар гэрээлсэн.
Нийт төслийн талбайн 26.5 хувийг ногоон байгууламж эзэлж буйг онцолж байна.
Урт цагааны далд зогсоол нь:
- Дөрвөн блок бүхий 320 метр урт, 7400 ам метр талбайг хамарсан 109 автомашины далд буюу дулаан зогсоолтой.
- Зогсоол автомашины нэг чигийн хөдөлгөөнтэй.
- Сул зогсоолын мэдээлэл авах боломжтой ухаалаг системтэй.
- Цахилгаан машины цэнэглэгчтэй.
- Хөгжлийн бэрхшээлтэй иргэд автомашинаа байршуулах боломжтой.
-
Цаг үе2020/07/06
Сэтгэл шимшрүүлсэн гэрэл зургийн түүх
-
Үзэл бодол2023/09/26
Э.Бат-Оргил: Хуучин автобус оруулж ирж байгаа гэх мэдээлэл ташаа
-
Шударга мэдээ2022/04/06
Төр, хувийн хэвшлийн түншлэлийн тухай хуулийн төслийг өргөн барилаа
-
Урлаг спорт2019/06/01
Нэрт кино найруулагч Д.Жигжидийн мэндэлсний 100 жилийн ойг тэмдэглэнэ