Цаг үе
Тээвэр логистикийн нэгдсэн төв байгуулах ажлын хүрээнд ААН-үүдийн үйлдвэртэй танилцаж, туршлага судлав
Хөшигийн хөндийн нисэх онгоцны буудлыг түшиглэсэн анхны дагуул хот Хүннү хотод тээвэр логистикийн нэгдсэн төвийг нийт 1019 га талбайд барина.
Үүнээс 400 га талбайд тээвэр логистикийн бүсийг байгуулах юм.
Уг төлөвлөлтийн хүрээнд нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяраар ахлуулсан ажлын хэсэг нийслэлд үйл ажиллагаа явуулж буй ААН-үүдийн үйлдвэр, терминалтай танилцлаа.
Энэ үeэр "Ти Ай Ложистик" XXK-ийн Тээврийн газрын захирал П.Ариунзаяа “Манай компани үүсгэн байгуулагдаад 14 жил болж байна. Импорт, экспортын бараа, бүтээгдэхүүнийг боловсруулах, гаалийн хяналтын бүс болон олон улсын тээвэр зуучлалын чиглэлээр үйл ажиллагаа явуулдаг. Өнөөдрийн хувьд НЗДТГ-ын ажлын хэсгийн зүгээс Хүннү хотод шинээр байгуулах логистик, ХАБЭА-н талаар бидэнтэй уулзаж, манай үйл ажиллагаатай танилцлаа.
Хүннү хотын логистик төвийг олон улсын стандартад нийцүүлсэн жишиг төв болгож хөгжүүлнэ гэдэгт итгэлтэй байна. Иймд, одоогийн үйл ажиллагаагаа илүү сайжруулж, хамтран ажиллахад бэлэн байна” гэв.
"Ландбридж" ХХК-ийн захирал Д.Энхтүвшин “Миний хувьд тээвэр, логистикийн салбарт 27 жил ажиллаж байна. Манай компани нь 22-ын товчоо буюу СХД-ийн 36 дугаар хороонд бараа бүтээгдэхүүнийг суурьшлын бүс рүү задалж оруулах, орон нутагт түгээх агуулахын чиглэлээр үйл ажиллагаа явуулдаг. НЗДТГ-ын Хүннү хотыг хөгжүүлэх ажлын хэсгээс логистикийн дэд бүтэц, агуулахын чанар зэргийг цаашдын төлөвлөлтдөө оруулах зорилгоор туршлага судалж, ирж үзлээ. Энэ салбарт олон жил ажиллаж, амьдарч буй хүний хувьд Хүннү хот болон нийслэлийн захын дүүргүүдэд түгээлт, ачаа бараа боловсруулах дэд бүтэц сайжраасай гэж хүсдэг. Энэ талаараа бид өөрсдийн хийсэн бүтээснийг үзүүлж, мэддэг чаддаг бүхнээ зөвлөлдөж байгаадаа баяртай байна” гэв.
Нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяр “Тээвэр логистикийн төвийг Хүннү хотод нүүлгэн шилжүүлэхтэй холбоотойгоор ажлын хэсэг байгуулагдсан. Хоёр өдрийн өмнө энэхүү үйлчилгээг үзүүлдэг ААН-үүдтэй хэлэлцүүлэг хийсэн. Хэлэлцүүлгийн хүрээнд тодорхой саналууд гарсан учраас энэ төрлийн үйлчилгээ үзүүлдэг ААН-үүд дээр ирж, үйл ажиллагаатай нь танилцлаа.
Хотод төвлөрсөн логистикийн хөдөлгөөнийг сааруулахад аж ахуй эрхэлж байгаа компанийн захирлууд болон үйлчилгээ үзүүлж байгаа хүмүүс хүлээн зөвшөөрч буйгаа илэрхийллээ. Хамгийн чухал нь Хүннү хотод төлөвлөж байгаа байршил дээр ямар үйлчилгээг нэвтрүүлэх, терминалаа хаана үлдээх зэрэг олон бодитой ажил хэрэгч саналуудыг гаргаж байна. Тиймд, логистикийн төвийг шинээр байгуулахдаа үйлчилгээ эрхэлдэг ААНБ-ын бүх саналыг аль болох тусгаж, олон улсын стандартад нийцсэн ажил төлөвлөж гүйцэтгэнэ” гэлээ.
Цаг үе
Үерийн эрсдэлийн ерөнхий үнэлгээгээр их эрсдэлтэй 3 аймаг, маш их эрсдэлтэй 19 сум байна
ОБЕГ-ын Эрсдэлийн удирдлагын газраас хийсэн үерийн эрсдэлийн ерөнхий үнэлгээгээр 21 аймгаас Орхон, Говьсүмбэр, Сүхбаатар их эрсдэлтэй буюу улбар шар түвшинд, Баян-Өлгий, Увс, Ховд, Завхан, Говь-Алтай, Баянхонгор, Хөвсгөл, Булган, Төв, Өвөрхангай, Өмнөговь, Дундговь, Дархан, Сэлэнгэ, Дорноговь, Хэнтий аймгууд дунд эрсдэлтэй, Дорнод, Архангай аймгууд бага эрсдэлтэй байна.
Мөн 21 аймгийн 330 сумын хэмжээнд маш их эрсдэлтэй 19 сум, их эрсдэлтэй 30 сум, дунд эрсдэлтэй 159 сум, бага эрсдэлтэй 94 сум, маш бага эрсдэлтэй 28 сум байна.
Үерийн эрсдэлийн ерөнхий үнэлгээгээр 21 аймгаас их эрсдэлтэй 3, дунд эрсдэлтэй 16, бага эрсдэлтэй 2 аймаг байгаа бол 330 сумаас маш их эрсдэлтэй 19 сум, их эрсдэлтэй 30 сум, дунд эрсдэлтэй 159 сум, бага эрсдэлтэй 94 сум, маш бага эрсдэлтэй 28 сум байна.
Харин үерийн эрсдэлтэй “маш их буюу их” түвшинд байгаа 49 сумын 137.740 өрх айл үерт өртөх эрсдэлтэйг тооцооллоо. Улсын хэмжээнд сүүлийн 10 жилийн хугацаанд ус, цаг уурын гаралтай аюулт үзэгдлийн 1212 тохиолдол бүртгэгдсэний 41.3 хувийг аадар бороо, үер эзэлж байна. Сүүлийн жилүүдэд үерийн аюул болон усны осолд өртөж амь нас, эрүүл мэнд, эд хөрөнгөөр хохирох тохиолдол өсөж байгаатай холбогдуулан гамшгийн эрсдэлийг бууруулах, эрт хариу арга хэмжээ авах, урьдчилан сэргийлэх арга хэмжээг иргэн бүр хэрэгжүүлэхийг зөвлөж байна.
Цаг үе
Соёмботой хөшөөнөөс урагш Ривер гарден хотхон хүртэл саадгүй зорчиход орц, гарц гаргах асуудлаар зөвшилцөнө
Хан-Уул дүүргийн 15 дугаар хороо, Vega city хотхоноос Рапид Хурд хороолол хүртэл 40 метр, “Orchid park” орон сууц, худалдаа үйлчилгээний цогцолбороос Japan Town хотхоны C3 блок хүртэл 176 метр авто зам гаргахаар орц, гарцыг чөлөөлж, холбоос замуудыг нээх ерөнхий төлөвлөлтийн зураг төслийг боловсруулж дууссан.
Орц, гарцыг чөлөөлснөөр Соёмботой хөшөөнөөс урагш Ривер гарден хотхон хүртэл саадгүй зорчих, төв замын ачааллаас хуваалцах боломж бүрдэх юм.
Уг ажлыг эхлүүлэхээр өнөөдөр нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяр болон холбогдох албаныхан тус байршилд ажиллалаа.
Өнөөдрийн байдлаар тухайн байршилд авто зам гаргахад Рапид Хурд хорооллын налуу уналттай зам болон Vega city хотхоны доор байрлах “TARA Center” худалдаа, үйлчилгээний төвийн авто зогсоол тулсан байдалтай байгаа юм. Иймээс эхний ээлжид Vega city хотхоны доор байрлах “TARA Center” худалдаа, үйлчилгээний төвийн авто зогсоолоос 40 метр газрыг чөлөөлөхөөр тухайн хотхоны удирдлагуудтай зөвшилцөх юм. Хэрэв зөвшилцөлд хүрвэл тухайн хэсэг газарт долоо хоногийн дотор авто замын холбооснуудыг гаргаж, тэмдэг, тэмдэглэгээ хийнэ.
Цаг үе
"Улаанбурхнаас урьдчилан сэргийлье" сэтгүүл зүйн бүтээлийн грант зарлагдлаа
Монголын эрүүл мэндийн сэтгүүлчдийн “Цагаан үзэг” холбоо болон эрүүл мэндийн сэтгүүлчдийн “Вакцин” клубээс улаанбурхны халдвар өндөр байгаатай холбогдуулан иргэд, олон нийтэд үнэн бодит мэдээллийг хүргэх, уг өвчний талаарх бүх нийтийн мэдлэг, хандлагыг нэмэгдүүлэх, урьдчилан сэргийлэхэд дэмжлэг үзүүлэх зорилгоор сэтгүүл зүйн бүтээлийн ГРАНТ зарлаж байна.
Жич: Хүний тоо хязгаартай тул бүртгэл баталгаажсан оролцогчид руу бид эргэн холбогдох болно. Бүртгэл 2025.07.02-ны өдрийн 18 цагт хаахыг анхаарна уу.
Бүтээлийн сэдэв: Улаанбурхан өвчин
Бүтээлийн хэлбэр: Сэтгүүл зүйн бүх төрлөөр
Хамрах хүрээ: Үндэсний хэмжээн дэх сэтгүүлч, хэвлэл мэдээллийн байгууллага
Тэтгэлгийн сан: 6 000 000 төгрөг (зургаан сая)
Бүтээл гаргах хугацаа: 2025.07.03-2025.07.05-ны өдрийг дуустал 3 хоног
Бүртгэлийн линк: https://bit.ly/4nn49gf
БҮХ НИЙТИЙН ЭРҮҮЛ МЭНДИЙН ТӨЛӨӨ - МЭМСЦҮХ
Оролцогчдодоо амжилт хүсье. Дэлгэрэнгүй мэдээллийг 99106580, 88023206 утсаар лавлаарай.
Эрүүл мэндийн сэтгүүлчдийн “Вакцин” клуб
-
Цаг үе2024/05/08
Хангайн уулархаг нутгаар бороо, уулаараа нойтон цас орно
-
Шударга мэдээ2021/05/24
“Ай Си Ти групп” компани эх орондоо анхны токенжуулсан үнэт цаас гар...
-
Цаг үе2023/10/05
Узбекистаны экс ерөнхийлөгчийн охиныг авлигын хэрэгт буруутгажээ
-
Цаг үе2023/03/31
УБЦТС: Өнөөдөр хийгдэх засварын хуваарь