Цаг үе
Өөрийгөө гутранги үзэлтэй болтол нь гаргуунд нь бүү гарга
Өөдрөг үзэлтэй амьдаръя гэж шийдсэнээс хойш нэг ч өдөр өнгөрөлгүй ядарч туйлдан энэ бодлоо хаяхад хүрдэг нь элбэг байдаг. Гэтэл өөдрөг үзэл гэдэг бол одоогийнхоосоо илүү сайхан ирээдүйн төлөө хэрэгтэйгээс гадна өнөөдөр хөгжилтэй, аз жаргалтай амьдрахын тулд заавал ч үгүй байх ёстой учир залхалаа гээд хаяж болохооргүй зүйл юм. Тийм учраас өөдрөг үзлийг хэвээр хадгалахын тулд хичээл зүтгэл хэрэгтэй.
Амжилтад хүрсэн хүмүүсийн өөрийнхөө тухай бичсэн дурдатгал болон амжилтын алтан дүрэмийн талаар бичсэн номыг уншихад эерэг энерги халгиж цалгисан, “чадна гэж бодвол үнэхээр биелэдэг” гэсэн зарчимыг баримталсан, бусдад итгэл өгсөн, бусдын урам зоригийг бадраасан утга агуулгатай байдаг.
Сэтгэл санаагаа захирахын нэгдүгээр үе шат нь ийм төрлийн номнуудыг уншиж уужим сэтгэлтэй болох явдал юм. Хамгийн хялбар үр дүнтэй арга бол өөдрөг үзэл бодлоор дүүрэн номнуудыг байнга уншиж байх ядвал юм. Дараа нь номон дээр гарч байгаа сэтгэлээ барьж тогтоох, захирах аргуудыг бодитоор туршиж үзэх хэрэгтэй. Өдөр бүр толинд харж “чи мундаг хүн” гэж зуугаас олон удаа давтан хэлсэн ч болно, өөртөө үлгэр жишээ болохуйц хүний зургийг хаа нэг газраа хадаад өдөр бүр харж байсан ч болно. Хувь хүнийхээ зүгээс чамд зөвлөх зүйл бол “өөдрөг өдрийн тэмдэглэл” байна. Хүмүүс ихэнхдээ өдрийн тэмдэглэл бухимдсан уур хүрсэн зүйлүүдээ бусдад сэтгэлээ онгойтол ярьж байгаа мэт бичиж гаргадаг.
Тэгэж бичсэн өдрийн тэмдэглэл өчүүхэн, уншихаас ч ичмээр санагдаж дараа нь дахин унших дургүй хүрэх тохиолдол их байдаг. Хурдан мартвал таарах сэтгэлийн шархуудаа заавал тэмдэглэлдээ хүртэл үлдээж байдгийн учир юунд байна вэ. “Өөдрөг өдрийн тэмдэглэл” гэдэг өдөрт болсон явдлуудын дундаас зөвхөн сайн сайхан зүйлсийг нь бичиж, мөн өөрийн найдаж хүлээж байгаа ирээдүйн сайн сайхан зүйлүүдийг бичсэн өдрийн тэмдэглэл юм.
Хэдий гутранги үзлийн сүүдэр чам дээр хүчтэй туссан гунигтай өдөр байлаа ч “өөдрөг өдрийн тэмдэглэл” бичээд босч ирэхэд байдал арай л дээрдсэн байдаг. Тиймэрхүү дараагийн өдөр дахин өөдрөгөөр амьдрах эрч хүчийг тэндээс олж авах болно. Юу юунаас илүү чухал зүйл нь энэ өдрийн тэмдэглэлд бичсэн “найдаж байгаа зүйлүүд” цаг хугацаа өнгөрсний дараа бодитоор биеллээ олох өдрүүд олон байх болно.
Аль хэдийн бичгээр баталгаажуулж үлдээсэн хүсэл нь сэтгэл дотроо бүүр түүр тээж яваа хүслээс түрүүлж химийн бодис урвалд орох шиг бодит байдалтай тулгарч биеллээ олдог. Тэр урвалын өдөөг ч нь тийм байх болно гэсэн итгэл билээ. Хэдэн өдрийн өмнө нэртэй од болохоо хүлээн зөвшөөрүүлж чадсан жүжигчин охины ярилцлагыг уншиж үзлээ. Тэр охин ярилцлагын төгсгөлд ингэж хэлжээ.
“Мөрөөдөл заавал биелдэг. Гэхдээ тэр мөрөөдлийнхөө талаар хааяа л бодоод байлгүй өдөр алгасалгүй бодож чадвал.” Бусдын нүдэнд өөдрөг харагдах гэж хичээдэг ч бай, өөдрөг өдрийн тэмдэглэл бичдэг ч бай, тэр бүсгүй өөдрөг үзлээ ямар нэгэн аргаар байнга хурцалж, цэнэглэж амьдарч ирсэн нь гарцаагүй байлаа.
Өөрийгөө гутранги үзэлтэй болтол нь гаргуунд нь бүү гарга.
Өөдрөг үзэл бодлоо хадгалж байхын тулд өөдрөг бус үзэлтэй хүмүүстэй дотно, гүнзгий найзалж болохгүй. Гутранги үзэл нь өөдрөг үзлээсээ хамаагүй хүчтэй нөлөөтэй учраас хайран цэнэглэж авсан энергиэ юу ч үгүй алдчихаж ч мэднэ.
Үргэлж аливааг “болно, бүтнэ” гэж бодон түүнийхээ төлөө тэмцэж байгаа зүйлд нь ч хүч урам зориг өгч та өөрөө ч тэдний хувьд “уулзахад таатай хүн” бол. Өөдрөг үзэлтэй хүмүүс бие биедээ урам зориг, сэтгэлийн тэнхээ өгч бие биендээ байнга ялалт авчирдаг.
Эрүүл мэнд муу, бие таагүй байвал өөрөө хэчнээн хичээж зүтгээд ч уур цухал хүрч, залхахад хүрдэг нь мэдээжийн хэрэг билээ. Өвчтэй мөртлөө арай хийн шүд зуун байж ажлаа хийхээс өөр аргагүйд хүрэхгүйн тулд жирийн үед эрүүл мэнддээ анхаарал тавьж аль болох биеэ эрүүл байлгах хэрэгтэй.
Тэглээ ч гэсэн өвдөөд байвал ажлаа бүгдийг нь хойш тавиад дээш харан хэвтэж ханатлаа өвдөх нь дээр. Аргагүйн эрхэнд хоногийн хоолоо олохын тулд энэ ажлыг хийж байна даа гэсэн бодлоор ажил хийснээс бүр хийхгүй байсан нь хамаагүй дээр шүү дээ.
Дургүйд хүчгүй гэдэг үг байдаг биз дээ.
Ингээд ч болов гүрийгээд ажиллая, ингэж ажиллах нь миний үүрэг гэж бодон эцсээ хүртэл тэсэж тэвчсээр байвал насан туршдаа “идэж амьдрах” гэдэг цорын ганц зорилгоор ажилладаг болчхож ч магадгүй шүү.
Ухаалаг эмэгтэйчүүд өөртөө өндөр шаардлага тавьж хатуурхдаг хэдий ч өөрийгөө гаргуунд нь гаргаж орхидоггүй юм.
Яагаад гэвэл хөгжин баясаж чадахгүй бол амьдрал утга учиргүй гэдгийг тэд сайн мэддэг юм.
Цаг үе
Улаанбаатарт өдөртөө 17 хэм дулаан
Малчид, иргэд, хадланчдын анхааралд: 21-ний өдөр төв, зүүн аймгуудын нутгийн хойд хэсгээр усархаг бороо үргэлжлэн орох тул болзошгүй нөөлөг салхи, аянга цахилгаан, мөндөр, үер усны аюулаас сэрэмжтэй байхыг анхааруулж байна.
2025 оны наймдугаар сарын 21-ний 08 цагаас 20 цаг хүртэл: Ихэнх нутгаар үүлшинэ. Баруун аймгуудын нутгийн зүүн хойд, төвийн аймгуудын нутгийн зарим газар, зүүн аймгуудын нутгийн хойд болон зүүн хэсгээр бороо, дуу цахилгаантай аадар бороо, мөндөр орно. Салхи нутгийн зүүн хэсгээр баруун өмнөөс хойш эргэж, бусад нутгаар баруун хойноос секундэд 5-10 метр, нутгийн зарим газраар борооны өмнө түр зуур ширүүснэ. Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс, Эг, Үүр, Орхон, Сэлэнгэ, Хараа, Ерөө, Туул, Тэрэлж голын хөндийгөөр 12-17 хэм, говийн бүс нутгийн өмнөд хэсэг, Дорнод-Дарьгангын тал нутаг, Халх голын сав газраар 24-29 хэм, бусад нутгаар 18-23 хэм дулаан байна.
УЛААНБААТАР ХОТ ОРЧМООР: Үүлэрхэг. Бороо орно. Салхи баруун хойноос секундэд 5-10 метр, борооны өмнө түр зуур ширүүснэ. Өдөртөө 15-17 хэм дулаан байна.
БАГАНУУР ОРЧМООР: Үүлэрхэг. Бороо орно. Салхи баруун хойноос секундэд 6-11 метр, борооны өмнө түр зуур ширүүснэ. Өдөртөө 15-17 хэм дулаан байна.
ТЭРЭЛЖ ОРЧМООР: Үүлэрхэг. Бороо орно. Салхи баруун хойноос секундэд 5-10 метр, борооны өмнө түр зуур ширүүснэ. Шөнөдөө 7-9 хэм, өдөртөө 12-14 хэм дулаан байна.
2025 оны наймдугаар сарын 22-ноос 26-ныг хүртэлх
цаг агаарын урьдчилсан төлөв
22-нд баруун, төв, зүүн аймгуудын нутгийн хойд хэсгээр, 23-нд баруун болон төвийн аймгуудын нутгийн зарим газар, говийн аймгуудын нутгийн баруун хэсгээр, 24-нд төв, зүүн аймгуудын нутгийн зарим газар, говийн аймгуудын нутгийн зүүн хэсгээр, 25-нд баруун аймгуудын ихэнх нутгаар бороо, дуу цахилгаантай аадар бороо орно. Салхи ихэнх хугацаанд секундэд 5-10 метр, борооны өмнө түр зуур ширүүснэ. Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Тэрэлж голын хөндийгөөр шөнөдөө 3 хэмийн хүйтнээс 2 хэм, өдөртөө 13-18 хэм, говийн бүс нутгийн өмнөд хэсгээр шөнөдөө 13-18 хэм, өдөртөө 23-28 хэм, бусад нутгаар шөнөдөө 6-11 хэм, өдөртөө 16-21 хэм дулаан байна. 24-нд нутгийн баруун хагаст, 25-нднутгийн зүүн хагаст бага зэрэг дулаарна.
Цаг үе
"Байр түрээслүүлнэ” гэж иргэдийг хохироосон залилах гэмт хэрэг нэмэгдэж байна
Их, дээд сургуулийн элсэлт, бүртгэлтэй холбоотой орон нутгаас Улаанбаатар хотыг зорих оюутан залуусын хөдөлгөөн нэмэгдэж, үүнтэй зэрэгцэн "байр түрээслүүлнэ” гэх нэрийдлээр иргэдийг хохироосон залилах гэмт хэрэг нэмэгдэж байна.
Цахим орчинд нийтлэгдэж буй орон сууц худалдах, байр түрээслүүлэхтэй холбоотой 430 гаруй зарын 30 орчим хувь нь худал мэдээлэл агуулсан, залилах гэмт хэргийн шинжтэй болох нь тогтоогдлоо.
Энэ оны эхний 7 сарын байдлаар цахим орчинд "Түрээсийн үйлчилгээ"-тэй холбоотой 143 гэмт хэрэг үйлдэгдсэн байна.
Иймээс иргэд та бүхэн
- Байр түрээсийн төлбөрөө урьдчилж шилжүүлэхгүй байх,
- Түрээсийн гэрээг заавал нотариатаар баталгаажуулах,
- Байрны улсын бүртгэлийн гэрчилгээ болон өмчлөх эрхийн лавлагааг нягтлах шаардлагатайг Цагдаагийн байгууллагаас анхааруулж байна.
- Хямд үнэтэй яаралтай төлбөр нэхсэн түрээсийн байрнаас болгоомжилж, энэ төрлийн гэмт хэргийн хохирогч болохоос урьдчилан сэргийлээрэй.
Цаг үе
ЕБС-ийн гурав, дөрөвдүгээр ангид англи хэлний хичээл долоо хоногт хоёр цаг орно
2025-2026 оны хичээлийн жилд ерөнхий боловсролын сургуулийн гурав, дөрөвдүгээр ангид англи хэлний нэмэлт хөтөлбөрөөр долоо хоногт хоёр цагаар хэрэгжүүлэхээр төлөвлөж байна. Англи хэлний нэмэлт хөтөлбөрийн сурах бичигт монгол ахуй, соёлтой холбоотой агуулгаар баяжуулан тохируулга хийж, хэвлэж хүүхдийн тоогоор нийлүүлэхэд бэлэн болжээ.
2024-2025 оны хичээлийн жилд Боловсролын яамнаас хүүхдийн нас, сэтгэхүйн онцлог, соёл, уламжлалд нийцүүлэн олон улсын мэргэжлийн байгууллагатай хамтран боловсруулсан англи хэлний цогц хөтөлбөрийг төрийн болон орон нутгийн өмчийн ерөнхий боловсролын түшиц 105 сургуулийн 3-4 дүгээр ангид туршсан. Туршилтад нийслэлийн 37, аймгийн төв, сумын 67 ерөнхий боловсролын сургуулийн 3-4 дүгээр ангийн нийт 37,161 суралцагч хамрагдаж, ярих, сонсох, унших, бичих анхан шатны ур чадвар эзэмшжээ.
Туршилтаар гурав, дөрөвдүгээр ангид заах англи хэлний хөтөлбөрийн тохирц, зохион байгуулалтын хэлбэрийг тохируулж, баталгаажуулсан бөгөөд Боловсролын судалгааны үндэсний хүрээлэнгээс англи хэлний хөтөлбөрийг гурав, дөрөвдүгээр ангид хэрэгжүүлэх боломжтой гэж дүгнэсэн байна.
Багшийн хүрэлцээ, ур чадвар чухал байна. Үүнтэй холбоотойгоор 2025 оны дөрөвдүгээр сард төрийн болон орон нутгийн өмчийн ерөнхий боловсролын сургуулиудаас судалгаа авсан бөгөөд үр дүнд нь 3, 4 дүгээр ангид англи хэлний хичээлийг дунд ангийн мэргэжлийн англи хэлний багш нар, бага ангийн багш нар болон бусад хувилбаруудыг сургуулийн нөөц, боломждоо тулгуурлан заах боломжтой гэжээ. Үүний дагуу англи хэл заах багш нарыг чадавхжуулах сургалтыг үе шаттай эхлүүлээд байна.
