Улстөр нийгэм
БНХАУ, БНТУ, БНСВУ-ын парламентын тэргүүнүүд Г.Занданшатарт УИХ-ын даргаар дахин сонгогдсонд нь баяр хүргэлээ
Монгол Улсын Их Хурлын даргаар дахин сонгогдсонтой нь холбогдуулан Гомбожавын Занданшатарт Бүх Хятадын Ардын Төлөөлөгчдийн Их Хурлын Байнгын хорооны дарга Ли Жаньшу, Бүгд Найрамдах Турк Улсын Үндэсний Их Хурлын дарга Мустафа Шентоп, Бүгд Найрамдах Социалист Вьетнам Улсын Үндэсний ассамблейн дарга, хатагтай Нгуен Тхи Ким Нганг нар баяр хүргэж, мэндчилгээ ирүүллээ.
Ноён Ли Жаньшу баярын мэндчилгээндээ “Таныг Монгол Улсын Их Хурлын даргаар дахин сонгогдсонд БХАТИХ-ын Байнгын хорооны нэрийн өмнөөс болон хувиасаа халуун баяр хүргэж байна.
Хятад, Монгол хоёр улс бол найрсаг харилцаатай хөршүүд, Иж бүрэн стратегийн түншүүд билээ. COVID-19 халдварт өвчин дэгдсэнээс хойш Хятад, Монгол хоёр улс халдварт өвчинтэй тэмцэх хамтын ажиллагааг өрнүүлж, эерэг үр дүнд хүрлээ. Миний бие Тантай цаашид ч нягт харилцаатай байж, хоёр талын харилцааг урагшлуулж, хоёр улсын хууль тогтоох байгууллагуудын харилцаа, хамтын ажиллагааг тасралтгүй гүнзгийрүүлэн хөгжүүлж, хоёр улс болон хоёр улсын ард иргэдийн сайн сайхны төлөө хамтран ажиллахад бэлэн байна.
Монгол Улс цэцэглэн хөгжиж, ард түмэн нь аз жаргалтай байх болтугай” гэжээ.
Туркийн парламентын дарга Мустафа Шентоп “Манай хоёр улсын Их Хурал хоорондын найрсаг харилцаа ирэх жилүүдэд, Эрхэм хүндэт Таныг УИХ-ын даргаар ажиллах хугацаанд улам бүр өргөжин хөгжинө гэдэгт итгэл төгс байна.
Энэхүү завшааныг тохиолдуулан Монгол Улсын Их Хурлын гишүүд болон Эрхэм Их Хурлын дарга Танд эрүүл энх, аз жаргал, найрамдалт Монголын ард түмэнд сайн сайхан бүхнийг хүсэн ерөөе” гэсэн байна.
Хатагтай Нгуен Тхи Ким Нганг “Бүгд Найрамдах Социалист Вьетнам Улсын Үндэсний ассамблейн нэрийн өмнөөс болон хувиасаа Монгол Улсын Их Хурлын 8 дахь удаагийн сонгуулиар бүрэлдсэн парламентад итгэл хүлээн, Улсын Их Хурлын даргаар улиран сонгогдсонд эрхэмсэг ноён Танд халуун баяр хүргэе.
Өнгөрсөн хугацаанд хүрсэн ололт амжилтын суурин дээр ард түмний аз жаргал, Монгол Улсын хөгжил цэцэглэлтэд эрхэмсэг ноён Таны мэдлэг туршлага үнэтэй хувь нэмрийг үргэлжлүүлэн оруулна гэдэгт миний бие бүрэн итгэлтэй байна.
Вьетнам, Монголын уламжлалт найрсаг харилцаа нь өнгөрсөн хугацаанд тасралтгүй бэхжин хөгжиж, олон чухал ололт амжилтад хүрсэнд би туйлын баяртай байна. Хоёр орны ард түмний эрх ашигт нийцүүлэн хоёр улсын найрсаг харилцаа, хамтын ажиллагааг хөгжүүлэх, ялангуяа хууль тогтоох байгууллага хоорондын хамтын ажиллагааг улам бэхжүүлэх, түүнчлэн дэлхийн болон бүс нутгийн тогтвортой байдал, энх тайвныг хангахад хувь нэмрээ оруулахын төлөө цаашид эрхэмсэг ноён Тантай нягт хамтран ажиллахад бэлэн байгаагаа илэрхийлье.
Эрхэмсэг ноён Танд өндөр үүрэг хариуцлагатай албан тушаалдаа их амжилт гаргахыг ерөөж, эрүүл энхийг хүсье” гэжээ.
Мөн Япон Улсаас Монгол Улсад суугаа Онц бөгөөд Бүрэн эрхт Элчин сайд Кобаяаши Хироюки баяр хүргэсэн мэндчилгээ ирүүлсэн байна.
Улсын Их Хурлын дарга Г.Занданшатар баярын цахилгаан ирүүлсэн БХАТИХ-ын Байнгын хорооны дарга Ли Жаньшу, БНТУ-ын Үндэсний Их Хурлын дарга Мустафа Шентоп, БНСВУ-ын Үндэсний ассамблейн дарга, хатагтай Нгуен Тхи Ким Нганг нарт Монгол Улсын Их Хурлын даргаар дахин сонгогдсонд баяр хүргэж, элэгсэг дотно үгтэй мэндчилгээ ирүүлсэнд нь талархал илэрхийлсэн хариу мэндчилгээ илгээв.
Улстөр нийгэм
COP17 бага хурлын бэлтгэл ажлын явцыг хэлэлцэж, холбогдох дэд хороодод чиглэл өглөө
Улстөр нийгэм
Хууль бусаар мод бэлтгэсэн гэмт хэргийг илрүүлж, шүүхэд шилжүүлжээ
Цагдаагийн байгууллагаас 2025 оны 10 дугаар сарын 11-ний өдөр Өвөрхангай аймгийн Хархорин сумын нутаг дэвсгэрт иргэн Л.Б нь шинэс төрлийн 16 ширхэг, 1.291 шоо метр модыг тээврийн хэрэгсэл ашиглан хууль бусаар бэлтгэж, байгаль орчинд 391,888 төгрөгийн хохирол учруулсан гэмт хэргийг илрүүлж, мөрдөн шалгах ажиллагааг явуулан шүүхэд шилжүүлэх саналтай прокурорын байгууллагад шилжүүлсэн.
Тус гэмт хэргийг үйлдсэн иргэн Л.Б нь Монгол Улсын Эрүүгийн хуулийн 24.6 дугаар зүйлийн 2 дахь хэсгийн 2.3-т зааснаар Өвөрхангай аймгийн Хархорин сум дахь сум дундын шүүхээс 1 жилийн хугацаагаар тэнсэх ял оногдуулж, гэмт хэрэг үйлдэхэд ашигласан техник хэрэгслийг улсын орлого болгосон.
Иймд иргэдийг Хүрээлэн байгаа орчны эсрэг гэмт хэрэг, зөрчлийн талаар Цагдаагийн байгууллагын 102 болон 70191070 тусгай дугаарын утсанд мэдээлж, хамтран ажиллахыг Экологийн цагдаагийн албанаас уриаллаа.
Улстөр нийгэм
Улсын хөгжлийн жилийн төлөвлөгөөний гүйцэтгэл, Засгийн газрын үйл ажиллагааны хөтөлбөрийн 2025 оны гүйцэтгэлийн тайланг өргөн мэдүүлэв
Монгол Улсын Их Хурлын дарга Н.Учралд Монгол Улсын Засгийн газрын 2024-2028 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөний хэрэгжилтийн явц болон Монгол Улсын 2025 оны хөгжлийн жилийн төлөвлөгөөний гүйцэтгэлийн тайланг өнөөдөр (2026.03.12) Улсын Их Хурлын гишүүн, Засгийн газрын гишүүн, Эдийн засаг, хөгжлийн сайд Ж.Энхбаяр өргөн мэдүүлэв.
Монгол Улсын Засгийн газрын 2024-2028 оны үйл ажиллагааны хөтөлбөр 16 үр дүнгийн хяналт-шинжилгээний шалгуур үзүүлэлт, 620 зорилттой, хөтөлбөрийг хэрэгжүүлэх арга хэмжээний төлөвлөгөө нь үндсэн 4 бодлогын хүрээнд 620 зорилт, 1396 арга хэмжээ, төсвийн ерөнхийлөн захирагчийн болон хөтөлбөрийн 219 хяналт шинжилгээний шалгуур үзүүлэлттэй батлагдсан.
Үүнээс мэдээллийн эх сурвалж гараагүй 3 үр дүнгийн шалгуур үзүүлэлтээс бусад 13 үр дүнгийн шалгуур үзүүлэлт, зорилтот түвшин болон хөтөлбөрийг хэрэгжүүлэх арга хэмжээний төлөвлөгөөний 1213 зорилт, арга хэмжээ, төсвийн ерөнхийлөн захирагчийн 67 үр дүнг зорилтот түвшинд хүрсэн эсэхийг тухайн жилийн болон хөтөлбөр хэрэгжих хугацааны өссөн дүнтэй харьцуулан Засгийн газрын 2025 оны 43 дугаар тогтоол “Хяналт-шинжилгээ хийх журам”-д заасан аргачлалын дагуу хяналт-шинжилгээ хийсэн байна.
Хяналт-шинжилгээний дүнгээр тус хөтөлбөрийн хавсралтаар баталсан бодлогын 13 үр дүнгийн 2025 оны хэрэгжилт 55.5 хувь, 2028 оны зорилтот түвшинтэй харьцуулахад өссөн дүнгээр 30.7 хувь, хөтөлбөрийг хэрэгжүүлэх арга хэмжээний төлөвлөгөөний хавсралтаар баталсан төсвийн ерөнхийлөн захирагчийн үр дүнгийн хэрэгжилт 64.1 хувь, өссөн дүнгээр 46.4 хувь, үйл ажиллагааны төлөвлөгөөний 575 зорилтын хэрэгжилт 66.4 хувь, өссөн дүнгээр 38.0 хувь, арга хэмжээний хэрэгжилт 67.9 хувь, өссөн дүнгээр 38.8 хувь байна.
Монгол Улсын хөгжлийн 2025 оны төлөвлөгөөний гүйцэтгэл, үр дүнг 2025 оны зорилтот түвшинтэй харьцуулан, журамд заасан хэрэгжиж дууссан бодлогыг дүгнэх үнэлгээний арга зүйг ашиглан хяналт-шинжилгээ хийжээ. Монгол Улсын хөгжлийн 2025 оны төлөвлөгөөний гүйцэтгэлд хийсэн хяналт-шинжилгээ, үнэлгээний дүнгээр тэргүүлэх чиглэлийн үр дүн 48.5 хувь, төсвийн ерөнхийлөн захирагчийн үр дүн 59.7 хувь, хөтөлбөрийн үр дүн 57.1 хувь, нийт төсөл, арга хэмжээний гүйцэтгэл дунджаар 61.0 хувийн гүйцэтгэлтэй гарсныг Эдийн засаг, хөгжлийн сайд Улсын Их Хурлын даргад танилцууллаа хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.
-
Улстөр нийгэм2025/01/31
Д.Амарбаясгалан: Баруун бүсэд хөв цөөрөм барих 6,6 тэрбум төгрөгийн төсөв батлаг...
-
Улстөр нийгэм2026/02/25
Улаанбаатар хотын гамшгийн бэлэн байдлыг сайжруулахад Азийн гамшгийн бэлэн байдл...
-
Цаг үе2024/11/07
Зайсангийн хуучин гүүрийг энэ сарын 8-наас ирэх сарын 1-нийг хүртэл түр хааж, бо...
-
Шударга мэдээ2024/09/24
Өнгөрсөн 7 хоногт I эгнээгээр зорчсон 43.444 зөрчил бүртгэгджээ