Бидэнтэй нэгдэх

Цаг үе

“Эрдэнэс Монгол” нэгдэл, төрийн байгууллагуудын хамтын ажиллагааг бэхжүүлнэ

Огноо:

1 жил 9 сар.өмнө

,

Эрдэнэт үйлдвэрийн 2023 оны эхний хагас жилийн үйл ажиллагааны тайлангийн хурал “Эрдэнэс Монгол” нэгдэл, төрийн байгууллагуудын хамтын ажиллагаа сэдвээр үргэлжиллээ. Тус нэгдлийн харьяа төрийн өмчит үйлдвэрийн газрын удирдлагууд болон Засгийн газрын холбогдох агентлагуудын төлөөлөл нэг дор цуглаж, асуудал бэрхшээлээ ярилцлаа. Өөрөөр хэлбэл, Сангийн яам, Татварын ерөнхий газар, Төрийн худалдан авах ажиллагааны газрын удирдлагууд өөрийн байгууллагын чиг үүрэг, бодлого зорилт, шинэчлэл өөрчлөлтийг танилцуулж, “Эрдэнэс Монгол” нэгдлийн харьяа компаниудын удирдлагуудтай санал солилцож, харилцан ярилцав.
 
Түүнчлэн, төрийн өмчит үйлдвэрийн газар, компанийн үйл ажиллагаанд тулгарч байгаа бэрхшээл, татвар, гааль, төмөр зам, тээвэр, тендер шалгаруулалт, ханган нийлүүлэлт тойрсон асуудлууд, тэдгээрийг шийдвэрлэхэд төрийн зүгээс баримтлах бодлого, хэрэгжүүлж байгаа хууль тогтоомж болон гарц боломжийн талаар мэдээлэл өгөв. Мөн Засгийн газрын агентлаг, газрууд өөр өөрсдийн чиглэлээр “Эрдэнэс Монгол” нэгдлийн үйл ажиллагааг дэмжих, хамтран ажиллах илүү өргөн боломжийг нээж, төрийн байгууллагуудын хамтын ажиллагааг шинэ шатанд гарган хөгжүүлэхэд бодлогын нэгдмэл түвшинд уялдаа холбоотой ажиллана гэдгээ илэрхийллээ.
 
Эх сурвалж: Эрдэнэт үйлдвэр ТӨҮГ
Уншсан:876
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Телеграмм аппликэйшнээр залилуулсан иргэн амиа хорлохыг завджээ

Огноо:

14 цаг 34 минут

,

Цагдаагийн байгууллагаас өнгөрсөн долоо хоногт шалгаж, шийдвэрлэсэн гэмт хэрэг зөрчлийн тоон мэдээлэл болон онцлог хэргийн шийдвэрлэлтийг танилцууллаа. Цагдаагийн байгууллагаас 47.427 хэрэгт мөрдөн шалгах ажиллагааг явуулж, 310 хэргийг шүүхэд шилжүүлэх саналтай прокурорын байгууллагад шилжүүлжээ.

Он гарснаас хойш телеграм апп-аар дамжуулан эд хөрөнгөө бусдад залилуулсны улмаас иргэдэд нийт 7.3 тэрбум төгрөгийн хохирол учирсан талаар тоон мэдээлэл байна.

Телеграм аппликэйшнээр дамжуулан бусад руу мөнгө шилжүүлж залилуулсан иргэн сэтгэл санааны хямралд орж улмаар амиа хорлох үйлдэл хийсэн талаарх дуудлага мэдээлэл бүртгэгдсэн байна.

Мөн энэ оны тавдугаар сарын 12-ны өдөр Баянзүрх дүүргийн нутаг дэвсгэрт иргэн Б нь телеграм апп-ийг ашиглах явцдаа даалгавар биелүүлэн мөнгөө өсгөж аваарай гэх зар мэдээллийн дагуу холбогдож бусдад эд хөрөнгөө шилжүүлж залилуулсны улмаас олон тооны эм уусан байна гэх дуудлага мэдээлэл бүртгэгдсэн.

Цагдаагийн байгууллагаас энэ төрлийн гэмт хэрэгтэй тэмцэх чиглэлээр Монголын банкнуудын холбоотой хамтран иргэдэд учирсан нийт 5.7 тэрбум төгрөгийн хохирлын шилжилт хөдөлгөөнд хязгаарлалт тогтоогоод байна.

Иргэн та цахим орчинд гэмт хэрэгт өртөж хохирсон тохиолдолд нэг даруй кибер гэмт хэрэгтэй тэмцэх газрын 51-265666 дугаарт хандаж яаралтай хариу арга хэмжээ авахыг зөвлөж байна.

Дэлгэрэнгүй унших

Цаг үе

Барилгын ажил хийж байгаад унаж, амь насаа алджээ

Огноо:

14 цаг 47 минут

,

Энэ оны 05 дугаар сарын 18-ны өдрийн 18 цаг 30 минутын орчимд “Баригдаж байгаа барилгын 11 давхраас хүн унаж нас барсан байна” гэх дуудлага, мэдээлэл цагдаагийн байгууллагад бүртгэгджээ.

Бүртгэгдсэн дуудлага, мэдээллийн дагуу цагдаагийн байгууллагаас шалгалтын ажиллагаа явуулахад 40 настай, эрэгтэй “М” нь өндрөөс унаж нас барсан хэргийг Сүхбаатар дүүргийн цагдаагийн газрын хоёрдугаар хэлтэст үргэлжлүүлэн шалгаж байна.  
 
Уг иргэн нь тухайн барилгын компанид эхний өдрөө туслах ажилтнаар ажиллаж байсан бөгөөд тагтны тавцан хэсэгт эд зүйл зөөж байгаад ийнхүү харамсалтайгаар амь насаа алджээ.

Дулааны улирал ирж барилга, тохижилт, үйлчилгээний ажил эхэлсэн энэ цаг үед барилгын үйл ажиллагаа эрхлэгч хувь хүн, албан байгууллагууд ажилтнуудынхаа хөдөлмөрийн аюулгүй байдлыг хангах, барилгын ажил эрхэлж буй иргэд, ажилтнууд аюулгүй ажиллагааны дүрэм журамтай сайтар танилцаж болзошгүй эрсдэлээс урьдчилан сэргийлэхийг зөвлөлөө.
Дэлгэрэнгүй унших

Цаг үе

УБЦТС: Өнөөдөр хийгдэх засварын хуваарь

Огноо:

15 цаг 46 минут

,

Өнөөдөр буюу 2025 оны тавдугаар сарын 21-ний Лхагва гарагт цахилгаан шугам сүлжээнд хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.



ЖИЧ: Цаг агаарын нөхцөл байдлаас шалтгаалан хуваарьт өөрчлөлт орвол, гэрээт бүртгэлтэй утасны дугаарт мэдээлэл хүргэх болно. Засварын ажлыг тухайн тоноглолоос хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэгчлэгч та бүхнээс хүсье.
Дэлгэрэнгүй унших
сурталчилгаа

Санал болгох