Улстөр нийгэм
40, 50 мянгатын орон сууцны төлөв байдалд хийсэн хяналт шалгалт хийлээ
Барилга, хот байгуулалтын сайд Ц.Даваасүрэн өнөөдөр Чингэлтэй, Сүхбаатар дүүргийн нутаг дэвсгэрт байрлах 40, 50 мянгатын орон сууцны төлөв байдалд хийсэн хяналт шалгалтын үр дүнг танилцуулах мэдээлэл хийлээ.
Барилга, хот байгуулалтын сайд Ц.Даваасүрэн хяналт шалгалтын үр дүнг хэлэхдээ “Чингэлтэй, Сүхбаатар дүүргийн нутаг дэвсгэрт байрлах 64 барилгын ашиглалт, 345 иргэн, аж ахуй нэгж, байгууллага, 23 сууц өмчлөгчдийн холбооны өмчлөлийн төлөв байдалд 2 сарын хугацаанд хяналт шалгалтыг хийж гүйцэтгэлээ.
Шалгалтаар 40, 50 мянгатын 54 нийтийн орон сууцны барилгын 1 давхрын өргөтгөлийн 321 иргэн, аж ахуйн нэгж байгууллага,10 сууц өмчлөгчдийн холбоо нь газар эзэмших, ашиглах хүчин төгөлдөр эрхийн гэрчилгээгүй, өргөтгөлийн доор зоорийн давхар хийсэн, өрөө тусгаарлах дундын хамар ханыг буулгаж үйлчилгээний талбай болгосон.
Мөн өмчлөгч 140 иргэн, аж ахуйн дулааны техникийн нөхцөл аваагүй, барилгын халаалтын системийн анхны төлөвлөлтийг өөрчилж нэмэлтээр халаах хэрэгсэл, шугам хоолой угсарч суурилуулсан, барилгуудад аянга хамгаалалтын төхөөрөмж, газардуулгын нэгдсэн систем төлөвлөөгүй, цахилгааны дотоод сүлжээ нь аюулгүй ажиллагааны ашиглалтын шаардлага хангахгүй, ашиглалтын хугацаа дууссан.
Тус орон сууцны барилгуудад хоол үйлдвэрлэлийн үйл ажиллагаа явуулж буй 34 ресторан, цайны газруудаас шингэрүүлсэн шатдаг хийн баллоныг барилга дотор байрлуулсан хийн тоног төхөөрөмж, шугам хоолойг мэргэжлийн байгууллагаар угсарч суурилуулаагүй зэрэг зөрчилүүд илэрсэн.
Иймд илүү их эрсдэл гарахаас өмнө дээрх үүсээд буй нөхцөл байдалыг арилгахын тулд нэн даруй арга хэмжээ авахын тулд зарим шаардлага, мэдэгдэлийг Нийслэлийн Засаг Даргын Тамгийн газар болон холбогдох харъяа байгуулагуудад хүргэсэн” гэлээ.
Эх сурвалж: БХБЯ
Улстөр нийгэм
Хаягийн нэгдсэн тогтолцоог бүрдүүлсэн Солонгосын сайн туршлагыг Монголд нэвтрүүлнэ
ЗГХЭГ-ын дарга Б.Энхбаяр Бүгд Найрамдах Солонгос Улс (БНСУ)-ын Дотоод хэрэг, аюулгүй байдлын дэд сайд Ким Мин Жэ тэргүүтэй төлөөлөгчдийг хүлээн авч уулзлаа.
Уулзалтын эхэнд Б.Энхбаяр сайд хэлэхдээ Монгол Солонгосын харилцаа, хамтын ажиллагаа бүх салбарт өргөжин тэлж буйг онцлоод үүний нэг илрэл нь хоёр орны хамтран хэрэгжүүлж буй “Хаягийн мэдээллийн системийг шинэчлэх замаар Монгол Улсын цахим төрийн удирдлагыг бэхжүүлэх” төсөл гэдгийг онцлон тэмдэглэв.
Монгол Улсын Засгийн газраас төрийн үйлчилгээг иргэдэд шуурхай хүргэх, төрийн байгууллагуудын мэдээллийн уялдаа холбоог сайжруулах цахим шилжилтийн бодлогод онцгой анхаарал хандуулж буйг танилцуулаад хаягийн системийг боловсронгуй болгоход чиглэсэн дээрх төслийг амжилттай хэрэгжүүлэхэд бүх талаар идэвхтэй хамтран ажиллахаа илэрхийлэв.
БНСУ-ын Дотоод хэрэг, Аюулгүй байдлын дэд сайд Ким Мин Жэ энэ үеэр Солонгос Улс хаягийн нэгдсэн систем, тогтолцоог бүрдүүлэх шинэчлэлийн хүрээнд бие даасан хууль, эрх зүйн орчныг бүрдүүлсэн. Энэ чиглэлд олон улсад тэргүүлэх сайн туршлага нэвтрүүлсэн орны нэг. Хаягжилт бол эдийн засгийг тэлэх амин “судас” хэмээгээд өөрсдийн мэдлэг, туршлагаа хуваалцаж, төслийг амжилттай хэрэгжүүлэхэд анхаарч ажиллана гэлээ.
Монгол Солонгосын хамтран хэрэгжүүлж буй дээрх төслийн хүрээнд улсын хэмжээнд хаягийн мэдээллийг нэгдсэн стандартад оруулж, үнэн зөв, давхардалгүй болгож бусад төрийн үйлчилгээтэй уялдуулж, хүртээмж, бүтээмжийг нэмэгдүүлэх юм.
Хаягийн систем сайжирснаар цахим худалдаа, хөрөнгө оруулалт, хүргэлт болон эрүүл мэнд, шуудан, такси үйлчилгээ зэрэг иргэдийн өдөр тутмын үйлчилгээний чанар, хүртээмж эрс сайжрах нөхцөл бүрдэнэ.
Улстөр нийгэм
УИХ-ын гишүүд улс төрийн хилс хэрэгт хэлмэгдэгсдийн дурсгалыг хүндэтгэж цэцэг өргөв
Хөшөөнд цэцэг өргөх үеэр хүндэт харуул жагсаж, үлээвэр хөгжимчид гашуудлын ая эгшиглүүлэв. Цэцэг өргөсний дараа Монгол Улсын Төрийн дуулалыг эгшиглүүллээ.
Улсын Их Хурал 1996 оны 33 дугаар тогтоолоороо жил бүрийн 9 дүгээр сарын 10-ны өдрийг “Улс төрийн хилс хэрэгт хэлмэгдэгсдийн дурсгалыг хүндэтгэх өдөр” болгон шийдвэрлэсэн хэмээн Улсын Их Хурлын Нээлттэй парламентын газраас мэдээллээ.
Улстөр нийгэм
Бүгд Найрамдах Социалист Вьетнам Улсын Үндэсний Ассамблейн даргыг албан ёсоор угтаж авлаа
Монгол Улсын Их Хурлын дарга С.Бямбацогт, гэргий Ц.Ганцэцэгийн хамт Бүгд Найрамдах Социалист Вьетнам Улсын Үндэсний Ассамблейн дарга Чан Тань Ман, гэргий Нгуен Ти Тань Нга нарыг өнөөдөр (2026.09.10) Жанжин Д.Сүхбаатарын талбайд албан ёсоор угтан мэндчиллээ.
Монгол Улсын Их Хурлын дарга С.Бямбацогт, гэргий Ц.Ганцэцэг болон эрхэм зочид Их Эзэн Чингис хааны хөшөөнд хүндэтгэл үзүүлсний дараа Төрийн ордны Ёслол хүндэтгэлийн өргөөний Баганат танхимд саатан, Эрхэмсэг ноён Чан Тань Ман хүндэт зочны дэвтэрт сэтгэгдлээ үлдээн, гарын үсэг зурав.
Үргэлжлүүлэн Монгол Улсын Их Хурлын дарга С.Бямбацогт, Бүгд Найрамдах Социалист Вьетнам Улсын Үндэсний Ассамблейн дарга Чан Тань Ман нарын албан ёсны хэлэлцээ Төрийн ордонд эхэллээ хэмээн Улсын Их Хурлын Нээлттэй парламентын газраас мэдээлэв.
-
Улстөр нийгэм2023/09/22
Баянхонгор аймагт ингэний 30-40 ферм байгуулахад Ерөнхий сайдаас дэмжлэг хүслээ
-
Шударга мэдээ2020/12/04
Орос-Монголын залуучуудын цахим уулзалт боллоо
-
Цаг үе2025/10/30
Хориглосон бүсээс 130 гаруй адуу, мал гаргажээ
-
Шударга мэдээ2022/02/14
Элсэлтийн ерөнхий шалгалтын бүртгэл эхэллээ