Цаг үе
Улаанбаатарт өдөртөө 7 хэм дулаан
Малчид, иргэд, тээвэрчдэд зориулсан: Өнөөдөр говь, тал, хээрийн нутгаар салхитай байна.
2024 оны дөрөвдүгээр сарын 22-ны 08 цагаас 20 цаг хүртэл: Нутгийн зүүн хэсгээр үүлэрхэг, бусад нутгаар солигдмол үүлтэй. Төв болон зүүн аймгуудын нутгийн зүүн хойд, говийн аймгуудын нутгийн зүүн өмнөд хэсгээр бороо, нойтон цас, цас орно. Бусад нутгаар хур тунадас орохгүй.
Салхи зүүн аймгуудын нутгийн зүүн хэсгээр баруунаас баруун хойш эргэж, бусад нутгаар баруун хойноос секундэд 6-11 метр, говь, тал, хээрийн нутгаар секундэд 14-16 метр хүрч ширүүснэ.
Увс нуурын хотгор, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр, Туул, Тэрэлж, Хэрлэн, Онон, Улз голын хөндийгөөр 4-9 хэм, Монгол-Алтайн уулархаг нутаг, Их нууруудын хотгор, говийн бүс нутгийн баруун өмнөд хэсгээр 14-19 хэм, бусад нутгаар 9-14 хэм дулаан байна.
УЛААНБААТАР ХОТ ОРЧМООР: Үүлшинэ. Хур тунадас орохгүй. Салхи баруун хойноос секундэд 6-11 метр. Өдөртөө 5-7 хэм дулаан байна.
БАГАНУУР ОРЧМООР: Үүлшинэ. Хур тунадас орохгүй. Салхи баруун хойноос секундэд 7-12 метр. Өдөртөө 4-6 хэм дулаан байна.
ТЭРЭЛЖ ОРЧМООР: Үүлшинэ. Хур тунадас орохгүй. Салхи баруун хойноос секундэд 6-11 метр. Өдөртөө 4-6 хэм дулаан байна.
2024 оны дөрөвдүгээр сарын 23-наас 2024 оны дөрөвдүгээр сарын 27-ныг
хүртэлх цаг агаарын урьдчилсан төлөв
23-нд баруун аймгуудын нутгийн хойд, төвийн аймгуудын нутгийн хойд болон зүүн, зүүн аймгуудын нутгийн баруун хэсгээр, 24-нд баруун аймгуудын нутгийн хойд хэсэг, төвийн аймгуудын ихэнх нутгаар, 25-нд төвийн аймгуудын ихэнх нутаг, зүүн аймгуудын нутгийн хойд хэсгээр, 26-нд баруун болон төвийн аймгуудын нутгийн зарим газраар бороо, нойтон цас, цас орж, цасан шуурга шуурна. Салхи 23-нд баруун аймгуудын нутгаар, 24-нд ихэнх нутгаар, 25-нд говь, талын нутгаар, 26-нд нутгийн өмнөд хэсгээр секундэд түр зуур 16-18 метр, зарим үед секундэд 24 метр хүрч ширүүсэж, шороон шуурга шуурна. 23-нд ихэнх нутгаар, 24-нд нутгийн зүүн хагаст дулаарах боловч бусад хугацаанд сэрүүсэж Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 8-13 хэм хүйтэн, өдөртөө 0-5 хэм дулаан, Алтай, Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Ерөө, Туул, Тэрэлж голын хөндийгөөр шөнөдөө 4-9 хэм хүйтэн, өдөртөө 4-9 хэм, говийн бүс нутгийн өмнөд хэсгээр шөнөдөө 0-5 хэм, өдөртөө 14-19 хэм дулаан, бусад нутгаар шөнөдөө 0-5 хэм хүйтэн, өдөртөө 8-13 хэм дулаан байна.
Цаг үе
Оклахомад хүчтэй хар салхи дайрч, орон сууцнууд сүйдэв
АНУ-ын Оклахома мужийн Энид хот орчимд 2026 оны дөрөвдүгээр сарын 23-ны оройн цагаас эхэлсэн хүчтэй аадар бороо, салхины улмаас торнадо буюу хар салхи үүсч, шөнөдөө оргилдоо хүрэн орон сууц, дэд бүтцэд их хэмжээний хохирол учрууллаа.
Шуурга оройн 18:00 цагийн орчмоос эхлэн ширүүсч, 20:00–22:00 цагийн хооронд торнадо үүссэн бөгөөд богино хугацаанд байшингуудын дээврийг хуулж, цахилгааны шугамуудыг унагаан, зам харилцааг тасалдуулсан байна. Энид хотын зарим хороололд айлууд ноцтой эвдэрч, оршин суугчид гэртээ гацсан нөхцөл үүссэн тул аврах багууд шөнийн турш газар дээр нь ажиллаж, хаалга хаалгаар шалгалт хийж эхэлжээ.
Орон нутгийн эрх баригчдын мэдээлснээр, одоогоор хүний амь нас хохирсон тухай мэдээлэл гараагүй ч хэд хэдэн хүн хөнгөн гэмтэл авсан байна. 2026 оны дөрөвдүгээр сарын 24-ний өглөөний байдлаар аврах ажиллагаа үргэлжилж, нурангид дарагдсан байж болзошгүй иргэдийг эрэн хайх, цахилгаан, замын саадыг арилгах ажил хийгдэж байна.
Шуурганы замд АНУ-ын Агаарын цэргийн хүчний Вансын нисэх хүчний бааз өртсөн бөгөөд баазын удирдлага нийт бие бүрэлдэхүүний аюулгүй байдлыг шалгах ажиллагааг шуурхай зохион байгуулжээ. Урьдчилсан байдлаар ноцтой хохирол бүртгэгдээгүй байна.
Цаг уурын байгууллагуудын мэдээлснээр, тус бүс нутагт цаг агаарын тогтворгүй байдал үргэлжилж, 2026 оны дөрөвдүгээр сарын 24–26-ны хооронд дахин хүчтэй шуурга, мөндөр, салхи үүсэх өндөр эрсдэлтэй байгаа тул оршин суугчдыг сонор сэрэмжтэй байхыг анхаарууллаа.
АНУ-ын төв хэсгийг хамарсан энэхүү цаг агаарын үзэгдэл нь халуун, чийгтэй болон хүйтэн, хуурай агаарын урсгал мөргөлдсөнөөр үүссэн бөгөөд хаврын улиралд эл бүс нутагт давтамжтай тохиолддог ч энэ удаагийн шуурга богино хугацаанд эрчимжиж, хохирлын цар хүрээг нэмэгдүүлсэн байна.
Цаг үе
Аж ахуйн нэгж, байгууллагын тооллогыг цахимаар зохион байгуулж байна
Аж ахуйн нэгж, байгууллагын 2026 оны тооллого улсын хэмжээнд бүртгэлд суурилсан аргаар буюу төрийн байгууллагуудад бүртгэлтэй мэдээлэлд үндэслэн зохион байгуулж байна. Тооллого ирэх сарын 15-ны өдөр хүртэл үргэлжилнэ. Аж ахуйн нэгж, байгууллагууд www.2026.mn цахим хуудсаар нэвтэрч, шаардлагатай нэмэлт асуултад хариулснаар тооллогын мэдээллээ баталгаажуулах юм.
Аж ахуйн нэгж, байгууллагын тооллогод Монгол Улсын нутаг дэвсгэрт үйл ажиллагаа явуулахаар бүртгүүлсэн өмчийн бүх төрөлд хамаарагдах хуулийн этгээд, хувиараа хөдөлмөр эрхлэгчдийг хамруулж, улс орны эдийн засаг, нийгмийн хөгжилд оруулж байгаа хувь нэмрийг бодитоор тодорхойлох, эдийн засгийн хөгжлийн чиг хандлага, бүтэц үзүүлэлтийг тооцох, салбарын бодлого төлөвлөлт, хэрэгжилтийг үнэлэх, дүн шинжилгээ хийх, бизнес эрхлэгчдийн төвлөрөл, байршил, үйл ажиллагааны чиглэлд үндэслэн төр засгийн бодлого, хөтөлбөрийг боловсруулах зэрэг олон талын ач холбогдолтой.
Аж ахуйн нэгж, байгууллагын ээлжит тооллогодоо идэвхтэй хамрагдахыг уриалж байна.
НИЙСЛЭЛИЙН СТАТИСТИКИЙН ГАЗАР
Цаг үе
Чингэлтэй дүүрэг гэр хорооллын шороон замыг сайжруулах ажлыг эхлүүллээ
Үүнийг шийдвэрлэх зорилгоор эвдрэл, гэмтэлтэй уулзвар, замуудад ус шингээн зайлуулах сайжруулсан замыг хийж байна.
-
Улстөр нийгэм2021/02/17
“Нэг хаалга-Нэг шинжилгээ” явцын талаар мэдээлэл хийж байна
-
Улстөр нийгэм2024/12/25
Ерөнхий хяналтын сонсголын тов тогтоох тухай Байнгын хорооны тогтоолын төслийг б...
-
Цаг үе2025/10/07
Нэгдүгээр тойрог замын төслийн тендерийн материал хүлээн авч байна
-
Улстөр нийгэм2023/02/28
Авлигын талаарх төсөөлөл Ази даяар зогсонги байдалд байсаар л