Бидэнтэй нэгдэх

Цаг үе

Дэлхийн оюуны олимпиадын тавцанд Монгол Улсынхаа нэрийг гаргалаа

Огноо:

7 сар 10 өдөр.өмнө

,

Өөрийн ирээдүйн сонирхож буй мэргэжлийн хүрээнд олон улсын сурагчидтай өрсөлдөх боломж олгодог 9-18 насны сурагчдад зориулсан OWLYPIA мэдлэгийн олимпиадын цахим болон Үндэсний шатанд Улаанбаатар, Дархан, Сүхбаатар, Өмнөговь, Говь-Алтай, Дорноговь, Архангай, Баян-Өлгий аймгуудаас 600 гаруй сурагчид өрсөлдсөн билээ.

Эдгээр сурагчдаас мэдлэг чадвар, ярих илтгэх, багаар ажиллах чадвараараа тэргүүлсэн 12 сурагч 10 сарын 6-нд Арабын Ннэгдсэн Эмират Улсын Абу Даби хотноо болсон Олон улсын шатанд Монгол улсаа төлөөлөн оролцож, олон амжилт үзүүлж, багаараа 3 дугаар байр эзэлсэн бахдам амжилт үзүүллээ. Сурагчид дараах 5 төрлөөр өөрийн ирээдүйн суралцах чиглэлээр бэлтгэлээ ханган, англи хэл дээрх 4 төрлийн ур чадварын тэмцээнд өрсөлдсөв.

Арт болон дизайн, Шинжлэх ухаан, технологи Нийгмийн шинжлэх ухаан, Хэл соёл, Эдийн засаг бизнесийн салбараас сонгосон бөгөөд оролцогч хүүхдүүд дараах амжилтын эзэн болсон байна.
 
- Дархан-Уул аймгийн 15-р сургууль 12-р ангийн сурагч Ч.Бат-Ирээдүй 15-18 насны ангилалд Economics & business Ганцаарчилсан төрлөөр алт, Багийн төрөлд хүрэл, special recognition Pen down challenge, knowledge challenge


- Олуулаа сургуулийн 12-р ангийн сурагч П.Одгэрэл 15-18 насны ангилалд Art & Design чиглэлээр мөнгөн медаль, knowledge challenge certificate


- Улаанбаатар Эмпати сургуулийн сурагч Д.Баяржаргал 15-18 насны ангилалд Ганцаарчилсан төрлөөр хүрэл, Багийн төрөлд хүрэл, special recognition on Writing


- 130-р сургуулийн 9-р ангийн сурагч Д.Ивээл 12-14 насны ангилалд Literature & Culture чиглэлээр Алтан медаль, knowledge challenge certificate


- Жаргалан сургуулийн 6-р ангийн сурагч Д.Очир-Эрдэнэ 9-11 насны ангилалд алтан медаль, knowledge challenge certificate


- Бритиш сургуулийн сурагч Г.Амундра 9-11 насны ангилалд Knowledge and Impromptu challenge төрлөөр мөнгөн медаль


- Шинэ эрин олон улсын сургуулийн 12-р ангийн сурагч Д.Саруул 15-18 насны ангилалд Business and Economics чиглэлээр оролцож мөнгөн медаль


- Оюунлаг сургуулийн 11-р ангийн сурагч Б.Намуун Нийгмийн шинжлэх ухааны чиглэлээр Мөнгөн медаль /owlet/, impromptu challenge-н шилдэг сурагч


- Оюунлаг сургуулийн 9-р ангийн сурагч Б.Тэнүүн Шинжлэх ухаан, технологийн чиглэлээр хүрэл медаль /owlet/, Багаар хүрэл медаль


- Улаанбаатар Эмпати сургуулийн 9-р ангийн сурагч А.Оюут 12-14 насны Social Science чиглэлээр оролцож алтан медаль,

- 9-р ангийн сурагч А.Намуун 12-14 насны Art and literature алтан медаль exceptional public speaking in the imprompty challeng in the owlets.


- Олон улсын Сэлбэ сургуулийн 12-р ангийн сурагч Б.Халиун 18 хүртэлх насны ангилалд хувиараа хүрэл медаль, багаараа мөнгөн медаль хүртэж, Монгол улсынхаа нэрийг Дэлхийн тавцанд гаргалаа. Монгол залуусын чадварыг дэлхийд гайхуулсан сурөгчдадаа баяр хүргэж, амжилт хүсье!

Түүнчлэн, 2025 оны мэдлэгийн олимпиадын сорил бүртгэл https://www.facebook.com/YouthXMongoliaхуудсаар эхэлсэн тул сонирхсон хүүхэд залуус энэ линкээр орж бүртгүүлэх боломж нээлттэй байна.
Уншсан:631
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Зарим гудамж замуудын хөдөлгөөнийг түр хугацаанд хязгаарлаж хамгаалалт, зохицуулалт хийнэ

Огноо:

35 минутын өмнө

,

Монгол Улсын Ерөнхийлөгчийн урилгаар Бүгд Найрамдах Узбекистан Улсын Ерөнхийлөгч тэргүүтэй зочид төлөөлөгчид 2025 оны зургаадугаар сарын 24-25-ны өдрүүдэд Монгол Улсад төрийн айлчлал хийх болсонтой холбогдуулан тус өдрүүдэд Хан-Уул, Сүхбаатар, Чингэлтэй, Баянзүрх дүүргийн нутаг Их Монголын гудамж, Олимпийн гудамж, Энхтайны өргөн чөлөө, Наадамчдын гудамж, Чингисийн өргөн чөлөө зэрэг гудамж замуудын хөдөлгөөнийг түр хугацаанд хязгаарлаж хамгаалалт, зохицуулалт хийгдэнэ.

Иргэд та бүхнийг цагдаагийн алба хаагчийн хууль ёсны шаардлагыг биелүүлж, бусдад хүндэтгэлтэй хандан, замын хөдөлгөөний дүрмийг баримталж, хөдөлгөөнд соёлтой оролцохыг Тээврийн цагдаагийн албанаас уриалж байна. 

Дэлгэрэнгүй унших

Цаг үе

Сэлэнгэ аймгийн Шаамар суманд гарсан ойн түймрийг бүрэн унтраалаа

Огноо:

1 цаг 1 минут

,

Сэлэнгэ аймгийн Шаамар сумын Дэлгэрхаан багийн “Шаамар 3” гэдэг газар энэ сарын 22-нд гарсан ойн түймрийг өчигдөр 10:00 цагт бүрэн унтраасан, түймэрт урьдчилсан байдлаар 500 га орчим талбай өртсөн.

Сэлэнгэ аймгийн Мандал сумын I багийн “Гахайтын голын эх” гэдэг газар энэ сарын 19-нд гарсан ой, хээрийн түймрийг 22-нд, мөн аймгийн Цагааннуур суманд 23-нд гарсан ойн түймрийг өнөөдөр 03:20 цагт цурманд оруулж, бүрэн унтраахаар ажиллаж байна.

Харин Төв аймгиийн Эрдэнэ, Сэлэнгэ аймгийн Алтанбулаг, Хөвсгөл аймгийн Цагааннуур суманд гарсан ойн түймрийг унтраах ажиллагааг зохион байгуулж байна гэж ОБЕГ-аас мэдээллээ. 

Дэлгэрэнгүй унших

Цаг үе

“Узбекистаны худалдааны төв” нээлтээ хийж, бизнес эрхлэгчдийн харилцааг дэмжих боломж бүрдлээ

Огноо:

1 цаг 16 минут

,

Монгол, Узбекистаны II бизнес форум өнөөдөр Монголын үндэсний худалдаа, аж үйлдвэрийн танхимд боллоо. Энэхүү форум нь Бүгд Найрамдах Узбекистан Улсын Ерөнхийлөгч Шавкат Мирзиёев энэ сарын 24-25-ны өдрүүдэд Монгол Улсад хийх төрийн айлчлалын хүрээнд болж буй юм.
 
Форумд Монгол Улсын Шадар сайд, Монгол-Узбекистаны Засгийн газар хоорондын комиссын Монголын хэсгийн дарга С.Амарсайхан, Аж үйлдвэр, эрдэс баялгийн сайд Г.Дамдинням, Узбекистаны Шадар сайд Жамшид Ходжаев, Уул уурхай, геологийн сайд Б.Исламов, Худалдаа, аж үйлдвэр, хөрөнгө оруулалтын орлогч сайд И.Касимов нарын албаны төлөөлөгч оролцлоо. 
 
С.Амарсайхан “Хоёр орны эдийн засгийн хамтын ажиллагааг шинэ шатанд гаргах боломж бүрдсэн тухай онцлон тэмдэглэж, “Монгол, Узбекистаны худалдаа, хөрөнгө оруулалт, үйлдвэрлэл, хөдөө аж ахуй, тээвэр ложистик, аялал жуулчлал зэрэг салбарын хамтын ажиллагаа бодит ажил хэрэг болон эрчимжиж байна” хэмээн мэдэгдэв.

Мөн тэрээр Монгол Улсын Ерөнхийлөгч У.Хүрэлсүхийн 2024 онд Узбекистан Улсад хийсэн төрийн айлчлалын үр дүнд хоёр орны худалдааны эргэлтийг 10-20 дахин нэмэгдүүлэх зорилт тавьж, Улаанбаатар болон Ташкент хотод худалдааны төв байгуулахаар тохиролцсон нь стратегийн чухал алхам болсныг дурдав.
Форумын үеэр хоёр тал Ташкент-Бишкек-Өрөмч-Улаанбаатар чиглэлийн авто коридорыг ашиглах, Улаанбаатар-Ташкент хооронд шууд нислэг нээх, Узбекистанаас хүнсний ногоо, жимс жимсгэнэ импортлох, Монголоос мах, махан бүтээгдэхүүн, ноос ноолуур, арьс шир экспортлох зэрэг олон чиглэлээр хамтран ажиллахаар санал солилцлоо. Мөн Улаанбаатар хотноо “Узбекистаны худалдааны төв”-ийг ёслол төгөлдөр нээж, бизнес эрхлэгчдийн шууд харилцааг дэмжих шинэ боломж бүрдэв. 
Монголд одоогийн байдлаар Узбекистаны хөрөнгө оруулалттай 24 компани үйл ажиллагаа явуулж байгаа бөгөөд цаашид энэ тоо өсөн нэмэгдэх төлөвтэй байна. Форумын төгсгөлд талууд 2024-2026 оны хамтын ажиллагааны хөтөлбөрийн хүрээнд боловсрол, соёл, хүмүүнлэгийн салбар дахь хамтарсан төслүүдийг хэрэгжүүлэх, хүнсний аюулгүй байдал, тээвэр ложистикийн саад бэрхшээлийг хамтран шийдвэрлэхээр санал нэгдлээ.


 

 
Дэлгэрэнгүй унших
сурталчилгаа

Санал болгох