Цаг үе
“Ухаалаг хот”-ыг хөгжүүлэхэд Япон улстай хамтран ажиллана
Монгол Улс Япон улстай хот байгуулалт, дэд бүтэц, тогтвортой хотын хөгжлийн чиглэлээр хамтын ажиллагаагаа жилээс жилд өргөжүүлж буй.
Энэ хүрээнд НЗДТГ-ын Нийслэлийн бодлого, төлөвлөлтийн газрын дарга П.Хадбаатар Япон Улсын Газрын, дэд бүтэц, тээвэр, аялал жуулчлалын яам /ГДБТАЖЯ/-ны Бодлогын товчооны Олон улсын бодлогын хэлтсийн Дэд захирал Кожима Хирото болон “Ниппон Коэй” ХХК-ийн төлөөлөгчдийг хүлээн авч уулзлаа.
Өнгөрсөн оны есдүгээр сард Япон улсын ГДБТАЖЯ-ны дэд сайд Улаанбаатар хотод айлчилж, хотын удирдлагуудтай уулзан хот байгуулалт, дэд бүтцийн чиглэлээр санал солилцож байсан. Харин өнөөдрийн уулзалтаар Япон улсаас хэрэгжүүлж буй “Ухаалаг хот” туршилтын судалгааны үр дүн, Улаанбаатар хотод хэрэгжүүлэх боломж, технологийн шийдлүүдийн талаар санал солилцов.
Тодруулбал, Япон улсын ГДБТАЖЯ нь гадаад улс орнуудад Япон компанийн арга туршлага, технологийг хөшүүрэг болгон ашиглах замаар “Ухаалаг хот”-ыг хөгжүүлэх техник, эдийн засгийн судалгаа, ерөнхий төлөвлөгөөг боловсруулж, бодитоор хэрэгжүүлэх боломжит байдлын талаар туршилт судалгааны ажлуудыг хэрэгжүүлж ирсэн. Өнгөрсөн онд ухаалаг хотыг бодитоор хөгжүүлэх төслийг төлөвлөхөөр Улаанбаатар хотод дроны мэдрэгч технологийг ашиглан хотын 3D загвар бүтээж, нислэгийн хамгийн оновчтой чиглэлийг магадалж, замын хөдөлгөөний урсацтай харьцуулах туршилтыг хийсэн юм.
НЗДТГ-ын Нийслэлийн бодлого, төлөвлөлтийн газрын дарга П.Хадбаатар “Улаанбаатар хотод тулгамдаж буй асуудлуудыг шийдвэрлэхэд ухаалаг технологи, мэдээллийн системд суурилсан шийдлүүд чухал үүрэгтэй. Иймээс “Ухаалаг хот” төслийг нийслэлийн тодорхой дүүрэг, бүсэд туршилтын байдлаар хэрэгжүүлэх, хотын мэдээллийн нэгдсэн дата платформ хөгжүүлэх, тээврийн ухаалаг систем (ITS) нэвтрүүлэх, ногоон дэд бүтэц болон эрчим хүчний хэмнэлттэй шийдлүүдийг хэрэгжүүлэхэд Япон улсын туршлага, технологийг судлан, хамтран ажиллах хүсэлтэй байна” гэсэн юм.
Япон Улсын ГДБТАЖЯ-ны Бодлогын товчооны Олон улсын бодлогын хэлтсийн Дэд захирал Кожима Хирото “Бид “Ухаалаг хот” төслийн хүрээнд дроноор цусыг яаралтай тээвэрлэх болон маршрут чиглэлийг нээх зорилгоор Цус сэлбэлт судлалын үндэсний төв болон Эх хүүхдийн эрүүл мэндийн үндэсний төв хоорондох маршрутыг 3D скан хийх нислэгийг туршиж, 3D цэгэн үүлэн загварыг боловсруулсан. Ийнхүү илүү өндрийн нарийвчлалтай мэдээлэлд үндэслэн хамгийн зохистой байх маршрутыг судалж, туршсан. Ингэснээр цаг хугацаа, хүч хөдөлмөр, хөрөнгө мөнгө хэмнэж буйг нотолсон юм. Уг технологийн шийдлийг зөвхөн тээвэрлэлтэд ашиглаад зогсохгүй хот төлөвлөлтөд ашиглах боломжтой. Цаашид хоёр талын хамтын ажиллагааг бэхжүүлэх чиглэлд бүхий л талаар дэмжлэг үзүүлэн, хамтран ажиллахдаа таатай байх болно” гэдгээ илэрхийллээ.
Цаг үе
Өчигдөр 102 тусгай дугаарт 2136 дуудлага, мэдээлэл бүртгэгджээ
Цагдаагийн байгууллагын 102 тусгай дугаарт энэ оны долоодугаар сарын 30-ны өдөр нийт 2136 дуудлага, мэдээлэл бүртгэгджээ. Үүнээс зөрчлийн шинжтэй 777, гэмт хэргийн шинжтэй 105 дуудлага, мэдээлэл байжээ. Мөн залилангийн 12, хүүхэд, гэр бүлийн хүчирхийллийн 60, хулгайн 21 дуудлага бүртгэгдсэн байна.
Тухайн өдөр 86 хүнийг эрүүлжүүлж, согтуугаар тээврийн хэрэгсэл жолоодсон 112 зөрчлийг илрүүлжээ. Цагдаагийн алба хаагчид дөрвөн хэргийг шуурхай илрүүлж, 13 хэргийг нөхөн илрүүлсэн гэж цагдаагийн байгууллагаас мэдээллээ.
Цаг үе
БНХАУ-д зорчихоор төлөвлөж буй иргэдэд хэрэгтэй аппууд
БНХАУ-д зорчихоор төлөвлөж буй иргэд аяллаа илүү хялбар, аюулгүй болгохын тулд гар утсандаа дараах аппликэйшнүүдийг урьдчилан суулгахыг зөвлөж байна.
WeChat – Харилцаа холбоо, төлбөр, үйлчилгээ
Хятадад хамгийн өргөн хэрэглэгддэг аппликэйшн бөгөөд мессеж, дуудлага хийхээс гадна QR кодоор төлбөр төлөх, такси дуудах, хоол захиалах, төрийн болон бусад үйлчилгээ авах боломжтой.
Alipay – Төлбөр тооцоо
Дэлгүүр, ресторан, нийтийн тээвэр зэрэгт QR кодоор төлбөр хийхэд өргөн ашиглагддаг. Олон улсын банкны картыг холбож ашиглах боломжтой бөгөөд "Tour Pass" үйлчилгээгээр жуулчдад зориулсан төлбөрийн шийдлийг санал болгодог.
DiDi – Такси дуудах
Хятадын хамгийн түгээмэл такси дуудлагын аппликэйшн. Англи хэлний горимтой тул ашиглахад хялбар бөгөөд зорчих үнийг урьдчилан харах, WeChat эсвэл Alipay-аар төлбөр хийх боломжтой.
Baidu Maps – Газрын зураг, чиглэл
Метро, автобус, автомашин болон явган зорчих чиглэлийг нарийвчлан заадаг. Мөн бодит цагийн замын хөдөлгөөний мэдээлэл, ойр орчмын үйлчилгээний байршлыг харуулдаг.
12306 – Галт тэрэгний тасалбар
БНХАУ-ын төмөр замын албан ёсны аппликэйшн бөгөөд хурдны болон энгийн галт тэрэгний тасалбар хайх, захиалах, захиалгаа удирдах боломжтой. БНХАУ-д зорчихоосоо өмнө эдгээр аппликэйшнийг суулгаж, шаардлагатай тохиолдолд бүртгэлээ урьдчилан баталгаажуулснаар төлбөр тооцоо хийх, тээврийн хэрэгсэл ашиглах, замаа олох зэрэг өдөр тутмын үйлчилгээг илүү хялбар авах боломжтой.
Цаг үе
Навахо эмэгтэйн алга болсон хэрэгт ял шийтгүүлсэн этгээд дахин баривчлагджээ
АНУ-ын Аризона мужийн Финикс хотын цагдаа нар Навахо үндэстний ахмад настан Элла Мэй Бегэйгийн алга болсон хэрэгтэй холбоотойгоор ял шийтгүүлж байсан Престон Толтыг хулгайн хэргээр дахин баривчилжээ. Шинэ хэрэг нь түүнийг холбооны шоронд буцаан хорих үндэслэл болж магадгүй байна.
Өдгөө 27 настай Престон Толт нь 2021 онд Аризонагийн Навахо үндэстний сууринд амьдардаг, есөн ач, зээтэй, нэхмэл урлалын алдартай мастер Элла Мэй Бегэй алга болсон хэрэгтэй холбоотойгоор ял шийтгүүлсэн цорын ганц хүн юм. Тэрээр Бегэйгийн автомашиныг хулгайлж, зодож, замын хажууд орхисноо хүлээн зөвшөөрсөн ч Бегэй өнөөг хүртэл олдоогүй хэвээр байна.
Финикс хотын цагдаа нар энэ долоо хоногт айлын гэрт хууль бусаар нэвтэрсэн тухай дуудлагын дагуу Толтыг хэргийн газрын ойролцоо баривчилжээ. Түүнийг сэжигтний хувцастай адил хувцас өмссөн, хутга биедээ авч явсан байсан гэж шүүхийн баримтад дурдсан байна. Түүнд Марикопа тойрогт орон байрны хулгайн нэг зүйл ангиар хэрэг үүсгээд байгаа аж.
Толт энэ оны зургаадугаар сард буюу Элла Мэй Бегэй алга болсноос хойш яг таван жилийн дараа холбооны шоронгоос хугацаанаасаа хоёр жилийн өмнө суллагдсан юм. Тэрээр шилжилтийн байрлах төвд хяналтан дор амьдарч байсан бөгөөд хяналтын хугацаанд дахин гэмт хэрэг үйлдэх, аюултай зэвсэг авч явахыг хориглосон нөхцөлтэй байжээ. Гэвч долоодугаар сарын эхээр согтуугаар байрдаа ирж дүрэм зөрчсөн тул хяналтын ажилтанд нь мэдэгдсэн байна. Толтыг баривчлагдах үед АНУ-ын Маршалын албаны хүчинтэй баривчлах захирамж мөн гарсан байжээ.
Элла Мэй Бегэйгийн ар гэрийнхэн Толтыг эрт сулласан шийдвэрийг шүүмжилж, шинэ хэрэг гарсанд харамсаж буйгаа илэрхийлжээ. Түүний хүү Жералд Бегэй "Энэ удаа өөр хүн хохироогүй нь азтай хэрэг. Түүнийг суллах шийдвэр гаргасан хүмүүс одоо хариуцлагаа бодох хэрэгтэй" хэмээн мэдэгдсэн байна.
Элла Мэй Бегэйгийн хэрэг нь АНУ-д уугуул иргэд, ялангуяа уугуул эмэгтэйчүүд ор сураггүй алга болох, амь насаа алдах явдал түгээмэл байгааг анхааралд оруулсан томоохон хэргүүдийн нэг болсон бөгөөд түүний хувь заяа өнөөдрийг хүртэл тодорхой болоогүй хэвээр байна.
-
Цаг үе2022/11/09
Чихрийн шижингийн эрсдэлээ цахим асуумж бөглөж мэдээрэй
-
Цаг үе2026/05/22
Суррон, скүтер, мопед, цахилгаан дугуйгаар тавдугаар сарын 23-ны 06:00-19:00 цаг...
-
Цаг үе2024/03/18
Баяр тэмдэглэх нэрээр согтууруулах ундааны зүйл хэтрүүлэн хэрэглэхгүй байхыг зөв...
-
Цаг үе2024/07/01
Буйр нуураас хясаа түүж бэлтгэхийг хориглоно