Улстөр нийгэм
УИХ-ын дарга Г.Занданшатар Монгол-Германы хамтарсан ашигт малтмал, технологийн их сургуулийн үйл ажиллагаатай танилцлаа
УИХ-ын дарга Г.Занданшатар энэ сарын 01-ний өдөр нийслэлийн Налайх дүүрэг дэх ерөнхий боловсролын лаборатори 119 дүгээр сургууль, Монгол-Германы хамтарсан ашигт малтмал, технологийн их сургуулийн үйл ажиллагаатай танилцлаа.
Налайх дүүргийн 119 дүгээр сургуулийнхан Боловсрол, шинжлэх ухааны болон Эрүүл мэндийн яамнаас гаргасан зөвлөмж, халдвар хамгааллын дэглэмийг чанд баримталж, нэг ширээнд нэг хүүхэд суулган хичээлээ эхлүүлжээ. Эцэг эх, хүүхдүүдийн 90 орчим хувь нь танхимаар хичээл орохыг дэмжсэн, мөн хичээлийн хоцрогдлыг арилгах, сургалтын чанарт ахиц гаргах гурван жилийн төлөвлөгөө гарган ажиллаж байна гэж багш танилцуулав. Түүнчлэн, “Үдийн хоол” хөтөлбөрийн хүрээнд нэг хүүхдийн хоолны зардал 900 төгрөг байсныг 1500 төгрөг болгож нэмэгдүүлсэн нь цар тахлын хүнд энэ үед хүүхдүүдийн дархлааг дэмжихэд сайн хэрэг хэмээн багш нар ярьж байлаа.
УИХ-ын дарга Г.Занданшатар үргэлжлүүлэн тус дүүрэгт байрлах Монгол-Германы хамтарсан ашигт малтмал, технологийн их сургуулийн хичээлийн шинэ жилийн цахим нээлтэд оролцож, оюутнуудын санал бодлыг сонсов. Хоёр улсын Засгийн газрын санаачилгаар 2013 онд үүсгэн байгуулагдсан хамтарсан сургууль нь Монгол Улсын дээд боловсролын шинэчлэлийн загвар сургууль болох зорилготой бөгөөд сургалтын хөтөлбөр нь онол дадлага хослуулсан, хэрэглээнд суурилснаас гадна хувь хүнийг хөгжүүлэхэд онцгой анхаардаг аж. Тус сургуульд 270 гаруй оюутан суралцдаг бөгөөд ХБНГУ-ын Их, дээд сургуулиудад оюутан солилцоогоор дадлагажих хөтөлбөрийг хэрэгжүүлэхээр ажиллаж байна гэж сургуулийн зүгээс танилцуулав. Түүнчлэн Эрдэнэт, Оюутолгой, Ачит эх зэрэг уул уурхайн томоохон компаниудтай хамтран судалгааны ажил эхлүүлээд байна гэлээ.
Боловсролын салбарын шинэчлэлийн багц хуулиудад дээд боловсролын шинэчлэл чухал байр суурь эзэлж байна. Бид салбарынхны байр суурийг сонсохын тулд шат дараалсан хэлэлцүүлгүүдийг зохион байгуулах, санал авах зэргээр хуулийн шинэчлэлийг хийнэ. Тиймээс сургуулийн удирдлага, багш нарын санал бодол хамгийн чухал гэж Улсын Их Хурлын дарга Г.Занданшатар уулзалтын үеэр хэлж байв.
Улстөр нийгэм
Трампын мэдэгдлийн дараа Ираны төлөөлөгчид хэлэлцээг түр зогсоов
Швейцарийн Бургенстокт АНУ-ын талтай хэлэлцээ хийж байсан Ираны төлөөлөгчид АНУ-ын Ерөнхийлөгч Дональд Трампын Ираны эсрэг хийсэн заналхийлсэн мэдэгдлийг эсэргүүцэн хэлэлцээг түр зогсоожээ.
Трамп олон нийтийн сүлжээгээр дамжуулан Ираныг Ливан дахь “төлөөлөгчдийн” үйл ажиллагаагаа нэн даруй зогсоох ёстой гэж анхааруулсан байна. Тэрбээр эс тэгвээс АНУ Ираны эсрэг дахин, илүү хүчтэй цохилт өгч болзошгүй гэж мэдэгджээ.
Ираны хэвлэлүүдийн мэдээлснээр, тус улсын төлөөлөгчид АНУ-ын талд эсэргүүцлээ илэрхийлж, уулзалтын танхимыг орхисон байна. Улмаар 80 орчим минут үргэлжилж байсан хэлэлцээг түр завсарлуулж, Ираны тал дотоод зөвлөлдөх уулзалт хийжээ.
Ираны төлөөлөгчдийн тэргүүн, Парламентын дарга Мохаммед Багер Галибаф олон нийтийн сүлжээнд “Тэд үгээ анхааралтай сонгох хэрэгтэй. Манай зэвсэгт хүчин янз бүрийн хэлбэрээр хариу өгөхөд бэлэн байна” гэж бичсэн байна.
Одоогоор талуудын хэлэлцээ цааш үргэлжлэх эсэх нь тодорхойгүй байна.
Улстөр нийгэм
Ерөнхий сайд Н.Учрал БНХАУ-ын Далянь хотноо “Зуны Давос” чуулга уулзалтад оролцоно
Монгол Улсын Ерөнхий сайд Н.Учрал БНХАУ-ын Засгийн газрын урилгаар Далянь хотноо болох “Зуны Давос” чуулга уулзалтад оролцохоор /2026. 06.22/ мордлоо.
Энэ жилийн “Зуны Давос” чуулга уулзалт нь “Инновацыг өргөн хүрээнд нэвтрүүлэх нь” сэдвийн дор зохион байгуулагдаж, дэлхийн 30 гаруй орны төр, засгийн удирдлага, хувийн хэвшил, инновацын салбарт нэр хүндтэй судалгааны хүрээлэн зэрэг 1500 гаруй төлөөлөгч оролцоно.
Ерөнхий сайд Н.Учрал “Зуны Давос” чуулга уулзалтын нэгдсэн болон салбар хуралдаануудад оролцоно.
БНХАУ-ын Төрийн зөвлөлийн Ерөнхий сайд Ли Чян, Бүгд Найрамдах Казахстан Улсын Ерөнхий сайд Олжас Бектенов, Бүгд Найрамдах Солонгос Улсын Ерөнхий сайд Ким Мин Сог нартай хоёр талын уулзалт хийхээс гадна чуулга уулзалтад оролцож буй олон улсын бизнесийн төлөөлөгчидтэй уулзахаар төлөвлөж байна.
Швейцарын төрийн бус байгууллага болох Дэлхийн эдийн засгийн форумын санаачилгаар “Шинэ манлайлагчдын уулзалт” буюу “Зуны Давос” чуулга уулзалтыг 2007 оноос хойш БНХАУ-ын Далянь болон Тяньжин хотуудад ээлжлэн зохион байгуулж ирсэн.
Дэлхийн эдийн засаг, инновац, дэвшилтэт технологи, тогтвортой хөгжлийн асуудлаарх Азийн бүс нутгийн нэр хүндтэй олон улсын платформ болон хөгжиж байна.
Улстөр нийгэм
УИХ: Өнөөдөр хуралдах ажлын хэсэг
|
13:30
|
УИХ-ын даргын 2025 оны 518 дугаар захирамжаар байгуулагдсан ажлын хэсэг
Тамхины хяналтын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
14:00
|
УИХ-ын даргын 2026 оны 27 дугаар захирамжаар байгуулагдсан ажлын хэсэг
Гэр бүлийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
14:30
|
УИХ-ын даргын 2026 оны 263 дугаар захирамжаар байгуулагдсан ажлын хэсэг
Хүнсний тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
15:30
|
Өргөдлийн байнгын хороо ажлын хэсэг
Орон сууц захиалж хохирсон иргэдээс ирүүлсэн өргөдөл, холбогдох хууль тогтоомжийн биелэлтийг шалган судалж санал, дүгнэлт гаргах, шаардлагатай бол шийдвэрийн төсөл боловсруулах үүрэг бүхий ажлын хэсгийн хуралдаан |
||||
|
16:00
|
УИХ-ын даргын 2025 оны 529 дүгээр захирамжаар байгуулагдсан ажлын хэсэг
Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
16:30
|
УИХ-ын даргын 2025 оны 271 дүгээр захирамжаар байгуулагдсан ажлын хэсэг
Бизнесийн эрх чөлөөний тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан |
-
Урлаг спорт2021/10/23
Франкфуртын номын олон улсын яармагийн хамгийн содон зохиолч
-
Цаг үе2022/04/07
Энэ долоо хоногт ажиллах шинжилгээний цэгүүд
-
Цаг үе2022/10/20
Халдварт бус өвчний үед хэрэглэх 16 төрлийн эмийн зардлыг ЭМД-ын сангаас 100 хув...
-
Улстөр нийгэм2022/07/21
“Цахим шилжилтэд анхаарах асуудал” сэдэвт анхдугаар уулзалт, хэлэлцү...