Шударга мэдээ
Түр хамгаалах байр, Нэг цэгийн үйлчилгээний төвийн Сэтгэл зүйчдийг чадавхжуулах хөтөлбөр хэрэгжүүлнэ
Хөдөлмөр, нийгмийн хамгааллын яам "Гүүд Нэйборс" Олон Улсын ТББ-ын Монгол дахь төлөөлөгчийн газартай 2022 онд хамтран ажиллах “Харилцан ойлголцлын санамж бичиг”-ийг байгуулсан.
Санамж бичгийн хүрээнд хүчирхийллийн хохирогчдод үйлчилгээ үзүүлэх чиг үүрэг бүхий Түр хамгаалах байр болон Нэг цэгийн үйлчилгээний төвд үйлчлүүлэхээр ирсэн насанд хүрэгч болон хүүхдэд сэтгэл зүйн цогц үйлчилгээ үзүүлэх хөтөлбөрийг хэрэгжүүлэх гэж байна.
Бага нас, өсвөр үе, насанд хүрсэн хохирогчдын сэтгэл түгшилтийг багасгахад чиглэсэн хөтөлбөр, сэтгэл зүйн тест боловсруулахаар сэтгэл зүйчдийн дунд хэлэлцүүлэг зохион байгуулж санал авлаа гэж ХНХЯ-наас мэдээллээ.
Шударга мэдээ
Эмч нарын цалинг ирэх онд 75 хувиар нэмэгдүүлэхээр болж, нэмэлт хэлэлцээрт гарын үсэг зурлаа
Эмч нарын цалинг ирэх онд 75 хувиар нэмэгдүүлэхээр болж, нэмэлт хэлэлцээрт гарын үсэг зурлаа. Засгийн газрын тогтоолын дагуу ТҮЭМ, ТҮМ, ТҮ-ийн ангиллаар цалинждаг эрүүл мэндийн салбарын эмч, ажилтнуудын үндсэн цалинг 2026 онд багтаан 3,000,000 (гурван сая) төгрөгт хүргэхээр дараах үе шаттайгаар нэмэгдүүлнэ:
- 2026 оны 1 дүгээр сарын 1-ний өдрөөс – 30 хувиар,
- 2026 оны 8 дугаар сарын 1-ний өдрөөс - 9 хувиар,
- 2026 оны 9 дүгээр сарын 1-ний өдрөөс - 9 хувиар,
- 2026 оны 10 дугаар сарын 1-ний өдрөөс - 9 хувиар,
- 2026 оны 11 дүгээр сарын 1-ний өдрөөс - 9 хувиар,
- 2026 оны 12 дугаар сарын 1-ний өдрөөс- 9 хувиар тус тус нэмэгдүүлж,
2027 оны 1 дүгээр сарын 1-ний өдрөөс эмч, ажилтнуудын үндсэн цалинг 3,500,000 (гурван сая таван зуун мянга) төгрөгт хүргэнэ.
Нэг жилийн дотор 75 хувиар үндсэн цалинг нэмэгдүүлэхээр болсон нь эрүүл мэндийн салбарт түүхэн үйл явдал гэдгийг Монголын эрүүл мэндийн салбарын үйлдвэрчний эвлэл онцлов.
Шударга мэдээ
Монгол Улсын гадаад худалдааны баланс эерэг гарлаа
2025 оны эхний 10 сарын дүнгээр гадаад худалдааны нийт бараа эргэлт 21596.3 сая ам.доллар болж 2024 оны мөн үеэс 1190.6 сая ам.доллар буюу 5.2 хувиар буурчээ. Экспортын дүн импортын дүнгээс 2864.9 сая ам.доллараар давж, гадаад худалдааны баланс эерэг гарлаа.
Эх сурвалж: Гаалийн ерөнхий газар
Шударга мэдээ
Багануур-Чойр чиглэлийн 188 км 220 кВ хоёр хэлхээт цахилгаан дамжуулах агаарын шугам, дэд станцыг өргөтгөх зээлийн хэлэлцээрийг батлав
Энэ хүрээнд “Эрчим хүч-3 төсөл” буюу Багануур-Чойр чиглэлийн 188 км 220 кВ хоёр хэлхээт цахилгаан дамжуулах агаарын шугам, дэд станцыг өргөтгөхөөр болсон юм.
Зээлийн хэлэлцээр хэрэгжсэнээр Багануур-Чойр чиглэлийн 110 кВ-ын цахилгаан дамжуулах агаарын шугамын дамжуулах чадварыг нэмэгдүүлж, эрчим хүчний чанар, найдвартай ажиллагаа, тогтвортой байдал хангагдах боломж бүрдэв.
Түүнчлэн Өмнөговь аймгийн Ханбогд суманд байрлах 250 МВт-ын салхин цахилгаан станц, Говьсүмбэр аймгийн Чойрт байрлах 50 МВт-ын нарны цахилгаан станц, Дундговь аймгийн Мандалговьд байрлах 30 МВт-ын нарны цахилгаан станц, Дорноговь аймгийн Эрдэнэ суманд шинээр хэрэгжүүлэх 30 МВт-ын нарны цахилгаан станцын сэргээгдэх эх үүсвэрүүдийн үйлдвэрлэсэн цахилгаан эрчим хүчийг төвийн эрчим хүчний системд бүрэн нийлүүлнэ гэж Улсын Их Хурлын Хэвлэл мэдээллийн газраас мэдээллээ.
