Цаг үе
Нийтийн тээврийн 11 чиглэлд түр хугацаанд өөрчлөлт оруулж байна

Авто замын өргөтгөл, шинэчлэлтийн ажил хийгдэхтэй холбогдуулан нийтийн тээврийн 11 чиглэлд түр хугацаанд өөрчлөлт оруулж байна. Ард Аюушийн өргөн чөлөөний авто замыг хэсэгчилсэн засвар, шинэчлэлт хийхтэй холбоотойгоор 2024 оны есдүгээр сарын 13-ны өдрийн 24:00 цагаас 2024 оны есдүгээр сарын 16-ны өдрийн 05:00 цаг хүртэл хааж байгаа тул тус замаар зорчдог нийтийн тээврийн 11 чиглэлд түр хугацаанд өөрчлөлт оруулахаар төлөвлөөд байна.
Тодруулбал: баруун талын зорчих хэсгийг 2024 оны есдүгээр сарын 13-ны 24:00 цагаас 2024 оны есдүгээр сарын 14-ний 23:00 цагийн хооронд, зүүн талын зорчих хэсгийг 2024 оны есдүгээр сарын 14-ний 23:00 цагаас 2024 оны есдүгээр сарын 16-ны 05:00 цаг хүртэл тус тус хэсэгчлэн хаах тул нийтийн тээврийн хэрэгслүүд ЭНЭ зураглалын дагуу иргэдэд үйлчилнэ гэж Нийтийн тээврийн бодлогын газраас мэдээллээ.
Ч:18а "3,4-р хороолол – 6-р бичил хороолол - Ард кино театр – ТЭЦ 3 /баруун тойрог/"
Ч:18б "3,4-р хороолол – 6-р бичил хороолол - ТЭЦ 3 – Цэцэг төв /зүүн тойрог/"
Ч:20а Баянхошуу – 3,4-р хороолол – Өнөр хороолол /араар/ - Геологийн төв лаборатори
Ч:20б Баянхошуу – Геологийн төв лаборатори – Өнөр хороолол – 3,4-р хороолол
Ч:38 "ХМК – Саппоро – 3,4-р хороолол – Хайлааст"
М:4 Цамбагарав-Гэмтлийн эмнэлэг-Их тойруу-Шархад
Ч:4 "5 шар - 3,4-р хороолол - Сансарын тойрог"
Ч:42 "Сүлжмэл – Нарны гүүр – Зайсан"
Ч:49 "1-р хороолол – Модны 2 – МУИС – Дүнжингарав худалдааны төв"
Ч:73 "Зунжин худалдааны төв - ТЭЦ 4"
Ч:76 "Архивын ерөнхий газар-Яармагийн гүүр-3,4-р хороолол"
Цаг үе
Он гарсаар усны ослоор 23 иргэн нас баржээ
Он гарсаар усны ослоор 23 иргэн нас барсны долоо нь бага насны хүүхэд байгааг Онцгой байдлын ерөнхий газраас мэдээллээ.Иргэд гол усны ослоос дараах байдлаар сэрэмжлэх боломжтой аж.
Усанд живэх осол нь хэнд ч, ямар ч гэр бүлд, хэдийд ч тохиолдож болох ба энэ нь агшин зуурт, чимээгүй тохиолддог. Хэдий та тогтоол усанд буюу бассейнд сайн сэлж чаддаг байсан ч урсгал ус буюу гол, мөрөн гэдэг бол тэс өөр. Голыг гүн, гүехэн гэж таах аргагүй. Харахад гайгүй гүехэн юм гэдэг байдлаар ордогт хамаг эрсдэл “нуугдаж” байна.
Хоёрдугаарт, тогтоол усанд буюу бассейнд ашиглах зориулалттай хийлдэг гудас, тоглоом, чанарын шаардлага хангахгүй бүрэн бус хийлдэг завь зэрэг нь иргэдийг хамгаалахаас илүү аюулд оруулдаг.
Гуравдугаарт, бага насны хүүхэдтэй хамт явж байгаа бол хүүхдээсээ хоромхон төдий ч хараагаа бүү салга. Хоол хийж байх хооронд, найзуудтайгаа хөзөр тоглож байхад, эсвэл утсаар ярьж байх хооронд хүүхэд маань усанд живчихлээ гэсэн нилээдгүй тохиолдлууд бүртгэгддэг.
Дөрөвдүгээрт, хэрэв голын эрэг дагуу амарч, завиар зугаалж байгаа бол эсвэл гол, устай ойр ямар нэгэн үйл ажиллагаа хийж байх үедээ согтууруулах ундаа хэрэглэхгүй байх. Учир нь согтууруулах ундаа хүний тунгаан бодох чадвар, тэнцвэртэй байдлыг алдагдуудаг ба шөрмөс татах, булчин нь зангирах зэргээр хөдөлгөөнд саад учруулах эрсдэлтэй байдаг.
Цаг үе
АНХААР: Зарим авто замын хөдөлгөөнийг түр хязгаарлана!
Монгол Улсын Ерөнхийлөгчийн урилгаар Япон Улсын Цог Жавхлант Эзэн Хаан Нарүхито тэргүүтэй зочид төлөөлөгчдийн өндөр дээд хэмжээний айлчлал 2025 оны 07 долоодугаар сарын 06-аас 13-ны өдрүүдэд манай улсад хийх болсонтой холбогдуулан энэ оны долоодугаар сарын 06-наас 13-ны өдрүүдэд Хан-Уул, Сүхбаатар, Чингэлтэй, Баянзүрх дүүргийн нутаг Их Монголын гудамж, Олимпын гудамж, Энхтайваны өргөн чөлөө, Наадамчдын гудамж, Чингисийн өргөн чөлөө зэрэг гудамж замуудын хөдөлгөөнийг түр хугацаанд хязгаарлаж хамгаалалт, зохицуулалт хийгдэнэ.
Иргэд та бүхэн цагдаагийн алба хаагчийн хууль ёсны шаардлагыг биелүүлж, бусдад хүндэтгэлтэй хандан, замын хөдөлгөөний дүрмийг баримталж, хөдөлгөөнд соёлтой оролцоно уу.
ТЭЭВРИЙН ЦАГДААГИЙН АЛБА
Цаг үе
Унадаг дугуйтай бага насны хүүхэд замын хөдөлгөөнд оролцож байх үедээ ачааны машинд дайруулж, амь насаа алджээ
Унадаг дугуйтай бага насны хүүхэд замын хөдөлгөөнд оролцож байх үедээ ачааны машинд дайруулж, амь насаа алдсан гэх харамсалтай дуудлага мэдээлэл бүртгэгджээ. Тодруулбал, энэ оны зургаадугаар сарын 27-ны өдөр Увс аймгийн цагдаагийн газарт “Гурван замын уулзварт ачааны автомашин унадаг дугуйтай хүүхэд дайрсан байна” гэсэн мэдээллийг ирүүлсэн байна.
Тус аймгийн цагдаагийн газрын жижүүрийн шуурхай бүрэлдэхүүний алба хаагчид шалгалтын ажиллагааг явуулахад урьдчилсан байдлаар иргэн “Б” нь HOWO ZZ3257 маркийн улсын дугаартай автомашиныг жолоодож яваад унадаг дугуй унаж явсан бага насны хүүхдийг дайрч, амь насыг нь хохироосон харамсалтай нөхцөл байдал тогтоогдоод байна.
Сурагчдын зуны амралт эхэлсэн эдгээр өдрүүдэд эцэг эхчүүд та бүхэн хүүхдэд тавих хараа хяналтаа сайжруулах, хүүхдийг унадаг дугуй, суррон, скүүтэртэй Замын хөдөлгөөнд оролцуулахгүй байх, Жолооч та хөдөлгөөний аюулгүй байдлыг сайтар хангаж, анхаарал болгоомжтой зорчихыг сэрэмжлүүлж байна.