Цаг үе
Ингэний сүү боловсруулах үйлдвэр ашиглалтад орлоо
Орон нутагт экспортын баримжаатай үйлдвэрлэл хөгжүүлэх, орон нутагт ингэний сүүний бэлтгэн нийлүүлэлтийн сүлжээг бий болгон, ингэний сүү боловсруулах үйлдвэрийг төр, хувийн хэвшлийн хамтын түншлэлийн замаар байгуулж, тэмээн сүргийн амьдын үнэлэмжийг нэмэгдүүлж эдийн засгийн эргэлтэд оруулах, малчдын амжиргааг дэмжин тогтвортой орлогын эх үүсвэртэй болгох зорилт бүхий олон талт арга хэмжээг төлөвлөн хэрэгжүүлж байна.
“Ингэний сүүний кластерийн бодлогыг хэрэгжүүлж, сүү бэлтгэн нийлүүлэх түүхий эдийн сүлжээ бүрдүүлэх” төслийн хүрээнд ингэний сүү боловсруулах үйлдвэрийн түүхий эдийн бэлтгэн нийлүүлэлтийг хангах, орон нутгийн тэмээчдийг орчин үеийн технологит сургах зориулалт бүхий ингэний сүүний фермийг НҮБ-ын Хүнс, хөдөө аж ахуйн байгууллага, Өмнөговь аймгийн ЗДТГ, “SPG” ХХК-ийн хамтын хөрөнгө оруулалтаар байгуулан үйл ажиллагаагаа хэдийнэ тогтворжуулсан ба өнөөдөр “Ингэний сүү боловсруулах үйлдвэр”-ийг ашиглалтад оруулж тус үйлдвэрийн нээлтийг хийж байна.
Энэхүү үйлдвэр нь хоногт 4-12 тонн ингэний сүүг хуурайшуулах болон шингэн боловсруулалт хийх хүчин чадалтай бөгөөд түүхий эд бэлтгэн нийлүүлэлтийн загвар ингэний ферм, ногоон тэжээлийн үйлдвэрлэл, бүтээгдэхүүний ложистикийн сүлжээтэй цогцоороо байгуулагдаж байгаагаараа онцлогтой бөгөөд улсын хэмжээнд ингэний сүү боловсруулах анхдагч үйлдвэр болж буйгаараа түүхэн чухал ач холбогдолтой гэж Өмнөговь аймгийн ЗДТГ-аас мэдээллээ.
Цаг үе
СЭРЭМЖЛҮҮЛЭГ: Банканд хуурамч ам.доллар солиулахыг завджээ
"Нэр бүхий банканд хуурамч валют илэрсэн" гэх дуудлага, мэдээлэл энэ оны 11-р сарын 18-ны өдөр цагдаагийн байгууллагад бүртгэгдсэн. Тодруулбал, нэр бүхий иргэн нь “Хуурамч 100 ам.доллар солиулахыг завдсан хэрэг”-ийг цагдаагийн байгууллагаас шалгаж байна.
Сүүлийн үед тусгай тэмдэглэгээ, дардастай хуурамч валют буюу кино зураг авалт, үзүүлэнгийн зориулалттай долларыг банк, валют арилжааны төвүүдэд солиулахыг завдаж буй үйлдэл бүртгэгдэн, цагдаагийн байгууллагад шалгагдаж байна.
Иймд гадаад валют худалдан авах гэж буй иргэд заавал баталгаат байгууллагаар үйлчлүүлэхийг зөвлөж байна.
Цаг үе
Хугацаат цэргийн алба хаагчид энэ сарын 29-нд тангараг өргөнө
Зэвсэгт хүчний нэгтгэл, ангиудад 2025 оны хоёрдугаар ээлжээр хугацаат цэргийн албанд татагдсан шинэ дайчдын Цэргийн тангараг өргөх ёслол арваннэгдүгээр сарын 29-нд болно. Хугацаат цэргийн алба хаагчид цэргийн анхан шатны сургалт бэлтгэлд хамрагдаж байгаа бөгөөд эр цэргийн тангараг өргөсний дараа цэргийн эрдэмд суралцаж, эх орноо батлан хамгаалахад нэн чухал цэргийн мэргэжил эзэмшинэ.
Мөн аймаг, нийслэл, дүүргийн Мэргэжлийн сургалт үйлдвэрлэлийн төвийн дэмжлэгтэйгээр хугацаат цэргийн алба хаагч хүсвэл тухайн орон нутагтаа хэрэгцээтэй гагнуурчин, цахилгаанчин, үсчин зэрэг 10 гаруй мэргэжлийг давхар эзэмшиж байгаа аж.
Цаг үе
Эмэнд тэсвэртэй сүрьеэгийн улмаас манай улсад жил бүр 15-20 хүн нас бардаг
-
Шударга мэдээ2023/02/07
Монголд зочлох жилийн хүрээнд тээврийн үйлчилгээг шинэ шатанд гаргана
-
Улстөр нийгэм2020/10/01
Сайд Л.Цэдэвсүрэн Дорноговь, Говьсүмбэр аймагт ажиллалаа
-
Улстөр нийгэм2024/05/31
Эрчим хүчний салбарт хамтран ажиллах тухай санамж бичигт гарын үсэг зурлаа
-
Шударга мэдээ2021/04/15
Халдашгүй чөлөөтэй байх эрхэд халдсан, бэлгийн дарамт үзүүлсэн асуудлыг ХЭҮК шал...