Говь-Алтай аймгийн МАН-ын шинэ дарга Борхүүгийн Сүхбаатар хөдөөгөөс хотыг чиглэсэн их нүүдлийг сөрж, хотоос хөдөөг зорьсон хүн.  Түрээслээд өмчлөх гэдэг ойлголтыг анх санаачлан нэвтрүүлж, өнөөдөр 4000 өрхийн 16 мянган хүн орон сууцанд орсон. Гэр хорооллыг орон сууцжуулахад дэлхийн 4 том банкаас 370 сая долларын хөнгөлөлттэй зээл,  буцалтгүй тусламж босгосон. Говь-Алтайн 20 жилийн төсөвтэй тэнцүү мөнгө босгож, Нийслэлд анхны 100 тэрбумын үнэт цаас гаргаж, хамгийн их хөрөнгө оруулалт татсан төлөөлөгч.  

Баянзүрх дүүрэгт 4 дараалан ялж, энэ удаад ч эргэлзээгүй сонгогдох байсан ч 16 жилийн улс төрөө орхиод төрсөн нутагтаа төвхнөсөн. Их нүүдлийг сөрсөн энэ алхам мэдлэг, туршлагатай хүмүүс хөдөө ажиллаж бүтээж, хөгжлийн ялгааг арилгахад шинэ жишиг болж байна. Түүнийг  санаачилгыг дэмжин, гадаад, дотоодод боловсрол эзэмшсэн залуучууд төрсөн нутагтаа очиж эхэлсэн байна.

МАН-ын нэр дэвшигчид, “Алтайн шинэ сэргэлт” багийн гишүүдийн 80 хувь нь анх удаа сонгуульд өрсөлдөж байгаа, тал хувь нь 40-өөс доош насны залуучууд. Д.Амарбаясгалан УИХ-ын түүхэнд хамгийн залуу дарга болж, энэ нутгаас 28 жилийн дараа улс орныг удирдах түвшний улс төрч төрснийг бүрэн дүүрэн ашиглах хүсэл сонирхолтой байна. УИХ-ын дарга, Ерөнхийлөгч төрүүлсэн хөрш Баянхонгор, Ховд аймгаас хөгжлөөрөө хоцорсон. Говь-Алтайд илүү дорвитой, илүү хүчтэй, илүү томоор харсан эрс өөрчлөлт шинэчлэл үгүйлэгдэж байна.