Цаг үе
Төрийн банк төрийн өмчит ТОП аж ахуй нэгжийн нэгээр шалгарлаа
Ногоон хөгжлийг дэмжигч Төрийн банк 15 жилийн ойн босгон дээрээ төрийн өмчит ТОП ААН-ээр шалгарлаа. Монгол Улсын Засгийн газар, Монголын худалдаа аж үйлдвэрийн танхим хамтран 24 дэх жилдээ дотоодын шилдэг аж ахуй нэгжүүдийг шалгаруулж Төрийн банк ТОП төрийн өмчит компаниудын дөрөвдүгээрт эрэмбэлэгдлээ.
Улс эх орныхоо хөгжил цэцэглэлтэд оруулсан хувь нэмэр, ажил олголт, улсын төсөвт оруулсан татвар, ашигт ажиллагаагаар бусдыгаа манлайлан ТОП аж ахуй нэгж шагналыг 10 дах жилдээ хүртээд байна.
Төрийн банкны хувьд Монгол орон даяар 500 гаруй салбар нэгжээрээ дамжуулан 2 сая харилцагчдаа банкны үйлчилгээг эрсдэлгүй, найдвартай үзүүлэн, 2023 онд нийт активын хэмжээгээ 5,368.3 их наяд төгрөгт хүргэж, өөрийн хөрөнгийн хүрэлцээний зохистой харьцаа, төлбөр түргэн гүйцэтгэх чадвар болон бусад үзүүлэлтээрээ Монголбанкнаас тогтоосон зохистой харьцааны шалгуурыг ханган, нийт 94.8 тэрбум төгрөгийн ашигтай ажилласан.
Мөн Төрийн банк нь 15 жилийн ойгоо угтан ногоон хөгжлийг дэмжигч банк болж, тогтвортой хөгжилд манлайлан түүчээлэх зорилт тавин ажиллаж эхлээд байна.
Бидэнд итгэл үзүүлдэг эрхэм харилцагчид, хамтран ажиллагч байгууллагууд, хувьцаа эзэмшигчид та бүхэндээ талархал илэрхийлье.
Итгэл төгс Ногоон ирээдүй
Цаг үе
Телеграмм аппликэйшнээр залилуулсан иргэн амиа хорлохыг завджээ
Цагдаагийн байгууллагаас өнгөрсөн долоо хоногт шалгаж, шийдвэрлэсэн гэмт хэрэг зөрчлийн тоон мэдээлэл болон онцлог хэргийн шийдвэрлэлтийг танилцууллаа. Цагдаагийн байгууллагаас 47.427 хэрэгт мөрдөн шалгах ажиллагааг явуулж, 310 хэргийг шүүхэд шилжүүлэх саналтай прокурорын байгууллагад шилжүүлжээ.
Он гарснаас хойш телеграм апп-аар дамжуулан эд хөрөнгөө бусдад залилуулсны улмаас иргэдэд нийт 7.3 тэрбум төгрөгийн хохирол учирсан талаар тоон мэдээлэл байна.
Телеграм аппликэйшнээр дамжуулан бусад руу мөнгө шилжүүлж залилуулсан иргэн сэтгэл санааны хямралд орж улмаар амиа хорлох үйлдэл хийсэн талаарх дуудлага мэдээлэл бүртгэгдсэн байна.
Мөн энэ оны тавдугаар сарын 12-ны өдөр Баянзүрх дүүргийн нутаг дэвсгэрт иргэн Б нь телеграм апп-ийг ашиглах явцдаа даалгавар биелүүлэн мөнгөө өсгөж аваарай гэх зар мэдээллийн дагуу холбогдож бусдад эд хөрөнгөө шилжүүлж залилуулсны улмаас олон тооны эм уусан байна гэх дуудлага мэдээлэл бүртгэгдсэн.
Цагдаагийн байгууллагаас энэ төрлийн гэмт хэрэгтэй тэмцэх чиглэлээр Монголын банкнуудын холбоотой хамтран иргэдэд учирсан нийт 5.7 тэрбум төгрөгийн хохирлын шилжилт хөдөлгөөнд хязгаарлалт тогтоогоод байна.
Иргэн та цахим орчинд гэмт хэрэгт өртөж хохирсон тохиолдолд нэг даруй кибер гэмт хэрэгтэй тэмцэх газрын 51-265666 дугаарт хандаж яаралтай хариу арга хэмжээ авахыг зөвлөж байна.
Цаг үе
Барилгын ажил хийж байгаад унаж, амь насаа алджээ
Бүртгэгдсэн дуудлага, мэдээллийн дагуу цагдаагийн байгууллагаас шалгалтын ажиллагаа явуулахад 40 настай, эрэгтэй “М” нь өндрөөс унаж нас барсан хэргийг Сүхбаатар дүүргийн цагдаагийн газрын хоёрдугаар хэлтэст үргэлжлүүлэн шалгаж байна.
Дулааны улирал ирж барилга, тохижилт, үйлчилгээний ажил эхэлсэн энэ цаг үед барилгын үйл ажиллагаа эрхлэгч хувь хүн, албан байгууллагууд ажилтнуудынхаа хөдөлмөрийн аюулгүй байдлыг хангах, барилгын ажил эрхэлж буй иргэд, ажилтнууд аюулгүй ажиллагааны дүрэм журамтай сайтар танилцаж болзошгүй эрсдэлээс урьдчилан сэргийлэхийг зөвлөлөө.
Цаг үе
УБЦТС: Өнөөдөр хийгдэх засварын хуваарь
ЖИЧ: Цаг агаарын нөхцөл байдлаас шалтгаалан хуваарьт өөрчлөлт орвол, гэрээт бүртгэлтэй утасны дугаарт мэдээлэл хүргэх болно. Засварын ажлыг тухайн тоноглолоос хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэгчлэгч та бүхнээс хүсье.
-
Цаг үе2024/09/04
Нийтийн тээврээр зорчигчдын тоо өмнөх оны үеэс 13 хувиар өссөн байна
-
Улстөр нийгэм2024/06/14
Малын сэг зэм устгалыг 94.18 хувьтай гүйцэтгэжээ
-
Цаг үе2024/05/20
Улаанбаатарт өдөртөө 29 хэм дулаан
-
Улстөр нийгэм2021/04/07
Хүний эрхийн дэд хороо хуралдаж, “Зөвлөмж, чиглэл өгөх тухай” тогтоо...