Цаг үе

Булцгарын найзуудын нэрэмжит уралдаант аяны шилдгүүд тодорлоо

Огноо:

8 сар 13 өдөр.өмнө

2025/06/04

Төрийн банкнаас харилцагч хүүхэд багачуудынхаа дунд Булцгарын найзуудын нэрэмжит гар зураг, эсээ, рийлний уралдаант аян зарлаж, шилдгүүдээ тодрууллаа.

Хуримтлалын үнэ цэн, ач холбогдлыг бүтээлдээ тусгаж, хуримтлалын соёлыг түгээн дэлгэрүүлэх зорилготой энэхүү уралдаант аянд “Эхлэл” хүүхдийн хадгаламж бүхий 6-18 насны хүүхдүүд оролцсон бөгөөд Олон улсын хүүхдийн эрхийг хамгаалах өдөр буюу хүүхдийн баярын өдөр Эрх чөлөөний талбайд болсон арга хэмжээний үеэр шилдгээр шалгарсан хүүхдүүдэд шагналыг нь гардууллаа.

Уралдаант аяны 6-10 насны ангилалд гар зургийн бүтээлээ ирүүлсэн сурагчдыг Дорнод аймгийн 11 дүгээр сургуулийн 3а ангийн сурагч, 9 настай Ц.Номин тэргүүлсэн бол Улаанбаатар хотын Сант сургуулийн 4а ангийн сурагч 10 настай Б.Есүй, Улаанбаатар хотын Оюунлаг сургуулийн 1а ангийн сурагч, 7 настай Б.Сувд нар удаах байруудад шалгарлаа.

Харин 11-14 насныхны дунд “Мөрөөдлөө хадгалья” сэдвээр зохион байгуулсан эсээ бичлэгийн уралдаанд Улаанбаатар хотын Чингэлтэй дүүргийн 5 дугаар сургуулийн сурагч С.Уранбайгаль тэргүүлсэн бол Баянзүрх дүүргийн Шинэ Монгол сургуулийн сурагч Ү.Эгшиглэн хоёрдугаар байрт, Баянзүрх дүүргийн 21-р сургуулийн сурагч О.Цэлмэг гуравдугаар байрт тус тус шалгарлаа.

Тонигийн нэрэмжит рийл бүтээх уралдааны тухайд, дуу дүрсний шаардлага хангах бүтээл хараахан ирээгүй учраас зохион байгуулагчдын саналын дагуу байр эзлүүлээгүй болно.

Шалгаруулалтын хувьд, зургийн уралдааны бүтээлийг Хүүхдийн урлан бүтээх төвийн багш нар шүүж, шилдгүүдийг шалгаруулсан бол эсээ бичлэгийн уралдаанд ирүүлсэн бүтээлүүдийг Монгол Улсын Консерватори сургуулийн монгол хэлний багш, сэтгүүлч, маркетингийн мэргэжилтнүүдийн төлөөлөл бүхий комисс байгуулан шүүж, зөв бичих чадвар, хэл найруулга, сэдвийн хүрээнд шинэ санаа гаргасан байдал зэргийг харгалзан шилдгүүдийг тодрууллаа.

Хуримтлалын ач холбогдлыг хүүхэд багачууд, асран хамгаалагчдад сурталчлан таниулах зорилготой Булцгарын найзуудын нэрэмжит уралдаант аяны шилдгүүдийн тэргүүн байрт шалгарсан хүүхдүүдэд 1,500,000 төгрөгийн шагнал гардуулсан бол хоёр, гуравдугаар байрт шалгарсан хүүхдүүд 500,000-1,000,000 төгрөгийн шагнал олгож, шагналыг Төрийн банкан дахь “Эхлэл” хүүхдийн хадгаламжийн дансанд нь шилжүүлсэн болно.

Цаашид Төрийн банк харилцагч хүүхдүүдийнхээ авьяас, оролцоог дэмжих уралдаант аян, арга хэмжээг зохион байгуулсаар байх бөгөөд хүүхэд багачууд та бүхнийг идэвхтэй оролцохыг уриалж байна.

Итгэл төгс – Ногоон ирээдүй

Уншсан:678

Дараах мэдээ

ТҮЦ эрхлэгчдийн холбоодтой зөвшилцөх ажлыг үргэлжлүүлж байна

Өмнөх мэдээ

ГЕГ: Гаалийн 9 түр агуулахад хугацаа хэтэрсэн 324 автомашин болон 30 гаруй чингэлэг бараа, бүтээгдэхүүн байна

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Э.Ниндэв: Сүүлийн нэг жил 50 мянга гаруй тээврийн хэрэгслийг бүртгэлээс хаслаа

Огноо:

12 цаг 8 минут

2026/02/12

Нийслэлд сүүлийн нэг жилийн хугацаанд 50 мянга гаруй тээврийн хэрэгслийг бүртгэлээс хасаж, тухайн тээврийн хэрэгслийн улсын дугаарыг шаардлага хангасан тээврийн хэрэгсэлд олгох ажлыг зохион байгуулсан байна. Энэ талаар нийслэлийн Автотээврийн хэрэгслийн бүртгэл, хяналтын төв ОНӨААТҮГ-ын дарга Э.Ниндэвээс тодрууллаа.

Автотээврийн хэрэгслийн бүртгэл, хяналтын төв ОНӨААТҮГ-ын дарга Э.Ниндэв “Улаанбаатар хотод 550-600 мянган тээврийн хэрэгсэл тогтмол хөдөлгөөнд оролцож байна. Нийслэлд бүртгэх тээврийн хэрэгслийн дээд хязгаарыг тогтоосонтой холбоотойгоор улсын дугаарыг сонголтоор олгодог байсныг болиулж, шинээр олгохыг зогсоосон. Тухайлбал, 10-аас дээш жилийн насжилттай тээврийн хэрэгсэлд Улаанбаатар хотын дугаар огт олгохгүй байгаа. Энэ арга хэмжээг нэг жилийн хугацаанд авч хэрэгжүүлэхэд иргэдийн тээврийн хэрэгслийн чанар сайжрах зэрэг эерэг нөлөөг үзүүлж байна. Өнгөрсөн хугацаанд иргэд автомашиныг гар утас шиг ашиглаж байсан. Харин одоо ашиглахаа больсон тээврийн хэрэгслээ хасуулдаг болсон. Бид нэг жилийн хугацаанд 50 мянга гаруй тээврийн хэрэгслийг бүртгэлээс хассан. Шалгуураар улсын дугаар олгож байгаа энэ арга хэмжээ нь Улаанбаатар хотын түгжрэлийг бууруулах, агаарын чанарыг сайжруулах хүрээнд авч хэрэгжүүлж байгаа олон төсөл, хөтөлбөртэй уялдаж хэрэгжиж байгаа юм. 2025-2026 онд бүртгүүлэх цахилгаан тээврийн хэрэгслийн тоо нэмэгдэж байна. Өнгөрөгч онд 79 мянган тээврийн хэрэгсэл орж ирсэн байна. 2024 онд улсын хэмжээнд 170 мянган импортын бүртгэлийг хийжээ. Сүүлийн нэг жилийн хугацаанд нийт тээврийн хэрэгслийн тоо өсөөгүй бөгөөд олгосон байгаа дугаарын хүрээнд тээврийн хэрэгслийн чанарыг сайжруулж байна. Улаанбаатар хотод авч хэрэгжүүлж байгаа энэ арга хэмжээтэй холбоотойгоор том аймгуудад автотээврийн захтай болсон мэдээллүүд ирж байгаа. Орон нутгийн иргэд үүнийг мөн сайшааж байгаа юм” гэлээ.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй унших

Цаг үе

“Ерөнхийлөгчийн илгээлт-2100” хөтөлбөрийн эздэд захиа, даалгавар гардууллаа

Огноо:

12 цаг 15 минут

2026/02/12

Монгол Улсын Ерөнхийлөгч Ухнаагийн Хүрэлсүхийн санаачилсан “Ерөнхийлөгчийн илгээлт-2100” тэтгэлэгт хөтөлбөр тав дахь жилдээ хэрэгжиж байна.

Тэтгэлэгт хөтөлбөрийн эзэд болж, эх орондоо бэлтгэл хөтөлбөрт суралцаж байгаа оюутнуудад Ерөнхийлөгч У.Хүрэлсүх сурлагын өндөр амжилт хүсэж, захиа, даалгавар гардууллаа.

Тэр бээр олдсон боломжоо бүрэн дүүрэн ашиглан, ажил, амьдралын гараагаа итгэл төгс эхлүүлэх нь гагцхүү оюутан залуусын хичээл зүтгэл, сурлага хөдөлмөрөөс хамаарна гэдгийг хэллээ.

Олон улсын түвшинд өрсөлдөх боловсрол эзэмшиж, оюуны ганзага дүүрэн эргэж ирэх оюутнууд эх орныхоо хөгжил дэвшил, сайн сайхны төлөө хүчин зүтгэх үндэсний манлайлагч нар гэдгийг тодотголоо.

“Ерөнхийлөгчийн илгээлт – 2100” хөтөлбөрийн хүрээнд 1,052 оюутан АНУ, Их Британи, Герман, Франц, Австри, Чех, Канад, Польш, Австрали, Орос, Хятад, Япон, Солонгос, Унгар, Литва, Турк, Энэтхэг, Вьетнам, Лаос, Куба, Казахстан гэсэн 21 улсын их, дээд сургуульд суралцаж байна.

Тэтгэлэгт хөтөлбөр нь сум, хороо бүрээс шилдэг сурагч шалгаруулж, бэлтгэл хөтөлбөрт хамруулан, дэлхийн шилдэг их, дээд сургуульд сурах болзол хангахад нь бэлтгэж, улмаар суралцуулж, төгсөж ирэхэд нь орон нутгийнхаа хөгжлийг түүчээлэхэд томилон ажиллуулах зорилготой цогц хөтөлбөр юм.

Дэлгэрэнгүй унших

Цаг үе

Налайх дүүргийн нэгдсэн эмнэлгийн засвар дууслаа

Огноо:

1 өдрийн өмнө

2026/02/11

Эмнэлгийн байгууллагын эмчилгээ үйлчилгээний чанар, хүртээмжийг сайжруулах, эмчлүүлэгчдэд тав тухтай орчин бүрдүүлэх зорилгоор Налайх дүүргийн нэгдсэн эмнэлгийн 3 давхрын төрөх тасагт иж бүрэн засвар шинэчлэлтийн ажил хийлээ. Тус засвар, шинэчлэлтийн ажил нь нийт 1024.6 м.кв талбайг хамарч, хуучирсан болон эвдрэлд орсон хэсгүүдийг буулгаж, шал, ханa, таазыг шинэчилж, цонх, хаалгануудыг шинээр суурилууллаа.

НОНХС-ийн хөрөнгө оруулалтаар “Сэцфлорис” ХХК засварын ажлыг хийж гүйцэтгэж, нийслэлийн Хөрөнгө оруулалтын газар захиалагчийн техник хяналтыг хэрэгжүүлэн ажиллалаа.