Улстөр нийгэм

УИХ-ын дарга Г.Занданшатар Дорноговь аймагт ажиллаж байна

Огноо:

5 жил 3 сар.өмнө

2020/07/21

УИХ-ын дарга Г.Занданшатараар ахлуулсан ажлын хэсэг Дорноговь аймагт ажиллаж байна. Тэрбээр өнөөдөр /2020.07.20/ Газрын тос боловсруулах үйлдвэрийн дэд бүтцийн ажил, Төмрийн хүдэр боловсруулах үйлдвэрийн барилгын ажлын явц, Газрын тос боловсруулах үйлдвэрийн ажилчдын хотхоны барилгын явцтай танилцлаа.

Газрын тос боловсруулах үйлдвэрийн ажилчдын хотхоны барилгын ажилд орон нутгийн 10гаруй компани 127 айлын орон сууцны ажлыг гүйцэтгэж байгаа юм. Одоогоор 30-40 хувийн гүйцэтгэлтэй байна. Одоогоор орон нутгийн компаниудын барилгын ажилд 100 гаруй иргэд ажиллаж байгаагийн 60-70 хувь нь орон нутгаас ажиллаж байна. Хотхоны барилгыг 2021 оны намар бүрэн ашиглалтад хүлээлгэж өгөх юм. Одоогоор үйлдвэрийн авто болон төмөр зам баригдаж дуусаж, дэд бүтцийг түшиглэн УИХ-ын гишүүн Б.Дэлгэрсайханы санаачилгаар ширэм төмрийн үйлдвэр байгуулж байна.

УИХ-ын дарга Г.Занданшатар тэргүүтэй ажлын хэсгийнхэн үргэлжлүүлэн Зүүнбаян өртөө болон Тавантолгой-Зүүнбаян чиглэлийн төмөр замын ажлын явцтай танилцана. Ажлын хэсгийн бүрэлдэхүүнд Уул уурхайн сайд Г.Ёндон, Зам тээврийн хөгжлийн сайд Х.Халтар, УИХ-ын гишүүн Б.Дэлгэрсайхан, Т.Энхтүвшин нар ажиллаж байгаа юм.

Уншсан:3521

Дараах мэдээ

ХНХ-ын сайд А.Ариунзаяа НҮБ-ын суурин төлөөлөгчийг хүлээж авч уулзлаа

Өмнөх мэдээ

Үс шинээр үргээлгэх буюу засуулахад тохиромжгүй

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

Гадаад харилцааны сайд Б.Батцэцэг Чили улсын Гадаад хэргийн сайдтай уулзлаа

Огноо:

10 цаг 28 минут

2025/09/24

Монгол Улсын Гадаад харилцааны сайд Б.Батцэцэг НҮБ-ын Ерөнхий Ассамблейн 80 дугаар чуулганы Ерөнхий санал шүүмжлэлд оролцох үеэр 2025 оны есдүгээр сарын 22-ны өдөр Бүгд Найрамдах Чили Улсын Гадаад хэргийн сайд Алберт Лео Ван Клаверентэй уулзав.

Уулзалтын үеэр талууд хоёр улсын харилцаа сүүлийн жилүүдэд уул уурхай, бизнесийн чиглэлээр өргөжин тэлж байгааг онцлоод цаашид талуудын хамтын ажиллагааг худалдаа, боловсролын салбарт эрчимжүүлэх талаар санал солилцов.

Монгол Улс нь Латин Америкийн улсуудтай тогтоосон харилцаа, тэр дундаа Чили Улстай тогтоосон харилцаандаа онцгой ач холбогдол өгдөг бөгөөд тус улстай харилцан ашигтай бүхий л салбарт нягт хамтран ажиллах эрмэлзэлтэй буйгаа сайд Б.Батцэцэг онцлон тэмдэглэв.

Чили Улсын Гадаад хэргийн сайд Алберт Лео Ван Клаверен харилцаа, хамтын ажиллагаагаа хөгжүүлэх чиглэлд хамтран ажиллахад бэлэн буйгаа илэрхийлэхийн сацуу гадаад бодлогодоо феминист чиг хандлагыг баримталдаг улсуудын хүрээнд хамтын ажиллагаагаа хөгжүүлж буйд сэтгэл хангалуун байгаагаа тэмдэглэв.

Дэлгэрэнгүй унших

Улстөр нийгэм

“Уул уурхайн бүтээгдэхүүний экспортыг нэмэгдүүлэх боломж, эрсдэл” сэдэвт хэлэлцүүлэг болно

Огноо:

10 цаг 39 минут

2025/09/24

Монгол Улсын Их Хурлаар Монгол Улсын 2026 оны төсвийн төслийг хэлэлцэж байгаатай холбогдуулан Төсвийн байнгын хорооноос “Уул уурхайн бүтээгдэхүүний экспортыг нэмэгдүүлэх боломж, эрсдэл” сэдэвт хэлэлцүүлгийг 2025 оны 09 дүгээр сарын 24-ний өдөр 10:30 цагт “Төрийн ордон”, “Жанжин Д.Сүхбаатар” танхимд зохион байгуулах тул иргэн, хуулийн этгээд, хэвлэл мэдээллийн байгууллагуудын төлөөлөл Та бүхнийг оролцохыг урьж байна.

Хэлэлцүүлэгт оролцогчдыг 2025 оны 09 дүгээр сарын 23-ны өдрийн 17:30 цаг хүртэл бүртгэх тул хуулийн этгээдийн төлөөлөл, иргэн бол овог, нэр, холбогдох утасны дугаарыг дараах QR кодыг уншуулан бөглөж ирүүлэх, эсхүл 99047602 дугаарын утсаар бүртгүүлнэ үү.

Оролцогчдыг хүсэлт ирүүлсэн дарааллаар баталгаажуулна.

Жич: “Монгол Улсын Төрийн ордны хамгаалалт, үйлчилгээний журам”-д заасны дагуу оролцох хүмүүсийн иргэний үнэмлэхийг үндэслэн албаны болон үндэсний хувцастай Төрийн ордонд нэвтрүүлнэ.

Дэлгэрэнгүй унших

Улстөр нийгэм

ГССҮТ, БНСУ-ын “Dong-A” их сургуулийн эмнэлэгтэй хамтын ажиллагааны гэрээ байгууллаа

Огноо:

10 цаг 46 минут

2025/09/24

Гэмтэл согог судлалын үндэсний төвийн захирал Э.Галбадрах, БНСУ-ын Бусан хотын “Dong-A” их сургуулийн эмнэлгийн захирал Ан Хи Бэ нар өнөөдөр хамтын ажиллагааны санамж бичигт гарын үсэг зурлаа.

Энэ хүрээнд эмнэлгийн тусламж үйлчилгээний чанар, хүртээмжийг сайжруулах, шинэ технологи, оношилгоо, эмчилгээний дэвшилтэт аргуудыг нэвтрүүлэх, эмч мэргэжилтнүүдийг БНСУ-д сургаж чадавхижуулах, дадлагажуулах болон мэргэшүүлэх хөтөлбөрт хамруулах, туршлага солилцох уулзалт, семинар зохион байгуулах, үүдэл эсийн чиглэлээр судалгаа шинжилгээ хийх, холбогдох тоног төхөөрөмж, сургалтаар хангах тал дээр хамтарч ажиллахаар болсон байна.